Nehemia ta sindana miilonga
1 Sanballat sho a kundana kutya tse Aajuda twa tameke etungululo, okwa li a thita po kondjahi e ta tameke oku tu sheka. 2 Okwa popi montaneho yooyakwawo noyetangakwiita lyAasamaria ta ti: “Aajuda mbaka aatsaangidhi otaa dhiladhila ya longe shike? Otaa tedha okutungulula oshilando? Otaa dhiladhila kutya mokuyamba omafikilondjambo otaa vulu okumana iilonga mesiku limwe? Otaa vulu okutunga noondhopi dha za miitandu ya yothoka?”
3 Tobia gwokuAmmon okwa li a thikama ontega naye e ta gwedha ko ta ti: “Ekuma ndyoka taa tungu olya tya ngiini? Nokuli ombandje otayi vulu oku li kumuna po!”
4 Onda galikana nda ti: “Kalunga, ya pulakena, sho taye tu sheke. Esheko lyawo nali gwile komitse dhawo. Naa yugwe ashihe shoka ya likola yo ya kwatwe po oonkwatwa, ya ka ninge aapika mevi lyuundjendi. 5 Ino dhima po uuwinayi taye u ningi, ngoye ino dhimbwa oondjo dhawo, oshoka oye tu sitha ohoni tse mboka tatu tungu.”
6 Osho ngaaka twa tsikile okutungulula edhingililokuma. Mbalambala olya adha etatakati momuthika gwalyo, molwaashoka aantu oya li aalaadhi miilonga.
7 Sanballat, Tobia, Aayarabia, Aayammoni naantu yokuAshdod oya kundana kutya etungululo lyedhingililokuma lyaJerusalem otali humu ko nawa, noombululu mekuma odha thitikwa; nena oya geye. 8 Oya hangana ya matukile Jerusalem, opo ye tu piyaganeke, 9 ihe tse otwa galikana Kalunga ketu notwa tula po aalangeli, ye tu gamene omutenya nuusiku.
10 Aajuda oya li ye na eimbilo ye li imbi tali ti:
“Otatu ningi aankundi mokuhumbata omitenge;
iitandu oyo oyindjiyindji, tu yi kuthe po.
Itatu vulu okutunga ekuma.”
11 Aatondi yetu oya popi taa ti: “Manga inaaye shi tseya nenge inaaye tu dhimbulula, otatu ya ponokele e tatu ya dhipaga nokuhulitha po iilonga yawo.” 12 Ihe ethimbo nethimbo Aajuda mboka ya kala mokati kaatondi yetu, oye ya ye tu londodhe omolwaatondi yetu, sho taa pangele ye tu kondjithe. 13 Omolwashoka onda homateke aantu omagongamwele, omagonga nomatati. Onde ya langeke pamaludhi gawo konima yekuma ndyoka lya li inaali pwa.
14 Onda mono kutya aantu oya piyaganekwa nonda ti kuyo nokaawiliki yawo nokomalenga: “Inamu tila aatondi yetu. Dhimbulukweni, nkene Omuwa omunene nomutilithi. Kondjeleni ooyakweni, aana yeni, aakiintu yeni nomagumbo geni.” 15 Aatondi yetu oyu uvu kutya otwe shi tseya kutya otaye tu dhiladhilile ondumbo. Oya dhimbulula kutya nani Kalunga okwa kondjitha omadhiladhilo gawo. Nena tse atuhe otwa shuna, tu ka tungulule ekuma.
16 Okuza kesiku ndyoka etata lyaantu yandje oya longo, manga etata ekwawo lya langela komauta lya zala oonguwo dhiiyela lya homata omagonga, omahuuyanza nomatati. Aawiliki yetu oya kwatha Aajuda ayehe 17 mboka ya li metungululo lyekuma. Nokuli naamboka ya li taa humbata iitungitha, oye na egonga moshikaha shimwe. 18 Shaa ngoka a li petungo, okwa zala egongamwele moshiya. Omuhiki gwoohiya okwa li pungame. 19 Onda lombwele oshigwana nomalenga gasho naawiliki yasho nda ti: “Iilonga oya taandela moshinano oshile, tse otu li po twa halakana nekuma. 20 Ngele tamu uvu ohiya, gongaleni pungame. Kalunga ketu ote tu kondjele.” 21 Esiku kehe okuza keluwa tali tende sigo oonyothi dhe ya kegulu uusiku, etata lyomutse otali tungu ekuma, manga etata ekwawo lya thikama lya langela komauta.
22 Methimbo ndika onda lombwele aanamagumbo naakwathi yawo, ya kale muJerusalem uusiku, opo tu wape okutonatela oshilando uusiku, tse tu longe omutenya. 23 Inatu ihula oonguwo dhetu nando uusiku, ngee ngame nenge ooyakwetu nenge aakalele yandje nenge aalangeli yandje. Atuhe otwa kala tu na omatati pomake.
Ehangakeno lovatondadi Ovanhu tava dililwa olwoodi
1 Ndelenee Sanballat eshi a uda, nokutya fye ohatu tungu ekuma, okwa handuka nokwa ninga omwenyo mwii unene. Ndele a sheka Ovajuda, 2 nokwa popya moipafi yavakwao noyomatanga aye ovakwaita vomuSamaria ndele ta ti: “Ovajuda vehe neenghono otava ningi shike? Ohatu va efa tuu ngaho? Otava ka yamba tuu? Otava ka xulifa tuu diva oshilonga shavo? Otava dulu tuu okushitulula omamanya omomakulukuma a ninge omwenyo, nande a xwikwe nomundilo?” 3 Ndele Omuammoni Tobia okwa kala ofika puye ndele ta ti: “Nava tunge, ndelenee okavandje ngeenge taka nhuka kulo, ko otaka ngumauna po ekuma lavo lomamanya!” 4 Pwilikina, Kalunga ketu, nhumbi tu li twa dinika! Ndele alulila esheko lavo kombada yomitwe davo, ndele va yandjela mokutikifwa moshilongo shoukwatwa. 5 Nomatauluko avo ino a tuvika ndele ino dima po omatimba avo koshipala shoye. Osheshi ve ku handukifa nokukala kwa tya ngaha novatungi.
6 Ndelenee twa tungulula ohotekuma nekuma alishe la tungululwa fiyo opokati koule walo. Novanhu va longa nomutima wavo aushe. 7 Ndelenee Sanballat naTobia nOvaarabi nOvaammoni nOvaasdod eshi va uda, nokutya etungululo leehotekuma daJerusalem tali ehene komesho, nomifya tadi vandekwa, ova handuka unene. 8 Ndele vo aveshe va hangakena va udafana va ka homone Jerusalem va ka pendulile ko epiyaano. 9 Ndelenee fye twa indila Kalunga ketu ndele twa tula ovanangeli tu amenwe kuvo omutenya noufiku.
10 Ndelenee Juda ta ti: “Eenghono dovahumbati vomitengi da nyengwa nomakulukuma omahapu unene, onghee itatu dulu okutunga ekuma.” 11 Novatondadi vetu tava ti: “Fimbo vo inava shiiva sha ile inava mona sha, fye ohatu uya mokati kavo ndele hatu va dipaa ndele hatu xulifa oshilonga shavo.” 12 NOvajuda venya va kala moushiinda wavo ve uya va dja meenhele adishe ve tu londwela lwomulongo nokuli: Omhangela yovatondi vetu. 13 Ndele ame nda tula ovanhu meenhele da filuka konima yekuma, meenhele dihe na sha, ovanhu nde va tula ko pamapata avo, ve nomaongamukonda avo nomaonga avo nomauta avo. 14 Ndele eshi nda tala nokukonakona ashishe, ame nda kala ofika nonda lombwela ovanamadina novakomesho novanhu vamwe: “Inamu va tila. Dimbulukweni Omwene nonakutilika, ndele kondjeleni vakweni novana veni ovamati noukadona, novalikadi veni neengulu deni.” 15 Ndele ovatondadi vetu eshi va uda, nokutya sho osha shiivika kufye, naKalunga okwa nyona po ehangakeno lavo, fye atushe twa shuna kohotekuma, keshe umwe okoshilonga shaye.
16 Ndele okefiku tuu olo etanga limwe lovanhu vange la longa, netanga limwe lovanhu la diinina omaonga noikelelifo nomauta noivela yoponhulo fimbo ovakulunhu va li ofika konima yOvajuda aveshe, 17 va tunga ekuma. Ovahumbati vomitengi va longa oshilonga shavo ngaha: Neke limwe va longa oshilonga shavo, ndele eke likwao la kwata eonga, 18 nomutungi keshe okwa li a mangela eongamukonda laye moshiya shaye ndele ta tungu, nomushiki wenghuma a kala ofika pwaame. 19 Ndele nda lombwela ovanamadina novakomesho novanhu vamwe: “Oshilonga oshinene nosha tandavela, ndele fye otwe lihanena kohotekuma ndele tu lyaafane kokule. 20 Konhele apa tamu udu ondaka yenghuma nye mu nokwoongala pufye. Kalunga ketu ote ke tu kondjela.” 21 Ndele fye osho twa longa oshilonga, fimbo etanga limwe lovanhu ve kwete omaonga okudja ketendo leluwa fiyo eenyofi da holoka. 22 Naame yo nda lombwela ovanhu pefimbo olo: Keshe umwe e nokukala pamwe novapiya vaye oufiku muJerusalem, opo ve tu kwafe oufiku mokunangela nomomutenya mokulonga. 23 Ndele ame mwene noovakwetu novanhu vange novalumenhu ovanangeli ava va shikula nge, inatu lidula oikutu yetu. Keshe umwe e kwete eonga meke laye.
