1 Omusimanekwa Teofilus!
Aanyoli oyendji oya si oshimpwiyu shokutunga ehokololo lyiiningwanima mbyoka ya tsakanithwa mokati ketu. 2 Oyo oya nyola shoka twa li twe shi hokololelwa kumboka ya li ya mono nomeho gawo okuza petameko noya ningi aayuvithi yoohapu. 3 Onkee ano ngame wo sho nda konakona iinima ayihe okuza petameko, onde shi tala sho opala, ndi ku nyolele ehokololo lya yela, omusimanekwa Teofilus, 4 opo u tseye nawa kutya omahokololo ngoka we ga longwa, ogoshili.
Okuvalwa kwaJohannes Omushashi taku tseyithwa
5 Pethimbo ndyoka, uuna Herodes a li omukwaniilwa gwaJudea, okwa li ku na omuyambi, edhina lye Sakaria, gwometanga lyaAbia. Edhina lyomukiintu gwe oElisabet, gwomezimo lyaAron. 6 Ayehe yaali oya li aayuuki koshipala shaKalunga, yaa na oshipwe noya vulika kiipango ayihe nokomautho agehe gOmuwa. 7 Ihe oya li kaaye na oluvalo, oshoka Elisabet okwa li ihaa vala, yo ayehe yaali oya adhika ye li methimbo lyuukulupe.
8 Esiku limwe Sakaria okwa li miilonga yokuyamba koshipala shaKalunga opalufo lwetanga lye. …Sakaria okwa li miilonga yokuyamba koshipala shaKalunga opalufo lwetanga lye. 9 Pamukalo ngoka gwa li gwa landulwa kaayambi, Sakaria okwa hogololwa nokuumba oshihogololitho, a ka tsinine motempeli yOmuwa. 10 Pethimbo lyokutsinina aantu ayehe oya kala pondje taa galikana.
11 Omuyengeli gwOmuwa, ngoka a thikama kombinga yokolulyo lwoshiyambelo hoka haku fikilwa omatsinino, okwi ihololele Sakaria. 12 Sakaria sho e mu mono, okwa haluka a tila. 13 Omuyengeli okwa ti kuye: “Sakaria, ino tila, egalikano lyoye olyu uvika. Omukiintu gwoye Elisabet ote ke ku valela okanona okamati, e to ka luku Johannes. 14 Ngoye oto kala u udha enyanyu neligolo, noyendji yalwe otaa ka nyanyukilwa evalo lyako. 15 Oshoka omunona nguka ota ka kala omunene koshipala shOmuwa. Oye ita nu omaviinu nenge oshinuwa kehe hashi kolitha. Oye te ku udha Ombepo Ondjapuki nomanga e li mela lyayina. 16 Oyendji yomAaisraeli ote ya galulile kOmuwa, Kalunga kawo. 17 Oye omutumwa gwOmuwa te ya e na ombepo noonkondo dhaElia. Oye ota hanganitha oohe noyana, ota galulile oonakwaavulika mondjila yu uka nota longekidha aantu, ya wape okutaamba Omuwa gwawo.”
18 Sakaria okwa ti komuyengeli: “Shika otandi shi tseya ngiini? Oshoka ngame onda kulupa nomukiintu gwandje wo oku li methimbo lyuukulupe.”
19 Omuyengeli okwe mu yamukula a ti: “Ongame Gabriel nda thikama koshipala shaKalunga, ngoka a tumu ndje, ndi ku lombwele nondi ku uvithile elaka ndika etoye. 20 Ano ngashingeyi pulakena: Sho ino itaala oohapu dhandje, oto ka kala itoo popi sigo esiku ndyoka ayihe nde yi ku lombwele tayi ka gwanithwa.”
21 Aantu oya li ya tegelele Sakaria noya kumwa, sho a kala ethimbo ele unene motempeli. 22 Ano sho a zi mo, okwa li itaa vulu okupopya nayo. Aantu noya dhimbulula kutya okwa mono emoniko motempeli. Molwaashoka Sakaria okwa li itaa vulu okupopya nayo, okwe ya lombwele nokuninga omandhindhiliko niikaha.
23 Omasiku giilonga yomotempeli sho ga pu ko, Sakaria okwa shuna kegumbo. 24 Konima yomasiku omukulukadhi gwe Elisabet okwa ningi omusimba nokwa kala megumbo uule woomwedhi ntano inaa za mo nokwa ti: 25 “Shika onde shi ningilwa kOmuwa. Ngashingeyi Omuwa okwa sile ndje ohenda, sho a kutha ndje okudhinwa kaantu.”
Okuvalwa kwaJesus taku tseyithwa
26 Elisabet sho a ningi omusimba gwoomwedhi hamano, Kalunga okwa tumu omuyengeli Gabriel koshilando shomuGalilea, edhina lyasho Nasaret, 27 a ye komukadhona a yalekwa komulumentu, edhina lye Josef, gwomezimo lyaDavid. Edhina lyomukadhona oMaria. 28 Omuyengeli okwe ya kuye e ta ti: “Ombili nayi kale nangoye! Omuwa na kale pamwe nangoye ye ne ku yambeke!”
29 Maria okwa haluthwa kepopitho nokwe li dhiladhila kutya otali ti ngiini. 30 Omuyengeli okwa ti kuye ishewe: “Maria, ino tila, owa silwa ohenda kuKalunga. 31 Oto ka ninga omusimba e to vala okanona okamati nou na oku ka luka Jesus. 32 Oye ta ningi omunene e ti ithanwa Omuna gwaKalunga gwokombandambanda. Omuwa Kalunga ote mu ningi omukwaniilwa ongaashi he David. 33 Oye ta ningi omukwaniilwa gwoluvalo lwaJakob sigo aluhe; nuukwaniilwa we kau na mpoka tau ka hula po.”
34 Maria okwa ti komuyengeli: “Otashi ka vulika ngiini, oshoka ngame omukadhona natango?”
35 Omuyengeli okwe mu yamukula a ti: “Ombepo Ondjapuki otayi ku lambele, noonkondo dhaKalunga gwokombandambanda otadhi ku siikile. Onkee ano omunona nguka ota ka lukwa Omuna gwaKalunga. 36 Tala, naElisabet omunezimo lyoye ngoka a popiwa kutya iha vala, okwa ningi ngashingeyi omusimba gwoomwedhi hamano, nonando okwa kulupa. 37 Oshoka kaku na shoka tashi nyenge Kalunga.”
38 Maria okwa ti: “Ongame omuntu gwOmuwa. Nandi ningwe ngaashi wa ti.” Omuyengeli nokwa zi po puye.
Maria ta talele po Elisabet
39 Pethimbo olyo tuu ndyoka Maria okwa thikama e ta yi nokweendelela koshilando shomuJudea, shi li momukunda gu na oondundu. 40 Maria sho e ya maandjaSakaria, okwa popitha Elisabet. 41 Elisabet sho u uvu epopitho lyaMaria, okanona oka nyulukuta mela lye. Opo Elisabet oku udha Ombepo Ondjapuki 42 nokwa popi mokule a ti: “Kala wa yambekwa mokati kaakiintu aakweni, nosho wo okanona hoka to ka vala, naka yambekwe. 43 Osha zile ndje peni, yina yOmuwa gwandje sho te ya kungame? 44 Oshoka manga tuu ewi lyepopitho lyoye tali thiki momakutsi gandje, okanona oka nyulukuta kenyanyu mela lyandje. 45 Omunelago oongoka wi itaala kutya shoka to shi lombwelwa kOmuwa, otashi ka gwanithwa.”
Eimbilo lyehambelelo lyaMaria
46 Maria okwa ti:
“Omwenyo gwandje otagu hambelele Omuwa,
47 ombepo yandje otayi nyanyukilwa Kalunga, omuhupithi gwandje,
48 oshoka okwa dhimbulukwa omuntu gwe mokwiishonopeka kwe.
Okuza ngashingeyi aantu ayehe otaa ki ithana ndje omunelago,
49 oshoka Omuwa omunankondo okwa ningile ndje iinima iinene.
Edhina lye olyo eyapuki.
50 Oye ta sile ohenda ayehe mboka haye mu tila yomomapipi agehe.
51 Oye okwa longo iilongankondo.
Oonakuholuuntsa okwe ya halakanitha po pamwe nomadhiladhilo gawo.
52 Aakwaniilwa aanankondo okwe ya kutha ko kiipangelapundi yawo,
nokwa nenepeke aaishonopeki.
53 Mboka ya sa ondjala, okwe ya kutitha nuuwanawa,
aayamba okwe ya tidha po ye li iikaha yowala.
54 Oye okwa dhiginine euvaneko ndyoka e li lombwele ootate.
Oye e ya okukwatha omuntu gwe Israel,
55 nokwa dhimbulukwa okusila Abraham ohenda noluvalo lwe sigo aluhe.”
56 Maria okwa menekele puElisabet oomwedhi ndatu, opo ihe okwa shuna kaandjawo.
Okuvalwa kwaJohannes
57 Ethimbo lyaElisabet lyokuvala sho lya thiki, okwa vala okanona okamati. 58 Aashiinda ye naanezimo sho yu uvu, nkene Omuwa e mu hololele esilohenda enene li thike mpoka, oya nyanyukwa pamwe naye.
59 Esiku etihetatu oye ya, ya fukaleke okanona, noya li ya hala ye ka lukile he Sakaria. 60 Ihe yina okwa ti: “Itashi vulika. Edhina lyako otali lukwa Johannes.”
61 Oyo noya ti kuye: “Mezimo lyoye kamu na nando omuntu e na edhina ndyoka.” 62 Oyo noya lombwele he nokuninga omandhindhiliko niikaha, opo ye mu pule kutya okanona okwa hala ka lukwe edhina lini.
63 Oye okwi indile, a pewe okapelende kokunyolela nokwa nyolele mo kutya: “Edhina lyako oJohannes.” Aantu ayehe noya kumwa. 64 Opo tuu mpoka ewi lye olya thituluka nelaka lye olya manguluka, nokwa tameke okupopya e ta hambelele Kalunga.
65 Aantu ayehe yopuushiinda oya kwatwa kehaluko, nakehe gumwe gwomoshitopolwa shoka shoondundu muJudea oku uvu ayihe mbika ya ningwa. 66 Ayehe mboka ye shi uvu, oya pungula oohapu ndhika moomwenyo dhawo noya ti: “Okanona haka otaka ka kala ka tya ngiini?” Oyo oya dhimbulula kutya, oko oke li miikaha yOmuwa.
Ehunganeko lyaSakaria
67 He Sakaria oku udha Ombepo Ondjapuki nokwa hunganeke a ti:
68 “Omuwa, Kalunga kaIsrael, na hambelelwe!
Oshoka okwe ya okuhupitha nokumangulula aantu ye.
69 Oye okwe tu pe Omukulili ofule a zi mezimo lyomuntu gwe David.
70 Ngaashi aahunganeki ye aayapuki ye shi uvaneke nale kutya:
71 Oye ote ke tu hupitha maatondi yetu nomiikaha yaayehe mboka ye tu tonde.
72 Shika ote shi ningi molwesilohenda lye ndyoka e li hololele ootate,
sho ha dhimbulukwa ehangano lye eyapuki.
73 Oye okwa ganene tate yetu Abraham kutya,
74 ote ke tu hupitha miikaha yaatondi yetu, opo tu mu longele twaa na uumbanda,
75 tse tu ninge aayapuki naayuuki koshipala she omasiku getu agehe.
76 Ngoye okanona oto ki ithanwa omuhunganeki gwaKalunga gwokombandambanda,
oshoka oto ka tetekela Omuwa, u mu opalekele ondjila.
77 Ongoye to ka tseyithila aantu ye ehupitho, uuna oondjo dhawo dha dhimwa po.
78 Oshoka Kalunga ketu oku na olukeno nesilohenda,
onkee eluwa lyehupitho otali tu tendele, li tu minikile.
79 Tse mboka twa kuutumba momilema nomomuzizimba gweso, li ukithe oompadhi dhetu mondjila yombili.”
80 Omunona okwa koko nokwa kolo pambepo. Oye okwa kala mombuga sigo esiku ndyoka i ihololele Aaisraeli.
1 Eshi vahapu va hovela okutunga ehepaululo loinima ei ya ningwa mokati ketu, 2 ongaashi venya va li tete ovamoni, novalongi veendjovo ve di tu fiila, 3 naame yo, eshi nda konakona shili aishe ngaashi ya shikulafana kehovelo, nda hala ndi ku shangele, Teofilus, omufimanekwa, 4 opo u shiive nawa oshili shomahepaululo oo we a longwa.
Exunganeko lokudalwa kwaJohannes
5 Opomafiku aHerodes, ohamba yOvajuda, okwa li ku nomupristeli edina laye Sakaria, wetanga laAbia, nomukainhu waye womoludalo laAron, edina laye Elisabet. 6 Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo. 7 Ndele vo ova li vehe na okaana, osheshi Elisabet okwa li ongadji naaveshe vavali va kulupa.
8 Ndele fimbo kwa li ta longo oilonga youpristeli koshipala shaKalunga omolufo letanga laye,…Sakaria okwa li ta longo oilonga youpristeli koshipala shaKalunga omolufo letanga laye. 9 okwa hoololwa panghedi yovapristeli, a ka twimine motembeli yOmwene. 10 Ndele ongudu aishe yovanhu oya li pondje, tai ilikana pefimbo letwimino. 11 Opo nee omweengeli wOmwene okwe mu holokela a kala ofika kolulyo loaltari yokutwimina. 12 Ndele Sakaria okwa haluka eshi e mu mona, noumbada we mu kwata. 13 Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.
14 Ndele ye ota ka kala ehafo nenyakuko kwoove,
ndele vahapu otava ka hafela edalo lako.
15 Osheshi ye ota ningi omunene koshipala shOmwene,
omaviinyu nomeva keshe haa kolwifa ite a nu,
ota yadifwa Omhepo Iyapuki
fimbo e li medimo laina.
16 Ndele vahapu vomovana vaIsrael
ote va alulile kOmwene Kalunga kavo.
17 Ndelenee ye ote mu tetekelele
momhepo nomeenghono daElia,
nomitima dooxe ote di alulile kovana,
novahaduliki keendunge dovayuki,
opo a longekidile Omwene oshiwana sha pwa.”
18 Sakaria okwa tya komweengeli: “Eshi ohandi shi dimbulukwa koshike? Osheshi ame onda kula nomukainhu wange okwa kulupa.” 19 Ndele omweengeli okwe mu nyamukula ta ti: “Aame Gabriel, ou handi kala ofika koshipala shaKalunga, ndele onda tumwa ndi ku popife, ndi ku udifile ondaka ei yehafo. 20 Ndele tala, ove to fiti ondaka, ito shiiva okupopya fiyo efiku olo eshi tashi ningwa, shaashi ino itavela eendjovo odo dange, tadi wanifwa shili pefimbo lado.”
21 Ndelenee ovanhu ova li kuteelela Sakaria, ndele ova kumwa eshi a kala mo unene motembeli. 22 Ndelenee eshi a dja mo, okwa nyengwa okupopya kuvo, ndele vo ova koneka kutya ye okwa mona emoniko motembeli, ye okwe va lapa ndele ta kala a fita ondaka.
23 Ndele opo nee omafiku aye okulonga oilonga youpristeli eshi a pwa ko, okwa shuna nee keumbo. 24 Ndele omafiku enya eshi a pita po, Elisabet okwa ninga omufimba, ndele okwa hondama eehani nhano ndele ta ti: 25 “Osho ngaha Omwene okwa ningila nge pomafiku enya eshi a tala kwaame a kufe nge okudinwa kwovanhu.”
Exunganeko lokudalwa kwaJesus
26 Ndele mohani onhihamano omweengeli Gabriel okwa tumwa kuKalunga a ye koshilando shomuGalilea, edina lasho Nasaret, 27 okokakadona ka putulwa komulumenhu edina laye Josef, womepata laDavid, nedina lokakadona oMaria. 28 Ndele omweengeli eshi e uya mo kuye okwa tya: “Kundwa, oove omufilwanghenda! Omwene oku li naave. Oove omunangekwa noupuna mokati kovakainhu.”
29 Ndele ye okwa halukifwa keendjovo odo nokwe lipula kutya ekundo olo otali ti ngahelipi. 30 Ndele opo omweengeli okwa tya kuye: “Maria, ino tila, osheshi ove owa mona onghenda kuKalunga. 31 Ndele tala, ove to ningi omufimba ndele to dala okamati, ndele to ka luka edina lako Jesus.
32 Ye ota ningi omunene,
ndele Ye e nokwiifanwa Omona waau wOkombadambada.
Kalunga Omwene ote mu pe olukalwa louhamba waxe David;
33 ndele Ye ota ningi ohamba yeumbo laJakob fiyo alushe,
nouhamba waye kau na apa tau xulu po.”
34 Opo Maria ta ti komweengeli: “Eshi otashi ka ningwa ngahelipi, osheshi omulumenhu nghi mu shii?” 35 Ndele omweengeli okwe mu nyamukula ta ti: “Omhepo Iyapuki otai ku dile kombada, neenghono daau wOkombadambada otadi ku tuvikile, onghee hano omudalwa ou omuyapuki ota ka lukwa Omona waKalunga. 36 Ndele tala, naElisabet, omukweni, ou kwa tiwa ongadji, okwa ninga omufimba wokamati moukulupe waye, nohani ei yaye oyo onhihamano, 37 osheshi Kalunga iha nyengwa kusha.” 38 Ndele Maria okwa tya: “Tala, aame omupiya wOmwene, nandi ningwe ngaashi wa tya.” Ndele omweengeli okwa dja po puye.
Maria ta talele po Elisabet
39 Ndele pomafiku enya Maria okwa fikama ndele ta i nokweendelela komukunda wokeemhunda, okoshilando shonhumba shomuJudea. 40 Ndele okwa fika meumbo laSakaria, ndele ta kundu Elisabet. 41 Ndele opa ningwa nee, Elisabet eshi a uda ekundo laMaria, okaana oka nhuka medimo laye, ndele Elisabet okwa yadifwa Omhepo Iyapuki. 42 Ndele okwa popya mokule ta ti: “Oove omunangekwa noupuna mokati kovakainhu, ndele nakudalwa ou womwoove omunangekwa noupuna! 43 Ndele osha dila nge peni, ina yOmwene wange te uya kwaame? 44 Osheshi ondaka yekundo loye eshi ya fika momatwi ange, okaana oka nhuka kehafo medimo lange. 45 Ndele omunelao oyou ta itavela kutya osho te shi lombwelwa kOmwene, otashi ka wanifwa.”
Eimbilohambelelo laMaria
46 Opo Maria a popya, ta ti:
“Omwenyo wange otau hambelele Omwene pombada,
47 nomhepo yange otai nyakukilwa Kalunga, Omukulili wange,
48 eshi a tala ouxupi womupiya.
Tala, okonena omapupi aeshe otaa fimaneke nge ndimunelao.
49 Osheshi Omunaenghono a ningila nge oinima inene,
nedina laye olo oliyapuki,
50 nefilonghenda laye otali kala koludalo nokomaludalo,
okwaava have mu tila.
51 Okwa longa oilonganghono kokwooko kwaye,
ndele okwa halakanifa po
ava va li ve nomadiladilo elinenepeko momitima davo.
52 Ovapangeli okwe va undula ko komalukalwa
ndele okwa nenepekifa ovaxupi.
53 Ovanandjala okwe va kutifa nouwa,
noipuna okwe i lekela ongaho.
54 Okwa tambula Israel, omupiya waye,
opo a dimbulukwe efilonghenda laye
55 kuAbraham nokoludalo laye fiyo alushe,
ngaashi a lombwela ootate.”
56 Ndele Maria okwa menekela puye eehani nhatu ndele okwa shuna keumbo lavo.
Okudalwa kwaJohannes
57 Ndele efimbo laElisabet lokudala la fika, nokwa dala okamati. 58 Ndele ovashiinda vaye novakwao eshi va uda Omwene e mu ningila onghenda inene, ova hafa pamwe naye. 59 Ndele efiku etihetatu ve uya va ka pitife okaana etanda, ndele ova hala ve ka lukile edina laxe Sakaria. 60 Ina okwa nyamukula ta ti: “Ahowe, edina lako otali lukwa Johannes.” 61 Ndele vo ova tya kuye: “Mepata leni kamu na nande umwe e na edina eli.” 62 Ndele ova lapa xe, edina lilipi ngeno a hala oku ka luka. 63 Ye okwa indila okapelende, ndele ta shange mo ngaha: “Edina lako oJohannes.” Aveshe ova kumwa. 64 Opo tuu opo okanya kaye nelaka laye ola fituluka, ye okwa popya ndele ta hambelele Kalunga. 65 Ndele aveshe vomoushiinda ova kwatwa kehaluko, nokomukunda aushe wokeemhunda daJudea okwa hepaululwa aishe ei ya ningwa, 66 ndele aveshe ava ve di uda ove di lipula momitima davo ndele ova tya: “Okaana aka otaka ningi okashike?” Osheshi eke lOmwene ola li naye.
Eimbilohambelelo laSakaria
67 Ndele xe Sakaria okwa yadifwa Omhepo Iyapuki, nokwa xunganeka ta ti:
68 “Omwene Kalunga kaIsrael na fimanekwe,
osheshi e uya okutala oshiwana shaye,
ndele okwe shi longela ekulilo,
69 ndele okwe tu tumbila oluvinga lexupifo
omeumbo laDavid, omupiya waye,
70 ngaashi a lombwelifa omakanya ovaxunganeki vayapuki
momafimbo ounyuni wonale,
71 oku tu xupifa movanaita nafye
nomomake aaveshe ovo ve tu tonda,
72 a monifile ootate olukeno,
Ye a dimbulukwe ehangano laye liyapuki,
73 eano olo e li anenene tate yetu Abraham,
74 e tu pe omhito,
opo eshi twa xupifwa momake ovatondi vetu,
tu mu longele tuhe na oumbada
75 omouyuki nomouyapuki koshipala shaye omafiku etu aeshe.
76 Ndele ove okaana,
oto ka ifanwa omuxunganeki waau wOkombadambada,
osheshi ove u nokutetekelela Omwene noku mu palela eendjila daye,
77 u longe ovanhu vaye okushiiva exupifo
nedimepo lomatimba avo,
78 omolwefilonghenda lomomutima waKalunga ketu,
omo eluwa lokombada tali tu tendele,
79 li tu minikile ava hatu kala omutumba momulaulu
nomomudidimbe wefyo,
ndele li yukifile eemhadi detu mondjila yombili.”
80 Ndele okaana oka kula ndele oka pama momhepo, ndele oka kala meembuwa fiyo efiku olo a holokela Israel.
