Emoniko lyaDaniel lyiilikama ine
1 Momumvo gwotango Belshazzar sho a li omukwaniilwa gwaBabilon, ongame Daniel nda lala ondjodhi e te mono emoniko uusiku. Ondjodhi onde yi nyola, nehokololo lyemoniko olyo ndika, 2 ndyoka nda monene uusiku mboka.
Oombepo odha li tadhi pepe koombinga adhihe nodha tukulutha omakuthikuthi gefuta enene. 3 Iilikama iinene ine oya anduka mefuta, shaa shoka sha yooloka kiikwawo. 4 Oshilikama shotango osha li sha fa onkoshi, ihe oshi na omawawa ga fa gekodhi. Manga nda li nde shi tongolola, omawawa gasho oga dhakulwa ko. Oshilikama osha thikamithwa sha fa omuntu. Nopo tuu mpoka osha pewa omayele gopantu.
5 Oshilikama oshitiyali osha li sha fa emwanka sha thikama nomagulu gasho gokonima, sha yedha oombati ndatu komulungu pokati komayego gasho, nosha lombwelwa kwa tiwa: “Tsikila, lya onyama oyindji, ngaashi to vulu!”
6 Manga nda li nda nzananeka mo omeho, oshilikama oshikwawo osha holoka. Osha li sha fa ongwe, ihe kombunda yasho okwa li ku na omawawa gane, ga fa omawawa gondhila, nosha li shi na omitse ne. Osha pewa oonkondo dhuupangeli.
7 Manga nda li nda tongolola, oshilikama oshitine osha holoka. Osha li oshinankondo, shi etitha uugelele, oshitilithi. Osha nyankagula po iihakanwa yasho nomayego gasho giiyela noshe yi lyatagula. Inashi fa iikwawo, osha li shi na ooniga omulongo. 8 Manga nda li nda tala kooniga, onda mono oluniga olushona talu tsapuka mokati koonkwawo. Olwa tudha mo ooniga ndatu ndhoka dha li ko. Oluniga olwa li lu na omeho ga fa gomuntu nokana ka popi iipolopolo nokwiinenepeka.
Emoniko lyaangoka ta kala e na omwenyo aluhe sigo aluhe
9 Manga nda li nda tala, iipangelapundi oya tulwa peha lyayo. Ngoka ta kala e na omwenyo aluhe sigo aluhe okwa kuutumba kushimwe shomiipangelapundi. Oonguwo dhe odha li oontokele totototo dha fa omahegele gomongwa, nomafufu ge oga li go opala ga fa omafufu goonzi. Oshipangelapundi she osha li sha londekwa komagulu getemba ga tema omulilo tagu tyotyoma, 10 nomukungu gwomulilo ogwa li tagu zi musho. Okwa li ku na aantu omayuvi ogendji taye mu yakula, naantu oomiliyona ya thikama koshipala she. Epangulo nolya tameke iihokolola yalyo, nomambo oga li ga pandjwa.
11 Manga nda li te tala, ondu uvu oluniga olushona talu kudhile nokupopya iipolopolo. Onda mono oshilikama oshitine osha dhipagwa, nolutu lwasho olu umbilwa momulilo gwa getukila e talu lungunine mo. 12 Iilikama iikwawo oya kuthwa oonkondo dhayo, ihe oya pitikwa okukala nomwenyo ethimbo lyu uthwa.
13 Memoniko ndika uusiku onda mono gumwe a fa omuntu. Okwe ya a kundukwa kiikogo nokwa yi kungoka ta kala e na omwenyo aluhe sigo aluhe, nokwe mu tseyithilwa. 14 Okwa li a pewa epangelo, esimano noonkondo dhuukwaniilwa, opo aantu yomiigwana ayihe, yomomaludhi agehe noyomomalaka agehe ye mu longele. Epangelo lye otali ka kala sigo aluhe, nuukwaniilwa we kau na mpoka tau hulu po sigo aluhe.
Omamoniko taga fatululwa
15 Omamoniko ngoka nda mono, oga halutha ndje nonda li nda lulilwa. 16 Ondi ikokele kugumwe gwomwaamboka ya li ya thikama nkoka nonde mu pula, a fatulule ayihe, nokwa hokololele ndje ayihe. 17 Okwa ti: “Iilikama mbika ine iinene oyo iilongo mbyoka tayi ka anduka mevi. 18 Naantu yaKalunga gwokombandambanda otaa ka taamba oonkondo dhuukwaniilwa e taa kala nadho ndongo aluhe.”
19 Nena onda li nda hala okutseya oshindji unene koshilikama oshitine, shoka sha li inaashi fa iikwawo — oshilikama oshitilithi shoka sha nyankagula po iihakanwa yasho nomayego gasho giiyela noonyala dhoshikushu e tashi yi lyatagula. 20 Onda li nda hala okutseya kombinga yooniga omulongo komutse gwasho noluniga ndoka lwa tsapuka konima yooniga oonkwawo nolwa gwitha ko ooniga oonkwawo ndatu. Olwa li lu na omeho nokana nolwa li lwa popi iipolopolo neinenepeko. Olwa li olutilithi unene lu vule oonkwawo.
21 Manga nee nda li nda tala, oluniga ndoka olwa hingile aantu yaKalunga iita nolwe ya sindi. 22 Nena ngoka ta kala e na omwenyo aluhe sigo aluhe okwe ya e ti igidha epangulo nokuhepulutha aantu yaKalunga gwokombandambanda. Ethimbo lya thikana aantu yaKalunga, ya taambe oonkondo dhopaukwaniilwa.
23 Efatululo ndyoka nda pewa, olyo ndika: “Oshilikama oshitine osho oshilongo oshitine shoka tashi ka kala kombanda yevi notashi ka kala sha yooloka kiilongo iikwawo. Otashi ka nyanyagula evi alihe noku li lyatagula. 24 Ooniga omulongo odho aakwaniilwa mboka omulongo taa ka lela oshilongo shoka. Nena omukwaniilwa gulwe ota ka holoka; ota ka kala a yooloka kuyakwawo mboka ye mu tetekelele, e ta ka sinda aakwaniilwa yatatu. 25 Ota ka popya ta sheke Kalunga gwokombandambanda e ta thindile aantu yaKalunga kongundhi. Ota ka kambadhala okulundulula omisindilo dhawo niituthi yawo, naantu yaKalunga otaa ka kala kohi yepangelo lye omimvo ndatu netata. 26 Nena epangulo lyomegulu otali ka tokola e tali kutha po oonkondo dhe notali mu hanagula po thiluthilu. 27 Oonkondo nuunene wiilongo ayihe kombanda yevi otayi ka pewa aantu yaKalunga gwokombandambanda. Oonkondo dhawo dhuukwaniilwa kadhi na mpoka tadhi ka hula po, naapangeli ayehe kombanda yevi otaye ke ya longela nokuvulika kuyo.”
28 Efatululo olya hulu. Onda li nda tililila, oshipala shandje osha pembe kuumbanda, noohapu ndhoka onde dhi pungula momwenyo gwandje.
Daniel ta mono memoniko oinamwenyo ine tai djuuka mefuta
1 Momudo wotete waBelsassar, ohamba yaBabilon, Daniel okwa mona emoniko mondjodi, omamoniko omomutwe waye, momutala waye. Opo nee ye a shanga ondjodi nokwa hepaulula efina layo. 2 Daniel okwa popya ndele ta ti: “Oufiku ame onda mona memoniko, ndele tala, eemhepo nhee dokeulu oda tukulula Efuta Lopokati. 3 Ndele oilyani ine inene i lili noi lili inai faafana oya djuuka mefuta. 4 Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu. 5 Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’ 6 Konima onda mona, ndele tala, okwa li vali shimwe sha fongwe, sha li shi nomavava ane odila kombuda yasho. Oshilyani eshi osha li yo nomitwe nhee, ndele osha pewa eenghonopangelo. 7 Opo nda mona memoniko oufiku, ndele tala, okwa kala oshilyani oshitine, sha tilika, tashi pendula omaxwilili, ndele oshi neenghono dihapu sho sha li shi nomayoo manene oivela, ndele osho sha hakana nokunyanyaula, ndele eshi sha xupa, oshe shi lyata nomakasha asho. Sho osha li shi lili inashi fa ikwao inya ye shi tetekela, ndele osha li shi neembinga omulongo. 8 Fimbo ame handi tale nawa eembinga odo, tala, pokati kado pa mbaduka oluvinga linini, neembinga nhatu domudikwao oda dudwa mo. Ndele tala, moluvinga eli omwa li mu nomesho, a fomesho omunhu, nokanya taka popi oinima inene.
9 Ndele fimbo handi shi tale,
okwa dikwa omalukalwapangelo,
ndele Omuxungu ta kala omutumba.
Oikutu yaye oitoka ya fa eemhawe,
neexwiki dokomutwe waye oditoka
ngaashi olududi leedi li yela.
Olukalwapangelo laye la li omalaka omundilo,
ndele omaulu alo a fomundilo wa tema;
10 eenghungulukilo domundilo oda tondoka,
da dja koshipala shaye,
eyovi lwomayovi ove mu longela,
nomayovi omulongo lwomayovi omulongo
ova kala ofika koshipala shaye.
Ovatokoli va kala omutumba,
omambo a nyanunwa.
11 “Ndele ame onda kala nokutala ndele fimbo handi tale, opo oshilyani osho sha dipawa molweendjovo desheko da popiwa koluvinga linya, noshimhu shasho sha nyanyaulwa nosha ekelwa momundilo wa tema, shi pile mo. 12 Noilyani ikwao yo oya nyekwa eenghono dayo. Oule wokukala kwayo wa yelekwa efimbo notundi. 13 Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye. 14 Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.
15 “Ame, Daniel, nda li ndi udite omhepo yange oya nyika oluhodi mwaame, nomamoniko nde a mona okwa halula nge. 16 Ndele ame onda ehena popepi naumwe wa venya va kala ofika penya, ndele nde mu pula ndi shiive oshili yoinima aishe ei. Ndele ye okwe i lombwela nge ndele a tomonena nge oinima inya. 17 ‘Oilyani ei ine inene, oyo eehamba nhee, tadi ka mbaduka medu. 18 Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’
19 “Opo ame nda li nda hala okushiiva shili oshilyani eshi oshitine, sha li shi lili, inashi fa ikwao, ndele osha tilika unene shili, sha li shi nomayoo oivela neenyala doshikushu, tashi hakana nokunyanyaula, ndele eshi sha xupa po, oshe shi lyata nomakasha asho. 20 Ndele nda hala okushiiva eembinga edi omulongo da kala komutwe washo, noluvinga linya likwao la mbaduka mo nomoitanaisho eembinga nhatu da wa mo, nokutya oluvinga linya la li li nomesho nokanya ka popya oinima inene ndele olo la li linene li dule dikwao. 21 Ame onda mona, nokutya oluvinga eli ola lwifa ovayapuki ndele le va taataa, 22 fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo. 23 Ndele ye okwa tya ngaha: ‘Oshilyani oshitine osho oshilongo oshitine, tashi ka kala kombada yedu, oshi lili, itashi fe oilongo ikwao. Osho tashi ka hakana po edu alishe, ndele tashi ke li lyataula ndele tashi ke li nyanyaula. 24 Neembinga odo omulongo, odo eehamba omulongo, tadi ka holoka moshilongo osho. Ndele imwe i lili tai ka holoka konima yado, ndele yo inai fa dikwao, ndele tai ka nata po eehamba nhatu. 25 Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo. 26 Ndelenee ovatokoli tava ka kala omutumba, ndele vo otave i kufa eenghonopangelo dayo, tadi hanaunwa po ndele tadi dimwa po filu. 27 Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’
28 “Oshinima eshi sha xulila apa. Ame, Daniel, onda halukifwa unene komadiladilo ange, noshipala shange osha shituka, ndelenee oshinima eshi onde shi tuvikila momutima wange.”
