Omamoniko nomahololo
1 Ondi na okwiitanga, nando itashi kwatha sha. Ngashingeyi otandi tameke okupopya kombinga yomamoniko nomahololo ngoka nde ga hololelwa kOmuwa. 2 Opwa piti ngashingeyi oomvula omulongo nane, ihe ote dhimbulukwa omulumentu gumwe gwontumba omukriste, ngoka a akelwa megulu lyopombandaelela. Inandi tseya kutya osha ningwa lela nenge pamwe osha li owala emoniko, Kalunga oye awike e shi shi. 3 Otandi shi tumbula natango: omulumentu ngwiyaka okwa falwa mOparadisa, ihe kandi shi wo kutya shika osha ningwa lela nenge osha li owala emoniko, Kalunga oye awike e shi shi. 4 Mwiyaka oku uvu iinima mbyoka itaayi vulu okutumbulwa, iinima mbyoka omuntu inaa pitikwa oku yi popya. 5 Omulumentu nguka otandi mu itangele, ihe itandi itanga ngame mwene, shila iinima mbyoka tayi ulike, nkene ndi li po omunkundi. 6 Ngele ando onda hala okwiitanga, nena kandi shi egoya, oshoka ote popi oshili. Ihe inandi hala okwiitanga, oshoka inandi hala, pu kale nando omuntu ta dhiladhilile ndje pombanda, hangaashi omuntu e wete ndje te longo nenge te popi.
7 Ihe opo ndaa kwatwe keinenepeko okwiinenepekela iikumitha mbyoka nda mono, onda pewa uuwehame uunene wopalutu. Uuwehame wa tya ngaaka owa ningi omutumwa gwaSatana, ngoka a dhenge ndje nowa keelele ndje okwiinenepeka. 8 Opo ihe onda galikana Omuwa lutatu omolwoshinima shika nonde mu indile, e shi kuthe ndje. 9 Ihe okwa yamukula ndje a ti: “Esilohenda lyandje olye ku gwanena, oshoka oonkondo dhandje odho oonenenene kwaamboka aankundi.” Onkee ngame onda nyanyukwa notandi itangele uunkundi wandje, opo ndi kale megameno lyoonkondo dhaKristus. 10 Ngame onda nyanyukilwa okukala muunkundi, mokudhinwa, miiponga, momatidhagano nomoothina omolwaKristus. Oshoka uuna ndoka ndi na uunkundi, opo mpoka ndi na oonkondo.
Oshimpwiyu shaPaulus molwegongalo
11 One mwe shi ningitha ndje, ndi kale nda fa egoya, nando omwa li mu na okutumbaleka ndje. Oshoka nando ngame ondi kale oshinima showala, kandi na nando mpoka ndi vulike kaayapostoli yeni mboka aanene. 12 Iinima mbyoka yu ulike kutya ngame omuyapostoli, omwe yi longwa neidhidhimiko enene, ya ningwa momandhindhiliko, miikumithalonga nomiilongankondo. 13 Openi mwa ningwa nayi mu vule omagongalo galwe? Shila osho inaandi mu hepeka noku mu pula ekwatho. Alikana, dhiminii ndje po uusama mbuka.
14 Nduka olutitatu ngame ndi ilongekidha okuya kune, noitandi ke mu pula nando osha. Ngame onde mu hala ne yene, haimaliwa yeni. Oshoka aanona ndishi hayo haa pungulile aakuluntu yawo omaliko, ihe aakuluntu oyo haa pungulile aanona yawo? 15 Ngame otandi ka gandja nenyanyu ashihe shoka ndi na notandi ki igandja wo omolwoomwenyo dheni, opo ndi mu kwathe. Ngame sho ndi mu hole unene, ne otamu kala mu hole ndje kashona?
16 Ano zimineni, kutya ngame inandi mu etela uudhigu washa. Ihe omuntu gumwe ota vulu okutya, onda li ndi na iineya nonde mu yulu nomakoto. 17 Olye gwomaalumentu mboka nda tumu kune, e mu ningilile mo? 18 Onda li ndi indile Titus, e mu talele po pamwe nomumwameme gumwe. Otamu vulu tuu okutya Titus okwe mu ningilile mo? Tse naye inatu longa ando nelalakano limwe notwa landula ondjila yimwe?
19 Pamwe otamu dhiladhila kutya ethimbo alihe otwa kala owala tatu ipopile koshipala sheni? Aawe, tse otatu popi owala shoka Kristus a hala tu popye koshipala shaKalunga. Ookuume aaholike, kehe shoka tatu ningi, otatu shi ningi, tu mu kwathe. 20 Ngame onda tila kutya pamwe uuna tandi ke ya kune, otandi ke mu adha mwi ili, hangaashi nda hala mu kale. Nena ne wo pamwe otamu ka mona ndje ndaa li ngaashi mwa hala. Ngame onda tila kutya pamwe otandi ke mu adha mu na oontamanana, efupa, uugeyentu, okwiihola, okusheka, oluhoko, uuntsa nevundakano. 21 Ngame onda tila kutya, uuna tandi ke ya natango kune, Kalunga kandje ota ka fupipika ndje montaneho yeni, notandi ka lila omahodhi molwoyendji mboka ya yono nale, ihe inayi itedhulula, ya ze moonyata dhawo dholuhondelo nodhuuholume wawo.
Omahololo nomamoniko
1 Ondi nokulitanga, nande itaku kwafa, ndele ohandi hovele okupopya omamoniko nomahololo Omwene. 2 Omulumenhu wonhumba womuKristus ondi mu shii, paife opa pita eedula omulongo nanhee, oye eshi a vakulilwa meulu etitatu, ngeenge okwa li molutu, kandi shi shii nongeenge a dile molutu, kandi shi shii, oKalunga e shi shii. 3 Ndele ondi shi shii, omulumenhu oye tuu ou, ngeenge omolutu ile a dile molutu, kandi shi shii, oKalunga e shi shii. 4 Okwa vakulwa a twalwa moParadisa, okwa uda eendjovo dihe shii kutumbulwa, omunhu ina itavelelwa oku di tonga. 5 Omolwomulumenhu ou ohandi litange, ndele ihandi litangele ame mwene, shapu oungone wange. 6 Osheshi ngeno nda hala okulitanga, ngeno kandi fi elai, osheshi ngeno ohandi popi doshili; ndelenee ohandi shi efa, opo kuha kale ou ta diladila nge kombada yaasho e shi wete mwaame, ile ta udu nge.
7 Ndele opo ndihe linenepekele omamoniko manene, onda pewa ekiya mombelela yange, omweengeli waSatana okuhepeka nge neenghono, opo ndihe linenepeke. 8 Omolwaashi onda ilikana Omwene lutatu, shi efe nge. 9 Ndelenee Oye okwa lombwela nge: “Efilonghenda lange ole ku wanena, osheshi eenghono dange otadi wanenene pombada omoungone.” Osho hano ohandi litangele oungone wange nehafo, eenghono daKristus opo di kale mwaame. 10 Molwaasho nda hokwa oungone nomadengo nomahepeko noluhepo nomafininiko omolwaKristus; osheshi ngeenge ondi li oshingone, aame omunaenghono.
Omuyapostoli ta dimbulukifa Ovakriste ohole yaye
11 Ame onda longa ngaashi elai; osheshi mwa ningifa nge ngaha. Ame nda li nda wana ngeno okupopilwa kunye, osheshi kandi na apa ndi dulike kovayapostoli venya vanene, nande ame oshinima shongaho. 12 Oilongadidiliko yomuyapostoli, ndi shii oya longwa mokati keni nelidiiniko alishe, nomadidiliko noinyengandunge noilonga yeenghono. 13 Osheshi openi mwa fya oluhepo mu dulike komaongalo makwao, shapu opopo ame inandi ninga omutengi weni? Kufilei nge po owii ou.
14 Taleni, olutitatu onde lilongekida okuuya kunye, ndele itandi ke mu etela oudjuu, osheshi itandi kongo oinima yeni, ndelenee onye vene. Ndishi ovana ihava kongele ovakulunhu vavo oinima, ndelenee ovakulunhu ohava kongele ovana vavo. 15 Ndelenee ame ohandi ka yandja aishe nehafo, ndele handi liyandjele eemwenyo deni. Ame eshi ndi mu hole neenghono, omolwaashi mbela ndi holike kunye kanini?
16 Ndelenee nashi tye ngaha, inandi mu etela oudjuu, ndelenee shapu ame omunamakoto, onde mu kwata nomakoto. 17 Ile mbela onde lilikolela sha nokulongifa umwe waavo, nda tuma kunye? 18 Onda indila Titus okuya ko pamwe nomumwatate umwe; ile pamwe Titus okwa kendabala okulilikolela sha kunye? Ofye inatu endela mbela momhepo imwe nomoshikoti shimwe?
19 Onye mwa diladila shiimba nonale, fye ohatu lipopile punye. Koshipala shaKalunga muKristus ohatu popi; ndelenee aishe oyoku mu tunga, ovaholike. 20 Osheshi onda tila nokutya, pamwe mokuuya kwange itandi mu hange mu li po ngaashi nda hala, naame handi hangika kunye ngaashi nye inamu hala; nye shiimba omu neemhata nefupa noutondwe nomalutandu nomalundilo nokwaamba noipupulu nelinenepeko nedundakano, 21 opo paha ningwe, nge handi uya ko, Kalunga kange ta ninipike nge vali punye, nondi nokunyika oluhodi omolwavahapu, ovo va nyona nale inave lidilulula monyata nomoluhaelo nomoumbudi woipala ei ve i longa.
