Jesus ti ihololele aalongwa ye yaheyali
1 Konima yaambika Jesus okwi ihololele ishewe aalongwa ye pefuta lyaTiberias. Oye okwi iholola ngeyi. 2 Simon Petrus, Tomas, ngoka i ithanwa Mukwanambwiyu, Natanael gwomuKana shomuGalilea, aana yaSebedeus naalongwa ooyakwawo yaJesus yaali opo ya li ayehe. 3 Simon Petrus okwa ti kuyo: “Otandi yi, ndi ka yule oohi.” Simon Petrus okwa ti kuyo: “Otandi yi, ndi ka yule oohi.”
Oyo oye mu yamukula ya ti: “Natse wo otwa hala okuya nangoye.” Oyo oya thikama e taa yi mowato, ihe muusiku mbwiyaka auhe inaa kwata mo nando osha. 4 Ano ongula sho kwa shi, Jesus okwa thikama komunkulo, ihe aalongwa oya li inaaye mu dhimbulula. 5 Opo Jesus okwa ti kuyo: “Aamati yandje, inamu kwata mo nando osha?”
Oyo oye mu yamukula ya ti: “Aawe!”
6 Jesus okwe ya lombwele: “Umbileni oshiyulitho sheni lwokolulyo lwowato, notamu ka mona sha.” Oyo oyu umbile mo oshiyulitho noya nyengwa oku shi hila mo, oshoka oya li ya yula oohi odhindji.
7 Omulongwa ngoka Jesus kwa li e hole, okwa lombwele Petrus a ti: “Omuwa oye ngo!” Simon Petrus sho u uvu kutya oye Omuwa, okwa zala ombaikitha ye, oshoka okwa li a zala oonguwo dhokohi adhike e ta nukile momeya. 8 Aalongwa ooyakwawo oye ya nowato komunkulo noya hili mo oshiyulitho, shoka shu udha oohi. Oyo kaya li unene kokule nevi, oya li poshikako shi thike poometa ethele. 9 Ano sho ya thiki komunkulo, oya mono eziko lyomulilo gwa teka ekala, nopeziko opwa li pu na oohi noshikwiila. 10 Nena Jesus okwe ya lombwele a ti: “Eteni oohi dhimwe nkuka, ndhoka mwe dhi kwata ngashingeyi.”
11 Simon Petrus okwa yi ihe mowato, e ta hilile oshiyulitho komunkulo. Sho osha li shu udha oohi oonene, ethele limwe nomilongo ntano nandatu. Ihe nando oohi odha li mo odhindji ngeyi, oshiyulitho inashi tomoka nando. 12 Jesus okwa ti kuyo: “Ileni, tu lyeni.” Kape na nando ogumwe gwomaalongwa ngoka a li e na omukumo oku mu pula kutya ongoye lye? Oshoka yo oya li ye shi shi kutya oye Omuwa. 13 Jesus okwe ya e ta kutha oshikwiila nokwe shi ya pe; noohi wo osho a ningi.
14 Nduka olutitatu, sho Jesus i ihololele aalongwa ye konima yeyumuko lye kuusi.
Jesus naPetrus
15 Ano sho ya mana okulya, Jesus okwa ti kuSimon Petrus: “Simon yaJohannes, ou hole ndje tuu u vule mbaka?”
Oye okwe mu yamukula: “Eeno, Omuwa, ou shi shi kutya ondi ku hole.”
Jesus okwa ti kuye: “Litha uunzigona wandje.”
16 Jesus okwa ti kuye olutiyali: “Simon yaJohannes, ou hole ndje?”
Oye okwe mu yamukula: “Eeno, Omuwa, ou shi shi kutya ondi ku hole.”
Jesus okwe mu lombwele: “Litha oonzi dhandje.”
17 Jesus okwa ti kuye olutitatu: “Simon yaJohannes, ou hole ndje?”
Petrus okwa nika oluhodhi, Jesus sho e mu pula olutitatu: “Ou hole ndje?” e ta ti kuye: “Omuwa, owa tseya iinima ayihe; ou shi shi kutya ondi ku hole.”
Jesus okwa ti kuye: “Litha oonzi dhandje. 18 Ngame otandi ku lombwele oshili: Sho wa li omunona, owa li ho imanga epaya mombunda, nowa yi shaa mpoka wa hala, ihe nge wa koko, nena oto yelutha omaako goye, gulwe note ku manga e te ku fala nkoka inoo hala okuya ko.” 19 Shika okwe shi popi, opo a holole kutya oneso lya tya ngiini Petrus e na oku ka simanekitha Kalunga. Nena Jesus okwa ti kuye: “Landula ndje.”
Jesus naJohannes
20 Petrus okwa punguluka e ta tala lwanima, nokwa mono omulongwa mukwawo, ngoka Jesus kwa li e hole. Oye tuu ngoka a li a kuutumba ponto yaJesus puulalelo nokwa pulile Jesus ta ti: “Omuwa, olye ngoka te ke ku gwaaleka?” 21 Petrus sho e mu mono, okwa ti kuJesus: “Omuwa, ongiini kombinga yomulumentu nguka.”
22 Jesus okwe mu yamukula: “Ngele onda hala, a kale e na omwenyo, sigo tandi ya, ou na shike nasho? Landula ndje ashike.”
23 Ehokololo olya taandele ihe mokati kaalongwa yaJesus kutya omulongwa ngoka ita si. Jesus ina tya kutya ita si, ihe okwa ti: “Ngame ngele onda hala, a kale e na omwenyo, sigo tandi ya, ou na shike nasho?”
24 Omulongwa ngoka oye tuu nguka ta hokolola iinima mbika, noye wo ngoka e yi nyola. Tse notu shi shi kutya shoka ta ti, osho oshili.
Ehulitho
25 Ano oku na iinima iikwawo oyindji Jesus e yi ninga. Ando ayihe oya nyolelwe shimwe nashimwe, ondi inekela, ando omambo ngoka itaga gwana mo muuyuni.
Jesus te lihololele vali ovalongwa
1 Konima yoinima ei Jesus okwe lihololela vali ovalongwa vaye pefuta laTiberias. Ndele okwa holoka ngaha: 2 Simon Petrus naTomas, ou a ifanwa Omukwanambwiyu, naNatanael womuKana shomuGalilea, novana vaSebedeus navakwao vavali vomovalongwa vaye va li pamwe. 3 Opo Simon Petrus okwa tya kuvo: “Ohandi ka yula eeshi.” Ovo ova tya kuye: “Nafye yo ohatu i naave.” Ndele vo ova fikama ndele tava i mowato. Noufiku oo inava kwata sha.Simon Petrus okwa tya kuvo: “Ohandi ka yula eeshi.” 4 Ndele eshi kwa sha, Jesus okwa li ofika komunghulo wefuta. Ndelenee ovalongwa inave mu koneka nokutya, Oye Jesus. 5 Opo Jesus okwe va pula: “Ovamwange, omu na sha shokulya?” Vo ove mu nyamukula: “Ahowe.” 6 Ndele okwe va lombwela: “Oshiyulifo shi ekeleni kolulyo lowato opo tamu mono.” Ndele vo ove shi ekela mo, ndele vo va nyengwa oku shi shila mo, osheshi eeshi oda li mo dihapu. 7 Opo nee omulongwa winya kwa li e holike kuJesus okwa tya kuPetrus: “Oye Omwene.” Hano Petrus eshi a uda, Oye Omwene, okwe lidika ombaikifa yaye, osheshi okwa li olutu kombada, ndele ta nhukile momeva. 8 Ndele ovalongwa ava vakwao ove uya nowato, ndele va shila oshiyulifo shavo shi neeshi, osheshi kava li kokule nomunghulo, oshinano omafele avali shapo.
9 Ndele eshi ve uya kedu, ova mona ko omundilo womakala u li po, neeshi da pakwa po nomungome. 10 Jesus okwe va lombwela: “Eteni oku meeshi edi mwa kwata paife.” 11 Simon Petrus okwa ya mowato nokwa shilila oshiyulifo kedu, shi yadi eeshi dinene efele limwe nomilongo itano neeshi nhatu, ndele nande oda li dihapu di fike apa, oshiyulifo inashi pombauka. 12 Jesus okwe va lombwela: “Ileni mu lye!” Ndele kape na umwe womovalongwa a li e nomukumo oku mu pula: Oove lyelye? Osheshi ova li ve shi shii, Oye Omwene. 13 Ndele Jesus okwa ya ndele a kufa omungome, ndele te u va pe, nosho yo eeshi edi. 14 Hano elihololo eli etitatu nokuli, Jesus e lihololela ovalongwa vaye konima yenyumuko laye lomovafi.
Petrus ta pulwa kuJesus
15 Hano eshi va lya, Jesus okwa tya kuSimon Petrus: “Simon omona waJohannes, u hole nge tuu, u dule ava?” Ye okwa tya kuye: “Heeno, Omwene, Ove u shi shii nokutya, ondi ku hole tuu.” Ye okwa tya kuye: “Lifa eedjona dange.” 16 Ndele okwe mu pula lutivali: “Simon omona waJohannes, ove u hole nge?” Ye okwa tya kuye: “Heeno, Omwene, Ove ou shi shii ondi ku hole.” Ye ta ti kuye: “Lifa eedi dange.” 17 Oye ta ti kuye lutitatu: “Simon omona waJohannes, ou hole nge tuu?” Petrus okwa nyika oluhodi eshi te mu pula olutitatu: “Ove ou hole nge?” Ndele ta ti kuye: “Omwene, oinima aishe ove u i shii, ou shi shii ondi ku hole.” Jesus ta ti kuye: “Lifa eedi dange. 18 Oshilishili ohandi ku lombwele: Fimbo wa li omunyasha, owe lidika mwene, ndele wa ya oku wa hala, ndelenee ngeenge wa kula, opo nee oto yelula omaoko oye, naumwe e lili ote ku dike, ndele te ku twala oku ove ino hala.” 19 Ndelenee eendjovo edi okwe di tonga, a holole efyo eli Petrus e nokufimanekifa nalo Kalunga. Hano eshi e di tonga, okwa tya kuye: “Shikule nge.”
Petrus naJohannes
20 Opo nee Petrus okwa punguluka ndele ta mono omulongwa ou, Jesus a li e mu hole, te mu shikula, oye ou a li e liyaameka ponhulo yaye pouvalelo, ndele a tile: “Omwene, olyelye ou te ku kengelele?” 21 Hano Petrus eshi e mu mona, okwa tya kuJesus: “Omwene, ou ota ningwa shike?” 22 Jesus okwa tya: “Ame ngeenge onda hala a kale po fiyo handi uya, ove ou na shike nasho? Ove shikule nge.” 23 Opo nee ondjovo ei oya tana mokati kovamwatate, nokutya omulongwa ou ita fi; ndele Jesus ka tile kuye: “Ita fi, ndelenee: ngeenge nda hala, a kale po fiyo ohandi uya, ove ou na shike nasho?”
Exulifo levaengeli eli
24 Omulongwa ou oye tuu ta hepaulula oinima ei, ndele e i shanga, notu shi shii ehepaululo laye oloshili.
25 Ndele ope na yo oinima ihapu i lili ei Jesus e i longa, ndele ngeno aishe ya shangwa, ngeno ondi shi shii mounyuni itamu wana omambo oo, e nokushangwa.
