1 Ando owa li omumwamememati, wa yama komagundji gameme!
Nge tandi ku tsakaneke pondje,
ando tandi ku thipi komilungu,
nokape na ngoka ta dhini ndje.
2 Ando tandi ku fala mokagumbo kameme,
ando to ka pukulula ndje,
ando tandi ku nwetha omaviinu
mwa tulwa iizimba ya nika nawa,
oshinuwa sha kolwa moogranati dhandje.
3 Olumoho lwe olu li kohi yomutse gwandje,
nolulyo lwe otalu papatele ndje.
4 Ne aafuko Aajerusalem, otandi mu ganitha:
Inamu pendutha ohole nenge mu yi kudhile,
manga inaayi shi yuulukwa.
Ondjimbo ontihamano
Ookuume:
5 Olye ngoka te ya ta zi kombuga
te egamene omuholike gwe?
Mbushiki:
Onde ku pendutha mokati komiyapula.
Oko tuu nkoka nyoko e ku pulumuthile,
oko a li noshitheta, sho e ku eta paantu.
6 Tula ndje komutima gwoye nda fa oshihako,
ngaashi okalinga koshihako kokwooko kwoye;
oshoka ohole oya kola ya fa eso,
uukodhi wayo ihau kodhuluka wa fa oshaasi.
Ehayango lyayo olyo ehayango lyomulilo,
ehayango lyOmuwa.
7 Efundja lyomeya ihali vulu okudhima ohole,
nomilonga ihadhi vulu oku yi kungulula po.
Omuntu nando na gandjele ohole eliko lye alihe,
ota ka dhinwa ashike.
Aamwayina yomufuko:
8 Tse otu na okamwamemekadhona onkelo inaaka tumba natango omagundji.
Omumwameme nguka otatu mu ningi ngiini,
uuna te endelwa?
9 Ye ngele ekuma, otatu mu tungile oshungo yoshisiliveli,
ihe ngele omweelo, otatu mu siikile niipilangi yomisedeli.
Omufuko:
10 Ngame mwene ekuma,
nomagundji gandje oga fa ooshungo.
Momeho ge onda ningi nda fa ngoka te eta egwaneneno.
11 Salomo okwa li e na oshitsambe shomiviinu kuBaal Hamon;
okwe shi thitha kaanashitsambe.
Kehe ngoka oku na okufuta iimaliwa yoshisiliveli eyuvi omolwiiyimati yasho.
12 Oshitsambe shandje shomiviinu oshandjelela,
oshi li pungame mpaka.
Salomo na likole iimaliwa ye eyuvi,
nomathele gaali ogaamboka taa langele iiyimati ye.
Mbushiki:
13 Muyalekwa gwandje ngoka wa kala miikunino,
ookuume ohaa pulakene ewi lyoye,
li pulakenitha ndje wo!
Omufuko:
14 Galuka ko, muholike gwandje,
ngaashi omenye nenge ompalala ongundjuka
koondundu dha mena omiti dhiizimba.
Eenghono dohole
1 Ove ngeno wa kala naame ngaashi omumwameme omulumenhu wa nyama omavele ameme! Ngeno handi ku shakeneke pondje, ndi ku fipe komilungu, ame ngeno ihandi dinwa nande. 2 Ngeno nde ku findikila, ndi ku ete mo meumbo lameme, ndele ye a pukululile nge. Ame ngeno ndi ku nwife omaviinyu manyenye, omeva oiimati yeegranati.
3 Eke laye lokolumosho li li koshi yomutwe wange, neke laye lokolulyo tali pamhadala nge.
4 Ohandi mu anifa, nye oukadona vomuJerusalem, inamu pendula ohole, inamu i weelela fiyo oyo vene ya hala.
5 Olyelye ou ta di kombuwa, ve likwete nomuholike waye? Ame nde ku pendula momuti womuapula. Omo nyoko e ku dalela, omo mwa fetelwa ou naku ku pa omwenyo. 6 Tule nge ngaashi oshihakifolinga ponhulo yoye, nongaashi oshihakifolinga mokwooko kwoye. Osheshi ohole i neenghono ya fa efyo. Ouladi wohole wa pama, wa foshovafi, eehandje dayo eehandje domundilo, elaka lomundilo wovenevene. 7 Omeva mahapu itaa dulu okudima po ohole, nomakungulukilo omeva itaa dulu oku i ninginifa mefundja lao. Ngeenge pe na ou a hala ngeno okuyandjela ohole emona alishe leumbo laye shapo ye ota dinwa ashike.
8 Fye otu nomumwameme munini, ehe nomavele. Omumwameme ou ohatu mu tile ngahelipi efiku olo ye ta ka kongwa? 9 Ngeenge oye ekuma, ngeno ohatu mu tungile ko oshungo yoshisiliveli. Ndele ngeenge oye oshivelo, ohatu shi idile po noipilangi yomusederi.
10 Aame ekuma nomavele ange a feeshungongulu. Ndelenee paife ndi li ngaashi nakuliyandja po omomesho aye. 11 Salomo e noshikokola shomiviinyu muBaal-Hamon. Oshikokola shomiviinyu e shi yandjela ovanangeli. Oiimati yasho tai landwa po ngeno eeshekeli deyovi. 12 Oshikokola shange shomiviinyu aame mwene handi shi pangele. Odo deyovi nadi ninge doye, Salomo, novanangeli voiimati yomusho nava pewe omafele avali.
13 Oonakukala moikunino, ookaume koye ohava pwilikine ondaka yoye. Itavelele nge, naame yo ndi i ude!
14 Endelela, omuholike wange ngaashi omenye, ngaashi oholongo yonyasha keemhunda dabalsam.
