1 Omuyengeli oku ulukile ndje wo omulonga gwomeya gomwenyo omuyelele, tagu tayima ngekende notagu fuluka tagu zi moshipangelapundi shaKalunga noshOnzigona, 2 e tagu kunguluka tagu ende pokati kepandaanda lyoshilando. Handika nohandiyaka yomulonga oku na omuti gwomwenyo, ngoka hagu imi lwomulongo nalwaali momumvo, lumwe momwedhi kehe. Omafo gomuti nguka ogokwaaludha aantu. 3 Moshilando kamu na sha sha thingwa kuKalunga.
Ihe otamu ka kala oshipangelapundi shaKalunga noshOnzigona, naapiya ye otaye mu yakula. 4 Otaa ka kala taa tala oshipala she, nedhina lye olya nyolwa miipala yawo. 5 Itaku ka kala we uusiku, noyo itaa ka pumbwa we uuyelele woolamba nenge wetango, oshoka Omuwa Kalunga ota ka kala uuyelele wawo, oyo notaa ka pangela ngaakwaniilwa aluhe sigo aluhe.
Okugaluka kwaJesus
6 Nena omuyengeli okwa lombwele ndje a ti: “Oohapu ndhika odhoshili nodhi shi okwiinekelwa. Nokuli Omuwa Kalunga ngoka ha pe aahunganeki Ombepo ye, okwa tumu omuyengeli gwe, a tseyithile aapiya ye shoka tashi ka ningwa.”
7 Jesus ota ti: “Tala, otandi ya mbala! Aanelago oomboka taa vulika koohapu dhomahunganeko gomembo ndika!”
8 Ongame Johannes, ngoka ndu uvu nonda mono iinima mbika ayihe. Ano sho nde yi uvu nonde yi mono, onda tsu oongolo poompadhi dhomuyengeli ngoka u ulukile ndje iinima mbika, ndi mu galikane. 9 Ihe okwa lombwele ndje a ti: “Ino shi yelekela nando! Ngame omupiya omuyakuli pamwe nangoye nopamwe naamwaho aahunganeki naayehe mboka haa vulika koohapu dhomembo ndika. Galikana Kalunga!” 10 Oye nokwa lombwele ndje a ti: “Oohapu dhehunganeko lyomembo ndika ino dhi holeka, oshoka ethimbo olya thikana, uuna iinima mbika ayihe yi na oku ka gwanithwa. 11 Onkee ano kehe ngoka ta longo uulunde, na tsikile natango okwiinyateka. Ihe ngoka ta longo uuwanawa, na tsikile natango okulonga uuwanawa; naangoka ti iyapula, na dhiginine natango okukala omuyapuki.”
12 Jesus ota ti: “Tala, otandi ya mbala! Otandi ke ya ndi na ondjambi okupa kehe gumwe, ngaashi naanaa e shi ilongela. 13 Ongame Alfa naOmega, omutango nomuhugunini, etameko nehulilo.
14 “Aanelago oomboka taa yogo oonguwo dhawo, dhi kale dha yela, opo ya wape okulya iiyimati yomuti gwomwenyo nokuya moshilando taa pitile miiyelo. 15 Ihe kondje yoshilando otaku ka kala aagoyokithi, oompulile, aahondeli, aadhipagi, aasimaneki yiimenka naamboka aafundja moohapu nomiilonga yawo.
16 “Ongame Jesus, ngoka nda tumu omuyengeli gwandje, e mu tseyithile iinima mbika momagongalo. Ongame omuvalwa gwomezimo lyaDavid; onyothi ondjelele yongula.”
17 Ombepo nomuyalekwa otaa ti: “Ila!”
Kehe ngoka tu uvu ko, na tye: “Ila!”
Kehe ngoka a sa enota, ne ye; naangoka a hala,
na taambe omeya gomwenyo omagano.
Ehulitho
18 Ongame Johannes, otandi kumagidha noonkondo kehe ngoka tu uvu oohapu dhehunganeko lyomembo ndika: ngele oku na ngoka ta gwedhele ko sha kudho, Kalunga ote ke mu gwedhela ko kegeelo lye omageelo ngoka ga nyolwa membo ndika. 19 Nongele oku na gumwe ngoka ta dhimi mo sha moohapu dhehunganeko lyomembo ndika, Kalunga ite ke mu pitika okulya iiyimati yomuti gwomwenyo nokukala mOshilongo oshiyapuki, ngaashi sha nyolwa membo ndika.
20 Oongoka ta hokolola iinima mbika ayihe, ota ti: “Eeno, shili!
Ngame otandi ya mbala!”
Eewa ano. Ila, Omuwa Jesus!
21 Esilohenda lyOmuwa Jesus nali kale nane amuhe. Amen.
Omeva nomuti womwenyo
1 Ndele okwa ulikila nge omulonga womeva omwenyo, wa yela wa fa okristali tau uluka molukalwapangelo laKalunga nolOdjona. 2 Mokati kepandavanda lasho nopominghulo adishe mbali domulonga opa kala omuti womwenyo, ou hau ima lwomulongo naluvali ndele tau eta oiimati yao keshe ohani; nomafo oo okuvelula oiwana. 3 Ndele itamu kala vali efingo nande. Omo otamu kala olukalwapangelo laKalunga nolOdjona, ndele ovapiya vaye otave mu yakula. 4 Ndele vo otava kala nokutala oshipala shaye, nedina laye otali kala moipala yavo. 5 Ndele itamu kala oufiku, ngaashi itava pumbwa ouyelele wolamba ile wetango, osheshi Omwene Kalunga ote va minikile; ndele otava ka pangela ngaashi eehamba alushe fiyo alushe.
Okwaaluka kwaJesus
6 Ndele ye okwa tya kwaame: “Eendjovo edi odi shii okulineekelwa, odo doshili; nOmwene Kalunga keemhepo dovaxunganeki okwa tuma omweengeli waye okuulikila ovapiya vaye eshi shi nokuningwa diva. 7 Ndele tala, ohandi uya diva.”
Omunelao oye ou ta diinine eendjovo douxunganeki domomushangwa ou.
8 Aame Johannes, ou omuudi nomumoni woinima ei; opo tuu opo eshi nde shi mona, nonde shi uda, onde linyongamena keemhadi domweengeli, ou a ulikila nge oinima ei. 9 Ndele ye okwa tya kwaame: “Ino shi ninga, osheshi aame omupiya mukweni nowovamwaxo ovaxunganeki nowaava tava diinine eendjovo domomushangwa ou; linyongamena Kalunga.”
10 Ndele okwa tya kwaame: “Eendjovo douxunganeki domomushangwa ou ino di tuvika oshipatifo, osheshi efimbo oli li popepi. 11 Hano ou ta longo oulunde, na longe oulunde natango, naau te linyateke, ne linyateke natango, ndelenee omuyuki na longe ouyuki natango, nomuyapuki ne liyapule vali.”
12 “Ndele tala, ohandi uya diva, nondjabi yange pamwe naame okupa keshe tuu pailonga yaye. 13 Aame Alfa naOmega, ou wotete nowaxuuninwa, ehovelo nexulilo.”
14 Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo. 15 Ndelenee pondje tapa kala eembwa novakomeni voudiyo novahaeli novadipai novafimaneki voikalunga naaveshe ava ve hole oipupulu noku i wanifa.
16 “Ame, Jesus, onda tuma omweengeli wange e mu hepaululile oinima ei momaongalo. Aame oshitutuma shomoludalo laDavid, onyofi yongula tai vilima.”
17 Omhepo nomuvalekwa otava ti: “Ila!” Naau te shi udu, na tye: “Ila!” Naau ta fi enota, ne uye, naau a hala, na tambule omeva omwenyo oshali.
18 Ohandi shi lombwele keshe tuu ou ta udu eendjovo douxunganeki domushangwa ou, ngeenge pe na ou ta weda sha kudo, Kalunga ote mu wedele ko omahepeko aa a shangwa momushangwa ou. 19 Ndele ngeenge ope na ou ta dimi mo sha meendjovo douxunganeki domomushangwa ou, Kalunga ote mu kufa oshipewa shaye shomomuti womwenyo noshomoshilando shinya shiyapuki, ngaashi sha shangelwa momushangwa ou.
20 Ou ta hepaulula eshi, ota ti: “Oshili, ohandi uya diva.” Amen. Ila nee, Omwene Jesus!
21 Efilonghenda lOmwene Jesus nali kale nanye amushe. Amen.
