1 Ndika ehunganeko lyaObadja:
Omuwa Omupangeliawike ota lombwele oshigwana shaEdom.
Omuwa ota ka geela Edom
Omuwa okwa tumu omutumwa gwe kiigwana,
otse notu uvu oohapu dhe tadhi ti:
“Thikameni! Tu yeni, tu ka hingileni Edom iita!”
2 Omuwa ota ti kuEdom:
“Otandi ke ku ninga oshimbembe,
noshaa ngoka ote ku dhini.
3 Einomo lyoye otali ku ningilile mo.
Ngoye owa kala mohote yokondundu;
egumbo lyoye oli li kokule mokati koondundu;
onkee oto ilombwele e to ti:
‘Olye ando ta vulu okuhata ndje pevi?’
4 Nonando wi itungile egumbo puule ongoshihandhila shekodhi,
shi fe ando shi li mokati koonyothi,
natango otandi ke ku hata pevi.
5 “Aafuthi nge taa ya uusiku,
otaa yangata po owala ayihe mbyoka ya hala.
Aantu nge taa toonona ko omandjembele,
aluhe ohaa thigi ko omakukila.
Ihe aatondi yoye otaye ku kombo po thiluthilu.
6 Oluvalo lwaEsau, omaliko geni oga yiwa nago.
7 Aahangani nangoye oye ku kotokele;
oye ku tidha moshilongo shoye.
Aantu wa kala nombili nayo,
oye ku sinda.
Ookuume mboka mwa li iikulya pamwe nayo,
oye ku tegele omwigo;
otaye ku popi taa ti: ‘Oondunge dhe odhi li nee peni?’
8 “Esiku tandi geele Edom,
otandi ka yona po aanandunge yawo
notandi ka thekeka po uunongo wawo.
9 Oofule yokuTeman otaa ka kala yu uvite uugelele,
nomukwiita kehe muEdom ota ka dhipagwa.
Omatompelo okugeela Edom
10 “Oshoka owa yugu nowa dhipaga aamwanyoko, oluvalo lwaJakob,
ngoye oto yonwa po nowa dhinika sigo aluhe.
11 Oko wa li wa thikama pooha esiku ndyoka,
aatondi sho ya teyagula po omiyelo dhawo.
Owa li omwiinayi wa fa aakwiilongo mbeyaka
ya yugu po uuyamba waJerusalem
noye u topolelathana yo yene.
12 Ino kala u uvite enyanyu
omolwomupya gwaamwanyoko muJuda!
Ino nyanyukwa mesiku lyeyonuko lyawo!
Ngoye ino keula omoluudhigu wawo!
13 Ando kwa li inoo gwayela moshilando shaantu yandje,
u nyanyukilwe okuhepekwa kwawo
nokuyuga po uuyamba wawo mesiku lyuudhigu wawo!
14 Ando kwa li inoo thikama poompagiila,
u kwate mboka taa yi ontuku!
Ando inoo ya gandja kaatondi mesiku lyuudhigu wawo!
Kalunga ota ka pangula iigwana
15 “Esiku oli li popepi,
uuna ngame, Omuwa, tandi ka pangula iigwana.
Edom, shoka wa ningi, oto ke shi ningilwa.
Oto ka shunithilwa uuwinayi mboka wa ningi.
16 Aantu yandje oya nu oshitenga oshilulu shegeelo kondundu yandje ondjapuki.
Ihe osho iigwana ayihe puushiinda,
otayi ka nwa oshitenga shegeelo shi vule sheni muululu;
otayi ke shi nwiilila e tayi ka kana po.
Esindano lyaIsrael
17 “Ihe okondundu Sion yamwe taa ka hupa,
oyo notayi ka kala eha eyapuki.
Ezimo lyaJakob otali ka lala oshilongo,
shoka oshawo pautho.
18 Ezimo lyaJakob nolyaJosef otaga ka kala ngomulilo;
otaga hanagula po ezimo lyaEsau,
ngaashi omulilo tagu fike po etutu.
Kape na nando oluvalo lwaEsau talu hupu ko.
Ongame Omuwa onde dhi ti.
19 “Aantu taa zi kuumbugantu waJuda,
otaa ka kwata po Edom;
mboka taa zi kiikulundundu yokuuninginino,
otaa ka kwata po evi lyAafilisti;
Aaisraeli otaa ka lala oshitopolwa shaEfraim naSamaria;
Aabenjamin otaa ka kutha po Gilead.
20 Aapongekwa ya zi kuumbangalantu waIsrael,
otaa ka galuka nokulala Foinikia, sigo oSarefat.
Aapongekwa Aajerusalem mboka ye li muSarefat,
otaa ka kwata po iilando yomuNegeb.
21 Aasindani yokuJerusalem
otaa ka matukila Edom notaye shi pangele.
Omuwa oye mwenemwene ta ka kala omukwaniilwa.”
Edom tashi xunganekwa
1 Emoniko laObadja. Omwene Kalunga mokupopya Edom, ota ti ngaha: Fye Otwa uda ondaka ya dja kOmwene nomutumwa okwa tuminwa mokati koiwana a tye: “Fikameni, fye tu lilongekidileni oku shi lwifa.”
2 Tala, Ame onde ku ninipika mokati koiwana. Ove wa dinika unene. 3 Ounhwa womutima woye owe ku pukifa, ou ho kala momakololo eemhunda, ndele ho kala meenhele dopombada noto lipopile momutima woye to ti: “Olyelye ta ka ekela nge poshi?” 4 Nande u kale pombada ngaashi onhwa, heeno, nande u litungile oshihadi shoye pokati keenyofi naako yo ohandi ke ku ekelashi poshi, Omwene osho ta ti.
5 Ngeenge ovalunga ve uya kwoove ile eembudi doufiku, ngeno okuhanaunwa kwoye oku fike peni! Itava vake mbela osho ashike tave shi pumbwa? Ngeenge ovalikoli veeviinyu ve uya kwoove, itava ka fiya po ngeno epupudululo? 6 Esau okwa hadahadwa ngahelipi! Omamona aye a holekwa a tuvaulwa ngahelipi! 7 Ove wa tewatewa fiyo okongaba, aveshe ovo mwa hangana navo, ve ku kengelela. Ookaume koye ve ku dule. Omungome oo to u pumbwa ve u lukile elulo kwoove. Kamu neendunge muyo. 8 Omwene ota ti: Mefiku tuu olo, ohandi ka mana po ovanamayele muEdom neendunge keemhunda daEsau. 9 Ndele ovaladi voye, Teman, otava haluka, opo omulumenhu keshe ta ka kana keemhunda daEsau omolwomadipao. 10 Omolwoupwidi we u ningila omumwanyoko Jakob, ohoni tai ku tuvike to hanaunwa po fiyo alushe. 11 Mefiku linya, naave yo opo wa li, ovanailongo eshi va twala oupuna waye, novanhu vokoilongo eshi ve liundulila mo moivelo ndele va ningila Jerusalem oshihoololifo, mefiku olo ove wa li ngaashi umwe wavo. 12 Ndele ino tala nokuhafela efiku lomumwanyoko, efiku lomupya waye, ndele ino shambukwa molwovana vaJuda mefiku lehanauno lavo, ndele ino popya elinenepeko mefiku loudjuu. 13 Ino uya moshivelo shoshiwana shange mefiku lefininiko lasho. Ino kala nokutala nehafo omupya waye mefiku lehepeko lasho. Ndele ino aneka eke loye koupuna washo mefiku loudjuu washo. 14 Ndele ove ino kala ofika pomashakeneno eendjila u dipae ovainhapo vasho, ndele ovaxupifwa vasho ino va yandja momake ovanaita mefiku lefininiko.
15 Osheshi efiku lOmwene oli li popepi noiwana aishe. Ngaashi ove wa ningile, osho yo ove to ka ningwa. Oshilonga shoye otashi alukile komutwe woye. 16 Osheshi ngaashi nye mwa nwa komhunda yange iyapuki, osho yo oiwana aishe otai ka nwa ko alushe; heeno, otava ka nwa nokuxupaela notava ka kala va fa vaako. 17 Komhunda yaSion taku ka kala exupifo, ndele otai ka ninga onhele iyapuki, neumbo laJakob tali ka fyuulula efyuululo lalo. 18 Opo nee eumbo laJakob otali ka kala omundilo, neumbo laJosef otali ka kala elaka lomundilo, ndelenee eumbo laEsau oshihati, ndele vo otava ka tema noku shi lungwinifa po, opo paha kale vali oshixupe shomeumbo laEsau. Osheshi Omwene e shi popya. 19 Ndele vo otava ka kufa efyuululo edu laumbuwanhu, eemhunda daEsau, nedu la yelakana lOvafilisti. Ndele vo otava ka kufa efyuululo edu laEfraim nedu laSamaria nosho yo Benjamin naGilead. 20 Eenghwate domatanga ovana vaIsrael otadi ka kufa efyuululo eshi shOvakaanan fiyo okuSarefat. Neenghwate domuJerusalem, odo di li muSarefat, otadi ka kufa efyuululo oilando yokoumbuwanhu. 21 Opo nee taku di ovaxupifi tave uya komhunda yaSion, va ka tokole eemhunda daEsau. Nouhamba otau ka ninga wOmwene.
