Okuteka po kwaBabilon
1 Konima yaambika onda mono omuyengeli gulwe a kuluka megulu. Okwa li e na oonkondo oonene dhokupangela, neadhimo lye olya minikile evi alihe. 2 Okwi igidha newi enene a ti: “Sha teka po! Babilon, oshilando oshinene sha teka po! Ngashingeyi sha ningi ehala lyoompwidhuli nolyoombepo oombwinayi. Oondhila dhomaludhi agehe ndhoka dha nyata nodhi tondike, omo dha tungila. 3 Oshoka oshilando shika osha kolitha aantu ayehe yokombanda yevi, sho she ya nwetha omaviinu goluhondelo lwasho. Aakwaniilwa yokombanda yevi oya hondele naantu yasho, naahalithi yiipindi yomuuyuni oya likola uuyamba owindji omoluuholume washo.”
4 Nena ondu uvu ewi lilwe ekwawo lya zi megulu nolya ti:
“Zii mo mokati kawo, one aantu yandje!
Iyoololii mo muyo!
Inamu kwatathana noondjo dhawo;
inamu ihilila omageelo gawo!
5 Oshoka oondjo dhasho odha ndumbala
nodha thiki sigo okegulu,
nuulunde washo Kalunga okwe u dhimbulukwa.
6 Shi ningileni naanaa ngaashi she mu ningile.
Shi futitheni lwaali shi thike pushoka e shi longa.
Udheni oshitenga shasho noshinuwa oshilulu shi vule lwaali shoka she mu longekidhilile.
7 Shi peni omahepeko noluhodhi yi thike pesimano nopuukengeli mboka she u ikongela shoshene.
Oshoka oshi li po tashi ilombwele tashi ti:
‘Ongame otandi kuutumba mpaka, omukwaniilwa omukuluntu.
Kandi shi omuselekadhi noitandi ka adhika nando koluhodhi!’
8 Onkee ano iiponga ayihe otayi ke shi adha esiku limwe alike.
Eeno, oluhodhi nondjala.
Otashi ka fikwa po nomulilo,
oshoka Omuwa Kalunga ngoka te shi pangula,
oye omunankondo.”
9 Aakwaniilwa yokombanda yevi mboka ya li haa hondele naantu yasho noya kala muufukedhi pamwe nayo, otaa ka lila nokuyemata omolwoshilando shika, sho taa mono olwithi lwompile yasho. 10 Oyo otaa ka kala ya thikama kokule, oshoka oya tilithwa kokweehamekwa kwasho notaa ti:
“Iihuna oyi thike peni!
Oshilando ngoye oshinene, Babilon!
Egeelo lyoye olye ku adha muule wotundi yimwe ayike.”
11 Aahalithi yokombanda yevi nayo wo otaa lili nokunika oluhodhi omolwasho, oshoka kapu na we ngoka ta landa iinima yawo. 12 Kape na we ngoka ta landa oshingoli, oshisiliveli, omamanya gondilo nomagwe gawo; iiyata yawo yoliina, yopurpuri, yotheyi naambyoka iitiligane; niizimba iiwanawa, iihongomwa mbyoka ya hongwa momayego goondjamba nomiiti yondilo, mosheela shoshikushu, mosheela oshiluudhe nomemanya lyamarimori; 13 omunkunzi, omugwayo gwomafufu, omugwayo gwezimba ewanawa neka lyokutsinina; omaviinu nomagadhi, uusila niilya, oongombe noonzi, oonkambe nomatemba, aapika noomwenyo dhaantu nokuli.
14 Aahalithi otaye shi lombwele taa ti: “Iinima ayihe iiwanawa mbyoka wa li wa hala okulikola, oya kana po, nuuyamba woye auhe neopalo lyoye lya pepuka po, noku na we mpoka to ke yi mona.” 15 Aahalithi mboka ya ningi aayamba, sho ya landitha moshilando shiyaka, otaa ka kala ya thikama kokule, oshoka oya tilithwa kokweehamekwa kwasho. Oyo otaa ka lila nokunika oluhodhi, 16 e taa ti: “Iihuna oyi thike peni! Iihuna oyi thike peni yoshilando oshinene! Okwa li hashi izaleke oonguwo dholiina noonguwo oontiligane noshi iyopalekitha uulenga woshingoli, nomamanya gondilo nomagwe. 17 Ihe uuyamba mbuka auhe she u kanitha muule wotundi yimwe ayike!”
Aakuluntu yoosikepa ayehe, aayendi yomoosikepa, oonakulonga moosikepa naayendifuta ayehe oya thikama kokule 18 noyi igidha mokule, sho ya mono olwithi lwompile yasho ya ti: “Kaku na nando oshilando shimwe oshinene shi thike pushika!” 19 Oyo oyi ifundile omavi momitse noya lili nokunika oluhodhi ya ti “Iihuna oyi thike peni! Iihuna oyi thike peni ya adha oshilando shika oshinene! Aantu ayehe mboka haa ende momafuta noosikepa, oya mono uuyamba owindji omolwoshilando shika. Ihe uuyamba washo owa pepuka po muule wotundi yimwe ayike.
20 “Nyanyukwa, ngoye egulu, omolwokuhanagulwa po kwasho! Nane aantu yaKalunga, aayapostoli naahunganeki, nyanyukweni! Oshoka Kalunga okwe shi geelele uuwinayi auhe mboka she mu ningile.”
21 Nena omuyengeli omunankondo okwa kutha emanya li thike pemanya enene lyokukweya uusila nokwe li umbile mefuta e ta ti:
“Osho ngeyi oshilando shika oshinene Babilon tashi ka ekelwahi polumwe aluke noitashi ka monika we nando esiku limwe. 22 Olwiimbo lwaahiki yokashandja newi lyaayimbi nolyaahiki yohiya noyomankuma itali ka uvika we tali zi mungoye. Maantu yaandjeni itamu ka monika we onkulungu yoshilonga shasha. Osho wo itamu ka uvika we ekolokoto lyomamanya gokukweya uusila. 23 Uuyelele wolamba itau ka monika we mungoye newi lyomufuko nolyombushiki itali ka uvika mo we. Aahalithi yaandjeni oya li aanankondo ye vule aahalithi yomuuyuni auhe, nuumpulile woye owa pukitha aantu ayehe yomuuyuni.”
24 Babilon sha geelwa, oshoka musho omwa adhika ombinzi yaahunganeki noyaantu yaKalunga. Eeno, musho omwa monika ombinzi yaantu ayehe mboka ya dhipagwa kombanda yevi.
Okuteka po kwaBabilon
1 Konima yaashi onda mona omweengeli umwe a kuluka meulu, e nepangelonghono linene, edu ola yela koshinge shaye. 2 Ndele ye okwa ingida nondaka inene ta ti:
“Sha teka po, sha teka po, Babilon, oshilando shinene,
sha ninga onhele yokukala eendemoni,
neumbo leemhepo di lili nadi lili da nyata,
onhele yokwoongala eedila di lili nadi lili
da nyata noda tondwa,
3 osheshi momaviinyu ehandu lasho oiwana aishe oya nwa mo,
neehamba dedu da haela nasho,
novashingifi voipindi yokombada yedu
ova punapala keenghono douyadipuna washo.”
4 Naame nda uda ondaka imwe meulu, tai ti:
“Djeni mo musho, nye ovanhu vange,
muha kwatafane noulunde washo,
muha hangike komahepeko asho.
5 Osheshi oulunde washo owa fika meulu,
nouhenouyuki washo, Kalunga okwe u dimbulukwa.
6 Shi ningileni ngaashi sho she mu ningila yo,
nye mu shi wedele luvali shi fike poilonga yasho.
Meholo eli sha tila mo, shi tilileni mo luvali.
7 Ngaashi she lifimanekifa mokukala mouyadipuna,
osho tuu shi peni oudjuu noluhodi pashiyelekifo osho,
osheshi otashi lipopile momwenyo washo tashi ti:
‘Ame ondi li apa omutumba ndihambakainhu,
ndele nghi fi omufiyekadi noitandi ka hangika koluhodi;’
8 Onghee hano omahepeko asho
otae shi hange efiku limwe alike,
efyo neefya nondjala,
ndele tashi xwikwa momundilo,
osheshi Omwene Kalunga Oye
omunaenghono ou e shi tokola.”
9 Neehamba dopedu edi kwa li da haela nasho, ndele de liondola nasho, otadi shi lilile ndele tadi shi nyematele, eshi tadi mono omwifi wepeya lasho; 10 mokutila omahepeko asho otadi ke shi kalela ofika kokule tadi, ti:
“Woo, Woo, oshilando ove shinene,
Babilon, oshilando ove u neenghono,
etokolo loye ole ku hanga mokafimbo kamwe akeke.”
11 Novashingifi vopedu otava lili noku shi nyikila oluhodi, osheshi kape na vali ou ta lande oipindi yavo, 12 oshingoldo noshisiliveli nomamanya ondilo nouwe noshiyata sholiina nopurpuri noshofei naai itilyana nomiti adishe doidimba iwa, noilongwa i lili noi lili yomayoo eendjaba, noikwatelwa i lili noi lili yomiti diwa i nondilo noyoshikushu noyoivela noyomarmori, 13 nokaneli noinyepekifi noitwimifo nomaadi omirha, neka lokutwimifa nomaviinyu nomaadi olumono noufila womudiva noilya neengobe needi neenghambe nomatemba novapika neemwenyo dovanhu. 14 Noiimati oyo omwenyo woye we i hokwa ya ya: “Noinima aishe ya yela, oinima youpuna noyoufuuli ye ku kana noitai ka monika vali nande kwoove.” 15 Novashingifi voinima ei kwa li va punapalifwa koshilando eshi, otava ka kala ofika kokule molwoumbada womahepeko asho, mokulila nomokunyika oluhodi, 16 otava ti: “Woo, Woo, oshilando osho shinene, sha li she lidika oikutu yoliina nopurpuri naai itilyana, nosha li sha wapekwa noshingoldo nomamanya ondilo nouwe; 17 oupuna u fike opo, eshi wa hanaunwa po mokafimbo kamwe akeke.”
Novashingi veeskepa nongudu aishe yomeeskepa novalongi vomeeskepa naaveshe ava tava ende mefuta, ova kala ofika kokule, 18 ndele eshi va mona omwifi wepeya lasho, ova ingida, tava ti: “Shilipipo shinene shi fike poshilando eshi?” 19 Ndele ove lifundila edu momitwe davo ndele tava ingida pombada nokulila nokunyemata, tava ti: “Woo, Woo, oshilando ove shinene, omo aveshe ava va kala ve neeskepa mefuta, va likola moupuna washo, osheshi sha hanaunwa po mokafimbo kamwe akeke.
20 “Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.” 21 Nomweengeli omunaenghono okwa kufa emanya linene, ngaashi emanya linene loshini, okwe li ekela mefuta ndele ta ti: “Osho ngaha Babilon, oshilando eshi shinene, tashi ekelwashi mekupulo limwe, ndele itashi monika vali nande. 22 Ndele mwoove itamu udika vali eshiko lonyalilo nondaka yovaimbi noyovashiki veefilita novomanghuma, noitamu monika vali nande omunongo wakeshe tuu oshilonga shounongo, mwoove itamu udika nande vali omufindo wemanya loshini. 23 Nomutemo wolamba itau minikile vali mwoove, mwoove itamu udika vali ondaka yonghalu yomuhomboli noyomuhombolwa; osheshi ovashingifi voipindi yoye ova li ovakulunhu vedu, osheshi oiwana aishe ya hongaulwa koupule woye, 24 ndele musho omwa monikile ohonde yovaxunganeki, nohonde yovayapuki noyaava aveshe va dipawa kombada yedu.”
