Jonatan ta kwatha David
1 Nena David okwa zi mongulu yaahunganeki muRama e ta yi ontuku kuJonatan e te mu pula ta ti: “Onda ningi ano shike? Onda yono ngiini? Oshike sha puka nda ningi puho, sho a hala okudhipaga ndje?”
2 Jonatan okwa yamukula a ti: “Aawe, ito si. Tate oha lombwele ndje ashihe shoka ta ningi, oshinene nenge oshishona. Ite shi holeke ndje nokuli, ngele a hala oku ku dhipaga. Aawe, ite shi ningi.”
3 Ihe David okwa yamukula a ti: “Ho oku shi shi nawa kutya ou hole ndje. Onkee okwa tokola, kee shi ku tseyithile, oshoka otashi ku ehameke unene. Otandi ku ganene koshipala shOmuwa omunamwenyo kutya ondi na ko owala onkatu yimwe, ndi se.”
4 Jonatan okwa ti: “Otandi ka ninga shaa shoka wa hala.”
5 David okwa yamukula: “Ngula oku na oshituthi shomwedhi omupe, notandi tegelelwa, ndi lye pamwe nomukwaniilwa. Ihe ngele oshe ku opalela, otandi ka holama melundu sigo ongulohi yahela. 6 Ngele ho ta dhimbulula kutya kandi po poshitaafula, mu lombwela kutya owa pitika ndje, ndi matukile kuBetlehem, oshoka pethimbo ndika ezimo lyetu alihe ohali yamba ondjambo yokomumvo. 7 Ngele ta ti: ‘Onawa,’ nena kandi na mbudhi; ihe ngele ota geye, oto tseya kutya okwa tokola, a yone ndje po. 8 Omolwehangano lyetu lyuukuume sila ndje ohenda. Ihe ngele ondi na ondjo, dhipaga ndje ngoye mwene! Ino fala ndje kuho, a dhipage ndje!”
9 Jonatan okwa yamukula a ti: “Ino shi dhiladhila nokuli. Ando tandi dhimbulula kutya tate okwa hala oku ku yona po, ando otandi shi ku lombwele. Osho oshili.”
10 Nena David okwa pula a ti: “Olye ta ka tseyithila ndje, ngele ho ta yamukula nongeyo?”
11 Jonatan okwa yamukula: “Tu ye kelundu.” Oyo noya yi. 12 Jonatan okwa ti kuDavid: “Omuwa Kalunga kaIsrael na ninge onzapo yetu. Ngula nahela pethimbo ngaandika otandi ka pula tate. Ngele oku na ohenda nangoye, otandi ku tumine elaka. 13 Ngele ota dhiladhila oku ku yona po, Omuwa na dhipage ndje, ngele itandi shi ku tseyithile, opo u ye ontuku. Omuwa na kale nangoye, ngaashi a li natate! 14 Nongele te kala ndi na omwenyo, kwatha ndje, u dhiginine euvaneko lyoye nou inekele ndje; ihe ngele te si, 15 sila ohenda oluvalo lwandje ndoka talu ka kala ko. Uuna Omuwa a adhika a mana po aatondi yoye ayehe, 16 ehangano lyetu nali kale inaali teka po. Ngele tali teka po, Omuwa ote ke ku geela.”
17 Lumwe natango Jonatan oku uvathanitha David kutya oku mu hole, oshoka Jonatan okwa li e hole unene David, ngaashi i ihole mwene. 18 Nena Jonatan okwa ti kuye: “Oshoka ngula oku na oshituthi shomwedhi omupe, okwaahakalapo kwoye poshililo otaku ka dhimbululwa. 19 Hela okwaahakalapo kwoye otaku ka dhimbululwa ishewe noonkondo; onkee ano inda kehala nkoka wa ka holamene nale e to holama konima yondumba yomamanya. 20 Otandi ka umba iikuti itatu lwaankoka nda fa tandi umbu oshoodhekwa. 21 Nena otandi ka lombwela omupiya gwandje, a ye, e ke yi toole. Nongele tandi mu lombwele te ti: ‘Tala, iikuti oyi li kombinga ndjika yoye; yi toola,’ otashi ti kutya ku na mbudhi noto vulu okuhololoka mo. Otandi ku ganene koshipala shaKalunga omunamwenyo kutya ito kala nando moshiponga. 22 Ihe ngele otandi mu lombwele te ti: ‘Iikuti oyi li kombinga ndjiyaka yoye,’ nena inda, oshoka Omuwa okwe ku laleke, u ye. 23 Omuwa ne tu kwathe, tu dhiginine ehangano lyetu sigo aluhe.”
24 Onkee David okwa holama melundu. Moshituthi shomwedhi omupe omukwaniilwa Saul okwe ya koshililo 25 e ta kuutumba pehala lye lyoshito lwopekuma. Abner okwa li a kuutumba ontega naye, naJonatan okwa kuutumba e mu taalela. Eha lyaDavid olya li owala, 26 ihe Saul ina tya sha esiku ndyoka, oshoka okwa dhiladhila: “Ngiika oku na po sha, noku li po ino opala pamisindilo.” 27 Esiku lya landula oshituthi shomwedhi omupe ehala lyaDavid olya li natango owala, naSaul okwa pula Jonatan: “Omolwashike ano David inee ya koshililo ohela ndele nonena?”
28 Jonatan okwa yamukula: “Okwi indile ndje epitikilo okuya kuBetlehem. 29 Okwa ti: ‘Nandi ye, oshoka ezimo lyetu otali dhana oshituthi shoondjambo moshilando, nomumwameme okwa lombwele ndje, ndi kale po. Onkee ano ngoye ngele okuume kandje, pitika ndje, ndi ka talele po aakwetu.’ Omolwashoka inee ya koshililo.”
30 Saul okwa geele Jonatan nokwa ti kuye: “Muna gwomudhimbwe ngoye! Nena ondi shi shi kutya ngoye owa panga uukuume naDavid nowi iyetele ohoni ngoye mwene nanyoko. 31 Ku shi shi nani kutya manga David e na omwenyo, ito ka ninga omukwaniilwa gwoshilongo shino? Ngashingeyi inda, u ke mu tale, e ye huka, oshoka oku na okusa!”
32 Jonatan okwa yamukula: “Omolwashike ano e na okusa? Okwa ningi shike ano?”
33 Nena Saul oku umpile Jonatan negonga, e mu dhipage, naJonatan okwa dhimbulula kutya he okwa mana mo shili, a dhipage David. 34 Jonatan okwa yambuka po a zi poshitaafula a thita po kondjahi noina lya sha esiku ndyoka etiyali lyoshituthi shomwedhi omupe. Okwa li e ehamenwa shili David, oshoka Saul okwe mu sitha ohoni.
35 Ongula ya landula Jonatan okwa yi komalundu, a ka tsakaneke David, ngaashi yu uvathana. Okwa yi ko nokamati 36 nokwa ti kuko: “Matuka, u ka toole iikuti mbyoka tandi ka umba.” Omumati okwa matuka, naJonatan oku umbu oshikuti komeho ge. 37 Omumati sho a thiki peha mpoka oshikuti sha ndjakele, Jonatan okwe mu igidha ta ti: “Oshikuti oshi li komeho! 38 Ino thikama mpoka! Endelela!” Omumati okwa toola oshikuti nokwe ya kumwene gwe 39 ye ina tseya shoka tashi ti; Jonatan naDavid oyo ayeke ya li ye shi tseya. 40 Jonatan okwa gandja omatati ge komumati nokwe mu lombwele, e ga fale koshilando.
41 Omumati sho a yi, David okwa hololoka mo a zi konima yondumba yomamanya. Okwa tsu oongolo nokwa sizimike oshipala she pevi lutatu. Ayehe yaali oya li taa lili, sho taa thipathana komilungu; oluhodhi lwaDavid olwa li olunene lu vule lwaJonatan. 42 Nena Jonatan okwa ti kuDavid: “Kalunga na kale nangoye. Omuwa oye onzapo nokutya tse nangoye, osho wo oluvalo lwoye naandoka lwandje otalu ka dhiginina euvaneko ndyoka eyapuki twe li uvanekelathana.” Nena David okwa yi, naJonatan okwa shuna koshilando.
Oukaume pokati kaDavid naJonatan
1 Opo nee David a ya onhapo a dja muNajot puRama, ndele okwe uya kuJonatan ndee ta pula: “Ame onda ninga shike? Okunyona kwange okwaashike netimba lange koshipala shaxo olashike, ye eshi ta kongo omwenyo wange?” 2 Ndelenee ye okwe mu lombwela: “Alala! Ito fi. Tate ita ningi oshilonga nande shinini ile shinene, ine shi hololela nge ngeno. Omolwashike hano tate ta holeke nge oshinima eshi? Osho hasho!” 3 Opo nee David ta ane vali ndee ta ti: “Xo e shi shii naanaa nokutya, ove wa hokwa nge; onghee hano ye a diladila: Jonatan ine shi shiiva, opo ye aha nyike oluhodi. Ndelenee oshili, ngaashi Omwene e nomwenyo naave yo u nomwenyo, ope nonghatu imwe aike pokati ketu nefyo!” 4 Ndele Jonatan okwa nyamukula David: “Osho we shi hala, ame ohandi ke shi ku ningila.” 5 Opo nee David ta ti kuJonatan: “Tala, mongula ohani ipe, naame ondi nokukala omutumba shili pamwe nohamba poshililo. Ndelenee efe nge ndi ye ndi ka hondame moluhaela fiyo onguloshi yomongheleinya. 6 Xo ngeenge ta yongola nge, u nokutya: ‘David okwa indila nge a shiive okuya diva moshilando shavo Betlehem, osheshi ko oku na oshivilo sheyambo lomudo keshe lepata lavo alishe.’ 7 Ye ngeenge ta ti: ‘Eewa! Omupiya woye ke na mbudi.’ Ndelenee ngeenge a handuka unene, kala u shi shii hano, ye e nowii momwenyo waye. 8 Hano fila omupiya woye onghenda, osheshi ove wa panga oukaume nomupiya woye koshipala shOmwene. Ndelenee ngeenge nda nyona, ove mwene dipae nge. Omolwashike to twala nge kuxo?” 9 Opo nee Jonatan ta ti: “Ino diladila ngaha! Osheshi ngeenge handi dimbulukwa shili nokutya, tate e nowii nomwenyo woye e ku nyone po, ame ihandi ke shi ku hololela ngeno?” 10 Ndele David okwa pula Jonatan: “Olyelye ta shiivifile nge, xo ngeenge te ku pe enyamukulo likukutu?” 11 Ndele Jonatan ta ti kuDavid: “Ila, tu ye komaluhaela.” Ndele vo aveshe vavali va ya koluhaela. 12 Opo nee Jonatan ta ti kuDavid: “Omwene Kalunga kaIsrael, Ye ondobwedi nokutya, ame ohandi ka pula tate mefimbo tuu eli mongula ile mongheleinya. Ndele enyamukulo ngeenge tali wapalele David, ame itandi ku tumine ndi ku hololele ngeno? 13 Omwene na ningile Jonatan shonhumba noshongadi ame ngeenge itandi shi ku hololele ngeno noku ku lekela u shiive okuya nombili, tate ngeenge te ku halele owii. NOmwene na kale naave ngaashi a kala natate. 14 Naave yo ito file nge ngeno onghenda yOmwene, ndiha fye, ame ngeenge ndi nomwenyo natango. 15 Ndele ino efa okufila onghenda epata lange nomefimbo olo Omwene ta hanauna po ovatondadi aveshe vaDavid kombada yedu.” 16 Osho ngaha hano Jonatan okwa panga oukaume nepata laDavid. Ndele Omwene na handukile ovatondadi vaDavid! 17 Ndele Jonatan okwa anifa vali David pahole yaye naye. Osheshi ye okwa li e mu hole nohole yokomwenyo waye. 18 Jonatan okwe mu lombwela vali: “Mongula ohani ipe ove oto ka yongolwa, osheshi oshipundi shoye oshi li ngaho. 19 Ndelenee mongheleinya ove u nokweendelela nokuya konhele oyo, ove wa hondamene efiku linya oshilonga osho sha ningwa, ndele kala omutumba pemanya Esel. 20 Ame ohandi ka umba oikuti itatu pomunghulo walo, ndi kale ngeno handi umbu edidiliko. 21 Ndele tala, ame ohandi ka tuma omupiya ndee handi ti: ‘Inda u ka toole oikuti! Oikuti i li konima yoye, kombinga ei, i kufa nee to dulu okuuya.’ Osheshi kape na mbudi yasha oshili Omwene ngaashi e nomwenyo. 22 Ndelenee ngeenge handi ti komunyasha: ‘Oikuti i li komesho yoye, kokule, opo nee inda.’ Osheshi Omwene te ku lombwele u dje po. 23 Ndele Omwene Oye ondobwedi fiyo alushe pokati ketu naave eendjovo odo twe di tonga.” 24 Opo nee David okwa hondama moluhaela. Ohani ipe eshi ye uya ko, ohamba ya ya i ka kale omutumba poshililo. 25 Ohamba ya kala omutumba kolukalwa layo ngaashi shito, kolukalwa layo lopekuma. Ndele Jonatan okwa kala komesho omutumba nokwa fikama, naAbner okwa kala omutumba ponho yaSaul, ndelenee oshipundi shaDavid sha li hamungaho. 26 Ndele Saul ina popya sha mefiku olo, osheshi a diladila: “Kashiimba she mu ningilwa onghee ina yela. Oshili ina yela.” 27 Ndelenee oshipundi shaDavid eshi sha li hamungaho mefiku la shikula nokutya, mefiku etivali la shikula ohani ipe, Saul okwa pula omona waye Jonatan: “Omolwashike omona waIsai ine uya onghela nonena koshililo?” 28 Ndele Jonatan okwa nyamukula Saul: “David okwa indila nge unene a ye kuBetlehem, 29 ndee ta ti: Lekele nge ndi ye ko, osheshi otu noshivilo sheyambo shepata moshilando, nomumwameme mwene a ifana nge. Ame ngeenge nda filwa onghenda koshipala shoye, lekele nge ndi ye ko ndi ka talele po ovamwameme ovalumenhu. Onghee hano ye ine uya koshililo shohamba.” 30 Opo ehandu laSaul la xwamena Jonatan, ndee ta ti kuye: “Oove omumati omona wombwada; ondi shi shii, ove wa hokwa omumati omona waIsai, osho we lififa ohoni ndele wa fifa epenge lanyoko ohoni? 31 Osheshi omafiku aeshe omumati omona waIsai e nomwenyo kombada yedu, ove nouhamba woye itau ka kala wa pama. Tuma ko hano paife u ke mu ete kwaame, osheshi e nokufya.” 32 Ndele Jonatan okwa nyamukula xe Saul ndee ta ti: “Omolwashike ye e nokudipawa? Okwa ninga shike?” 33 Opo nee Saul te mu umbu eonga e mu twe. Jonatan eshi a dimbulukwa nokutya, xe okwa li a hala shili okudipaa David. 34 Jonatan okwa fikama poshililo mehandu la xwama, ndele ina lya omungome mefiku etivali lohani ipe, shaashi ye a nyika oluhodi omolwaDavid, osheshi xe e mu tuka.
35 Ongula ya shikula Jonatan okwa ya koluhaela paudafano lavo naDavid, nomupiya omunyasha pamwe naye. 36 Ndele ye ta ti komupiya: Inda u ka toole oikuti, ame handi i umbu. Ndele fimbo omupiya ta lotokele ko, ye ta umbu oshikuti sha kolokela kombada yaye. 37 Ndele omupiya eshi a ehena popepi nonhele apa oshikuti sha umbwa kuJonatan sha wila, Jonatan okwa ingida komupiya ta ti: Oshikuti shi li komesho yoye, ehena ko komesho! 38 Ndelenee Jonatan okwa popya vali pombada ta ti komupiya: “Endelela, tondoka, ino kanghama!” Nomupiya waJonatan okwa toola po oshikuti ndee te uya komwene waye. 39 Ndelenee omupiya okwa li ina shiiva sha. Jonatan naDavid ovo aveke vavali va li ve shi shii. 40 Opo nee Jonatan a pa omupiya waye ou a li puye, oiti yaye, ndee ta ti kuye: “Inda u i twale koshilando.” 41 Fimbo omupiya ta i keumbo, David okwa kala ofika langhele kombinga yonhumba yomamanya ndee ta wile poshi ta tu oshipala shaye pedu ndele te linyongamene lutatu. Opo va fipafana komilungu ndele va lila aveshe. David okwa lila nokulililila. 42 Ndele Jonatan ta ti kuDavid: “Inda nombili. Eendjovo odo tuu odo ngaashi twe di ana medina lOmwene ndele twa tile: Omwene ta ka kala ondobwedi pokati ketu naave nopokati koludalo letu naloye fiyo alushe.” Ndele ye okwa fikama ndee ta i; ndelenee Jonatan okwa ya koshilando.
