Okweendithwa kOmbepo yaKalunga
1 Ano ngashingeyi kaku na we epangulo lyokukanitha mboka ye li muukumwe naJesus Kristus. 2 Oshoka otandi pangelwa kOmbepo ndjoka hayi gandja omwenyo kwaamboka ye li muukumwe naJesus Kristus. Oyo oya mangulula ndje mepangelo lyuulunde nolyeso. 3 Kalunga okwa ningi shoka sha nyenge ompango moluunkundi womuntu. Oye okwa pangula uulunde momuntu, sho a tumu Omwana, ngoka e ya molupe lwomuntu omulunde, a kuthe po oondjo. 4 Ngashingeyi otatu vulu okuvulika kushoka shu uka tashi pulwa kompango, oshoka ihatu endithwa kuuntu wetu, ihe okOmbepo yaKalunga. 5 Mboka haa kala pahalo lyuuntu wawo, ohaa dhiladhila ngaashi uuntu wawo wa hala. Ihe mboka haa kala ngaashi Ombepo te ya lombwele, ohaa dhiladhila ngaashi Ombepo e shi hala. 6 Okukala pamadhiladhilo guuntu otashi eta eso, ihe okukala mewiliko lyOmbepo otashi eta omwenyo nombili. 7 Omuntu ngoka e na omadhiladhilo taga wilikwa kuuntu, oku tonde Kalunga, oshoka iha vulika kompango yaKalunga ye ita vulu okuvulika kuyo. 8 Mboka haa vulika kuuntu wawo, itaa vulu okwoopalela Kalunga.
9 Ihe ne itamu pangelwa kuuntu weni, ihe otamu pangelwa kOmbepo, ngele Ombepo yaKalunga oku li mune. Oshoka kehe ngoka kee na Ombepo yaKristus, ke shi wo gwaKristus. 10 Ihe ngele Kristus oku li mune, Ombepo ote mu pe omwenyo, nonando olutu olwa sa moluulunde, oshoka omwa ningwa aayuuki koshipala shaKalunga. 11 Ngele Ombepo yaKalunga, ngoka a yumudha Jesus kuusi, tayi kala mune, nena oongoka a yumudha Kristus kuusi ota ka yumudha wo omalutu geni omasi koonkondo dhOmbepo tuu ngoka.
12 Onkee ano, aamwameme, katu na okukala pahalo lyuuntu wetu. 13 Oshoka ngele otamu kala pahalo lyuuntu weni, otashi mu etele eso. Ihe ngele otamu dhipaga iilonga yuulunde nOmbepo, nena otamu kala mu na omwenyo. 14 Ayehe mboka haa endithwa kOmbepo yaKalunga, oyo aana yaKalunga. 15 Ombepo ngoka mwe mu pewa kuKalunga, ke shi gwoku mu ninga aapika, mu kale muumbanda. Ombepo ote mu ningi aana yaKalunga, nokoonkondo dhe otatu igidha kuKalunga tatu ti: “Tate! Tate!” 16 Ombepo yaKalunga oye mwene ta kwatathana noombepo dhetu mokuhempulula kutya otse aana yaKalunga. 17 Ano ngele otse oyana, nena otatu ka pewa ashihe shoka Kalunga te ke shi pa aantu ye. Otatu ka pewa wo pamwe naKristus ashihe shoka e shi mu pungulila. Oshoka ngele twa faathana naKristus mokuhepekwa, otatu ka faathana wo naye meadhimo.
Etegameno lyeadhimo
18 Otandi tala kutya omahepeko ngoka tu ga na ngashingeyi, kage shi okuyelekwa neadhimo ndyoka tatu ke li hololelwa. 19 Kehe shoka shomeshito otashi tegelele nondjuulukwe onene eholoko lyaana yaKalunga. 20 Oshoka kehe shimwe shomeshito osha gandjwa monkalo yaa na ekwatho, hakehalo lyasho shene, ihe oKalunga e shi utha. Ihe nando ongaaka, okwa kala etegameno, 21 kutya oku na esiku ndyoka, uuna eshito alihe tali ka manguluka muupika weyonuuko, li ye memanguluko nomeadhimo lyaana yaKalunga. 22 Oshoka otu shi shi kutya sigo ongashingeyi kehe shimwe shomeshito otashi fudhagana kuuwehame wa fa mboka wopevalo lyokanona. 23 Ihe hayo ayike, ndele natse wo mboka tu na uutango womagano gOmbepo yaKalunga, otatu fudhagana meni lyetu twa tegelela, Kalunga e tu ninge oyana ye e tu hupithe. 24 Mokutegamena omo twa hupithilwa, oshoka ngele otu wete shoka twe shi tegamena, nena kashi shi we etegameno. Oshoka olye ta tegamene shoka e shi wete? 25 Ihe ngele tatu tegamene shoka kaatu shi wete, nena otatu shi tegamene neidhidhimiko.
26 Osho wo Ombepo ote tu kwatha muunkundi wetu. Oshoka katu shi nkene tu na okwiindila, ihe Ombepo oye mwene te tu galikanene nomifudho kaadhi shi kutumbulwa. 27 Ihe Kalunga ngoka ha mono muule womitima dhaantu, oku shi omadhiladhilo gOmbepo. Oshoka Ombepo sho ta galikanene aantu koshipala shaKalunga, ote shi ningi wo pahalo lyaKalunga.
28 Otse otu shi shi kutya Kalunga otu ukitha iinima ayihe, yi etele uuwanawa mboka ye mu hole. Oyo mboka Kalunga e ya ithana pamadhiladhilo ge. 29 Oshoka mboka e ya hogolola, okwe ya utha nale, ya ninge ya fa Omwana, opo Omwana a ninge omutango mokati kaamwayina oyendji. 30 Osho wo Kalunga okwi ithana mboka e ya hogolola. Oye ine ya ithana owala, ihe okwe ya ningi wo aayuuki koshipala she. Niishewe, ine ya ninga owala aayuuki, ihe okwe ya adhimitha wo.
Ohole yaKalunga muJesus Kristus
31 Otatu ti ngiini ano kombinga yaambika ayihe? Kalunga ngele oku li kombinga yetu, olye ta tsu ondumbo natse? 32 Oye ngoka ini ihupithila Omwana, ihe okwe mu gandja molwetu atuhe, oye ite tu pe ando iinima ayihe omagano? 33 Olye ta tamaneke aahogololwa yaKalunga? Kalunga oye mwene te ya mangulula. 34 Olye ta vulu oku ya pa oondjo? Jesus Kristus oye tuu nguka a si e ta yumudhwa nongashingeyi oku li kolulyo lwaKalunga te tu galikanene. 35 Olye ano te tu topola ko kohole yaKristus? Uudhigu ando tau shi ningi, nenge oothina nenge etidhagano, ondjala nenge oluhepo, oshiponga nenge eso? 36 Ongaashi enyolo tali ti:
“Esiku alihe otse otu li popepi nokusa omolwoye,
otse otwa ningwa ngaashi oonzi tadhi ka dhipagwa.”
37 Ihe mumbika ayihe otatu sindi nokusindilila omolwaangoka e tu hole. 38 Oshoka ondi shi shili kutya kaku na nando oshinima shimwe tashi vulu oku tu topola ko kohole yaKalunga: haeso nenge omwenyo, haayengeli nenge aapangeli naanankondo yomegulu, haambyoka yongashingeyi nenge mbyoka tayi ke ya, 39 hauyuni wokombanda nenge wokohi. Meshito kamu na sha tashi vulu oku tu topola ko kohole yaKalunga yi li muJesus Kristus, Omuwa gwetu.
Ava ve li muKristus ova mangululwa momhango youlunde noyefyo
1 Hano paife kape netokolo lokukanifa ava ve li muKristus Jesus, ava itava ende pambelela, ndelenee lopaMhepo. 2 Osheshi omhango yOmhepo yomwenyo muKristus Jesus oya mangulula nge momhango youlunde noyefyo. 3 Osheshi eshi sha nyenga omhango shaashi ya nghonopalekwa kombelela, Kalunga okwe shi longa, eshi a tuma Omona waye mwene molupe lombelela ya nyika oulunde nomolwoulunde, ndele okwa tokola oulunde mombelela, 4 opo ouyuki, ou tau pulwa komhango, u wanifwe mufye ava ihatu ende pambelela ndele opaMhepo. 5 Osheshi ava ve li pambelela otava diladila eshi shopambelela, ndelenee ava ve li paMhepo otava diladila eshi shOmhepo. 6 Osheshi omadiladilo ombelela oo efyo, ndele omadiladilo Omhepo omwenyo nombili; 7 osheshi ombelela ohai diladila olwoodi naKalunga, shaashi ihai dulika komhango yaKalunga, ngaashi itai shi dulu. 8 Ndele ava hava pangelwa kombelela itava dulu okuwapalela Kalunga. 9 Ndele nye itamu pangelwa kombelela, ndelenee okOmhepo, ngeenge Omhepo yaKalunga otai kala munye. Ndele ou ehe nOmhepo yaKristus, ke fi waye. 10 Ndelenee Kristus ngeenge e li munye, olutu ola fya molwoulunde, ndele omhepo oyo omwenyo omolwouyuki. 11 Nongeenge Omhepo yaau a nyumuna Jesus movafi e li munye, opo nee ou a nyumuna Kristus Jesus movafi, ota nyumuna omalutu eni yo omafi okOmhepo yaye ei i li munye.
Ovana vaKalunga neteelelo lavo
12 Ovamwatate, ofye hano ovanaikolo, ndelenee havombelela tu kale pambelela. 13 Osheshi ngeenge tamu kala pambelela omu nokufya, ndele oilonga yolutu ngeenge tamu i dipaifa kOmhepo, otamu kala mu nomwenyo. 14 Osheshi aveshe ava hava endifwa kOmhepo yaKalunga, ovo ovana vaKalunga. 15 Osheshi nye inamu pewa omhepo youpika mu kale vali moumbada, ndelenee omwa pewa Omhepo mwaau hatu ifana: “Abba! Tate!” 16 Omhepo oyo vene tai hepaulula pamwe nomhepo yetu, ofye ovana vaKalunga. 17 Ndele ngeenge fye ovana, otuvafyuululi yo, ovafyuululi vaKalunga novafyuululi pamwe naKristus, ngeenge hatu lididimike shili pamwe naye, opo tu fimanekwe yo pamwe naye.
18 Ame ohandi ti: omauyehame omefimbo lopaife kae shii kuyelekwa noshinge eshi tashi ka holoka mufye. 19 Osheshi nokudjuulukwa shili oishitwa aishe tai teelele eholoko lovana vaKalunga. 20 Osheshi oishitwa ya yandjwa menyonauko, hakehalo layo vene, ndele olaau e i yandja, onghee tuu i neteelelo, 21 osheshi oishitwa yoovene otai ka mangululwa moupika wenyonauko i ye memanguluko loshinge shovana vaKalunga. 22 Osheshi otu shi shii oishitwa aishe ohai keme kumwe nafye ndele oi nefeto lokudala fiyo opaife. 23 Ndele hayo aike, nafye yo ava tu kwete oshali yotete yOmhepo, nafye yo ohatu keme meni letu mokuteelela okutambulwa moudalwa nokutya, ekulilo lomalutu etu. 24 Osheshi meteelelo fye otwa xupifwa, ndele eteelelo olo tali monika la wanifwa, kali fi eteelelo, osheshi eshi shi wetike otashi teelelwa ngahelipi? 25 Ndele ngeenge hatu teelele eshi tuhe shi wete, ohatu shi teelele nokulididimika.
26 Ndele osho yo Omhepo otai tu kwafa moungone wetu, osheshi katu shii eshi tu noku shi ilikana, ngaashi ngeno tu nokwiilikana, ndelenee Omhepo oyo mwene te tu ilikanene nomikemo dihe shii okutumbulwa. 27 Ndele omukonakoni womitima oku shi shii eshi Omhepo tai shi diladila, osheshi Omhepo otai ilikanene ovayapuki pahalo laKalunga.
28 Ndele otu shi shii, ava ve hole Kalunga, oinima aishe kumwe otave i longelwa ouwa, ava va ifanwa pamhangela yaye. 29 Osheshi ava e va shii shito, okwe va nunina yo shito va fe olupe lOmona waye, opo a kale shiveli mokati kovamwaxe vahapu; 30 ndele ava e va nunina shito, okwe va ifana yo, ndele ava e va ifana, okwe va yukipalifa yo, ndele ava e va yukipalifa, okwe va fimanekifa yo.
31 Ohatu ti ngahelipi hano apa? Kalunga ngeenge e tu ama, olyelye ta tu ondubo nafye? 32 Oye ou ina xupifa Omona waye mwene, ndele okwe mu yandja omolwetu atushe, a kale ngahelipi hano ite tu pe aishe pamwe naye? 33 Olyelye ta dulu okuyandja etimba kovahoololwa vaKalunga? Kalunga Oye tuu ou ta yukipalifa. 34 Olyelye ou ta tokolele mekano? Kristus Jesus Oye tuu ou a fya, heeno, okwa nyumunwa nokuli, oku li kolulyo laKalunga, note tu ilikanene yo. 35 Olyelye ou te tu tukula mohole yaKristus? Oudjuu mbela, ile efininiko ile okutewatewa ile ondjala ile onghai ile oshiponga ile eongamukonda? 36 Ongaashi pa shangwa:
“Omutenya aushe ohatu ku dipaelwa,
twa talwa ngaashi eedi tadi dipawa.”
37 Ndelenee mwaai aishe ohatu findi nokufindilila omolwaau e tu hole. 38 Osheshi ondi shi shii shili, hafyo ile omwenyo, havaengeli ile ovapangelinghono, hayei yopaife ile ei yokomesho, haenghono, 39 haule wopombada ile oule woposhi, hashishitwa nande shimwe tashi dulu oku tu tukula mohole yaKalunga yomuKristus Jesus, Omwene wetu.
