Kalunga oye Omuwa gwonakuyiwa
1 Pulakeneni ndhika, ne oluvalo lwaJakob,
one tuu mboka tamu tiwa Israel,
ne yomoludhi lwaJuda,
one mboka hamu gana medhina lyOmuwa
e tamu ithana Kalunga kaIsrael —
ihe itamu shi ningi moshili nomuuyuuki.
2 Otamu iluku aanashilando oshiyapuki
nomwi itula Kalunga kaIsrael,
ngoka edhina lye Omuwa Omunankondoawike.
3 Omuwa ota lombwele Israel ta ti:
“Onda hunganeke nale mbyoka tayi ka ningwa;
ohaluka onde yi gwanitha.
4 Onda tseya kutya ngoye omutangalali,
omathenga goye ga fa ga ningwa mosheela
noshipala shoye omoshikushu.
5 Onde ku hunganekele nale onakuyiwa yoye,
nda tomona iiningwanima, manga inaayi ningwa,
opo waa tye, iimenka yoye niiyelekela yoye oye yi eta po.
6 “Ayihe nde yi popile, oya gwanithwa.
Zimina ashike kutya omahunganeko gandje oge li mondjila.
Ngashingeyi otandi ku lombwele iinima iipe tayi ke ya,
iiholekwa mbyoka inoo yi tseya nale.
7 Ongashingeyi owala tandi yi longo,
kape na shimwe sha fa shika sha ningilwe nale.
Ngele nani oya ningilwe, oto vulu okutya owe yi tseya nale.
8 Ondi shi shi kutya ngoye ku shi omwiinekelwa,
ngoye hela wa kala omupandala.
Omolwasho ino uva iinima mbika nale,
omolwasho kaku na nando ohapu yimwe ya yile momakutsi goye.
9 “Ongame omutalanteni omolwedhina lyandje mwene.
Opo aantu ya pandule ndje,
otandi kankeke ondjahi yandje.
Onde yi lotitha, ndaaye ku hanagule po.
10 Onde ku yeleke momulilo gwomahepeko,
ongoshisiliveli tashi hemuninwa montelekelo.
Ihe onda dhimbulula kutya ngoye ogwowala nani.
11 Shoka tandi shi ningi,
otandi shi ningi molwandje mwene.
Itandi ka etha nando, edhina lyandje li shekwe,
nenge esimano lyandje li ye kugulwe.
Kores, omuwiliki a hogololwa kOmuwa
12 “Pulakena ndje, oluvalo lwaJakob,
Israel, ngoye ngoka nde ku ithana.
Ongame Kalunga, omutango nomuhugunini,
Kalunga awike tuu ti.
13 Oshikaha shandje osha dhike evi,
nolulyo lwandje lwa alele egulu.
Sho ndi ithana evi neyalelo,
oya holoka po polumwe yo yene.
14 “One amuhe gongaleni, ne mu pulakene!
Oku na tuu kalunga, ngoka a hunganeke kutya
omuntu ngoka nda hogolola, ota ka homona Babilon?
Ota ka ninga shoka nda hala e shi ninge.
15 Ongame awike nda popi nonde mu ithana;
onde mu pititha mo e tandi mu pe elago.
16 Ngashingeyi hedheni kungame, mu uve shoka tandi ti:
‘Okuza ketameko inandi popya meholamo.
Oko nda li okuza kethimbo ndyoka mbika tayi ningwa.’ ”
(Ngashingeyi Omuwa Omupangeliawike okwa tumu ndje pamwe nOmbepo ye.)
Shoka Kalunga a nunina Israel
17 Kalunga kaIsrael omuyapuki,
Omuwa omukulili gwoye ota ti:
“Ongame Omuwa Kalunga koye,
ngoka tii ku longele shoka she ku opalela
noku ku ulukila ondjila u na okweenda nayo.
18 Ando to pulakene shili iipango yandje,
andola omayambeko otage ku kungulukile ga fa omulonga tagu tondoka omeya,
nuuyuuki otau tondokele kungoye wa fa omakuthikuthi gomefuta;
19 Oluvalo lwoye otalu indjipala lwa fa omawe gehekevi,
naamwoye ongoomuma tadhi nyenge okuyalulwa.
Edhina lyawo itali ka kana,
itandi ke ya hanagula po.”
Eimbilo lyokutembuka muBabilon
20 Pitii mo muBabilon,
tembukii mo muKaldea!
Igidheni onkundana yenyanyu;
yi tseyithileni apehepehe tamu ti:
“Omuwa a hupitha oshigwana she Israel!”
21 Omuwa sho e enditha aantu ye
mombuga ya kalanda noyomutenya, oya li inaa sa enota.
Okwe ya kuthile omeya memanya:
okwa panda emanya, omeya noga tondoka mo.
22 Omuwa ota ti:
“Aakaanakalunga kaye na nando ombili.”
Kores ta pikululifa oshiwana shaIsrael
1 Udeni, onye vomeumbo laJakob, onye ava mwe lilukila edina laIsrael nomwa dja momeva aJuda, onye ava hamu ane medina lOmwene, ndele tamu pitifa Kalunga kaIsrael momakanya eni, ndele inamu shi ninga moshili nomouyuki, 2 osheshi ove lilukila oshilando shiyapuki, ndele tave lineekele Kalunga kaIsrael; edina laye Omwene womatanga ovakwaita.
3 Inya ikulu onde i holola nale, oya dja mokanya kange nonde i udifa. Ame onde i wanifa diva, ndele ye uya po. 4 Osheshi ame onda li ndi ku shii, oove omulundakani, nofingo yoye oi nomifipa doivela noshipala shoye oshikushu, 5 onghee hano nde i ku vilikila nalenale, nonde ku udifila fimbo inandi ku hanga, opo uha tye: osha ningwa koshikalunga shange noshitelekwafano shange oshe shi tonga. 6 Ove owa uda oinima ei. I tala aishe! Inamu hala oku ke i hepaulula? Okudja nena eli ohandi ku shiivifile ipe, oiholekwa wa li ino i shiiva. 7 Opo ya ningwa paife eshi, hanale, fiyo mefiku eli lonena ino i uda, opo uha tye: Tala, onda li ndi i shii nokuli! 8 Heeno, ove ino i uda nowa li uhe i shii, okutwi kwoye inaku i fitulukila shito, osheshi Ame onda li ndi ku shii, ove ku shii okulineekelwa nande, nowa ifanwa omutauluki, nghee wa dja medimo lanyoko. 9 Molwedina lange mwene ohandi poleke ehandu lange, nohandi lididimikile efimano lange molwoku ku ningila ouwa, ndihe ku dime po sheke. 10 Tala, Ame onde ku hemuna, hahemuno loshisiliveli; ndelenee Ame onde ku yelekela mediko loupongo. 11 Omolwange mwene, heeno, omolwange mwene, handi ke shi ninga, osheshi edina lange ola dinika ngahelipi! Efimano lange itandi li pe umwe.
12 Akutu Jakob naave Israel, pwilikinei nge, oove tuu ou, nda ifana, Aame ou; Aame omutete nomuxuuninwa yo. 13 Eke lange ola dika edu neke lange lokolulyo ola valela omaulu; ngeenge handi i ifana, opo tai uya po aishe. 14 Ongaleni nye amushe, nye mu pwilikine! Olyelye ou mokati keni ta hepaulula ei? Ou e holike kOmwene, ta ka wanifa ehalo laye muBabilon neenghono daye mOvakaldea. 15 Ame, Ame nde shi popya, Ame onde mu ifana, Ame onde mu ila nonde mu wapalekela ondjila yaye. 16 Ileni oku kwaame nye mu shi ude, nopehovelo inandi popya nande meholeko, nghee sha ningwa oko nda kala. Ndele paife Omwene, Omwene okwa tuma nge nOmhepo yaye.
17 Omwene Omukulili woye, Omuyapuki waIsrael ota ti ngaha: “Aame Omwene Kalunga koye, ou handi ku longo eshi tashi ku wapalele, ndele handi ku tula mondjila ei u nokweenda nayo. 18 Akutu, ngeno ove wa li wa diinina oipango yange, ngeno ombili yoye oya kala ngaashi omulonga tau tondoka, nouyuki woye ngaashi omakufikufi omefuta; 19 opo nee ngeno oludalo loye ola li li fike pehekedu, naava tava di molutu loye, vahapu ngaashi omawe edu ngeno edina loye itali ka dimwa po ndele itali ka kana moipafi yange.” 20 Djeni mo muBabilon, tembukeni mo muKaldea, shi hepaululeni pombada, shi udifeni, shi twaleni fiyo okominghulo dedu! Tyeni: “Omwene okwa kulila omupiya waye Jakob.” 21 Ndele vo inava fya enota, eshi e va endifa mombuwa; okwe va kungulukifila omeva memanya, okwa panda emanya nomeva okwa kunguluka mo.
22 Omwene ta ti: “Ava vehe na Kalunga kave na nande ombili.”
