Omunene olye
(Mrk. 9:33-37Luk. 9:46-48)1 Pethimbo tuu ndyoka aalongwa oye ya kuJesus ya ti: “Omukuluntu e vule ooyakwawo mOshilongo shegulu olye?”
2 Jesus okwi ithana okanona nokwe ka thikameke mokati kawo 3 e ta ti kuyo: “Ongame tandi mu lombwele: Ngele itamu itedhulula e tamu kala mwa fa aanona, kamu na mpoka namu ka ya mOshilongo shegulu. 4 Onkee ano ngoka ti ifupipike ngokanona nkaka, oye omukuluntu e vule ooyakwawo mOshilongo shegulu. 5 Naangoka ta taamba okanona ka tya ngeyi medhina lyandje, oye ta taamba ndje.”
Omahongololo
(Mrk. 9:2-48Luk. 17:1-2)6 “Ihe ngoka ta hongolola kamwe komuushona mbuka wi itaala ndje, okwa gwana, a mangelwe emanya edhigudhigu mothingo ye, e tu umbilwa muule wefuta. 7 Yayee uuyuni omolwomahongololo! Oshoka omahongololo oge na okuya, ihe yayee omuntu ngoka, te ga eta.
8 “Oshikaha shoye nenge ompadhi yoye ngele tayi ku hongolola, yi teta ko, ngoye u yi ekelehi. Okuya momwenyo noshindimbukaha nenge noshindimbukugulu okwe ku opalela ku vule okukala niikaha iyali noompadhi mbali e to umbilwa momulilo gwaaluhe. 9 Eho lyoye ngele tali ku hongolola, li tsipula mo, ngoye u li ekelehi. Okuya momwenyo neho limwe okwe ku opalela ku vule okukala nomeho gaali e to umbilwa momulilo gwoheli.
10 “Taleni, mwaa dhine nando okamwe kaambuka uushona. Oshoka otandi mu lombwele: Aayengeli yawo megulu oye li aluhe koshipala shaTate megulu. [11 Oshoka Omuna gwOmuntu okwe ya okuhupitha shoka sha kana.]”
Onzi ya kana
(Luk. 15:3-7)12 “Otamu ti ngiini? Ngele omuntu e na oonzi ethele limwe, ihe yimwe yomudho tayi kana, ita thigi po ando ndhoka omilongo omugoyi nomugoyi koondundu, a ka konge ndjiyaka ya kana? 13 Ihe ngele e yi mono, otandi mu lombwele, oye te yi nyanyukilwa noonkondo shi vule ndhoka omilongo omugoyi nomugoyi dha li inaadhi kana. 14 Onkee ano kali shi ehalo lyaHo megulu, ku kane nando okamwe kaambuka uushona.”
Okupukululathana
(Luk. 17:3)15 “Mukweni ngele ta yono kungoye, inda, u ke mu pukulule, mu li po amuke yaali. Ngele te ku uvu ko, nena owe mu likola. 16 Ihe ngele ite ku uvu ko, ki ithane po gumwe nenge yaali, oohapu adhihe opo dhi ukithwe koonzapo yaali nenge yatatu. 17 Nongele ite ya uvu ko, shi lombwela egongalo. Ihe ngele itu uvu ko egongalo wo, nena mu tala ongomupagani nenge ongomufendelithi.
18 “Ongame tandi mu lombwele: Shaa shoka tamu shi manga kombanda yevi, otashi kala sha mangwa nomegulu. Ihe shono tamu shi mangulula kombanda yevi, otashi kala sha mangululwa nomegulu.”
19 “Natango otandi mu lombwele: Ngele yaali yomune kombanda yevi yu uvanene sha notaye shi indile, oyo taye shi pewa kuTate megulu. 20 Oshoka mpoka pu na yaali nenge yatatu ya gongala medhina lyandje, ongame wo ondi li mokati kawo.”
Eyele lyomumati kee na ohenda
21 Petrus okwe ya kuJesus e ta ti: “Omuwa, olungapi ndi na okudhimina po mukwetu a yono kungame? Luheyali olwa gwana?”
22 Jesus okwa ti kuye: “Otandi ku lombwele kutya haluheyali, ndele, olwomilongo heyali luheyali. 23 Onkee ano Oshilongo shegulu osha fa omukwaniilwa a hala okuyalula oongunga dhaamati ye. 24 Ano sho a tameke oku dhi yalula, okwe etelwa po gumwe e mu lile oongunga dhiimaliwa oomiliyona. 25 Ihe sho a li owala, kee na sho ta futu, omuwa gwe okwa gandja elaka, a landithwe po pamwe nomukiintu gwe noyana naashihe shoka e shi na, opo oongunga dhe dhi vule okufutwa. 26 Nena omumati nguno okwi ihata pevi nokwa tsu oongolo koshipala she e ta ti: ‘Tala ndje onteni, otandi ku futile adhihe.’ 27 Omuwa okwe mu sile ohenda nokwe mu dhimine po oongunga dhe e te mu etha, a ye.
28 “Omumati nguno sho a yi pondje, okwi itsu po gumwe gwomaamati ooyakwawo ngoka e mu lile oongunga dhiimaliwa yimweyimwe ayike. Nena okwe mu kwata nokwe mu pondo e ta ti: ‘Futa oongunga dhandje!’ 29 Omumati ngu omukwawo okwi ihata pevi koompadhi dhe nokwe mu hehela a ti: ‘Tala ndje onteni, otandi ku futile.’ 30 Ihe okwa tindi ashike nokwa yi e te mu edhililitha mondholongo sigo ta futu oongunga dhe. 31 Ihe aamati ooyakwawo sho ya mono shono sha ningwa po, oya si oluhodhi noonkondo noya hokololele omuwa gwawo ayihe. 32 Nena omuwa gwe okwe mu ithana, e ye kuye, nokwa ti: ‘Mumati ngoye omwiinayi, oongunga dhoye adhihe onde dhi ku dhimine po, sho wa hehela ndje. 33 Nangoye wo owa li u na okusila omumati mukweni ohenda, ngaashi ngame nde ku sile ohenda.’ 34 Omuwa okwa geye nokwe mu gandja, e ke edhililwe mondholongo, sigo ta futu iinima ayihe, e yi mu lile oongunga.
35 “Tate yomegulu osho te mu ningile wo, ngele itamu dhimine po omuntu kehe nomwenyo aguhe.”
Elininipiko
(Mark. 9:33-37Luk. 9:46-48)1 Mefimbo tuu linya ovalongwa ove uya kuJesus tava ti: “Olyelye hano omunene e dule vakwao mouhamba wokeulu?” 2 Oye okwa ifana okaana, ndele okwe ka kaleka ofika mokati kavo 3 ndele ta ti: “Oshili handi mu lombwele: ngeenge itamu lidilulula ndele tamu ningi ngaashi ounona, kamu na apa tamu ka ya mouhamba wokeulu. 4 Onghee hano, ou te lininipike ngaashi okaana aka, oye omunene e dule vakwao mouhamba wokeulu. 5 Naau ta tambula okaana ka tya ngaha medina lange, Aame ta tambula.
Omahongaulo
(Mark. 9:42-48Luk. 17:1-2)6 “Ndele ou ta hongaula kamwe komwaava vanini, tava itavele nge, she mu wapalela ngeno a mangelwe mofingo yaye emanya loshini, ndele ta ninginifwa moule mefuta.
7 “Woo ounyuni omolwomahongaulo! Osheshi omahongaulo e nokuuya; ndelenee woo omunhu ou ta eta ehongaulo! 8 Ndele eke loye ile omhadi yoye, ngeenge tai ku hongaula, i teta ko ove u i ekeleshi; okuya momwenyo ove oshingudu ile oshilema okwe ku wapalela ku dule okukala nomake avali neemhadi mbali, ove to ekelwashi momundilo waalushe. 9 Neisho loye ngeenge tali ku hongaula, li kolola mo, ove u li ekeleshi; okuya momwenyo u neisho limwe alike okwe ku wapalela ku dule okukala nomesho avali, ndele to ka ekelwa momundilo woheli.
10 “Litaleni, muha dine nande okamwe komwaava vanini; osheshi Ame ohandi mu lombwele, ovaengeli vavo vomeulu ohava tale alushe oshipala shaTate meulu. 11 Osheshi Omona wOmunhu okwe uya okuxupifa ou a kana.
Odi ya kana
(Luk. 15:3-7)12 “Otamu ti ngahelipi? Ngeenge ku nomunhu e needi efele limwe, ndele imwe yomudo tai kana, ita fii po ngeno keemhunda odo omilongo omugoi nomugoi ndele ta ka konga inya ya kana? 13 Ndele ngeenge te i mono, oshili handi mu lombwele: ote i hafele nokuhafa ku dule okuhafela omilongo omugoi nomugoi, odo inadi kana. 14 Osho tuu kashi fi ehalo laXo yeni meulu, pa kane nande okamwe komwaava vanini.
Epukululo lomunhu
(Luk. 17:3)15 “Ndele omumwanyoko ngeenge ta nyono kwoove, inda u ke mu pukulule mu li po amuke vavali; ndele ngeenge te ku udu, opo nee ove wa likola omumwanyoko. 16 Ndele ngeenge ita udu ko, ka ifane ko umwe ile vavali, eendjovo adishe opo di tokolwe komakanya eendobwedi mbali ile nhatu. 17 Ndele ngeenge ite va udu, shi lombwela eongalo. Ndele ngeenge ita udu ko keongalo, opo nee u kale we mu tala ngaashi omupaani nongaashi omufutifi.
18 “Oshili handi mu lombwele: Eshi tamu shi mange kombada yedu, otashi kala sha mangwa nomeulu, naashi tamu shi mangulula kombada yedu, otashi kala sha mangululwa nomeulu.
19 “Oshili handi mu lombwele vali: Ngeenge vavali vomunye kombada yedu tava udafana oshinima tave shi indile, otave shi pewa kuTate meulu. 20 Osheshi oku ku na vavali ile vatatu va ongala medina lange, Ame ondi li mokati kavo.”
Omupiya ehe na onghenda
21 Opo nee Petrus okwa ya kuye ndele ta ti: “Omwene, olungapi ndi nokudimina po omumwatate ta nyono kwaame: luheyali ola wana?” 22 Jesus okwe mu nyamukula: “Ame ihandi ku lombwele luheyali, ndelenee lwomilongo heyali naheyali.
23 “Onghee hano Ouhamba wokeulu wa fa ohamba ya hala okuvalula oikolo yovapiya vayo. 24 Ndele eshi ya hovela okuvalula, oya etelwa mo umwe e noikolo nayo, yoitalenti omayovi omulongo. 25 Ndele eshi a li hamakasha, ehe na eshi ta futu, omwene waye okwa yandja elombwelo, a landwe po pamwe nomwalikadi waye novana nakeshe eshi e shi kwete, oikolo yaye i futwe. 26 Opo nee omupiya ou okwe linyongamena poshi, e mu ilikana ndele ta ti: ‘Tale nge onheni, ndele handi ku futile aishe.’ 27 Ndele Omwene okwa fila omupiya ou onghenda, okwe mu efa, ndele te mu dimine po oikolo.
28 “Ndelenee omupiya ou eshi a ya pondje, okwe litwa omupiya mukwao, e mu lila oikolo yeedenari efele limwe; okwe mu kwata, e mu ponda ndele ta ti: ‘Futa oikolo yange.’ 29 Opo nee omupiya ou mukwao okwa twa eengolo, e mu ilikana ndele ta ti: ‘Tale nge onheni, ohandi ku futile aishe.’ 30 Ndelenee oye ina hala, okwa ya ndele te mu idililifa modolongo, fiyo ta futu oikolo yaye. 31 Ndele ovapiya vakwao eshi va mona eshi sha ningwa po, ova nyika oluhodi shili, ndele va ka hepaululila omwene wavo oinima ei aishe ya ningwa ko. 32 Opo nee omwene waye okwe mu ifana kuye ndele ta ti kuye: ‘Omupiya ove mwii, oikolo yoye aishe onde i ku kufila po, eshi wa ilikana nge; 33 naave yo ngeno wa li u nokufila onghenda omupiya mukweni, ngaashi ame nde ku fila onghenda.’ 34 Ndele omwene waye mehandu laye okwe mu yandja kovahepeki fiyo ta futu oinima aishe e i mu lila oikolo. 35 Osho yo Tate meulu te mu ningile, ngeenge itamu dimine po okomitima deni keshe tuu omumwaina.”
