Ehempululo lyaAgur
1 Oohapu dhaAgur yaJake — ontomona. Omuntu ta popi:
“Kalunga, ondi ivulitha;
Nampongo, ondi ilolokitha,
ongame epongo.
2 Ngame omugoya unene okuninga omuntu;
kandi na oondunge dhopantu.
3 Inandi nongela owino,
opo ndi kale nda tseya Omuyapuki.
4 Olye a londo kegulu nokwa kuluka ko?
Olye a kaminina ombepo meke lye?
Olye a kwatelelela omeya monguwo ye?
Olye a dhike ooha dhevi adhihe?
Edhina lye olye? Nedhina lyomwana olye?
Lombwela ndje, ngele ou li shi.
5 “Ohapu yaKalunga kehe oya yelithwa; oye eholameno lyaamboka taa holama puye. 6 Poohapu dhe ino gwedha po sha, opo kee ku tamaneke nowaa holoke puuyelele omufundja.”
Egalikano lyaAgur
7 “Otandi ku indile iinima iyali, ino yi tindila ndje, manga inaandi sa. 8 Uufudhime niifundja yi kaleka kokule nangame. Uuyamba nenge oluhepo ino lu pa ndje; palutha ndje noshikwiila shoka sha yeleka ndje. 9 Ngele nda kuta unene, otashi vulika tandi ku idhimbike tandi ti: ‘Omuwa oye lye?’ Nongele ndi li moluhepo, otashi vulika ndi ka yake nondi kwatithe edhina lyaKalunga kandje oshidhila.”
Omayeletumbulo gaAgur
10 Ino lombola ko omupiya kumwene gwe, opo kee ku tuke nowaa monike ombudhi.
11 Oku na oluvalo talu thingi he noitalu yambeke yina.
12 Oku na aantu ya yela momeho gawo yene, nando inaa yogoka ko koongaga dhawo.
13 Oku na aantu ye na omeho ge na uuntsa nohaa tala nethithimano.
14 Oku na aantu mboka omayego gawo omagongamwele noondjego dhawo omakuwaha, opo ya taasine po aathigona moshilongo noohepele mokati kaantu.
15 Ethipimbinzi oli na oyana aakadhona yaali, oyo Pendje! Pendje!
Oku na iinima itatu mbyoka ihaayi kuta, iinima ine mbyoka ihaayi ti: “Sha gwana!” 16 Oyo oshaasi, ela entimbe, evi ndyoka ihaali kumwa omeya, nomulilo, ngoka ihaagu ti: “Opuwo nduno!”
17 Ngoka ta sheke he e ta dhini evuliko okuvulika kuyina, omadhilakola gomolusilu otage ke mu shomona omeho, nuukodhigona otau ga li po.
18 Oku na iinima itatu mbyoka tayi kumitha ndje, eeno, ine mbyoka kaandi yi uvite ko: 19 oshinkoti shekodhi mewangandjo, omusinda gweyoka kemanya, oshitauwa shosikepa mokati kefuta noshinkoti shomulumentu komukadhona.
20 Osho ondjila yomukulukadhi omuhondeli: ota li e to opaleke okana ke ta ti: “Inandi yona sha!”
21 Kohi yiinima itatu evi otali kakama, nokohi yiine itali vulu okukala lya kola: 22 omupika ngele ta ningi omukwaniilwa nomusama ngele e na iikulya ya ha, 23 omukiintu e tondike nge ta hokanwa, nomupika omukiintu nge ta pingene mwene gwe.
24 Oku na iishitwa ine mbyoka iishuushuka kombanda yevi, ihe oyi na owino oyindjiyindji: 25 Uudhidhi owo iishitwa yaa na oonkondo, ihe otau pungula iikulya yawo mothinge. 26 Uuhele owo iishitwa yaa na omatha, ihe ohau ningi omakwena gawo momamanya. 27 Oombahu kadhi na omukwaniilwa, ihe iiluku yadho oyi li melandulathano lyo opala. 28 Eyengele oto vulu oku li kwata niikaha yowala, ihe ohali kala muuwa waakwaniilwa.
29 Oku na iishitwa itatu mbyoka hayi katuka nokutuwalala, eeno, ine mbyoka hayi ende nokwiithela: 30 onime, omukwaniilwa mokati kiinamwenyo, ndjoka ihaayi henukile sha, 31 ekondombolo li na oshilundo, oshikombo shoshitsezi, nomukwaniilwa e na omatanga ga homata. 32 Ngele wa sameka nowi inenepeke nenge wa dhiladhila uuwinayi, ikwata komilungu noshikaha. 33 Oshoka okuhika omahini otaku eta omagadhi, mokuhika eyulu otamu zi ombinzi nomokuhika ondjahi otamu zi oontamanana.
Eendjovo daAgur
1 Eendjovo daAgur yaJake; exunganeko: Omulumenhu ta popi ta ti: “Akutu Kalunga! Ame nde lilolokifa! Akutu Kalunga, ame nde lilolokifa ndele nda nyonauka po. 2 Heeno, ame ndihe neendunge, inandi wana ndi talwe aame omunhu, ndele ndihe neendunge domunhu. 3 Ndele inandi longwa ounongo, ndi kale ngeno ndi neshiivo okushiiva Omuyapuki. 4 Olyelye a londa meulu ndele a londoloka ko? Omhepo olyelye e i ongela meke laye? Olyelye a mangela melwakani omeva? Olyelye a pameka ominghulo dedu? Edina laye lilipipo? Nedina lOmona waye lilipipo? Ngeenge u li shii?
5 “Ondjovo keshe yaKalunga oya yelekwa. Ye oshikelelifo shaava hava ame kuye. 6 Keendjovo daye ino weda ko sha, opo Ye ehe ku shile ketokolo, ndele uha ninge omunaipupulu. 7 Oinima ivali handi i pula kwoove: Ino i anyena nge fiyo okefyo: 8 Eenghalanghongo neendjovo doipupulu, di kaleka kokule naame. Ino pa nge oluhepo, ino pa nge oupuna. Pe nge omungome wa yeleka nge, 9 opo ngeenge nda kutilila, ndihe ku lidimbike nokutya: ‘Omwene olyelye?’ Nongeenge nda fya oluhepo, ndiha vake, nondi nyone kedina laKalunga kange.”
10 Omupiya ino mu lundilifa omwene waye, opo ehe ku tule omutima, ndele ove uha monike u nombedi.
11 Ope nepupi tali tula omutima xe, ndele itali nangeke ina yalo noupuna; 12 epupi tali litale lo la yela momesho alo, ndelenee inali koshoka keenyata dalo; 13 epupi li nomesho elinenepeko, neemhafu dalo otadi litumbu pombada; 14 epupi nomayoo alo omaongamukonda nomatayoo eembele, opo va lye po eehepele moshilongo novakwanaluhepo mokati kovanhu.
15 Onakufipa ohonde e novana vavali oukadona: Pe nge vali! Pe nge vali!
Vatatu ava ihava kuta; vane ava itava ti: “Sha wana.” 16 Oshovafi, edimo longadji, edu ihali kuta omeva nande, nomundilo ou itau ti: “Sha wana nokuli!” 17 Ou ta sheke xe, ndele ita yavala okudulika kuina, omesho aye taa shomonwa komakola omefilu, novana vonhwa tave a li po. 18 Oinima itatu onde i kuminwa. Heeno, ine oya nyenga nge okushiiva: 19 Ondjila yonhwa keulu, ondjila yeyoka kemanya, ondjila yoskepa mokati kefuta, nondjila yomulumenhu komukainhu omunyasha.
20 Osho ngaha yo ondjila yomukainhu ta teya po ohombo. Ye ota li te lifeta komilungu daye, ndele ta ti: “Ame inandi nyona sha.” 21 Koshi yoinima itatu edu tali kakama. Nokoshi yoinima ine lo itali dulu okukala la pama: 22 koshi yomupika, ye eshi ta ningi ohamba, nokoshi yelai, lo eshi li nomungome muhapu unene, 23 omukainhu ngeenge a kala a tondwa nale, ta hombolwa, nomupika omukainhu ngeenge ta taataa omwene waye. 24 Oinima ine i li kombada yedu, yo inini ndelenee i nounongo uhapu unene: 25 oufelepuka, oshiwana shihe neenghono, ndelenee tave lituvikilile eendja mokufu; 26 eehele odo oshiwana shi nounongo, ndelenee do otadi litungile omaumbo ado momamanya. 27 Oshipaxu kashi na hamba, ndelenee ohashi tukile shimwe. 28 Shinyengele ta kwata keke, ndelenee ye ota kala mouhamba wohamba.
29 Ope na itatu hai katuka nokutuwalala, naine hai ende nokutuwalala: 30 Onghoshi omuladi womoilyani, yo itai shunine nande sha, 31 onghambe ya paluka ile omenye, nohamba tai piti komesho yomatanga ayo. 32 Ngeenge wa shimika, eshi we linenepekifa ile wa li wa diladila owii, likwata komilungu, 33 osheshi mokushika omashini taku eta omaadi, nomokukama eyulu tamu di ohonde nomokuxwameka ehandu tamu di eemhata.
