Okupula ewiliko negameno
Episalomi lyaDavid
1 Otandi ku indile, Omuwa;
2 Kalunga kandje, onde ku inekela.
Ino ethela ndje mohoni yesindiko;
aatondi yandje yaa shi nyanyukilwe.
3 Mboka taa ku inekele, itaa sindika,
kakele kaamboka taa ku iteka nziya.
4 Omuwa, longa ndje oondjila dhoye;
dhi yelithila ndje.
5 Longa ndje okukala moshili yoye,
oshoka ongoye Kalunga kandje,
omuhupithi gwandje.
Ngame onde ku inekela aluhe.
6 Omuwa, dhimbulukwa olukeno
nohole yoye yaaluhe,
ndjoka we yi holola nale.
7 Dhimina ndje po oondjo nomapuko gomuugundjuka.
Dhimbulukwa ndje, Omuwa,
omoluuwanawa nomolwohole yoye onene.
8 Omuwa oye omuyuuki nomwaanawa,
aalunde ote ya longo ondjila ndjoka ye na oku yi landula.
9 Aayishonopeki ote ya tula mondjila yu uka
note ya longo okutseya ehalo lye.
10 Nuudhiginini nohole
ote enditha ayehe mboka haa dhama ehangano lye
nohaa vulika kiipango ye.
11 Omuwa, dhima po oondjo dhandje
pauvaneko lyoye, oshoka odhindji.
12 Mboka haa vulika kOmuwa,
ote ya longo ondjila ndjoka ye na oku yi landula.
13 Oyo taa kala aluhe ye li nawa
noyana otaa ka thigulula evi.
14 Omuwa okuume kaamboka haa vulika kuye
nota koleke ehangano nayo.
15 OkOmuwa nda tala aluhe,
ku zile ndje ekwatho,
noye ta hupitha ndje moshiponga.
16 Omuwa, tala ndje, u sile ndje ohenda,
oshoka ondi li muuwike
nonda sa uunkundi.
17 Kutha ndje iimpwiyu,
ngu u hupithe ndje muudhigu wandje auhe.
18 Tala ndje, nkene nda ziyalala nonda ngonwa,
ngu u dhime po oondjo dhandje adhihe.
19 Tala aatondi yandje mpo ye thike;
tala, nkene ye tonde ndje.
20 Gamena ndje, ngu u hupithe ndje;
ino etha, ndi sindike.
Opungoye te kongo egameno.
21 Uuyuuki nuunoshili wandje nau popile ndje,
oshoka onde ku inekela.
22 Kalunga, hupitha Aaisraeli muudhigu wawo auhe!
Ekufilepo netuvikilo lomuhepaululi
Epsalme laDavid.
1 Omwene, omwenyo wange ohandi u yelula kwoove.
2 Kalunga kange, Oove tuu, handi lineekele;
ino efa nge ndi fifwe ohoni,
opo ovayelani vange vaha hafele nge.
3 Heeno, nande umwe ou te ku teelele,
ita ka fifwa ohoni.
Ovaamuki epwanga aveke
tava ka fifwa ohoni.
4 Omwene, ulikile nge eendjila doye,
Ove u longe nge omalila oye,
5 ame ndi ende moshili yoye,
Ove u longe nge,
osheshi Oove Kalunga, omuxupifi wange,
ohandi ku teelele efiku alishe.
6 Omwene, dimbulukwa efilonghenda loye nolukeno loye,
osheshi oyo oya kala po nalenale.
7 Omatimba omounyasha, nomanyono ange,
nowii wange ino u dimbulukwa.
Dimbulukwe nge panghenda
nomolwouwa woye, Omwene.
8 Omwene omuwa nomuyuki,
onghee ta longo ovalunde okushiiva ondjila.
9 Ovalininipiki ote ke va endifa payuki,
novalininipiki ote va longo ondjila yaye.
10 Omalila aeshe Omwene onghenda noudiinini
kwaava hava diinine ehangano nehepaululo laye.
11 Omwene, molwedina loye,
kufa po etimba lange, nande olo linene.
12 Ou ha tila Omwene, ye olyelye?
Ye ote mu longo ondjila ei ye e nokuhoolola.
13 Oye ta ka kala nelao,
noludalo laye otali ka fyuulula edu.
14 Eendafano lOmwene oli li naava have mu tila;
ndele te va shiivifa ehangano laye.
15 Omesho ange alushe
onde a ameka kOmwene,
osheshi neemhadi dange ote di yululula momwiyo.
16 Alukila kwaame, u file nge onghenda,
osheshi ondi li omufiwapo nepongo.
17 Omatilifohodi omomutima wange a hapupala;
kufe nge mo moudjuu wange.
18 Tala omupya wange, noshiponga shange,
u dimine nge po omatimba ange aeshe.
19 Tala ovatondi vange, osheshi ovo ovahapu,
ve noutondwe naame, tava tondo nge nai.
20 Diinina omwenyo wange, u xupife nge;
ino efa ndi fifwe ohoni; Oove, nde lineekela.
21 Oukoshoki noukalinawa nau amene nge,
osheshi Omwene, Oove, nda teelela.
22 Akutu Kalunga, kulila Israel
momaudjuu aye aeshe!
