Egaluko lyaapongekwa
1 Omuwa ota ka sila Aaisraeli ohenda e te ya hogolola ishewe, ya ninge aantu ye mwene. Ote ke ya fala ishewe mevi lyawo, naakwiilongo otaye ya e tayi itula mokati kawo. 2 Iigwana oyindji otayi ka kwatha Aaisraeli ya galukile kevi ndyoka Omuwa e li ya pe, naankoka iigwana otayi ka ninga aapika yAaisraeli, yi ya longele. Mboka ya kwatele po Israel, otaa ka kwatwa po kuIsrael, nAaisraeli otaa ka pangela aantu mboka ye ya hepekele nale.
Omukwaniilwa gwaBabilon muuyuni womuusi
3 Omuwa ota ka pa Aaisraeli epepelelo, ya manguluke kuuwehame nokomahepeko gawo nokiilonga yuupika ya thiminikilwa oku yi longa. 4 Uuna Omuwa ta gwanitha mbika, aantu otaa ka nyekela omukwaniilwa gwaBabilon taa ti:
“Omukwaniilwa omunanyanya a gwile po! Ita ka hepeka we omuntu! 5 Omuwa okwa teya oonkondo dhaapangeli aakaanakalunga 6 mboka ya li haa ponokele iigwana mondjahi nokuthiminika aapikwa yawo nonyanya pwaa na nando ohenda. 7 Uuyuni auhe otau nyanyukilwa evululuko nombili, noshaa ngoka oti imbi ta hambelele. 8 Omikiperesi nomisedeli dhaLibanon otadhi nyanyukilwa etekopo lyomukwaniilwa, oshoka kape na we ngoka te dhi komangele po, oshoka ke po.
9 “Uusi owa tegamena omukwaniilwa gwaBabilon. Aathithi yaamboka ya li aanankondo kevi, oya penduka. Aakwampungu yaakwaniilwa oya yambuka kiipangelapundi yawo. 10 Ayehe otaye mu igidha taa ti: ‘I! Wa ningi nani we tu fa! Owe tu fa lelalela! 11 Owa li ho simanekwa noshihomo shuuhumba, ihe ngashingeyi we ya ishewe muuyuni wokuusi. To lala pombanza yeolelo nowa siikilwa komazinyo.’
12 “Nyothingula, omuna gweluwa! Owa ningwa ngiini, sho wu umbilwa pevi, ngoye ngoka wa sindi iigwana? 13 Owi ipopile momwenyo gwoye wa ti: ‘Otandi ka londa kegulu, otandi ka thikameka oshipangelapundi shandje pombanda handiya yoonyothi dhaKalunga. Otandi ka kuutumba koshipangelapundi kondundu yokugongalela ookalunga, mookathelelela kondundu yiiholekwa. 14 Otandi londo handiyaka yiikogo, ngame ndi fe Omunankondoawike.’ 15 Ihe nani owu umbilwa mohi moshaasi, mombwili yekolombongo.
16 “Aasi ye ku tongolola, otaye ku sheke taa pula taa ti: ‘Omulumentu oye tuu nguka a kakamitha nale uuyuni nokwa ndjingandjinga iilongo? 17 Oye tuu omulumentu ngoka a teya po iilando e ta mbugaleke uuyuni? Oye tuu ngono inaa mangulula nando oonkwatwa dhe nenge e dhi ethe dhi ye koyaandjawo?’ 18 Aakwaniilwa ayehe yomuuyuni oya lala moombila dhawo nokusimanekwa, 19 ihe ngoye ku na ombila, nomudhimba gwoye ogwa umbilwa meolelo. Ogwa siikilwa komidhimba dhaakwiita ya sile molugodhi, ogwa umbilwa pamwe nadho mombogo yemanya nogwa lyatagulwa. 20 Molwashoka wa yono po oshilongo shoye mwene e to dhipaga aantu yoye, ito ka fumvikwa wa fa aakwaniilwa yalwe. Kape na nando ogumwe gwomegumbo lyoye ta ka hupa ko. 21 Etheni utale, eso li homate! Aamati aana yomukwaniilwa otaa ka sa moluulunde woohekulu. Kape na nando ogumwe gwomuyo ta ka pangela uuyuni nenge e u tungile iilando.”
Kalunga ta teya po Babilon
22 Omuwa Omunankondoawike ota ti: “Otandi ka ponokela Babilon e tandi shi kumuna po. Itandi hupitha po sha — itaku hupu aanona, itaku hupu omuntu e na omwenyo. Ongame mwene, Omuwa, nde dhi popi. 23 Babilon otandi shi ningi ondombe yontopo nehala lyomahwiyu. Babilon otandi shi kombo po noshikombe shoka tashi kutha po ayihe. Ongame, Omuwa, nda popi!”
Kalunga ta teya po Assur
24 Omuwa Omunankondoawike okwa gana ta ti: “Shoka nda nuna, otashi ka ningwa, shoka ndu utha okuningwa, otashi ka gwanithwa. 25 Aayassur otandi ke ya dhipaga mo moshilongo shandje shaIsrael e tandi ya lyatagulile koondundu dhandje. Aantu yandje otandi ke ya mangulula mondjoko yAayassur nokomutenge ngoka ya li ye na oku gu humbata. 26 Shika osho nda tokola kombinga yuuyuni; nokwooko kwandje okwa taganana okugeela iigwana.” 27 Omuwa Omunankondoawike okwa tokola e shi gwanithe. Okwa taganeke okwooko kwe a geele, nokape na ngoka ta vulu oku mu kankeka.
Kalunga ta teya po Filistea
28 Elaka ndika olyu uvithwa omumvo ngwiyaka omukwaniilwa Ahas a sa.
29 Aafilisti, ongola ndjoka ye mu dhenge, oya tokoka, ihe kamu na okunyanyukwa. Uuna eyoka tali si, ekwawo etilithi otali hituka peha lyalyo. Meyi lyeyoka omwa tendulwa oshikoko shomawawa. 30 Omuwa ota ka ninga omusita gwaantu ye oohepele, naakwanaluhepo ote ke ya tula megameno. Ihe ne Aafilisti ote ke mu tumina ondjala yekomba, noitayi hupitha ko nando ogumwe a kale e na omwenyo.
31 Iilando ne amuhe yAafilisti, kugeni ne mu kolomoke! Amuhe kakameni! Oshikogo sholwithi otashi zi kuumbangalantu — osho etangakwiita moka kaamu na nando omumbanda.
32 Oontumwa ndhoka tadhi zi kuFilistia, otadhi yamukulwa ngiini? Eyamukulo olyo ndika kutya Omuwa okwa tungu Sion, naantu ye aahepekwa otaa ka mona mo egameno.
Okuxupifwa kwaIsrael Eimbilo lokusheka molwehanauko laBabilon
1 Osheshi Omwene ota ka fila Jakob onghenda, nota hoololulula Israel ndele te va nangeke medu lavo; ovanailongo otave litula puvo ndele tava ngudumana meumbo laJakob. 2 Ndele oiwana otai va kufa ndele tai va twala monhele yokukala navo, neumbo laIsrael otali va kwata medu lOmwene, ndele tava ka ninga ovapikalumenhu novapikakainhu vavo, ndele tava ka kwata ovakwati vavo, ndele tava ka pangela ovapangeli vavo. 3 Ndele mefiku tuu olo Omwene eshi te ku tulumukifa koudjuu woye nokoupyakadi woye nokoilonga ei youpika we i longifwa, 4 opo nee oto ka imba ohamba yaBabilon neimbilo lokusheka, to ti: “Omulongifi okwa mwena ngahelipi nomahepeko a xula po.
5 “Omwene okwa teya po odibo yovadinikalunga nodibo yovapangeli, 6 ya denga oilongo noupyuhandu noku i hanauna po, ye i denga pehe nefudo po, ya lyataula ovanhu mehandu noku va hepeka ihe na nande olukeno. 7 Edu alishe ola fuda, la omba, ndele vo otava nyakukwa pombada. 8 Nomisipresi nomisederi dokuLibanon otadi ku hafele, ndele tadi ti: Nghee wa nangala opo, kape na vali ou te uya e tu ke po.
9 “Oshovafi otashi tu tukulukile molwoye nosha shakeneka okuuya kwoye; oshe ku pendulila oilulu, oikombo aishe yokedu, tashi lombwele eehamba adishe doilongo di fikame komalukalwa ado. 10 Ndele vo aveshe otava popi tava ti kwoove: ‘Naave yo owa ngonopala ngaashi fye; ove wa ningwa ngaashi fye. 11 Etumbalounhwa loye ola mbolokotela moshovafi, noshihomo sheenyalilo doye, omainyo oo ombadwa yoye, neenhwishi odo onhanga yoye yokuliuvika.’
12 “Meulu owa wa mo ngahelipi, akutu oove, Onyofi yongula, omona weluwa! Owa dengwa ngahelipi poshi, oove omufindani woiwana! 13 Ndele ove we lidilonga momutima woye, wa tya: ‘Ame onda hala okulonda meulu nohandi lidikile oshipundipangelo shange kombada yeenyofi daKalunga, nohandi ka kala omutumba komhunda yeongalo nondi kale komaxulilo okoumbangalanhu. 14 Ame onda hala okulonda kombada yoilemo ndi lifefe ou wOkombadambada.’ 15 Heeno, ove to ka undulilwa moshovafi, monhele yombwili yomokule! 16 Naaveshe tave ku mono, otave ku dakamene omesho, ndele tave ku tale ndele tava ti: ‘Omulumenhu oye tuu ou a tukulukifile edu nokwa kakamifa omauhamba? 17 Oye tuu ou a ninga ounyuni aushe omaputu noilando yao okwe i hanauna po, novakwatwa ine va shuna komaumbo avo?’ 18 Eehamba adishe doilongo, adishe oda tulumukwa nefimano lado, keshe umwe meumbo laye; 19 Ndelenee ove ou li kokule nombila yoye, wa ekelwashi ongoshitai shongaho, u li koshi yaava va dipawa moita, va tyulwa keongamukonda, koshi yaava va wila mombwili i nomamanya. Ove wa fa oshimhu sha lyataulwa. 20 Ove ito ka pakwa pamwe navo, u ka kale puvo mombila, osheshi ove wa nyonauna po oshilongo shoye, nowa dipaa po ovanhu voye; oludalo lovakolokoshi itali ka tumbulwa vali fiyo alushe. 21 Ndelenee ovana ovamati vaye nava longekidilwe onhele yokutomenwa omatimba ooxe, opo vaha penduke, vehe likufile edu nova ha yadife ongonga younyuni noilando.”
22 Osho hano handi ke va kondjifa, Omwene Kalunga komatanga ovakwaita osho ta popi: “Ohandi dimi po edina laBabilon noixupe yasho nepata noludalo lasho, Omwene osho ta ti. 23 Babilon ohandi shi ningi onhele yeedila doshovafi nondobe yomafundju ndele handi shi kombifa oshikombe shehanauno, Omwene Kalunga komatanga ovakwaita osho ta ti.”
Ehanauno laAsiria tali xunganekwa
24 Omwene Kalunga komatanga ovakwaita okwa ana, ta ti: “Oshili, ngaashi nda diladila, osho tashi ka ningwa, nongaashi nda tokola, osho tashi ka wanifwa. 25 Ame onda hala okuteyaula Asiria medu lange nohandi ke va lyataulila keemhunda dange, nondjoko yaye otai di ko kuvo nomutengi waye otau u ko komapepe avo. 26 Omhangela oyo tuu ei ya pangelelwa edu alishe, neke olo tuu eli la yedelwa oiwana aishe.” 27 Osheshi Omwene Kalunga komatanga ovakwaita okwe li tokolela, olyelye ta dulu oku li kandula po? Eke laye ola yeluka, olyelye ta dulu oku li lema?
Ehanauno loshilongo shOvafilisti tali xunganekwa
28 Momudo ohamba Ahas a fya, ope uya exunganeko eli:
29 Ino nyakukwa, oove edu alishe lOvafilisti, nokuhafela odibo yoku ku denga eshi ya teka po. Osheshi momudi weyoka omo tamu di ndevadele noludalo laye otali ningi onhoka yomavava. 30 Ndele oiveli yovafyoona otai ka lifa, neehepele otava ka omba vehe na nande ombudi yasha, ndele omidi doye ohandi di dipaifa ondjala, oonakuxupa voye otava ka dipawa. 31 Oshivelo, lila! Oshilando, lila! Edu alishe lOvafilisti, kakama! Osheshi koumbangalanhu otaku tumbu omwifi, nomeengudu daye kamu na ava ve li konima. 32 Ovatumwa voiwana otava nyamukukulwa shike? Omwene Oye mwene a tunga Sion, nomo tuu omo ovafyoona vovanhu vaye otava ka amenwa.
