Ino pangula mukweni
1 Taambeni mokati keni omuntu ngoka omunkundi meitaalo, ne inamu mu ludhikitha kombinga yomadhiladhilo ge. 2 Omuntu gumwe eitaalo lye otali mu pitika, a lye shaa shoka, ihe omuntu ngoka omunkundi meitaalo ota li owala iikwamboga. 3 Omuntu ngoka ha li shaa shoka, ina dhina mukwawo ngoka ihee shi ningi. Osho tuu wo ngoka ha li owala iikwamboga, ina pangula mukwawo ngoka ha li shaa shoka, oshoka Kalunga okwa taamba omuntu ngoka. 4 One oolye, mu vule okupangula omuyakuli gwomuntu gulwe? Mwene gwe oye mwene ta tokola, ngele omuntu ngoka ota ka mona elago nenge omupya. Oye ota ka mona elago, oshoka Omuwa ota vulu oku mu kwatha, e li mone.
5 Omuntu gumwe ota dhiladhila kutya esiku lyontumba olya simana li vule omakwawo, manga mukwawo ta dhiladhila kutya omasiku agehe oge thike pamwe. Kehe gumwe na kale a kola momadhiladhilo ge. 6 Ngoka ha dhiladhila esiku lyontumba li vule omakwawo, ne shi ninge nokusimaneka Omuwa. Ngoka ha li shaa shoka, ne shi ninge okusimaneka Omuwa, sho ta pandula Kalunga omolwiikulya. Ngoka ta tindi okulya iikulya yontumba, ne shi ninge nokusimaneka Omuwa, sho ta pandula Kalunga. 7 Oshoka kaku na nando ogumwe gwomutse e li po owala polwe mwene, nokaku na nando ogumwe gwomutse ta si owala polwe mwene. Ngele tatu kala tu na omwenyo, otatu kalele Omuwa, 8 nongele tatu si, otatu sile koshipala shOmuwa. Onkee ano, ngele otu na omwenyo nenge otatu si, otse oyOmuwa. 9 Oshoka Kristus okwa si e ta yumuka kuusi, opo a kale Omuwa gwaasi nogwaanamwenyo. 10 Nenge ngoye, omolwashike to pangula mukweni? Nenge ngoye, omolwashike to dhini mukweni? Oshoka tse aantu atuhe otatu ka thikama koshipala shaKalunga, tu pangulwe kuye. 11 Oshoka enyolo otali ti:
“Ngaashi ndi na omwenyo,
kehe omuntu ota ka tsa oongolo koshipala shandje,
Omuwa osho ta ti.
Kehe omuntu ota ka hempulula kutya ongame Kalunga.”
12 Ano kehe gumwe gwomutse ote ki ihokolola koshipala shaKalunga polwe mwene.
Ino pundukitha mukweni
13 Ano inatu pangulathaneni. Ihe kaleni mu na etokolo, mwaa pundukithe mukweni nenge oku mu undulila muulunde. 14 Ngame sho ndi na uukumwe nOmuwa Jesus, ondi shi shi nawa kutya kaku na oshinima sha nyata musho shene. Ihe ngele omuntu i itaala kutya oshinima shontumba osha nyata, nena otashi nyata. 15 Ngele oto yono po mukweni naashoka to shi li, nena ino landula we ompango yohole. Ino etha iikulya mbyoka to yi li, yi yone po omuntu ngoka Kristus e mu sile. 16 Ino etha shoka to shi tala oshiwanawa, shi mone edhina ewinayi. 17 Oshoka Oshilongo shaKalunga kashi shi oshinima shokulya nokunwa, ihe oshuuyuuki nombili nenyanyu, naambika otayi zi mOmbepo Ondjapuki. 18 Naangoka ta longele Kristus pamukalo nguka, oye okwo opalela Kalunga nokwa hokiwa kaantu.
19 Onkee ano otu na okulalakanena aluhe mbyoka tayi tu kaleke tu na ombili nooyakwetu, naambyoka tayi tungu okukalathana kwetu. 20 Ino hanagula po oshilonga shaKalunga omolwiikulya. Iikulya ayihe, otashi vulika, yi liwe, ihe osha puka, ngele to li iikulya mbyoka tayi undulile mukweni muulunde. 21 Oshinima shoka oshiwanawa okuninga, okukala ihoo li onyama noihoo nu omaviinu nenge okuninga kehe tuu shoka tashi pundukitha mukweni. 22 Kala mushoka ngoye mwene we shi tala shu uka koshipala shaKalunga. Omunelago oye ngoka eiyuvo lye itaali mu pe uusama mumbyoka ta tala kutya iiwanawa. 23 Ihe ngele oku na omalimbililo kombinga yaashoka te shi li, nena Kalunga ote mu pe uusama, oshoka okulya kwe inaku za keitaalo. Ano kehe tuu shoka inaashi za keitaalo, osho oondjo.
Pa kalwe ngahelipi novaitaveli oingone?
1 Ndele tambuleni omwiitaveli oshingone, mu tambuleni, nye inamu patafana omadiladilo e lili noku lili. 2 Umwe oku neitavelo, ota dulu okulya aishe, ndele mukwao, ou oshingone, ota li ombidi. 3 Ou ha li, ina dina ou iha li, naau iha li, ina tokola ou ha li, osheshi Kalunga okwe mu tambula. 4 Oove lyelye eshi ho tokola omupiya wamweni? Ota kalele ofika mwene waye, ile a wile po. Ndele ota ka kala e li ofika, osheshi Omwene e neenghono oku mu kaleka ofika.
5 Umwe e wete efiku limwe li dule likwao, ndele mukwao oha tale omafiku aeshe a faafana. Keshe umwe na kale a pama momayele aye. 6 Oye ou ta tongola omafiku, ohe a tongolele Omwene, naau ta li, ota lile Omwene, osheshi ta pandula Kalunga; ndele ou iha li, ote shi ningile Omwene, ndele ta pandula Kalunga. 7 Osheshi kape na umwe womufye te likalele ye mwene, nokape na umwe te lifile ye mwene. 8 Osheshi ngeenge hatu kala tu nomwenyo, ohatu kalele Omwene, ile ngeenge hatu fi, ohatu file Omwene. Osho hano ngeenge tu nomwenyo ile hatu fi, ofye ovOmwene. 9 Osheshi osho tuu eshi Kristus e shi fila nokwa nyumuka ndele ta ningi vali omunamwenyo, opo a pangele ovafi novanamwenyo.
10 Ndele ove, oto tokolele shike omumwaxo? Ile ove nima, oshike ho dini omumwaxo? Osheshi atusheni otu nokuholoka kolukalwatokolo laKalunga. 11 Shaashi pa shangwa:
“Oshili, ngaashi Ame ndi nomwenyo, Omwene ta ti,
omunhu keshe e nokutwa eengolo koshipala shange,
nokeshe tuu elaka oli nokuhambelela Kalunga.”
12 Onghee hano keshe umwe womufye e na okulihokolola ye mwene kuKalunga.
13 Hano inatu tokolafana vali, ndele pangeleni omhangela nokuli muha tulile omumwaxo oshinima shehaulo, ile shokupundukifa mondjila yaye. 14 Ame ondi shi shii, ndele onda pama shili mOmwene Jesus, kape noshinima sha nyata musho vene; oye ou aeke ta tale oshinima sha nyata, okuye sha nyata. 15 Ndele omumwaxo ngeenge ta yehamekwa koikulya yoye, ove ito ende vali pahole. Ino nyonauna po noikulya yoye ou a filwa kuKristus. 16 Inamu efa hano ouwa ou mu u kwete u shekwe. 17 Osheshi ouhamba waKalunga kau fi okulya nokunwa, ndelenee ouyuki, ombili nehafo mOmhepo Iyapuki. 18 Ou ta kalele Kristus moinima ei, a wapalela Kalunga, novanhu ve mu hokwa yo. 19 Tu lalakaneneni hano eshi tashi hapupalifa ombili netungafano. 20 Ino hanauna po oshilonga shaKalunga molwoikulya. Hano, aishe oya yela, ndele omunhu ou ta li neliudo lii, oshe mu nyikila owii. 21 Oshiwa okukala iho li ombelela noiho nu omaviinyu, ndele ho lidilike keshe eshi tashi tondifa omumwaxo, tashi mu pundukifa ile tashi mu fifa oungone. 22 Eitavelo olo u li na, kala u li na ove mwene koshipala shaKalunga. Omunelao oye ou ite litokola ye mwene, oinima oyo a tala ya fa iwa. 23 Ndele ou a limbililwa ye ta li, oye a tokolwa, osheshi okulya inaku dja meitavelo, ndelenee keshe eshi inashi dja meitavelo, osho oulunde.
