Elia noluteni
1 Omuhunganeki Omutishbe muGilead, edhina lye Elia, okwa lombwele omukwaniilwa Ahab a ti: “Medhina lyOmuwa, Kalunga kaIsrael omunamwenyo, ngoka tandi mu longele, otandi ku lombwele kutya omume nenge omvula itayi ka loka momimvo ndhika tadhi ya, okuninga tandi shi ti.”
2 Nena Omuwa okwa ti kuElia: 3 “Za po pehala ndika, u ye kuuzilo, u ka holame popepi nokalonga Kerit, kuuzilo waJordan. 4 Oto ka nwa omeya mokalonga nonda lombwele omadhilakola, ge ku etele iikulya.”
5 Elia okwa vulika kelombwelo lyOmuwa e ta yi, a ka kale pokalonga Kerit. 6 Okwa nu omeya mokalonga, nomadhilakola oge mu etele oshikwiila nonyama ongula kehe nongulohi. 7 Konima yethimbo omeya oga pwine mokalonga, oshoka omvula inayi loka.
Elia nomuselekadhi muSarefat
8 Nena Omuwa okwa ti kuElia: 9 “Ngashingeyi inda koshilando Sarefat popepi naSidon, u kale ko. Onda lombwele omuselekadhi gumwe, e ku paluthe.” 10 Osho ngaaka Elia a yi kuSarefat. Sho e ya posheelo shoshilando, okwa mono omuselekadhi ta tyaya iikuni. Okwa ti kuye: “Kwatha ndje wo omeya, ndi nwe.” 11 Manga te ke ga tala, Elia okwe mu igidha ta ti: “Ou kwatha ndje wo, u etele ndje ko oshikwiila.”
12 Omuselekadhi okwa yamukula a ti: “Otandi gana kOmuwa, Kalunga koye omunamwenyo, kutya kandi na shikwiila. Ondi na ashike uusila weshambekela limwe moluyo nuugadhi mokayiga. Onde ya nkuka okutyaya uukuni, ngame ndi shune kegumbo, ndi ka ngalange okathima ketu nokamwandjemati. Otaka ka kala omwiha gwetu gwahugunina, notatu ka zinda kondjala e tatu si.”
13 Elia okwa ti kuye: “Ino tila; inda ngaa, u ka teleke. Ihe tango ningila ndje ko okakwiila, u ka ete kungame. Oshihupe otamu itelekele ne nomumwoyemati. 14 Oshoka Omuwa, Kalunga kaIsrael, ota ti: ‘Uusila itau ka pwa mo moluyo, nuugadhi itau ka manuka mo mokayiga, manga ngame Omuwa inaandi lokitha omvula.’ ”
15 Omuselekadhi okwa yi e ta ningi, ngaashi Elia e mu lombwele, noyo ayehe oya li ye na iikulya ya gwana omasiku ogendji. 16 Ngaashi Omuwa u uvanekitha Elia, uusila inau pwa mo moluyo, nomagadhi inaga pwa mo mokayiga.
17 Konima yethimbo omumati gwomuselekadhi okwa kwatwa koshigombo; uuvu owa geye nohugunina okwa si. 18 Omuselekadhi okwa ti kuElia: “Muntu gwaKalunga, owa ningi ndje ngiini? Nani owe ya mpaka, u dhimbuluthe Kalunga uulunde wandje, sho shi sithe omumwandje?”
19 Elia okwa ti: “Pe ndje omudhimba gwe.” Okwa taamba omudhimba miikaha ye, e te gu fala mondunda yopombanda moka a kala e te gu langeke kombete ye. 20 Nena okwa galikana muule a ti: “Omuwa, Kalunga kandje, oshike wa ningile omuselekadhi nguka iihuna yi thike mpaka? Okwa kala nangame ta sile ndje oshimpwiyu, ndele ngashingeyi owa dhipaga omwana.” 21 Nena Elia okwi inyongamene komumati e ta galikana ta ti: “Omuwa, Kalunga kandje, galulila omumati nguka omwenyo.” 22 Omuwa okwa yamukula egalikano lyaElia; omumati okwa yumuka nokwa tameke okufudha ishewe.
23 Elia okwa fala omumati kuyina e ta ti kuye: “Tala, omumwoye oye ngu e na omwenyo!”
24 Omuselekadhi okwa yamukula a ti: “Ngashingeyi ondi shi shi kutya ngoye omuntu gwaKalunga, nOmuwa ota popi shili mungoye!”
Omuxunganeki Elia puKerit nomuSarfat
1 Ndele Elia, Omutisbi, wokuTisbe shomuGilead, okwa lombwela Ahab, ta ti: “Oshili, ngaashi Omwene Kalunga kaIsrael e nomwenyo naame handi kala ofika koshipala shaye, momido edi itamu ka kala nande omume ile odula, ame ngeenge inandi shi tonga.” 2 Opo nee ondjovo yOmwene ye uya kuye ndele tai ti: 3 “Fikama, inda koushilo u hondame pokamulonga Kerit, koushilo waJordan, 4 ndele u nokunwa mokamulonga, ndele Ame nda lombwela omakola e ku palule.” 5 Nokwa ya ndele ta ningi pandjovo yOmwene: okwa kala pomulonga waKerit, u li koushilo waJordan. 6 Nomakola e mu etela ongula keshe omungome nombelela, nonguloshi keshe omungome nombelela, nokwa nwa mokamulonga. 7 Ndelenee eshi pa pita efimbo, okamulonga ka pwinina, osheshi odula inai loka moshilongo. 8 Opo nee ondjovo yOmwene ye uya kuye ndele tai ti: 9 “Fikama, inda kuSarefat puSidon ndele kala ko. Tala, Ame nda lombwela omufiyekadi umwe e ku palule.” 10 Opo nee ye a fikama ndele ta i kuSarefat. Eshi e uya poshivelo shoshilando, omufiyekadi umwe a li ko ta tyava oikuni. Nokwe mu ifana ndele ta ti: “Inda u etele nge omeva manini meholo ndi nwe.” 11 Fimbo ta i e ke a tale ko, ye ote mu ingida ndele ta ti: “Etele nge yo okapambu komungome.” 12 Ndelenee winya ta nyamukula, ta ti: “Oshili, ngaashi Omwene Kalunga koye e nomwenyo, ame kandi nomungome, oufila eshambekela limwe alike moshiyuma nomaadi manini moshanga. Paife ohandi ongele oukuni vamwe, opo nee handi i, tu lipakele po fye nomumwange omumati, tu lye fye tu fye!” 13 Ndele Elia ta ti kuye: “Ino tila, inda u ninge ngaashi wa popya. Ndelenee pakele nge po tete okamungome u ka etele nge. Opo nee tamu lipakele po nye nomumati. 14 Osheshi Omwene Kalunga kaIsrael ta ti ngaha: ‘Oufila moshiyuma itau ka pwa mo nomaadi moshanga itaa ka pwa mo, fiyo efiku olo Omwene ta lokifile edu odula.’ ” 15 Nokwa ya ndele ta ningi pandjovo yaElia. Nokwa lya, ovo naye neumbo laye omafiku mahapu. 16 Oufila moshiyuma inau pwa mo, nomaadi moshanga inaa pwa mo, opandjovo yOmwene, e i lombwela Elia.
17 Konima yoinima ei okaana kokamati komwalikadi, omwene weumbo, oka hangika koudu. Noudu wako wa li mudjuu shili, fiyo muko inamu kala vali omufudo. 18 Opo nee ye ta ti kuElia: “Ondi na shike naave, oove omulumenhu waKalunga! Ove we uya kwaame, opo oulunde wange u dimbulukuwe nomumwange opo a fye!” 19 Ndelenee ye okwe mu nyamukula, ta ti: “Pe nge omumwoye omumati.” Nokwe mu kufa mo mekolo laye nokwe mu twala konduda yopombada, oko ye mwene ha kala mo, ndele te mu nangeke kombete yaye. 20 Nokwa indila Omwene ndele ta ti: “Omwene Kalunga kange, Ove wa etela ngahelipi omufiyekadi ou, ndi li puye ngaashi omunailongo, omupya, mokudipaa omona waye omumati?” 21 Opo nee e linangeka ko lutatu kokaana nokwa ifana Omwene ndele ta ti: “Omwene Kalunga kange, omwenyo wokaana aka nau alukile muko.” 22 NOmwene okwa uda Elia, nomwenyo wokaana wa alukila muko, onghee hano ka ninga vali omwenyo. 23 Opo nee Elia a kufa okaana nokwe ka kufa mo monduda yopombada yomongulu ndele te ka yandje kuina. Ndele Elia ta ti: “Tala, omumwoye e nomwenyo!” 24 Nomwalikadi ta ti kuElia: “Paife ondi shi shii nokutya, oove omulumenhu waKalunga nondjovo yOmwene mokanya koye oyo yoshili.”
