1 Ontumwafo ndjika oya zi kuPaulus, omumati gwaJesus Kristus, a hogololwa nokwi ithanwa kuKalunga, a ninge omuyapostoli okuuvitha elaka lye etoye.
2 Elaka ndyoka etoye Kalunga okwe li uvanekitha nale aahunganeki ye mOmanyolo omayapuki. 3 Olyo tali popi Omwana, Omuwa gwetu Jesus Kristus, ngoka pankalo yopantu a zi moluvalo lwaDavid. 4 Ihe pankalo yopaKalunga mokuyumudhwa kwe kuusi okwa hololwa oye Omuna gwaKalunga, ngoka e na oonkondo. 5 OmolwaKristus ngame onda pewa kuKalunga oshilonga shuuyapostoli kesilohenda, aantu yomiigwana ayihe opo ya vulike kuye noye mu itaale. 6 Nena nane mboka mu li muRoma Kalunga okwe mu ithana, mu ninge aantu yaJesus Kristus.
7 Onkee tandi mu nyolele, ne amuhe mu li muRoma kutya Kalunga oku mu hole, sho e mu ithana, mu ninge aantu ye mwene.
Silweni ohenda, ne mu kale mu na ombili yaKalunga Tate noyOmuwa Jesus Kristus.
Egalikano lyehambelelo
8 Tango otandi hambelele Kalunga kandje omolwaJesus Kristus, ngele tandi mu dhiladhila one amuhe, oshoka eitaalo lyeni otali hokololwa akuhe muuyuni auhe. 9 Kalunga oye e shi shi kutya ote popi oshili. Oye ngoka handi mu longele nomwenyo gwandje aguhe omokuuvitha elaka etoye tali popi Omwana. 10 Ohandi mu dhimbulukwa aluhe momagalikano gandje nohandi indile wo Kalunga, ngele e shi hala, ndi mone ompito mokathimbo haka kahugunina okuya kune. 11 Onda hala noonkondo oku mu talela po, opo ndi gandje sha kune kombinga yomagano gopambepo. 12 Osho ngaaka otatu vulu okutsaathana omukumo kombinga yeitaalo lyetweni atuhe.
13 Inandi hala oku shi mu holeka, aamwameme, kutya olwindji onda li nda hala okuya kune, ihe sigo oompaka onda mono omaimbo. Onda li nda hala okulikola aayitedhululi mokati keni ongaashi nomiigwana yilwe. 14 Oshoka ondi na ongunga kaantu ayehe, kwaamboka ya huma komeho naamboka inaaya huma komeho, kwaamboka ya longwa naamboka inaaya longwa. 15 Onda hala oku mu uvithila wo elaka etoye, mboka mu li muRoma.
Oonkondo dhevaangeli
16 Ano ngame inandi sa evaangeli ohoni, oshoka olyo oonkondo dhaKalunga tadhi hupitha ayehe mboka yi itaala. Tango Aajuda nosho wo Aagreka. 17 Oshoka evaangeli otali holola, nkene Kalunga ta ningi aantu aayuuki koshipala she. Shika otashi ningwa keitaalo alike okuza ketameko sigo opehulilo. Ongaashi kwa nyolwa: “Omuntu ngoka a ningi omuyuuki koshipala shaKalunga, ota kala e na omwenyo molweitaalo.”
Aantu ayehe aalunde
18 Onkee ano ondjahi yaKalunga otayi zi megulu, yi adhe ondhino yokudhina Kalunga nuuwinayi auhe waantu, sho haa siikile oshili nuuwinayi wawo. 19 Kalunga ote ya geele, oshoka ashihe shoka aantu taa vulu oku shi tseya kombinga yaKalunga, oshi li puuyelele mokati kawo. Kalunga mwene okwe shi ya hololele. 20 Okuza Kalunga sho a shiti uuyuni, nando oye iha monika, okwa holola puuyelele oonkondo dhe dhaaluhe nuukalunga we. Aantu otaa vulu okukoneka Kalunga miinima mbyoka e yi shiti. Onkee itaa vulu okwiipopila. 21 Oyo oya tseya Kalunga, ihe inaye mu simaneka yo inaye mu hambelela, ngaashi e shi ilongela. Omadhiladhilo gawo ga ningi gaa na oshilonga yo kaye na oondunge, noomwenyo dhawo odhu udha omilema. 22 Sho taa itanga kutya oyo aanandunge, oya ningi aagoya. 23 Peha lyokugalikana Kalunga ihaa hulu po oya galikana oshiyelekela sholupe lwomuntu ta hulu po, nosholupe lwoondhila, lwiinamwenyo nenge lwaambyoka hayi ipwedha.
24 Onkee Kalunga okwe ya ethele muuhalu womomadhiladhilo gawo, tau ya fala mokunyateka omalutu gawo yene. 25 Oyo ya pingakanitha oshili yaKalunga niifundja, sho taa galikana yo taa longele oshishitwa peha lyOmushiti, ngoka a gwana okusimanekwa aluheluhe. Amen.
26 Onkee ano Kalunga okwe ya ethele muuhalu tau sitha omuntu ohoni. Aakiintu yawo oya lundulula omukalo gwopanshitwe gwokukalathana nomulumentu. 27 Osho wo aalumentu oye etha omukalo gwopanshitwe gwokukalathana nomukiintu noya longo iihuna. Oyo oya mono egeelo lye ya yeleka omolwepwidhuko lyawo.
28 Ano sho ya dhini okunongela Kalunga, Kalunga naye wo okwe ya ethele momadhiladhilo gawo omawinayi nomokulonga shoka shiihuna. 29 Oyo oyu udhilila muyo yene uugoyoki woludhi kehe: uuwinayi, olwiho, uukolokoshi; oyu udha efupa, edhipago, oontamanana, ekotokelo, onyanya. 30 Oyo aahokoli naalundili. Oyo oye tonde Kalunga. Oyo oompote noye hole uuntsa. Oyo aainomi yo ye na iineya. Oyo ihaa vulika kaakuluntu yawo. 31 Oyo aagoya naayoni yomauvathano. Oyo kaye na olukeno nondjaalela. 32 Oyo oya tseya oshili yiipango yaKalunga kutya mboka haa ningi ngeyi, oyo oyi lilongela eso. Ihe haashoka ashike, sho haa longo ngeyi, ihe unene tuu, sho haa panda mboka ye li miilonga ya tya ngeyi.
Omuyapostoli ta kundu Ovakriste vomuRoma
1 Paulus, omupiya waJesus Kristus, omuyapostoli omwiifanwa, a yapulilwa evaengeli laKalunga, 2 ou e li udanekifa nale ovaxunganeki vaye nomishangwa diyapuki, 3 okuhepaulula Omona ou a dalwa moludalo laDavid kombinga yombelela, 4 ndele kombinga yOmhepo yOuyapuki okwa lengwa a kale Omona waKalunga meenghono, eshi a nyumuka movafi. Oye Jesus Kristus, Omwene wetu, 5 molwaau twa pewa onghenda nouyapostoli, opo tu dike movanhu aveshe eduliko leitavelo lokufimanekifa edina laye, 6 mokati kaava nanye yo vomuvo mwa ifanwa kuJesus Kristus. 7 Kovaholike vaKalunga, ovaifanwa vayapuki muRoma.
Efilonghenda kunye nombili yaKalunga Tate yetu noyOmwene Jesus Kristus.
8 Tete ohandi pandula Kalunga kange muJesus Kristus molweni amushe, osheshi eitavelo leni otali tongwa mounyuni aushe. 9 Osheshi Kalunga, ou handi mu longele momhepo yange mokuudifa evaengeli lOmona waye, Oye ondobwedi yange, nhumbi handi mu dimbulukwa alushe, 10 nokwiindila alushe momailikano ange, ngolongo nda mona ngeno omhito iwa yokuuya kunye pahalo laKalunga. 11 Osheshi onda djuulukwa oku mu mona, ndi dule oku mu pa eeshalinghenda dimwe dopamhepo, mu pamekwe, 12 nokutya, ngeenge tu lyeni pamwe, ame ndi hekelekwe keitavelo letweni, oleni nolange. 13 Ndele ovamwatate, inandi hala mu kale muhe shi shii, nokutya, luhapu onda li nda hala okuuya kunye, opo ndi kale ndi noiimati imwe mokati keni yo, ngaashi mokati kovapaani vamwe, ndele onda kelelwa fiyo opaife. 14 Aame omunashikolo wOvagreka nowaava vehe fi Ovagreka, nowovanaendunge nowomalai; 15 kombinga yange hano onda hala ndi mu udifile evaengeli nanye yo ava mu li muRoma.
16 Osheshi ame ihandi fi ohoni evaengeli, osheshi olo eenghono daKalunga okuxupifa keshe tuu ou ta itavele, tete Omujuda nOmugreka yo. 17 Osheshi mulo ouyuki waKalunga otau holoka omeitavelo nokeitavelo, ngaashi pa shangwa: Omuyuki ota ka kala e nomwenyo meitavelo.
Okukala kwovapaani
18 Osheshi ehandu laKalunga otali holoka tali di meulu li hange ouhenakalunga aushe noukolokoshi wovanhu ava hava kalifa oshili mouhenouyuki, 19 osheshi osho shomuKalunga otashi dulu okushiivika noshi li poluhaela mokati kavo, osheshi Kalunga e shi va hololela. 20 Osheshi oinima ihe wetike kokutya, eenghono daye daalushe noukalunga waye, otai monika nawa moilonga yaye okudja keshito lounyuni, ngeenge tai konakonwa, opo va kale vehe na elipopilo. 21 Osheshi nande vo va shiiva Kalunga, inave mu fimaneka ngaashi Kalunga, ngaashi inave mu pandula, ndelenee omadiladilo avo a ninga ongaho, nomitima davo dihe neendunge, oda nyika omulaulu. 22 Fimbo ve litanga ovo ovanaendunge, ova ninga omalai, 23 nefimano laKalunga iha xulu po, ve li faafanifa nolupe lomunhu ta xulu po, olupe leedila noloinamwenyo yomaulu ane nolaai hai lipweda. 24 Onghee hano Kalunga okwe va efela mouhalu womitima davo omeenyata, osho ngaha voovene tava fifa omalutu avo ohoni, 25 ovo va pingakanifa oshili yaKalunga noipupulu, ndele va fimaneka nova longela oshishitwa ponhele yOmushiti, ou ta kala Omufimanekwa fiyo alushe! Amen.
26 Onghee hano Kalunga okwe va efela mouhalu wohoni, osheshi ovakainhu vavo onghedi yopashitwe ove i pingakanifa naayo ihe fi yopashitwe, 27 nosho yo ovalumenhu va efa onghedi yopashitwe mokukalafana novakainhu, ndele mokuxwama mouhalu ova xwamekafana voovene: ndele ve lininga omulumenhu nomulumenhu oififahoni, ndele mokupwiduka kwavo va mona muvo vene ondjabi ye va yeleka.
28 Ndele ngaashi ovo va dina eshiivo lokushiiva Kalunga, osho yo Kalunga okwe va efela meendunge dii, va longe eshi inashi wapala: 29 va yada okuhenouyuki akushe, oluhaelo, owii, olwisho, oumbudi, ve yadi efupandubo, edipao, omakoto, oupote, ekonda, 30 ovaambi, ovalundili, ovatondikalunga, ovakolokoshi, ovalinenepeki, ovalitangi, ovatoti voinima ii, oonakuhadulika kovakulunhu, 31 omalai, vehe shii kulineekelwa, vehe nohole, ovatondi vombili, vehenonghenda, 32 ovo nande va shiiva nawa omhangela youyuki waKalunga, okutya, ovo hava ningi ngaha, ove lilongela efyo, itava ningi ashike ngaha voovene, ndele hava pande yo ava have shi ningi.
