1 Embo ndika olyo ehokololo lyiiningwanima mbyoka Jesus Kristus e yi holola. Kalunga okwe mu pe ehololo ndika e li hololele aapiya yaKalunga shoka shi na okuningwa mbala. Kristus okwa tseyithile omupiya gwe Johannes iinima mbika, sho a tumu omuyengeli gwe kuye, 2 Johannes nokwa hokolola ashihe shoka e shi mono. Ndika olyo ehokololo tali hokolola elaka lya za kuKalunga noshili ndjoka Jesus Kristus e yi holola.
3 Omunelago oongoka ta lesha embo ndika; eeno, aanelago oomboka taa pulakene oohapu dhomahunganeko gomembo ndika e taa vulika kushoka sha nyolelwa mo. Oshoka ethimbo olya thikana, uuna iinima mbika ayihe yi na oku ka gwanithwa.
Omakundo komagongalo gaheyali
4 Johannes ota kundu omagongalo gaheyali gomuAsia:
Esilohenda nombili ya za kuKalunga, ngoka a li ko noku li ko note ya, nokoombepo heyali ndhoka dhi li poshipangelapundi she, 5 nokuJesus Kristus, omuhokololi omudhiginini, omutango mokuyumudhwa kuusi nomupangeli gwaakwaniilwa yokombanda yevi.
Jesus oku tu hole nokwe tu mangulula mo moondjo dhetu omolweso lye, 6 e te tu ningi ombala yaayambi yokulongela Kalunga He. Jesus Kristus na simanekwe ye na pangele aluhe sigo aluhe! Amen.
7 Tala, oye te ya te ende miikogo yokegulu! Kehe gumwe oku na oku mu mona, naambaka ye mu ulula noomboha. Aantu ayehe yokombanda yevi otaa ka lila, sho taye mu mono. Eeno shili! Amen.
8 “Ongame Alfa naOmega,” Omuwa Kalunga, Omunankondoadhihe osho ta ti, oongoka e li ko nokwa li ko note ya.
Emoniko
9 Ongame Johannes omumwanyoko, nomokulandula Jesus, onda faathana nane mokuhumbata neidhidhimiko omahepeko ngoka tage ya kumboka yomOshilongo she. Onda tulwa kontuntu yaPatmos molwaasho ndu uvitha oohapu dhaKalunga nonda hokolola Jesus. 10 Mesiku lyOmuwa onda kwatwa kOmbepo nondu uvu ewi enene lya fa lyenkuma tali popi konima yandje 11 tali ti: “Ayihe mbyoka to yi mono, yi nyolela membo e to li tumine komagongalo ngaka gaheyali: Efeso, Smirna, Pergamo, Tiatira, Sarde, Filadelfia naLaodikea.”
12 Nena ongame onda pungulukile lwaanima, ndi tale ngoka ta popitha ndje nonda mono ko iihukikwanyeka iheyali yoshingoli. 13 Mokati kiihukikwanyeka mbyoka onda mono mo gumwe a fa Omuna gwOmuntu, a zala onguwo onde ya tsa koompadhi, nokwi imanga epaya lyoshingoli pontulo. 14 Omafufu gokomutse gwe omatokele ga fa goonzi nenge ngaashi omahegele gomongwa, omeho ge oga li ga fa oohandje dhomulilo. 15 Oompadhi dhe odha adhima dha fa osheela oshikushu sha hanyekwa nosha yelithwa meziko, newi lye olya fa epopomo lyomeya omanene. 16 Oye oku na oonyothi heyali moshikaha she shokolulyo, nomokana ke omwa zi egongamwele lyoongenge mbali lya tsa. Oshipala she osha adhima ngaashi etango lyopokati komutenya. 17 Sho nde mu mono, ondi ihata pevi nda fa nda sa. Nena oye okwa tenteke ndje oshikaha she shokolulyo e ta ti: “Ino tila! Ongame omutango nomuhugunini. 18 Onda li nda sa, ihe ngashingeyi ondi na omwenyo. Tala, otandi kala ndi na omwenyo sigo aluhe. Ondi na oonkondo okupangela eso noshaasi. 19 Nyola ano iinima mbyoka u yi wete ngashingeyi naambyoka tayi ka ningwa komeho. 20 Efatululo lyoshiholekwa shoonyothi heyali ndhoka u dhi wete moshikaha shandje nolyiihukikwanyeka iheyali yoshingoli olyo ndika: oonyothi heyali odho aayengeli yomagongalo ngoka gaheyali, niihukikwanyeka iheyali oyo omagongalo gaheyali.”
1 Ehololo laJesus Kristus, eli Kalunga e li mu pa okuulikila ovapiya vaye ei i nokuningwa diva. Jesus okwe i shiivifila Johannes, omupiya waye nokutuma omweengeli waye kuye. 2 Johannes ota hepaulula ondjovo yaKalunga nehepaululo laJesus Kristus, naaishe oyo e i mona. 3 Omunelao oyou, ta lesha eendjovo domaxunganeko ou naava tave di pwilikine nokudiinina eshi sha shangelwa mo, osheshi efimbo oli li popepi. 4 Johannes komaongalo aheyali muAsia:
Efilonghenda kunye nombili kwaau e li po, nokwa li po ndee te uya, nokeemhepo odo heyali hadi kala kolukalwapangelo laye, 5 nokuJesus Kristus, omuhepaululi omudiinini, Shiveli shomovafi nOmupangeli weehamba dedu.
Ou okwa li e tu hole nokwe tu mangulula momatimba etu nohonde yaye, 6 nokwe tu ninga ouhamba novapristeli vaKalunga novaXe; efimano olaye neenghono odaye alushe fiyo alushe! Amen.
7 Tala, Ye ote uya moilemo, nomesho aeshe otae ke mu mona, naava yo ve mu tyuula; nomapata aeshe okombada yedu otaa ka lilaana, eshi tae mu mono. Heeno, Amen.
8 “Aame Alfa naOmega,” nokutya, ehovelo nexulilo, Omwene Kalunga osho ta ti, Oye ou e li ko nokwa li ko ndele te uya, omunamapangelo aeshe.
Jesus te lihololele Johannes konhunhu yaPatmos
9 Aame Johannes, omumwaxo omukweni mouyehame nomouhamba nomelididimiko muJesus Kristus; onda li konhunhu yaPatmos omolwondjovo yaKalunga nomolwehepaululo laJesus Kristus. 10 Mefiku lOmwene onda li mOmhepo, ndele nda uda konima yange ondaka inene ya fa enghuma, 11 ya tya: “Eshi to shi mono, shi shanga membo, ove u li tumine omaongalo enya aheyali omuAsia: kuEfeso nokuSmirna nokuPergamo nokuTiatira nokuSarde nokuFiladelfia nokuLaodikea.”
12 Ame onda punguluka ndi tale ondaka ei ya popifa nge; eshi nda punguluka, onda mona oixwekelwashela iheyali yoshingoldo, 13 nomokati koixwekelwashela onda mona mo umwe, a fa Omona wOmunhu a djala oshikutu shile sha twa keemhadi, nekwamo loshingoldo ponhulo. 14 Omutwe waye neexwiki oda li ditoka to, ngaashi olududi litoka, nongaashi omongwa utoka to nomesho aye ongaashi omalaka omundilo, 15 neemhadi daye oda li da fa outale voshikushu sha hanyifwa, nondaka yaye oya fa epopolo lomeva manenenene. 16 Nomeke laye lokolulyo okwa li e kwetele mo eenyofi heyali, nomokanya omwa dja eongamukonda leemhemokuvali la twa, noshipala shaye osha li sha fa etango la yela neenghono dalo.
17 Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa, 18 ondi nomwenyo, onda file, ndele tala, ondi nomwenyo fiyo alushe; ndele ondi neeshapi defyo nodoshovafi. 19 Shanga hano ei wa mona, naashi shi li po, naashi tashi ke uya komesho. 20 Oshiholekwa sheenyofi odo heyali we di tala meke lange lokolulyo, noshoixwekelwashela ei iheyali yoshingoldo otashi ti ngaha: Eenyofi odo heyali odo ovaengeli vomaongalo aheyali noixwekelwashela ei iheyali oyo omaongalo aheyali.
