Jesus naNikodemus
1 Gumwe gwomaafarisayi, edhina lye Nikodemus, oshilyo shomongundu yaapangeli Aajuda, 2 okwe ya kuJesus uusiku nokwa ti kuye: “Muhongi, otu shi shi, ongoye omulongi ngoka a tumwa kuKalunga, oshoka kaku na nando ogumwe ta vulu okulonga iikumithalonga mbyoka to longo, okuninga Kalunga e li pamwe naye.”
3 Jesus okwe mu yamukula nokwa ti: “Ngame otandi ku lombwele oshili: Omuntu ngele ita valululwa, ita vulu okumona Oshilongo shaKalunga.”
4 Nikodemus okwa ti kuye: “Omuntu ngele omukuluntu, ota vulu ngiini okuvalwa ishewe? Ita vulu ndishi okushuna moshivalelo shayina, a valwe olutiyali?”
5 Jesus okwe mu yamukula: “Ngame otandi ku lombwele oshili: Kape na omuntu ta vulu okuya mOshilongo shaKalunga, ngele ina valululwa momeya nomOmbepo. 6 Shoka sha valwa panyama, osho onyama, naashoka sha valwa pambepo, osho Ombepo. 7 Ino kumwa, sho nde ku lombwele kutya omu na okuvalululwa. 8 Ano ombepo ohayi pepe shaa mpoka ya hala. Oto uvu oshihomo shayo, ihe ku shi mpoka tayi zi naankoka yu uka. Osho naanaa shi li kukehe ngoka a valwa pambepo.”
9 Nikodemus okwe mu pula a ti: “Shika otashi vulika ngiini?”
10 Jesus okwa yamukula a ti: “Ngoye omulongi gwAaisraeli, ihe nani shika ku shi shi? 11 Otandi ku lombwele oshili. Tse otatu popi shoka tu shi shi notatu hokolola shoka twa mona, ihe ne inamu hala okutaamba ehokololo lyetu. 12 Ngele tandi mu lombwele iinima yokombanda yevi, ihe itamu itaale, otamu vulu ngiini okwiitaala, ngele tandi mu hokololele iinima yomegulu? 13 Kape na nando ogumwe a yile megulu kakele kOmuna gwOmuntu, ngoka a zi megulu.”
14 “Ngashika naanaa Moses a li a yelutha eyoka pombanda mombuga, osho wo Omuna gwOmuntu e na oku ka yeluthwa pombanda, 15 opo kehe ngoka te mu itaale, a kale e na omwenyo gwaaluhe. 16 Oshoka osho ngeyi Kalunga a kala e hole uuyuni, oye a gandja Omwana awike, opo shaa ngoka te mu itaale, kaa kane, ihe a kale e na omwenyo gwaaluhe. 17 Oshoka Kalunga ina tuma Omwana muuyuni, a pangule uuyuni, aawe, okwe mu tumu, opo uuyuni u hupithwe kuye.”
18 “Ngoka i itaala Omwana, ita pangulwa; ngoka ini itaala, okwa pangulwa nale, oshoka ini itaala Omuvalwa awike gwaKalunga. 19 Ihe epangulo oli li mpoka kutya uuyelele owe ya muuyuni, ihe aantu oye hole omilema shi vulithe pokuhola uuyelele, oshoka iilonga yawo iiwinayi. 20 Kehe ngoka ha longo uuwinayi, oku tonde uuyelele noite ya puuyelele, oshoka ina hala, iilonga ye iiwinayi yi holoke. 21 Ihe ngoka ta longo iilonga yu uka, ote ya puuyelele, opo uuyelele u holole kutya iilonga ye oya longwa omolwokuvulika kuKalunga.”
Jesus naJohannes Omushashi
22 Konima yaambika Jesus naalongwa ye oya yi kuJudea. Ye okwa kala ko omasiku gamwe pamwe nayo ta shasha aantu. 23 Johannes okwa li ta shasha puAinon, popepi naSalim, oshoka kokuma nkoka okwa li ku na omeya ogendji. Aantu oyendji oye ya kuJohannes, oye nokwe ya shasha, 24 oshoka Johannes okwa li ine edhililwa natango mondholongo.
25 Yamwe yomaalongwa yaJohannes oya tameke okuludhika nOmujuda gumwe kombinga yeyogo lyopaShijuda. 26 Yo oye ya kuJohannes noya ti kuye: “Muhongi, tala ko, omulumentu ngoka a li pamwe nangoye handiyaka yomulonga gwaJordan naangoka we mu hokolola, ota shasha, naantu ayehe otaa yi kuye.”
27 Johannes okwa yamukula a ti: “Kape na omuntu ta vulu okwiikuthila nando osha, okuninga Kalunga te shi mu pe. 28 One yene oonzapo dhandje, sho nda tile, ngame kandi shi Kristus, ihe onda tumwa oku mu tetekela. 29 Ngoka e na omufuko, oye ombushiki. Ihe kuume kombushiki ota thikama e ta pulakene nota nyanyukilwa ewi lyombushiki. Osho wo nenyanyu ndika lyandje olya gwanenena. 30 Oye e na okunenepala, ihe ngame ondi na okushonopala.”
Ngoka a za megulu
31 “Oongoka a za pombanda, oye omunene e vule ayehe. Ngoka gwopavi, ogwopavi nota popi iinima yopavi. Ngoka a za megulu, oye omunene e vule ayehe. 32 Oye ta hokolola shoka a mono nokwa uvu, ihe kape na nando ogumwe ta taamba ehokololo lye. 33 Oongoka ta taamba ehokololo lye, ota koleke nokutya Kalunga oye Kalunga kashili. 34 Ngoka a tumwa kuKalunga, oye ta popi oohapu dhaKalunga; oshoka Kalunga ite mu pe Ombepo ta yeleke, ihe ote mu pe sha gwana. 35 He oku hole Omwana nokwe mu pa iinima ayihe miikaha ye. 36 Oongoka i itaala Omwana, oku na omwenyo gwaaluhe, ihe ngoka itaa vulika kOmwana, ita ka mona omwenyo, ihe ondjahi yaKalunga otayi kala kombanda ye.”
Jesus naNikodemus
1 Ndele opa li omulumenhu womOvafarisai, edina laye Nikodemus, omukulunhu wOvajuda. 2 Ye okwe uya kuJesus oufiku ndele ta ti kuye: “Rabbi, otu shi shii, oove omulongi wa dja kuKalunga, osheshi kape na ou ta dulu okuninga oikumwifalonga ei to i ningi, Kalunga ngeenge ke li pamwe naye.” 3 Jesus okwa nyamukula ndele ta ti kuye: “Oshilishili handi ku lombwele: omunhu ngeenge ina dalululwa, ita dulu okumona ouhamba waKalunga.” 4 Nikodemus okwa tya kuye: “Omunhu ta dulu ngahelipi okudalwa omukulunhu? Ita dulu ndishi okushuna medimo laina nokudalwa?” 5 Jesus okwa nyamukula: “Oshilishili handi ku lombwele: omunhu ngeenge ita dalwa komeva nokOmhepo, ita dulu okuya mouhamba waKalunga. 6 Eshi sha dalwa kombelela, osho ombelela, naashi sha dalwa kOmhepo, osho omhepo. 7 Ino kumwa, shaashi nde ku lombwela: mu nokudalululwa. 8 Omhepo otai pepe apa ya hala noshihomo shayo oto shi udu, ndele ove ku shii apa tai di naapa tai i. Hano osho tashi kala nakeshe omunhu, ou a dalwa mOmhepo.” 9 Nikodemus okwa nyamukula ndele ta ti kuye: “Eshi otashi ningwa ngahelipi?” 10 Jesus okwe mu nyamukula ndele ta ti: “Oove omulongi waIsrael, ndele eshi ku shi shii. 11 Oshilishili handi ku lombwele: ohatu popi eshi tu shii, ndele hatu hepaulula eshi twa mona, ndele nye itamu itavele ehepaululo letu. 12 Ngeenge handi mu lombwele ei oikwadu, nye itamu itavele, hano otamu itavele ngahelipi, ngeenge handi mu lombwele ei yomeulu? 13 Ndelenee kape na umwe ou a londa a ya keulu, oye tuu aeke a londoloka keulu, Omona wOmunhu, ou ha kala meulu.” 14 Ndele ngaashi Moses a tulika eyoka pombada mombuwa, nosho yo Omona wOmunhu oku nokutulikwa pombada, 15 opo keshe tuu ou te mu itavele, aha kane, ndele a kale e nomwenyo waalushe.
16 Osheshi osho Kalunga a kala e hole ounyuni, Oye a yandja Omona waye Ewifa, opo keshe ou te mu itavele aha kane, ndelenee a kale e nomwenyo waalushe. 17 Osheshi Kalunga ina tuma Omona waye mounyuni a tokole ounyuni, ndelenee ounyuni u xupifwe kuye.
18 Ou te mu itavele, ye ita tokolwa; ndelenee ou ita itavele, ye okwa tokolwa nale, osheshi ye ina itavela edina lOmona Ewifa laKalunga. 19 Ndelenee etokolo oleli: ouyelele we uya mounyuni, ndelenee ovanhu va li ve hole omulaulu komesho youyelele, osheshi oilonga yavo oii. 20 Osheshi keshe ou ta longo owii, ota tondo ouyelele, ndele ite uya pouyelele, oilonga yaye iha hanyenwe. 21 Ndelenee ou ha longo oshili, oye ta holokele pouyelele, oilonga yaye i hololwe, osheshi oya ningilwa muKalunga.
Johannes Omushashi ta hepaulula vali Kristus
22 Ndelenee konima yoinima ei Jesus okwa ya pamwe novalongwa vaye komikunda daJudea, ndele oko a kala navo, ndele ta shashe. 23 NaJohannes yo okwa li ta shashe muAinon, popepi naSelim, osheshi opa li pe nomeva mahapu, novanhu ve uya ndele tava shashwa. 24 Osheshi Johannes okwa li ina tulwa natango modolongo.
25 Ndele opa ningwa eemhata pokati kovalongwa vaJohannes nOvajuda omolweyelifo. 26 Ndele vo ove uya kuJohannes ndele tava ti kuye: “Rabbi, winya a kala naave kombada yaJordan, ou we mu hepaulula tala, Oye ta shashe, naaveshe otava i kuye.” 27 Johannes okwe va nyamukula ta ti: “Omunhu ita dulu okulikufila sha, ngeenge ite shi pewa tashi di meulu. 28 Onye vene eendobwedi dange, ame eshi nda tile: ame haame Kristus, ndelenee nda tumwa oku mu tetekelela. 29 Ou e nomuhombolwa, oye omuhomboli; ndelenee kaume komuhomboli ou e li ofika ndele te mu pwilikine, oye ta hafele shili ondaka yomuhomboli. Ehafo eli lange paife ola wanenena. 30 Oye e nokukula, ame ndi nokuninipala.
31 “Ou ta di kombada, oye wokombada yaaveshe. Ou womedu, oye wopedu ndele ta popi pedu. Ou ta di meulu, oye wokombada yaaveshe. 32 Ndele osho e shi mona naashi e shi uda, ote shi hepaulula; ndelenee kape na ou ta tambula ehepaululo laye. 33 Ou ta tambula ehepaululo laye, ota pameke nokutya, Kalunga Oye omunashili. 34 Osheshi ou a tumwa kuKalunga, oye ta popi eendjovo daKalunga, osheshi Kalunga ita yandje Omhepo ta yeleke. 35 Xe e hole Omona, ndele okwa yandja aishe meke laye. 36 Ou ta itavele Omona, oye e nomwenyo waalushe; ndelenee ou iha dulika kOmona, ita ka mona omwenyo, ndelenee ehandu laKalunga otali kala kombada yaye.”
