Sho twa kwatunuka mo muulunde, otu na omwenyo muKristus
1 Otatu ti ngiini ano? Otu na okukala muulunde, opo esilohenda lyaKalunga li ninge olindji? 2 Aawe, itashi vulika! Tse sho twa kwatunuka mo muulunde, otashi vulika ngiini, tu kale mo natango? 3 One omu shi shi nawa kutya uuna ndoka twa shashwa, otwa yi muukumwe naJesus Kristus notwa yi wo muukumwe naye meso. 4 Mokushashwa kwetu otwa si notwa fumvikwa pamwe naye. Ihe ngaashi Kristus a yumudhwa kuusi koonkondo dheadhimo lyaHe, osho natse wo otatu vulu okweenda mokukalamwenyo okupe.
5 Oshoka ngele twa faathana naye mokusa kwa fa kwe, osho wo otatu ka faathana naye mokuyumudhwa kuusi ngaashi ye. 6 Tse otu shi shi kutya omuntu gwetu omukulu okwa si pamwe naKristus komushigakano, opo oonkondo dhomuntu guulunde dhi hanagulwe po, twaa kale we aapika yuulunde. 7 Oshoka omuntu ngele okwa sa, nena okwa mangululwa moonkondo dhuulunde. 8 Ngele otwa si pamwe naKristus, nena otwi itaala wo kutya otatu ka kala tu na omwenyo pamwe naye. 9 Oshoka otu shi shi kutya Kristus okwa yumudhwa kuusi, ita si we. Eso kali na we oonkondo oku mu pangela. 10 Kristus sho a si, okwa si moluulunde lumwe aluke; ihe sho a kala e na omwenyo, okwa kalele Kalunga. 11 Osho nane wo omu na okudhiladhila kutya omwa kwatunuka mo muulunde, ihe omu na omwenyo, mu longele Kalunga muukumwe naJesus Kristus.
12 Uulunde kau na okupangela we momalutu geni omasi, mu vulike ando kuuhalu womuntu guulunde. 13 Ne inamu gandja iilyo yomalutu geni muulunde, yi longithwe miilonga iiwinayi. Ihe igandjeni ne yene kuKalunga, mu kale mwa yumudhwa kuusi, ne mu pe Kalunga uuntu weni auhe, u longithwe miilonga iiwanawa. 14 Uulunde kau na oku mu pangela, oshoka kamu li kohi yompango, ihe okohi yesilohenda lyaKalunga.
Aapika yiilonga iiwanawa
15 Ongiini ano, otu na okukala muulunde, oshoka katu li kohi yompango, ihe okohi yesilohenda lyaKalunga? Aawe, itashi vulika! 16 Oshoka omu shi shi nawa kutya uuna tamu igandja komuntu gwontumba, nena one aapika yaangoka tamu vulika kuye. Ngele tamu igandja okulonga uulunde, nena ehulilo olyo eso. Ihe ngele tamu vulika kuKalunga, evuliko ndyoka otali mu ningi aayuuki koshipala shaKalunga. 17 Kalunga na hambelelwe! Nale omwa li aapika yuulunde, ihe ngashingeyi ohamu vulika nomwenyo aguhe koshili tayi zi melongo ndyoka mwe li longwa. 18 One omwa mangululwa muulunde, mu ninge aapika yiilonga iiwanawa. 19 Otandi popi pantu omoluunkundi wuuntu weni. Nale omwa li mwi igandja okulonga iilonga yuupika, yoonyata noyuukolokoshi, mbyoka tayi kondjitha ehalo lyaKalunga. Ano osho tuu wo ngashingeyi igandjeni, mu ninge aapika yiilonga iiwanawa, opo mu ninge aayapuki.
20 Nale sho mwa li aapika yuulunde, omwa li mwa manguluka mwaa na sha nuuyuuki. 21 Ano omwa mono mo uuwanawa washike mokulonga mbyoka mwe yi sa ohoni ngashingeyi? Ehulilo lyiilonga mbyoka olyo eso. 22 Ihe ngashingeyi omwa mangululwa muulunde nomwa ningi aapika yokulongela Kalunga, nokutya okukalamwenyo kweni akuhe oku li meutho lye, nopehulilo otamu ka mona omwenyo gwaaluhe. 23 Oshoka eso olyo ondjambi yuulunde, ihe omwenyo gwaaluhe ogwo omagano gesilohenda lyaKalunga muukumwe naJesus Kristus, Omuwa gwetu.
Omwiitaveli ta fi mo moulunde ndele ta kalele Kalunga
1 Ohatu ti shike hano? Natu twikile okukala moulunde, efilonghenda li hapupale? 2 Nandenande. Fye ava twa fya mo moulunde, ohatu kala mo ngahelipi vali? 3 Ile kamu shi shii kutya, ofye ava twa shashelwa muKristus Jesus, otwa shashelwa mefyo laye? 4 Ndele otwa pakwa pamwe naye okeshasho omokufya, opo ngaashi Kristus a nyumunwa movafi koshinge shaXe, osho nafye yo tu nokweenda mokukalamwenyo kupe.
5 Osheshi ngeenge twa kwatakanifwa naye nokufaafana mefyo laye, ohatu ka kwatakanifwa naye nokufaafana menyumuko laye, 6 eshi tu shi shii kutya, omunhu wetu mukulu okwa valelwa pamwe naye, opo olutu loulunde li hanaunwe po, tuha longele vali oulunde; 7 osheshi ou a fya, oye okwa manguluka moulunde. 8 Ndele ngeenge twa fya pamwe naKristus, ohatu itavele nokutya, ohatu ka kala yo tu nomwenyo pamwe naye, 9 shaashi otu shi shii, Kristus eshi a nyumunwa movafi, ita fi vali, efyo itali mu pangele vali. 10 Osheshi eshi a fya, okwa fya mo moulunde lumwe aluke, ndele eshi ta kala e nomwenyo, ota kalele Kalunga. 11 Hano nanye yo litaleni, onye mwa fya mo moulunde, ndele omu nomwenyo okukalela Kalunga muKristus Jesus Omwene wetu.
12 Hano oulunde inau pangela momalutu eni omafi nye mu dulike ngeno kouhalu wao. 13 Inamu yandja oinhimbu yeni koulunde i kale oilongifo youhenouyuki, ndele liyandjeni nye vene kuKalunga ngaashi ava va nyumuka movafi, noinhimbu yeni i kale oilongifo youyuki kuKalunga. 14 Osheshi oulunde itau mu pangele shaashi kamu li koshi yomhango, ndelenee okoshi yefilonghenda.
15 Ongahelipi hano? Natu nyone mbela, shaashi tuhe li koshi yomhango, ndele okoshi yefilonghenda? Nandenande. 16 Kamu shi shii, kutya nge nye otamu liyandje komunhu mu ninge ovapiya vaye vokudulika kuye, onye ovapiya vaau tamu dulika kuye, ile nge ovapiya voulunde tau twala mefyo, ile ovapiya veduliko tali twala mouyuki? 17 Ndelenee Kalunga na pandulwe, shaashi nye ava mwa li ovapiya voulunde, omwa dulika momitima deni okolupe lelongo eli mwa twalwa mulo, 18 eshi mwa mangululwa moulunde, omwa ninga nee ovapiya vouyuki. 19 Ohandi popi panhu molwoungone wombelela yeni. Osheshi ngaashi nale mwa yandja oinhimbu yeni ovapiya vonyata novoukolokoshi omoukolokoshi, osho nopaife yandjeni oinhimbu yeni ovapiya vouyuki meyapulo.
20 Osheshi fimbo mwa li ovapiya voulunde omwa li muhe nouyuki. 21 Pomafiku enya omwa li mu noiimati ya tya ngahelipi? Oyo tuu ei mwe i fya ohoni paife. Osheshi exulilo loinima oyo olo efyo. 22 Ndelenee paife eshi mwa manguluka moulunde, ndele mwa ninga ovapiya vaKalunga omu na oiimati yeni tai twala meyapulo, ndele exulilo olo omwenyo waalushe. 23 Osheshi ondjabi youlunde oyo efyo, ndelenee oshalinghenda yaKalunga oyo omwenyo waalushe muKristus Jesus, Omwene wetu.
