Babilon tashi teka po
1 Ndika olyo elaka ndyoka Omuwa e li pe ndje tali popi oshilando Babilon naantu yasho.
2 “Hokololeleni iigwana onkundana! Yi uvitheni!
Yelutheni ombaaneli, mu tomone onkundana!
Inamu yi holeka nando!
Babilon osha teka po!
Kalunga kasho Merodak okwa nyankulwa po!
Iimenka yaBabilon oya sithwa ohoni,
iiyelekela yasho iinyanyalithi ya singulwa po!
3 “Oshigwana tashi zi kuumbangalantu, otashi ya okuponokela Babilonia notashi shi ningi ombuga. Aantu niinamwenyo otayi yi ontuku, nokape na ngoka ta kala mo.”
Egaluko lyaIsrael
4 Omuwa ota ti: “Ethimbo otali ya, uuna Aaisraeli nAajuda ayehe taa ke ya taa lili, taa kongo ndje, Kalunga kawo. 5 Otaa ka pula ondjila yu uka kuSion notaye yi landula. Otaa ka hangana nangame ehangano lyaaluhe noitaye li yono we.
6 “Aantu yandje oya fa oonzi ndhoka omusita e dhi kanithile moondundu. Oye endaenda ya fa oonzi tadhi londakana oondundu, noya dhimbwa kaandjawo. 7 Oya ponokelwa kwaayehe ye ya mono. Aatondi yawo otaa ti: ‘Oya yono kOmuwa, onkee shoka twa ningi, oshi li mondjila. Oohekulu oyi inekele Omuwa, nayo yene oya li ye na oku mu inekela.’
8 “Aaisraeli ne, zii mo muBabilonia! Shi thigii po! Ningeni shanamutango oku shi thiga po! 9 Otandi ka sikumudha engathithi lyiigwana muumbangalantu noku yi ponokelitha Babilonia. Otaa ka tsa ompola molugodhi, ya kondjithe oshilongo noku shi lala. Oyo oondjumbeta oonkulungu, aashoneki yiikuti ihaayi palutha. 10 Babilonia otashi ka luwa po, naamboka taye shi lu po, otaa ka kagunyuna po ashihe ye shi hala. Ongame, Omuwa, nda popi.”
Etekopo lyaBabilon
11 Omuwa ota ti: “Aababilonia ne, omwa yugu oshigwana shandje. Omu na elago mwa nyanyukwa mwa fa ondema tayi yungula olupale, tamu hehema mwa fa okakambe okatsezi, 12 ihe oshilando sheni oshinene otashi ka fupipikwa nokusithwa ohoni. Babilonia otashi ka ninga oshishona shi vulike kiigwana ayihe; otashi ka notelwa nokumbugala. 13 Molwondjahi yandje kape na ngoka ta ka kala mo muBabilon; otashi ka kumuka po, naamboka taa ka pita pusho, otaa ka haluka nokukumwa.
14 “Ondjumbeta, tseni ompola, mu kondeke Babilon. Hwanunineni iikuti yeni ayihe kuBabilon, oshoka osha yono kungame, Omuwa. 15 Tseni onkalu koombinga adhihe dhoshilando! Babilon otashi igandja. Omadhingililokuma gasho otaga kumunwa po. Otandi polithile ondjahi yandje mAababilonia. Onkee polithileni ondjahi yeni muyo, mu ya ninge, ngaashi ya ningile aantu ooyakwawo. 16 Inamu etha ombuto yi kunwe moshilongo shoka nenge eteyo li teywe. Omukwiilongo kehe a kala mo, ota ka haluka kehomono lyaahanaguli e ta ka shuna koshilongo shaandjawo.”
Egaluko lyaIsrael
17 Omuwa ota ti: “Aaisraeli oya fa oonzi dha kukuma nodha halakanithwa koonime. Tango oya ponokelwa komupangeli gwaAssur. Opo ihe Nebukadnezzar, omukwaniilwa gwaBabilon, okwa kunya omasipa gawo. 18 Molwashika ngame, Omuwa Omunankondoawike, otandi ka geela omukwaniilwa Nebukadnezzar noshilongo she, naanaa ngaashi nda geelele omupangeli gwaAssur. 19 Otandi ka galulila Aaisraeli kevi lyawo. Otaa ka lya iikulya ya mena kondundu Karmel nomoshikandjo Baasha notaa ka kutitha ondjala yawo niilikolwa tayi zi miikandjo yaEfraim naGilead. 20 Ethimbo nge lya thikana, muIsrael itamu ka monika we ombedhi nuukolokoshi muJuda, oshoka otandi ka dhimina po aantu mboka nde ya hupitha ko. Ongame, Omuwa, nda popi.”
Kalunga ta geele Babilonia
21 Omuwa ota ti: “Ponokeleni aantu muMeratajim nomuPekod. Ya yapulileni Omuwa nokugana, mu ya dhipage noku ya hanagula po sheke. Gwanitheni ashihe tandi mu lombwele. Ongame, Omuwa, nda popi. 22 Oshihomo sholugodhi otashi uvika moshilongo, noku na ehanagulo enene. 23 Babilonia osha nyankagula po uuyuni auhe, ngashingeyi osilwa ndjoka oya nyanyagulwa po! Iigwana ayihe oya haluka kushoka sha ningilwa oshilongo shoka. 24 Babilonia, owa kondjitha ndje, nowa kwatwa komwigo ngoka nde ku tegele, nando ino shi tseya. 25 Onde egulula ompungulilo yandje yomatati nomondjahi yandje onde ga kutha mo, oshoka ngame, Omupangeliawike, Omuwa Omunankondoawike, ondi na iilonga tandi yi longo muBabilon. 26 Shi matukileni tamu ziilile koombinga adhihe. Matuleni iigandhi yasho. Iihakanwa yi ndumbileni ondumba ya fa ondumba yiilya. Hanagulii po oshilongo. Inamu thiga po nando oluthipa. 27 Dhipagii po aakwiita ayehe. Ya faleni konakupila. Yaye Aababilonia! Ethimbo olya thikana, ya geelwe.”
28 (Oontauki ndhoka dha zi muBabilonia nodhe ya kuJerusalem, odha hokolola, nkene Omuwa Kalunga ketu a polithile ondjahi ye mAababilonia, mboka ya hanagula po otempeli ye.)
29 “Lombweleni oondjumbeta, ya ponokele Babilon. Tumii ko mboka ye shi okushoneka nawa iikuti. Kondekeni oshilando, inamu etha mu ze nando omuntu. Shi peni ondjambi ndjoka she yi ilongele; shi ningeni ngaashi sha ningi yakwawo, oshoka osha shongo ndje, ongame, Omuyapuki gwaIsrael. 30 Onkee ano aagundjuka yasho otaa ka sila momapandaanda goshilando, naakwiita yasho ayehe otaa ka kombwa po esiku ndyoka. Ongame, Omuwa, nda popi.
31 “Babilonia, owa kinga unene, onkee ngame, Omuwa Omunankondoawike, onda tsa ondumbo nangoye. Ethimbo olya thiki, ndi ku geele. 32 Shigwana ngoye ho inomo, oto ka punduka; oto gwile po, nokaku na ngoka te ku kwatha. Iilando yoye otandi ke yi tomeka omulilo, noshaa shoka she ku kunduka, otashi ka hanagulwa po.”
33 Omuwa Omunankondoawike ota ti: “Aaisraeli nAajuda oya hepekwa. Ayehe mboka ye ya kwata po, oye ya thitikinine mo noinaye ya etha we. 34 Ihe omumangululi gwawo oye omunankondo — edhina lye oye Omuwa Omunankondoawike. Oye mwenemwene ti ikwatele ko nota ka eta ombili kombanda yevi, ihe kAababilonia omalwa.”
35 Omuwa ota ti:
“Nakusa oBabilon!
Oonakusa aantu yasho, aaleli yasho naanongo yasho.
36 Oonakusa aahunganeki yasho yiifundja —
oya goyapala ngiini!
Oonakusa aakwiita yasho —
oya haluka ngiini!
37 Hanagulii po uukambe nomatembakwiita gasho.
Oonakusa aakwiita yasho aahehelwa —
oyo aambanda ngiini!
Hanagulii po omaliko gasho;
hakaneni iihakanwa.
38 Oluteni nalu kalaganye,
omilonga dhi pwine.
Babilonia evi lyiimenka iitilithi,
mbyoka ya thethepaleke aantu.
39 “Babilon otashi ka kalwa koombidhi, komambungu nokoondhila dha nyata. Itamu ka kala we aantu, sigo aluhe. 40 Babilon otashi ka ningwa ngaashi Sodom naGomorra, sho nde ya hanagula nomikunda dhopuushiinda wayo. Kaku na we ngoka na ka kala mo. Ongame, Omuwa, nda popi.
41 “Oku na aantu taa ziilile koshilongo shokuumbangalantu,
oshigwana oshinankondo otashi zi kokule;
aakwaniilwa oyendji otaa ilongekidhile iita.
42 Oya homata omatati nomagonga;
oyo aananyanya, kaa na nando onge.
Oshihomo shawo osha fa efuta tali pupu,
sho ya kayila uukambe wawo.
Oyi ilongekidhila okuhomona Babilonia.
43 Omukwaniilwa gwaBabilonia sho tu uvu onkundana,
omaako ge otaga gonwa.
Ye mwene ota kwatwa komahwilili
a fa omukiintu ta thetwa.
44 “Otandi ke ya nda fa onime ya hituluka mongoya yomugulu gwaJordan tayi ya melundu lyuunapelo, nohaluka otandi ka yitha Aababilonia ontuku, ya thige po oshilando shawo. Nena omupangeli ngoka tandi hogolola, ota ka lela oshigwana. Olye ta yelekwa nangame? Olye ti itakeke ndje? Omupangeli lye ta kondjitha ndje? 45 Onkee ano pulakeneni shoka nda dhiladhilile oshilando Babilon, naashoka nda sheya okuningila aantu yasho. Nokuli naanona yawo otaa ka kookololwa po, noshaa ngoka ota ka haluka. 46 Uuna Babilon tashi teka po, otaku ka kala endundumo enene tali kakamitha evi alihe, nekugagano lyehaluko otali ka uvika kiigwana.”
Ehanauno laBabilon nexupifo laJuda tali xunganekwa
1 Ondjovo yOmwene, e i tongifa omuxunganeki Jeremia tai popi Babilon noshilongo shOvakaldea.
2 Di udifileni mokati koiwana, nye mu shiivife; dikeni epandela, vilikileni ovanhu! Inamu holeka, tyeni: Babilon osha teywa! Bel osha fifwa ohoni! Merodak osha haluka! Oikalunga yasho oya lengaifwa. Noihongwakalunga yasho oya tila. 3 Osheshi ovanhu tava di koumbangalanhu, otave shi tondokele, ndele tave shi tokeke, itamu ka fyaala nande omunhu: ovanhu noimuna otai i onhapo tai di mo.
4 Momafiku enya nomefimbo linya, Omwene osho ta ti, ovana vaIsrael otave uya pamwe novana vaJuda, tava ende nokulila, itava mwena, ndele tava kongo Omwene Kalunga kavo. 5 Otava ka pula Sion, mondjila yavo otava ka taalelifa oipala yavo kusho: otave uya. Tava hangana nOmwene nehangano laalushe, olo itali ka dimbuwa.
6 Ovanhu vange ova li ngaashi ongudu yeedi ya kana. Ovafita vavo ve va twala pOminghulo keemhunda di nomapuko, va elaela keemhunda nokoikulundudu, va dimbwa onhele yetulumuko lavo. 7 Aveshe ava ve va hanga, ve va lya po. Ndele ovatondadi vavo ova tya: “Fye itatu pewa oushima, osheshi vo ova nyona kOmwene, onhele youyuki, kOmwene ou a kala eteelelo looxekulu vavo.”
8 Djeni mo onhapo muBabilon, nye mu dje mo medu lOvakaldea, nye mu kwatele komesho ngaashi oikombo i li komesho yongudu youkombwena. 9 Osheshi tala, Ame ohandi ka tukulula nokutondokifila Babilon eengudu doiwana inene medu lokoumbangalanhu, ndele vo otave uya kuye ndele tave shi taalele. Kombinga ei otashi ka tewa. Oikuti yavo oi li ngaashi oikuti yomuladi omufindani ou ita aluka hamakasha. 10 Ndele Kaldea otashi ka ninga oshihakanwa. Aveshe ava tave shi xuula otava ka kuta, Omwene osho ta ti. 11 Heeno, nyakukweni hano heeno, hafeni, onye ovaxuuli vefyuululo lange, heeno, nhukeni nokuhafa, ngaashi ondema tai xu moshipale, nye mu kwene ngaashi eenghambe eemhedi. 12 Nyoko ota ka fifwa ohoni unene, ou e mu dala ota ka lengaifwa. Tala, ye omuxupilela womokati koiwana aishe, ye ombuwa, ofuka yongaho. 13 Molwehandu lOmwene otashi ka kala shihe na nande omunhu, ndelenee ofuka yongaho. Keshe ou ta ende po puBabilon, ota haluka ashike ndele ta shikile oiponga yasho omwilwa.
14 Kondekeni Babilon, onye ovaumbi amushe voikuti, shi umbeni muhe nolwisho loikuti, osheshi osha nyona kOmwene. 15 Shi kalukileni eenghalu keembinga adishe. Osha tewa. Eengudi dasho oda teka po neehotekuma dasho da ngumunwa po. Eshi osho ehandu lOmwene. Shi alulileni owii washo, ngaashi sha ninga, osho shi ningileni yo. 16 Nyonauneni po ovakuni vomapya muBabilon pamwe naava hava kwata oikashulifo peteyo. Otava faduka po eongamukonda tali tu, ndele tava i keshe tuu koshiwana shaye mwene nokoshilongo shaye.
17 Israel ya fa odi ya fadukifwa po keenghoshi. Tete ohamba yaAsiria e i lya po nokwa shikulwa kuNebukadnesar, ohamba yaBabilon, a kunya omakipa ayo. 18 Onghee hano Omwene womatanga ovakwaita, Kalunga kaIsrael, ota ti:
Tala, Ame ohandi handukile ohamba yaBabilon noshilongo shayo, ngaashi nda handukila ohamba yaAsiria. 19 Nohandi ka shunifa Israel moulifilo waye e ke lilife kuKarmel nomoshikandjo Basan nokeemhunda daEfraim ye a kutife ondjala yaye muGilead.
20 Pomafiku enya nomefimbo tuu olo, Omwene ta ti, okunyona kwaIsrael otaku ka kongwa, ndelenee itaku ka monika vali, netimba laJuda kali wetike vali. Osheshi ohandi dimine po ovo handi va fili po oshixupe. 21 Inda koshilongo shaMerataim sha twa ondubo pavali, ove u shi tondokele u ka lwife oonakukala muPekod. Va taataa ove u va mane po, va yapulila okufya, Omwene osho ta ti. Wanifa ashishe eshi nde shi ku lombwela. 22 Onghuwano tai udika moshilongo, eweelelo lehanauno linene. 23 Hano ongahelipi ohamala ei ya denga ounyuni aushe, ya teywa po noya nyanyaulwa! Hano ongahelipi Babilon sha ninga oshinima shoixuna mokati koiwana? 24 Ame onde ku tela omwiyo, oove Babilon, wa yulwa fimbo wa li uhe shii sha. Ove owa vakelwa wa kwatwa, osheshi ove we litula mokulwifa Omwene. 25 Omwene okwa yeulula elimba loilwifo nokwa kufa mo oiti yehandu laye, osheshi Omwene, Kalunga komatanga ovakwaita ota ka wanifa oshilonga shaye moshilongo shOvakaldea. 26 Shi tondokeleni keembinga adishe! Yeululeni omalimba asho, umbeni mo oipako monduba ngaashi eendudi doilya, shi yapulileni okunyonaunwa po. Inamu fiya po nande sha. 27 Nyoneni po eehove dasho adishe nadi uye okutomwa! Woo ovo! Osheshi efiku lavo ola fika, efiku lokuhandukilwa kwavo!
28 Pwilikina, ovainhapo noonakufaduka po tava di moshilongo shaBabilon, tave uya kuSion va shiivifile onghone yOmwene, Kalunga ketu, heeno, onghone omolwotembeli yaye.
29 Shivileni Babilon, ovaumbi, ava va lukila omauta. Ongeni eenhanda mu shi dingilile, nande aha mone omhito okuya onhapo. Shi handukileni nehandu li fike pokunyona kwasho. Ngaashi sha ninga, osho shi ningileni yo, osheshi sho osha twa ondubo nOmwene, Omuyapuki waIsrael. 30 Onghee ovalumenhu vasho ovamati otava ka fila momapandavanda asho, novakwaita vasho aveshe otava ka dipawa mefiku tuu olo, Omwene ta ti.
31 Tala, Ame ohandi uya kwoove, omulinenepeki oove, Omwene womatanga ovakwaita, osho ta ti; Osheshi efiku loye ola fika, efimbo loku ku handukila. 32 Opo nee omulinenepeki ota punduka nota wile poshi nopehe na ou te mu yambula, noilando yasho ohandi i tema omundilo, ndele tau i mane po naashishe osho shi li popepi. 33 Omwene womatanga ovakwaita ta ti ngaha: Ovana vaIsrael novana vaJuda otava hepekwa novakwati vavo aveshe otave va kalekele moupika, vo tava anye oku va efa. 34 Ndelenee Omukulili wavo Oye omunaenghono, edina laye, Omwene womatanga ovakwaita. Oye te va popile ndele ta eta ombili kombada yedu, ndelenee ta etele oonakukala muBabilon ekakamo.
35 Eongamukonda, totela Ovakaldea, Omwene osho ta ti, noonakukalamo muBabilon, oidale novanongo vasho. 36 Eongamukonda, totela ovapopyaani, va monike omalai! Eongamukonda, totela ovaladi vasho, ve liekelele! 37 Eongamukonda, totela eenghambe dasho nomatemba asho novashakati aveshe ve li mokati kavo, va ninge ovakainhu vongaho! Eongamukonda, totela omamona avo a hakanwe po. 38 Oluteni, totela omeva avo aeshe a pwinine po! Osheshi oshilongo shavo oshoihongwakalunga yongaho. Ndele have lineekele oihongwa yavo ngaashi ovayananghwengu. 39 Onghee hano tashi ka ninga onhele yoixwemi noyoikweni yomoixwa; oyo oonakukala musho, neemho otadi ka kala mo. Itashi ka nangalwa vali kovanhu nofiyo omaludalo nomaludalo itaa ka kala mo. 40 Ngaashi pa kala mefimbo linya Kalunga a hanauna po Sodom naGomorra noilando yomoushiinda, Omwene osho ta ti, nosho yo musho itamu ka kala nande umwe e nonhele yaye, ahowe, nande omona umwe womunhu.
41 Tala, okoumbangalanhu taku di ovanhu, oshiwana shinene sha fikama, neehamba dihapu tadi fikama okominghulo dokokule dedu. 42 Ove nomauta nomaonga, vo ovadudu vehe nonghenda. Oshihomo shavo ngaashi engungumo lefuta, ndele hava londo eenghambe, va djala oiti ngaashi omukwaita, ve ku lidengife, ove omona okakadona Babilon. 43 Ohamba yaBabilon eshi ya uda eenghundana davo tadi va tongo, omaoko aye okwa wa, noumbada owe mu hanga noudjuu, ye ota kakama ngaashi omudali. 44 Tala, ngaashi onghoshi tai shituluka momufitu waJordan, ndele tai uya koulifilo muwa, osho yo Ame ohandi ke va ta mo divadiva. Ndele handi ka nangeka mo ou a hoololwa. Osheshi olyelye a fa nge, nolyelye ta dulu okuhokololifa nge? Nopeni mbela pe nomufita ta dulu okukala ofika koshipala shange? 45 Onghee hano udeni omhangela yOmwene e i pangelela Babilon, nomadiladilo aye e a diladilila oshilongo shOvakaldea. Oshili, vo ove nokukokololwa mo, eedi odo da utama. Oshili oulifilo otau ka haluka nokuhalukilila omolwado. 46 Omolweingido: Babilon sha tewa, edu tali kakama, nekwenauko tali udika moiwana.
