Omahongololo
(Mat. 18:6-7Mat. 21-22Mrk. 9:42)1 Jesus okwa ti kaalongwa ye: “Omahongololo oge na okuya, ihe yayee omuntu ngoka, te ga eta! 2 Ngoka ta hongolola kamwe komuushona mbuka, okwa gwana, a mangelwe emanya edhigudhigu mothingo ye e tu umbilwa muule wefuta. 3 Onkee ano ikotokeleni!”
“Mukweni ngele a yono, mu pukulula, nongele i itedhulula, mu dhimina po. 4 Ngele ta yono kungoye luheyali mesiku, note ya kungoye meyono kehe ta ti: ‘Onda sa oluhodhi,’ mu pa ombili.”
Eitaalo
5 Aayapostoli oya lombwele Omuwa ya ti: “Tu gwedhela eitaalo.”
6 Omuwa okwa yamukula: “Andola omu na eitaalo li thike pomuma yosinapi, ndjoka onshonanshona, otamu vulu okulombwela omuti nguka omunene: ‘Itumba po mpaka, u iyundulile mefuta!’ Notagu vulika kune.”
Oshinakugwanithwa
7 “Tu tye, oku na omuntu mokati keni e na omumati gwe ta longo mepya nenge ta litha iimuna. Nge a zi kepya, mwene gwe ote mu lombwele tuu ta ti: ‘Endelela nziya, u lye’? 8 Aawe ndishi, ihe ote mu lombwele: ‘Pakela ndje po uulalelo e to izaleke, u yakule ndje, manga tandi li e tandi nu. Opo ihe oto vulu okulya e to nu.’ 9 Omumati ngono a longo owala shoka a lombwelwa, ndishi ita pandulwa? 10 Ano osho nane wo ngele omwa gwanitha owala ayihe mbyoka mwe yi lombwelwa, omu na okutya: ‘Otse aamati aahethi, sho twa longo owala shoka twa li tu na oku shi longa.’ ”
Jesus ta aludha aanashilundu omulongo
11 Jesus sho a li mondjila ta yi kuJerusalem, okwe ende ta kunkula nongamba yopokati kaSamaria naGalilea. 12 Sho e ya momukunda gumwe, okwa tsakanekwa kaalumentu aanashilundu omulongo. Oyo oya thikama kokule naye 13 noyi igidha ya ti: “Muhongi Jesus, tu sila ohenda!”
14 Jesus okwe ya tala nokwa ti kuyo: “Indeni, mu ki iyulike komuyambi.”
Ano manga ya li mondjila taa yi, oya aluka. 15 Ihe gumwe gwawo sho a mono a aluka, okwa galukile kuJesus, ye ta hambelele Kalunga newi lyopombanda. 16 Oye okwi ihata poompadhi dhaJesus e te mu pandula. Omulumentu nguka okwa li Omusamaria. 17 Opo Jesus okwa ti: “Aalumentu mboka ya aludhwa kaya li omulongo? Omugoyi oye li peni? 18 Omolwashike omukwiilongo nguno oye awike a galuka, a hambelele Kalunga?” 19 Jesus okwe mu lombwele: “Thikama, u ye; eitaalo lyoye lye ku aludha.”
Oshilongo shaKalunga oshi li mokati keni
(Mat. 24:23-28Mat. 37-41)20 Aafarisayi yamwe oya pula Jesus kutya Oshilongo shaKalunga otashi ya uunake. Oye okwe ya yamukula a ti: “Oshilongo shaKalunga itashi ya shi na omandhindhiliko taga monika nomeho. 21 Kaku na ngoka ta ka tya: ‘Tala, osho shika nenge osho shiyaka.’ Oshoka Oshilongo shaKalunga oshi li meni mune.”
22 Nena Jesus okwa lombwele aalongwa a ti: “Otaku ke ya ethimbo, uuna tamu ka hala okumona nando esiku limwe lyOmuna gwOmuntu, ihe itamu ke li mona. 23 Otaku ka kala mboka taye mu lombwele taa ti: ‘Tala, hwiyaka,’ nenge: ‘Tala, huka.’ Ano inamu ya ko ne inamu ya landula. 24 Oshoka ngashika olwaadhi talu adhima okuza kombinga yimwe sigo okonkwawo, osho wo Omuna gwOmuntu ta ka kala mesiku lye. 25 Ihe tango oku na okuhepekwa nomahepeko ogendji nokweekelwahi kaantu yopethimbo ndika. 26 Oshoka ngaashi sha li pomasiku gaNoa, osho tuu wo tashi ka kala pomasiku gOmuna gwOmuntu: 27 Aantu oya li ye hole okulya nokunwa, okuhokana nokuhokanitha, sigo esiku ndyoka Noa a yi monguluwato, eyelu nolye ya e tali ya hanagula po ayehe. 28 Otaku ka kala, ngaashi sha li pethimbo lyaLot. Aantu oya li ye hole okulya nokunwa, okulanda nokulanditha, okukuna nokutunga. 29 Esiku ndyoka Lot sho a zi mo muSodom, omulilo nomamanya gosulufuli oya gu kegulu, noya hanagulwa po ayehe. 30 Ano osho tashi ka kala wo nomesiku ndyoka lyOmuna gwOmuntu ta ka holoka.
31 “Mesiku ndyoka ngoka ta adhika kombanda yongulu a thiga iinima ye megumbo, ina kuluka ko, e ke yi tale; osho tuu wo ngoka ta adhika mepya, ina galukila megumbo. 32 Dhimbulukweni omukiintu gwaLot! 33 Oongoka ta kambadhala okuhupitha omwenyo gwe, ote gu kanitha, naangoka te gu kanitha, ote gu hupitha. 34 Otandi mu lombwele: Uusiku mbwiyaka otaku ka kala aantu yaali ya lala montala yimwe; gumwe ta kuthwa po, mukwawo ta thigwa po. 35 Aakiintu yaali taa tsu poshini; gumwe ta kuthwa po, mukwawo ta thigwa po. 36 Aalumentu yaali ye li mepya; gumwe ta kuthwa po, mukwawo ta thigwa po.”
37 Aalongwa oye mu pula ya ti: “Openi, Omuwa?”
Jesus okwa yamukula a ti: “Kokuma nkoka ku na omudhimba, oko haku gongala oontsa.”
Elondwelo molwomapukifo nekumaido okukufilafana po
1 Ndele Ye okwa lombwela ovalongwa vaye: “Itashi dulika omahongaulo ehe uye, ndelenee woo, ou te a eta! 2 Oshiwa kuye ngeno a mangelwe emanya loshini kofingo yaye, ye a ekelwe mefuta, shi dule eshi ta hongaula kamwe kaava vanini. 3 Lilungameneni nye vene!
“Omumwanyoko ngeenge ta nyono, mu hanyena, ndele ngeenge te lidilulula, mu kufila po. 4 Ndele ngeenge te ku ningi nai luheyali mefiku limwe alike, ndele ta aluka luheyali ndele ta ti: ‘Onde lialuluka,’ mu dimina po.”
5 Ovayapostoli ova tya kOmwene: “Tu wedela eitavelo.” 6 Ndele Omwene ta ti: “Ngeno omu na eitavelo li fike pombuto yoshinapi ndele tamu lombwele omukwiyu ou: ‘Lidikula po ove u litwike mefuta,’ ngeno tau mu udu.
7 “Ndele olyelye womunye e na omupiya ta pulula ile ta lifa, ngeenge ta di kepya ndele te mu lombwele ngeno: ‘Ila diva, ove u lye?’ 8 Ite mu lombwele mbela, ta ti: ‘Pakele nge po ouvalelo, ove u lidike ndele to yakula nge fimbo handi li ndele handi nu. Opo nee ove to ka lya ndele to nu.’ 9 Ile u shii ta pandula omupiya ou eshi a longa osho e shi lombwelwa? 10 Hano osho nanye yo, ngeenge mwa wanifa ashishe mwe shi lombwelwa, tyeni: ‘Ofye ovapiya vongaho, otwa longa osho ashike twa li tu noku shi longa.’ ”
Okuvelulwa kwovanashilundu omulongo
11 Ndelenee pa ningwa, Ye eshi a li mondjila ta i kuJerusalem, okwa enda nongaba yaSamaria naGalilea. 12 Ndele eshi e uya komukunda umwe wonhumba, ovalumenhu ovanashilundu omulongo ve mu shakeneka, ve li ofika kokule, 13 vo ova popya mokule tava ti: “Jesus, omuhongi, tu filonghenda!” 14 Ndele eshi e va mona, okwa tya kuvo: “Indeni mu ke liulikile kovapristeli.” Hano opa ningwa fimbo tava i, ova veluka. 15 Ndele umwe womuvo eshi a mona a veluka, okwa aluka nokuhambelela Kalunga nondaka inene, 16 ndele ye a wila poshi peemhadi daJesus ndele te mu pandula, ye nee okwa li Omusamaria. 17 Jesus okwa nyamukula ta ti: “Hamulongo ovo va velulwa? Venya omugoi ove li peni? 18 Inaku monika vali nande oumwe a aluka, a hambelele Kalunga, omunailongo oye tuu aeke?” 19 Ndele Ye okwe mu lombwela: “Fikama ove u ye, eitavelo loye le ku velula.”
Euyo louhamba waKalunga
20 Ndele eshi a pulwa kOvafarisai ouhamba waKalunga otau uya naini, okwe va nyamukula ta ti: “Ouhamba waKalunga itau uya u wetike, 21 ndele itaku tiwa: ‘tala opopo’, ile ‘tala opapenya,’ osheshi tala, ouhamba waKalunga ou li meni munye.”
22 Ndele Ye okwa lombwela ovalongwa vaye: “Omafiku tae uya, nye otamu kala mwa djuulukwa mu mone nande efiku limwe lOmona wOmunhu, nye itamu li mono. 23 Ndele tamu lombwelwa: ‘Tala, oku li penya,’ ile: ‘Tala, opapa,’ inamu ya ko. 24 Osheshi ongaashi oluvadi mokushela kwalo tali minikile kominghulo deulu fiyo okominghulo dikwao, osho ngaha Omona wOmunhu ta kala mefiku laye. 25 Ndele tete oye e nokuhepekwa unene ndele ta ekelwashi kepupi eli. 26 Ndele ngaashi pa ningilwe pomafiku aNoa, osho tapa ka ningwa pomafiku Omona wOmunhu, 27 va kala hava li ndele hava nu, va hombola ndele va hombolwa fiyo efiku olo Noa a ya mongulu yomomeva, eyelu le uya ndele ole va nyona po aveshe. 28 Ndele ngaashi pa ningilwe pomafiku aLot, va kala hava li ndele hava nu, va landa vo va landifa, va twika nova tunga, 29 ndelenee efiku olo Lot a dja mo muSodom, opa loka omundilo nosulfuri wa dja meulu, ndele owe va nyona po aveshe, 30 osho ngaha taku ka ningwa efiku olo Omona wOmunhu ta ka holoka.
31 “Efiku olo ou ta hangika kombada yongulu e na oinima yaye meumbo, aha londoloke e ke i tale ko, nosho tuu ou ta hangika mepya ina aluka mo. 32 Dimbulukweni omukainhu waLot. 33 Ou ta kendabala okulixupifila omwenyo waye, ote u kanifa, ndele ou te u kanifa, ote ke u xupifa. 34 Ohandi mu lombwele: oufiku winya ovalumenhu vavali tava kala momutala umwe; umwe ta tambulwa namukwao ta fiwa po. 35 Ovakainhu vavali tava hangwa poshini tava tu; umwe ta tambulwa namukwao ta fiwa po.
36 “Ovalumenhu vavali ve li mepya; umwe ta tambulwa namukwao ta fiwa po.”
37 Ndele vo ove mu nyamukula va tya: “Omwene, openi?” Ye okwa tya kuvo: “Oko ku na oshimhu, oko taku ongala eenhwa.”
