1 Konima yaashika ondu uvu ewi lya fa ewi lyongundu onene yaantu megulu tali ti: “Simanekeni Kalunga! Ehupitho, esimano noonkondo odhaKalunga ketu. 2 Omapangulo ge ogu uka nogoshili! Oshoka oye okwa pangula ohonda kamana ndjoka ya yono po evi alihe noluhondelo lwayo. Kalunga okwe yi geele molwaashoka ya dhipaga po aapiya ye.” 3 Ongundu oyi igidha ishewe ya ti: “Simanekeni Kalunga! Olwithi lwompile yoshilando shika oshinene ohalu itumbu pombanda aluhe sigo aluhe.” 4 Nena aakuluntu mbeyaka omilongo mbali nayane niinamwenyo mbiyaka ine oyi ihata pevi noya simaneke Kalunga ngoka a kuutumba koshipangelapundi noya ti: “Amen! Simanekeni Kalunga!”
Oshituthi shohango yOnzigona
5 Nena moshipangelapundi omwa zi ewi lya ti: “Simanekeni Kalunga ketu, aapiya ye amuhe naantu amuhe, aanenentu naadhinwa, mboka hamu mu tila!”
6 Opo ihe ondu uvu ewi lya fa lyongundu onenenene yaantu, ongepopomo lyegwo enene lyomeya nongendundumo enene lya ti: “Simanekeni Kalunga! Oshoka Omuwa Kalunga ketu, Omunankondoadhihe, oye Omukwaniilwa! 7 Tu nyanyukweni tse tu ligoleni, tu simanekeni uunene we! Oshoka ethimbo lyohango yOnzigona olya thikana nomufuko gwe okwi ilongekidha. 8 Oye okwa pewa, a zale oonguwo oontokele dholiina dha yela notadhi adhima. Oonguwo ndhika dholiina odho iilonga yuuyuuki yaantu yaKalunga.”
9 Omuyengeli okwa lombwele ndje a ti: “Nyola to ti: Aanelago oomboka ya hiywa koshituthi shohango yOnzigona.” Opo ihe okwa gwedha ko a ti: “Oohapu ndhika dhaKalunga odhoshili.”
10 Nena ondi ihata pevi poompadhi dhe, ndi mu galikane, ihe okwa lombwele ndje ta ti: “Ino shi yelekela nando! Oshoka ngame omupiya mukweni nogwomooyakweni ayehe mboka haa dhiginine oshili ndjoka ya hololwa kuJesus. Galikana Kalunga.”
Oshoka oshili ndjoka Jesus e yi holola, oyo ndjoka tayi popitha aahunganeki.
Omukayili gwokakambe okatokele
11 Nena onda mono egulu lye eguluka nomo mwa li mu na okakambe okatokele. Omukayili gwako ohi ithanwa Omwiinekelwa nOmunashili. Oye ota pangula nuuyuuki nota kondjo olugodhi. 12 Omeho ge oga li ga fa oohandje dhomulilo nokwa li a zala iishani oyindji komutse gwe. Okwa nyolwa edhina, ihe kape na nando ogumwe ngoka e li tseya kakele ke mwene. 13 Onguwo ndjoka a zala oya li ya yaywa mombinzi, nedhina lye olyo “Ohapu yaKalunga”. 14 Omatanga gaakwiita yomegulu oge mu landula, ya londa kuukambe uutokele noya zala oonguwo oontokele dholiina. 15 Mokana ke omwa zi egongamwele lya tsa, ndyoka ta ka sinda nalyo iigwana. Oye ote ke yi pangela nondhimbo yosheela nota ka kola nokutsipulila moshikolelo shomaviinu gondjahi onene yaKalunga Omunankondoadhihe. 16 Konguwo ye noketundji lye okwa li kwa nyolwa edhina ndika: “Omukwaniilwa gwaakwaniilwa nOmuwa gwaawa”.
17 Nena onda mono omuyengeli a thikama ketango. Oye okwi igidha newi enene ta lombwele oondhila ndhoka hadhi tuka mombepo pokati kegulu, a ti: “Ileni, gongaleni amuhe koshituthi oshinene shaKalunga! 18 Ileni, mu lye onyama yaakwaniilwa, yoondjayi dhiita noyaakwiita, onyama yuukambe noyaakayili yawo, onyama yaantu ayehe, yaapika noyaavalwa, yaanenentu noyaadhinwa.”
19 Nena onda mono oshilikama naakwaniilwa yokombanda yevi nomatanga gaakwiita ya gongala, ya kondjithe ngoka a londa okakambe naakwiita ye. 20 Oshilikama osha kwatwa, osho wo omuhunganeki omufundja ngoka a longo iikumithalonga montaneho yasho nokupukitha aantu mboka ye na endhindhiliko lyasho, naamboka ya li haa galikana oshiyelekela shasho. Oshilikama nomuhunganeki omufundja oyu umbilwa mefuta lyomulilo ye na omwenyo ngoka tagu hohelithwa osulufuli. 21 Aakwiita yawo oya dhipagwa po negongamwele ndyoka lya zi mokana kaangoka a londa okakambe; noondhila adhihe odha kuta onyama yawo.
Oshikwambi tashi imbwa meulu
1 Ndele konima yoinima ei onda uda sha, sha fa ondaka yongudu inene ya popya mokule meulu, tai ti: “Halleluya! Exupifo nefimano neenghono odOmwene Kalunga ketu. 2 Osheshi omatokolo aye oo oshili nokwa yuka, osheshi Ye okwa tokola ombwada inene, ei ya nyonaunifa edu koluhaelo layo, okwe i handukilila ohonde yovapiya vayo noku i pula meke layo.” 3 Ndele vo ova popya vali, tava ti: “Halleluya! Nomwifi washo otau kala nokulitumba pombada alushe fiyo alushe.”
4 Novakulunhu venya omilongo mbali navane noinamwenyo ine va wa poshi ndele va fimaneka Kalunga ou a kala omutumba kolukalwapangelo, ndele tava ti: “Amen, Halleluya!”
5 Nondaka ya dja molukalwapangelo, tai ti: “Hambeleleni Kalunga ketu, ovapiya nye vaye amushe, ava hamu mu tila, ovanini novanene.” 6 Ndele ame onda uda sha, sha fa ondaka yongudu inene yovanhu nosha fa epopolo lomeva mahapu, nosha fa ondaka yomangungumo manene, sha tya: “Halleluya! Osheshi Omwene Kalunga ketu, Omunaenghono adishe a hovela okupangela. 7 Tu nyakukweni, fye tu hafeni, fye tu mu pe efimano, osheshi ehombolo lOdjona ola fika, nomuhombolwa waye okwe lilongekida, 8 nokwa pewa a djale oikutu yoliina itoka ya vilima noya yela.” Oikutu oyo yoliina oyo ouyuki wovayapuki.
9 Oye omweengeli a lombwela nge: “Shanga u tye: Ovanelao ovovo va ifanwa kehombolo lOdjona.” Ndele ta ti kwaame: “Eendjovo odo odoshili daKalunga.” 10 Ndele ame onde linyongamena keemhadi daye, ndi mu fimaneke, ndele ye okwa tya kwaame: “Ino shi hetekela, ame ondimupiya mukweni nowovamwaxo, ava ve nehepaululo laJesus; linyongamena Kalunga.” Osheshi ehepaululo laJesus olo omhepo youxunganeki.
Ehombolo lOdjona nealuko laKristus
11 Opo nee nda mona eulu la yeuluka, ndele tala, onghambe itoka, nomulondi wayo okwa lukwa Omudiinini nOmunashili, ndele ta tokola ndele ta lu mouyuki. 12 Nomesho aye e li ngaashi omitemo domundilo, nokomutwe waye oikoloni ihapu; Oye oku nedina la shangwa, itali shiivika nande okuumwe, okuye mwene aeke. 13 Nokwa djala oshikutu sha yavwa mohonde, nokwa lukwa edina: “Ondjovo yaKalunga.” 14 Nomatanga ovakwaita vomeulu e mu shikula, va londa eenghambe ditoka, va djala oikutu yoliina itoka ya yela. 15 Ndele mokanya kaye omwa dja eongamukonda la twa, okudenga nalo oiwana; Oye te i lifa nodibo yoshivela, ndele ta kolo nokulyata oshikolelo shomaviinyu oupyuhandu waKalunga Omunaenghono adishe. 16 Ndele moshikutu shaye ponho yaye opa shangwa edina laye: “Ohamba yeehamba nOmwene wo vene.”
Okutokolwa kwoshilyani nokwomuxunganeki woipupulu
17 Ndele nda mona omweengeli a kala ofika metango, ndele ta ifana nondaka inene ndele ta ti keedila adishe hadi tuka pokati keulu: “Ileni mu ongale koitendele inene yaKalunga, 18 nye mu lye ombelela yeehamba, nombelela yovaneyovi, nombelela yovanaenghono, nombelela yeenghambe noyovalondi vado, nombelela yovadalwa noyovapika yaava vanini noyaava vakula.”
19 Ndele nda mona oshilyani neehamba dopedu neengudu dovakwaita vado da ongala di ka lwife ou a londa konghambe nongudu yaye. 20 Noshilyani osha kwatwa pamwe nomuxunganeki omunaipupulu, ou kwa li ha ningi omadidiliko moipafi yasho, nokwa hongaula nao venya va tambula edidiliko loshilyani ndele ve linyongamena koshiyelekela shasho, vo vavali ova ekelwa ve nomwenyo mombwili yomundilo wa ehelifwa osulfuri. 21 Ndele vakwao ova dipawa neongamukonda laau a londa konghambe, olo la dja mokanya kaye, eedila adishe oda kuta kombelela yavo.
