Jesus ta kundathanwa
(Mat. 26:1-5Mrk. 14:1-2Joh. 11:45-53)1 Ano ethimbo lyoshituthi shiikwiila inaayi fulikwa, nokutya Opaasa, olya thiki. 2 Aayambi aakuluntu naalongimpango oya li taa kongo ompito, ya dhipage Jesus, oshoka oya li ya tila aantu.
Jesus ta landithwa po
(Mat. 26:14-16Mrk. 14:10-11)3 Nena Satana okwa yi muJudas i ithanwa Iskariot, gumwe gwaamboka omulongo nayaali. 4 Opo Judas okwa yi nokwa kundathana naayambi aakuluntu nosho wo naakuluntu yaalangeli yotempeli, nkene e na okugandja Jesus miikaha yawo. 5 Oyo oya nyanyukwa noyu uvaneke, ye mu pe iimaliwa. 6 Judas okwe shi zimine nokwa kala ta kongo ethimbo lyo opala okugandja Jesus kuyo, manga aantu inaaye shi tseya.
Jesus ta longekidha uulalelo wOpaasa
(Mat. 26:17-25Mrk. 14:12-21Joh. 13:21-30)7 Esiku olya thiki pomasiku goshituthi shiikwiila inaayi fulikwa, uuna onzigona yOpaasa yi na okudhipagwa. 8 Jesus okwa tumu Petrus naJohannes nokwe ya lombwele a ti: “Indeni, mu ke tu longekidhile uulalelo wOpaasa, tu u lye.”
9 Oyo oye mu pula ya ti: “Openi wa hala, tu ke u longekidhe?”
10 Oye okwa ti: “Pulakeneni! Ngele mwa yi moshilando, otamu ka tsakaneka omulumentu a humbata etenga lyomeya. Mu landuleni sigo omegumbo moka u uka, 11 e tamu lombwele mwene gwegumbo tamu ti: ‘Muhongi ote ku pula: Openi pu na oshinyanga shaayenda, ndi lile mo pamwe naalongwa yandje uulalelo wOpaasa?’ 12 Oye note mu ulukile ondjugo onene yopombanda yo opalekwa. Longekidheni ayihe.”
13 Oyo oya yi noya adha ayihe yi li, ngaashi Jesus e ya lombwele, e taa longekidha uulalelo wOpaasa.
Edhiko lyUulalelo Uuyapuki
(Mat. 26:26-30Mrk. 14:22-261 Kor. 11:23-25)14 Ethimbo sho lya thiki, Jesus okwa kuutumba poshililo pamwe naayapostoli. 15 Oye nokwa ti kuyo: “Onda yuulukwa vale okulya Opaasa ndjika pamwe nane, manga inaandi hepekwa. 16 Oshoka otandi mu lombwele: Itandi li we Opaasa, sigo uuna tandi ka lya ndjiyaka yomOshilongo shaKalunga.”
17 Nena Jesus okwa kutha oshitenga, a hambelele nokwa ti: “Shi taambeni, mu paathane. 18 Oshoka otandi mu lombwele: Okuza mpaka itandi nu we omaviinu, Oshilongo shaKalunga manga inaashi holoka.”
19 Oye a kutha wo oshikwiila, a hambelele, okwe shi pambula nokwe shi ya pe e ta ti: “Shika osho olutu lwandje ndoka talu mu gandjelwa. Shi ningeni nokudhimbulukwa ndje.” 20 Osho tuu wo, sho ya mana okulya, okwe ya pe oshitenga e ta ti: “Oshitenga shika osho ehangano epe lyomombinzi yandje ndjoka tayi tilwahi molweni.”
21 “Ano tala! Ngoka ta gwaaleke ndje, oku li mpaka poshililo pamwe nangame. 22 Oshoka Omuna gwOmuntu oku na okusa, ngaashi Kalunga e shi tokola nale; ihe yaye omuntu ngoka te mu gwaaleke!”
23 Oyo oya tameke okupulathana kutya olye ngoka gwomokati kawo te shi ningi.
Omaludhi kutya olye omunene
24 Mokati kaalongwa omwa penduka edhiladhilo kutya olye ngoka e na okutalwa omukuluntu e vule ooyakwawo ayehe. 25 Jesus okwa ti kuyo: “Aakwaniilwa yomuuyuni mbuka ohaa pangele aantu yawo koonkondo, naapangeli yawo oya hala, yi ithanwe ookuume kaantu. 26 Ihe ne inamu kala ngaaka! Omukuluntu gwomokati keni na ninge omuhugunini, naangoka gwokomeho na ninge omuyakuli. 27 Oshoka olye e na esimano, oye ngoka a kuutumba poshililo ta li nenge oye ngoka ta yakula? Ndishi oye ngoka a kuutumba owala. Ihe ngame ondi li mokati keni nda fa omuyakuli.”
28 “One mwa kala pamwe nangame momamakelo gandje agehe. 29 Ngaashi Tate a pe ndje epitikilo lyokupangela, osho nangame wo otandi mu pe oshilongo. 30 One tamu ka lya notamu ka nwa poshililo shandje omOshilongo shandje e tamu ka kuutumba kiipangelapundi, mu pangule omazimo omulongo nagaali gaIsrael.”
Jesus ta londodha aalongwa ye
(Mat. 26:31-35Mrk. 14:27-31Joh. 13:36-38)31 “Simon, Simon! Pulakena! Satana okwa pula e ta pewa epitikilo, e mu makele ne amuhe, ongaashi omukiintu ta yele iilya polupale. 32 Ihe ngame onde ku galikanene, opo eitaalo lyoye lyaa kane. Nongele wa galukile kungame, tsa wo ooyakweni omukumo.”
33 Petrus okwa ti kuye: “Omuwa, ngame ondi ilongekidha okuya mondholongo pamwe nangoye nosho wo okusa pamwe nangoye.”
34 Jesus okwa ti kuye: “Petrus, otandi ku lombwele: Uusiku mbu wonena ekondombolo manga inaali iga, oto idhimbike ndje lutatu to ti ku shi ndje.”
35 Nena Jesus okwa ti kuyo: “Sho nde mu tumiine mwaa na okampunda kiimaliwa, ompunda yokweenda nayo noongaku, omwa li mwa pumbwa sha?”
Oyo oya ti: “Aawe.”
36 Jesus okwa ti kuyo: “Ihe ngashingeyi ngoka e na okampunda kiimaliwa nenge ompunda yokweenda nayo, ne yi kuthe. Ngoka kee na egongamwele, na landithe po ombaikitha ye, e li ilandele. 37 Oshoka otandi mu lombwele: Enyolo ndyoka tali ti: ‘Oye a yalulilwa maakolokoshi,’ oli na okutsakanithwa. Oshoka ashihe shoka sha nyolwa tashi popi ndje, oshi na okuninga shoshili.”
38 Aalongwa oya ti kuye: “Omuwa, tala, otu na po omagongamwele gaali.”
Oye okwa ti kuyo: “Sigo opo mpo sha gwana!”
Jesus ta galikana
(Mat. 26:36-46Mrk. 14:32-42)39 Jesus okwa zi mo nokwa yi, ngaashi i igilila, kOndundu yooholivi. Aalongwa ye oya yi pamwe naye. 40 Sho a thiki kehala ndyoka, okwa ti kuyo: “Galikaneni, mwaa pwile memakelo.”
41 Nena okwe ya thigi po okakako ke thike pedhaadhigo lyemanya nokwa tsu oongolo e ta galikana 42 a ti: “Tate, ngele oto shi pitika, oshitenga shika nashi pitilile ndje po. Ihe hamolwehalo lyandje, ihe olyoye li gwanithwe.” 43 [Omuyengeli gwomegulu okwe ya kuye nokwe mu tsu omukumo. 44 Oye okwa adhika kuuwehame uunene nokwa galikana a mana mo. Omazigudhe ngoka ga zi muye, oga li ga fa omata gombinzi noga ndondele pevi.]
45 Konima yokugalikana okwa thikama e ta shuna kaalongwa ye nokwe ya adha ya kotha, oshoka oya li ya sa oluhodhi. 46 Oye okwa ti kuyo: “Omolwashike tamu kotha? Pendukeni, mu galikane, mwaa pwile memakelo.”
Jesus ta kwatwa
(Mat. 26:47-56Mrk. 14:43-50Joh. 18:3-11)47 Manga Jesus ta popi, ongundu yaantu oye ya po, ya kwatelwa komeho kuJudas, gumwe gwomaalongwa omulongo nayaali. Oye okwa hedha kuJesus nokwe mu thipi komilungu. 48 Jesus okwa ti kuye: “Judas, Omuna gwOmuntu oto mu gwaaleke noku mu thipa komilungu?”
49 Ano aalongwa mboka ya li pamwe naJesus, sho ya mono shoka tashi ningwa, oya ti: “Omuwa, natu kondje nomagongamwele getu?” 50 Nena gumwe oku umpile omumati gwomuyambimukuluntu nokwe mu fegula okutsi kwokolulyo.
51 Jesus okwa yamukula a ti: “Opuwo, inashi ningwa we!” Oye okwa gumu okutsi kwomumati nokwe mu aludha.
52 Nena Jesus okwa lombwele aayambi aakuluntu, aakuluntu yaalangeli yotempeli naakuluntu yoshigwana mboka ye ya oku mu kwata a ti: “Omwe ya, mu kwate ndje ongomukolokoshi mu na omagongamwele noondhimbo? 53 Esiku kehe onda kala pamwe nane motempeli, ihe inamu kwata ndje. Ihe ndika olyo ethimbo lyeni nolyoonkondo dhomupangeli gwomilema.”
Petrus ti idhimbike Jesus
(Mat. 26:57-58Mat. 69-75Mrk. 14:53-54Mrk. 66-72Joh. 18:12-18Joh. 25-27)54 Oyo oya kwata Jesus noye mu fala megumbo lyomuyambimukuluntu. Petrus okwa landula mo e li konima kokule. 55 Molugumbo lwomeni omwa li mu na yamwe ya kuutumba taa huhulukwa pomulilo, naPetrus okwe ya e ta kuutumba mongundu yawo. 56 Ano gumwe gwomaayakuli aakadhona sho a mono Petrus ta huhulukwa, okwe mu tongolola e ta ti: “Omulumentu nguka naye wo okwa li pamwe naJesus.”
57 Ihe Petrus okwi idhimbike a ti: “Nekulu, kandi mu shi nando.”
58 Konima yokathimbo omulumentu gumwe okwe mu dhimbulula e ta ti: “Nangoye wo ogumwe gwawo.”
Petrus okwa yamukula a ti: “Mentu ngoye, hangame.”
59 Sho pwa piti otundi yimwe, omulumentu gumwe ishewe okwa koleke a ti: “Kapu na omalimbililo, omulumentu nguka okwa li pamwe naye, oshoka naye wo Omugalilea.”
60 Petrus okwa yamukula a ti: “Mentu ngoye, kandi uvite ko shoka to popi.”
Ano manga ta popi, ekondombolo olyi igi. 61 Opo Omuwa okwa punguluka nokwa tongolola Petrus. Petrus okwa dhimbulukwa oohapu dhOmuwa, sho a tile: “Nena tuu ndjika, ekondombolo manga inaali iga, ongoye to idhimbike ndje lutatu.” 62 Petrus okwa yi pondje e ta lili nokulililila.
Jesus ta shekwa e ta dhengwa
(Mat. 26:67-68Mrk. 14:65)63 Aalumentu mboka ya li ya langela Jesus, oye mu sheke e taye mu dhenge. 64 Oyo oye mu siikile koshipala noye mu pula ya ti: “Tengeneka, olye e ku dhenge?” 65 Oyo oye mu sheke omasheko omakwawo ogendji.
Jesus e li kiipala yaatokoli
(Mat. 26:59-66Mrk. 14:55-64Joh. 18:19-24)66 Ano sho kwa shi, aakuluntu yoshigwana, aayambi naalongimpango oya gongala, naJesus okwa etwa moshigongi shawo. 67 Oyo oye mu pula ya ti: “Tu lombwela, ngele ongoye Kristus.”
Oye okwe ya yamukula a ti: “Ngele ando ondi mu lombwele, itamu itaale ndje. 68 Nongele ando ondi mu pule epulo limwe, itamu yamukula ndje. 69 Ihe okuza mpaka otamu ka mona Omuna gwOmuntu a kuutumba kolulyo lwaKalunga, ngoka e na oonkondo adhihe.”
70 Oyo ayehe oye mu pula ya ti: “Ngoye ano Omuna gwaKalunga?”
Oye okwa ti kuyo: “One omwa ti kutya ongame.”
71 Oyo oya ti: “Tse inatu pumbwa nando onzapo yimwe yi tu lombwele. Otse yene otu uvu oohapu adhihe ndhoka e dhi popi.”
Ekengelelo laJudas
1 Ndele oshivilo shomingome dinyenye, eshi sha ifanwa Opaasa, osha fika. 2 Ovapristeli ovakulunhu novanongo vomishangwa ova li va diladila nhumbi ve mu dipae, shaashi va tila ovanhu. 3 Ndele Satana okwa ya muJudas, a ifanwa Iskariot, umwe waavenya omulongo navavali. 4 Opo ye okwa ya ko ndele okwa kundafana novapristeli ovakulunhu, novakulunhu vovanangeli vomotembeli, nhumbi e mu yandje momake avo. 5 Ndele vo ova hafa ndele ova udafana oku mu pa oimaliwa. 6 Ndele ye okwa itavela, ndele okwa li ha kongo omhito ya wapala oku mu kengelela fimbo pehe neuyaano lovanhu.
Ouvalelo woshivilo tau longekidwa
7 Ndele efiku olo lomingome dinyenye ola fika, fiku odi yaPaasa i nokudipawa. 8 Opo Jesus okwa tuma ko Petrus naJohannes ta ti: “Indeni mu ke tu longekidile odi yaPaasa tu i lye.” 9 Ndele vo ove mu lombwela: “Owa hala tu i longekidile peni?” 10 Ndele Ye okwe va nyamukula: “Tala, ngeenge tamu i moshilando, omulumenhu te mu shakeneke, ta humbata oshitoo shomeva, mu shikuleni mongulu omo ta i, 11 ndele nye mu tye kumwene weumbo: ‘Omuhongi te ku pula: Olupale oli li peni, ndi lile mo odi yaPaasa pamwe novalongwa vange?’ 12 Ndele ye ote mu ulikile olupale linene la wapalekelwa ovaenda, omo tuu tamu i longekidile.” 13 Ndele vo ova ya ndele ova hanga ngaashi e va lombwela, ndele va longekida odi yaPaasa.
Ediko lOuvalelo Uyapuki
14 Ndelenee efimbo eshi la fika, Ye okwa kala omutumba poshililo novayapostoli pamwe naye. 15 Ndele Ye okwe va lombwela: “Onda djuulukwa nokudjuulukwa okulya pamwe nanye odi ei yaPaasa, fimbo inandi hepekwa, 16 osheshi ohandi mu lombwele, itandi i li vali fiyo tai ka wanifwa mouhamba waKalunga.” 17 Ndele Ye okwa kufa eholo, a pandula, ndele ta ti: “Li tambuleni, lifiileni mo, 18 osheshi oshili handi mu lombwele: okonena itandi nu vali koiimati ei yomuviinyu fimbo ouhamba waKalunga inau uya.” 19 Opo nee Ye okwa kufa omungome a pandula, ndele te u pambula, ndele okwe u va pa ndele ta ti: “Eshi olutu lange tali yandjwa molweni, shi ningeni nokudimbulukwa nge.” 20 Nosho tuu eholo, eshi a mana okulya, ndele ta ti: “Eholo eli olo ehangano lipe lomohonde yange tai tilwashi molweni.
21 “Ndele tala, eke lomukengeleli wange oli li pamwe naame poshililo. 22 Osheshi Omona wOmunhu ota i ngaashi kwa tiwa, ndelenee woo omunhu ou te mu kengelele.” 23 Opo vo ova hovela okupulafana, olyelye mbela ou womokati kavo te shi ningi.
Ou munene olyelye?
24 Ndele muvo omwa tukuka eemhata olyelye womokati kavo e nokutalwa munene e dule vakwao. 25 Ndele Ye ta ti kuvo: “Eehamba doiwana ohadi i pangele, nomalenga ayo haa ifanwa ooxekulu. 26 Ndele nye hangaha, ndelenee omukulunhu womokati keni na kale a fa onghelo, naau wokomesho ngaashi ou ta yakula. 27 Osheshi olyelye e dule mukwao, oyou ta kala omutumba poshililo ile oyou ta yakula? Hayou ta kala omutumba poshililo? Ndele Ame ondi li mokati keni ngaashi ou ta yakula.
28 “Ndele nye, onye tuu ava mwa kala pwaame momayeleko ange, 29 osheshi Ame ohandi mu tokolele, ongaashi Tate a tokolela nge, ouhamba, 30 mu shiive okulya nokunwa poshililo shange, nokukala omutumba komalukalwa nokutokola omapata omulongo naavali aIsrael.
Simon ta kumaidwa
31 “Simon, Simon, tala, Satana a indila a pewe oku mu fifa ngaashi oilya, 32 ndele Ame onde ku ilikanena eitavelo loye liha dime mo mwoove. Ndele ove ngeenge wa aluka, pameka oovakweni.” 33 Oye okwa tya kuye: “Omwene, ame onde lilongekida okuya pamwe naave nomodolongo nomokufya.” 34 Ndele Ye okwa tya: “Petrus, ohandi ku lombwele: Onena eli ekondobolo fimbo inali kwena, oto lidimbike nge lutatu.”
35 Ye okwe va lombwela: “Eshi nde mu tumine muhe nokakutu keembongo nekutu neenghaku, omwa hepa sha?” Vo ova tya: “Ahowe,” nande osha. 36 Ye okwa tya kuvo: “Ndele paife eshi ou e nokakutu keembongo ne ka kufe a kale nako nekutu osho yo, naau ehe na, ye na landife po elwakani laye, ndele ne lilandele eongamukonda. 37 Osheshi handi mu lombwele: Omushangwa ou ou nokuwanifilwa mwaame: ‘Ye okwa valulilwa movakolokoshi,’ osheshi aishe inya ya shangelwa nge otai wanifwa.” 38 Vo ova tya: “Omwene, tala, ope nomaongamukonda avali.” Ye okwa tya kuvo: “Osha wana hano.”
Jesus muGetsemane
39 Opo nee Ye okwa ya pondje ndele okwa ya ngaashi a ikilila kOmhunda yEemono, novalongwa vaye ove mu shikula. 40 Ndele eshi a fika ko oko, okwe va lombwela: “Ilikaneni muha pundukile momayeleko.” 41 Ndele Ye okwe likufa muvo oshinano shoule wekupulo lemanya, ndele ta tu eengolo ndele okwa ilikana 42 ta ti: “Tate, ngeenge wa hala kufe nge eholo eli, ndele hahalo lange, ndelenee oloye.” 43 Nomweengeli womeulu e mu holokela ndele te mu dike eenghono. 44 Ndele eshi a ya mo mekondjo loudjuu womwenyo, okwe liweda okwiindila unene. Noshinhwi shaye sha ndodela poshi nosha li sha fomata ohonde.
45 Hano eshi a dimbuka okwiilikana, okwe uya kovalongwa vaye ndele okwe va hanga va kofa, osheshi vo ova kofifwa koluhodi. 46 Ndele Ye okwa tya kuvo: “Oshike mwa kofa? Pendukeni nye mu ilikane, muha hangike komashindo.”
Okukwatwa kwaJesus
47 Ndele fimbo ta popi, ongudu yovanhu ye uya po, naumwe womomulongo navavali, edina laye Judas, e va kwatela komesho, ndele okwa ehena kuJesus e mu fipe komilungu. 48 Ndele Jesus okwa tya kuye: “Judas, Omona wOmunhu oto mu kengelelifa efipo lokomilungu?” 49 Ndele ava va li puye, eshi va mona osho sha hala okuningwa ova tya: “Omwene, natu denge neongamukonda?” 50 Ndele umwe womuvo okwa shasha omupiya womupristeli omukulunhu, ndele okwe mu teta okutwi kwokolulyo. 51 Ndele Jesus okwa nyamukula ta ti: “Efeni, naasho shi ningwe.” Ndele okwa kuma okutwi kwaye ndele okwe mu velula. 52 Opo Jesus okwa lombwela ovapristeli ovakulunhu novakulunhu vovanangeli novakulunhu vovanhu votembeli, ovo ve uya oku mu kwata: “Mwe uya ngaashi okukwata omukolokoshi mu nomaongamukonda noikulumbwati. 53 Ame nda kala omafiku aeshe punye motembeli, nye inamu kuma nge nande eke. Ndele eli olo efimbo leni neenghono domilaulu.”
Elidimbiko laPetrus
54 Ndelenee eshi ve mu kwata, ove mu kufa po, ndele ove mu twala mongulu yomupristeli omukulunhu. Petrus okwe va shikula kokule. 55 Ndele vo ova shakala omundilo mokati kolupale ndele ova kala omutumba mumwe, naPetrus okwa kala omutumba mokati kavo. 56 Ndele okakadona komeumbo oke mu mona ta kala omutumba pomundilo, oke mu tala ndee taka ti: “Naau yo okwa li pamwe naye.” 57 Ndele ye okwe lidimbika ta ti: “Omukainhu ove, ame nghi mu shii.” 58 Nopo tuu opo mukwao e mu mona ta ti: “Naave yo umwe womuvo.” Petrus okwa tya: “Menhu ove, ame haame.” 59 Ndele eshi pa pita otundi imwe ngeno, umwe vali okwa tya: “Oshili, naau okwa li pamwe naye, osheshi naye yo Omugalilea.” 60 Ndele Petrus okwa tya: “Menhu ove, nghi shii eshi to popi.” Nopo tuu opo, fimbo a popya, ekondobolo ola kwena. 61 Omwene okwa punguluka, ndele okwa tala Petrus, Petrus okwa dimbulukwa eendjovo dOmwene, ngaashi e mu lombwela: “Ekondobolo fimbo inali kwena nena, ove oto lidimbike nge lutatu.” 62 Ye okwa pita pondje, ndele okwa lila nokulililila.
Okushekwa nokuhepekwa kwaKristus
63 Ndele ovalumenhu ovo ve mu diinina, ove mu sheka noku mu denga. 64 Ndele ove mu tuvikila koshipala shaye ndele ove mu pula: “Xunganeka, olyelye ou e ku denga?” 65 Nomasheko makwao mahapu ove mu sheka.
Koshiongalele shovakulunhu
66 Ndele eshi kwa sha, ovakulunhu voshilongo novapristeli ovakulunhu novanongo vomishangwa ova ongala, ndele ove mu twala koshiongalele shavo, 67 ndele tava ti: “Oove ngeenge Kristus, tu lombwela hano.” Ye okwa tya kuvo: “Nande ondi mu lombwele, itamu itavele, 68 ndele nande ondi mu pule, itamu nyamukula sha. 69 Ndele okonena eli otamu ka mona Omona wOmunhu ta kala omutumba kolulyo leenghono daKalunga.” 70 Ndele vo aveshe ova tya: “Oove hano Omona waKalunga?” Ye okwa tya kuvo: “Heeno, Aame ou, ngaashi tamu ti.” 71 Vo ova tya: “Ondobwedi ilipipo hatu pumbwa vali? Ofye vene twe di uda mokanya kaye mwene.”
