Jesus ta kundathanwa
(Mat. 26:1-5Luk. 22:1-2Joh. 11:45-53)1 Ano sho kwa li ku na omasiku gaali, oshituthi shOpaasa noshiikwiila inaayi fulikwa shi thike, aayambi aakuluntu naalongimpango oya li taa kongo, nkene ye na okukwata Jesus nomakoto, ye mu dhipage. 2 Ihe oya ti: “Itatu shi ningi pethimbo lyoshituthi, opo evundakano lyaa holoke maantu.”
Jesus ta gwayekwa
(Mat. 26:6-13Joh. 12:1-8)3 Jesus sho a li muBetania megumbo lyaSimon omunashilundu, omukiintu e na ohanga yu udha omugwayo gwondilo, gwonardilela, okwe ya mo. Oye okwa suukulula ohanga nokwe yi tile komutse gwaJesus, manga a kuutumba poshililo. 4 Ihe okwa li ku na aantu yamwe ya geele oshinima shoka noya popi ya ti: “Omolwashike omugwayo gwa hepithwa owala ngeyi? 5 Omugwayo nguka ando gwa landithilwe po, ando ogwa zi iimaliwa yi vule omathele gatatu, yi pewe oohepele.” Oyo noya nyenyetele omukiintu.
6 Jesus okwa ti: “Mu etheni. Omolwashike tamu mu piyaganeke? Oye okwa longele ndje oshilonga oshiwanawa. 7 Oohepele omu li nadho aluhe. Ethimbo kehe mwa hala, otamu vulu oku dhi ningila uuwanawa. Ihe ngame itandi kala pune aluhe. 8 Oye okwa ningi shoka shi thike poonkondo dhe. Okwa tetekele okugwayeka olutu lwandje, e lu longekidhile efumviko. 9 Ngame otandi mu lombwele: Shaa nkoka muuyuni auhe elaka ndika etoye tali ka uvithwa, oshilonga wo shika e shi ningi, otashi ka hokololwa nokudhimbulukiwa.”
Jesus ta landithwa po
(Mat. 26:14-16Luk. 22:3-6)10 Nena Judas Iskariot, gumwe gwaamboka omulongo nayaali, okwa yi kaayambi aakuluntu, a ka gandje Jesus miikaha yawo. 11 Ano mboka sho ye shi uvu, oya nyanyukwa e taye mu uvanekele oku mu pa iimaliwa. Onkee ano Judas okwa li ta kongo ashike ethimbo lyo opala okugandja Jesus.
Jesus ta li Opaasa pamwe naalongwa ye
(Mat. 26:17-25Luk. 22:7-14Luk. 21-23Joh. 13:21-30)12 Mesiku lyotango lyoshituthi shiikwiila inaayi tumbithwa, moka hamu dhipagwa wo onzigona yOpaasa, aalongwa yaJesus oye mu pula ya ti: “Openi wa hala, tu ke ku longekidhile, u lye uulalelo wOpaasa?”
13 Jesus okwa tumu yaali yomaalongwa ye e ta ti kuyo: “Indeni koshilando, notamu ka tsakaneka omulumentu a humbata etenga lyomeya. Mu landuleni 14 sigo omegumbo moka u uka, e tamu lombwele mwene gwegumbo tamu ti: ‘Omulongi ota ti: Openi pu na oshinyanga shaayenda, ndi lile mo uulalelo wOpaasa pamwe naalongwa yandje?’ 15 Oye note mu ulukile ondjugo onene yopombanda yo opalekwa. Tu longekidhileni ayihe.”
16 Aalongwa oya yi e taye ya moshilando, naayihe oya li, ngaashi Jesus e ya lombwele. Oyo noya longekidha uulalelo wOpaasa.
17 Ongulohi sho ye ya, Jesus okwe ya pamwe naalongwa ye omulongo nayaali. 18 Manga ya kuutumba poshililo taa li, Jesus okwa ti: “Ngame otandi mu lombwele: Gumwe gwomokati keni, ngoka ta li pamwe nangame, ota ka gwaaleka ndje.” 19 Aalongwa oya nika uuthigwa noonkondo noye mu pula koogumwe noogumwe ya ti: “Hangame ndishi?”
20 Jesus okwe ya yamukula a ti: “Ogumwe gwomokati keni mboka omulongo nayaali, ngoka te elele metemba mumwe nangame. 21 Omuna gwOmuntu ota ka sa, ngaashi kwa nyolwa, ihe yayee omuntu ngoka te ke mu gwaaleka! Omuntu ngoka ando a li inaa valwa, ando ihwepo.”
Edhiko lyUulalelo uuyapuki
(Mat. 26:26-30Luk. 22:14-201 Kor. 11:23-25)22 Sho ya li taa li, Jesus okwa kutha oshikwiila, okwa hambelele, okwe shi pambula nokwe shi pe aalongwa ye e ta ti: “Taambeni, shika osho olutu lwandje.”
23 Okwa kutha wo oshitenga, a hambelele nokwe shi ya pe; oyo noya nu mo ayehe. 24 Oye okwa ti kuyo: “Ndjika oyo ombinzi yandje, ombinzi yehangano, ndjoka tayi tilwahi omolwoyendji. 25 Ngame otandi mu lombwele: Itandi nu we omaviinu sigo esiku ndyoka tandi ke ga nwa omape mOshilongo shaKalunga.”
26 Ano sho yi imbi eimbilo lyehambelelo, oya yi kOndundu yooholivi.
Jesus ta londodha aalongwa ye
(Mat. 26:31-35Luk. 22:31-34Joh. 13:36-38)27 Nena Jesus okwa ti kuyo: “Ne amuhe otamu yi ontuku e tamu etha ndje, oshoka okwa nyolwa taku tiwa: ‘Otandi dhipaga po omusita, noonzi otadhi halakana.’ 28 Ihe ngame nge nda yumudhwa, otandi ke mu tetekela kuGalilea.”
29 Petrus okwa ti kuye: “Nando ayehe oya ye ontuku, ngame itandi yi ontuku.”
30 Jesus okwa ti kuye: “Ngame otandi ku lombwele: Uusiku mbu wonena ekondombolo manga inaali iga olutiyali, ngoye oto idhimbike ndje lutatu.”
31 Petrus okwa yamukula: “Nando ondi ka se pamwe nangoye, itandi ku idhimbike!”
Aalongwa ooyakwawo ayehe osho wo ya yamukula.
Jesus ta galikana muGetsemane
(Mat. 26:36-46Luk. 22:39-46)32 Oyo ye ya keyana edhina lyalyo Getsemane. Opo Jesus okwa ti kaalongwa ye: “Kuutumbeni mpaka, manga tandi ka galikana.” 33 Oye okwa kutha Petrus, Jakob naJohannes nokwa tameke okutila nokuuva uuwehame. 34 Nokwa ti kuyo: “Oluhodhi momwenyo gwandje olunene, konyala talu nyanyagula ndje. Kaleni mpaka, mu tonate.”
35 Sho a humu ko kashona, okwi ihata pevi nokwa galikana, ngele tashi vulika, ethimbo ndyoka li mu pitilile po, a ti: 36 “Tate, Tate, kaku na shoka tashi ku nyenge. Kutha ndje oshitenga shika. Hamolwehalo lyandje, ihe ongaashi wa hala.”
37 Oye okwa galuka nokwa adha aalongwa mboka yatatu ya kotha, e ta ti kuPetrus: “Simon, oto kotha? Owa nyengwa okutonata otundi yimwe ayike pamwe nangame? 38 Tonateni, mu galikane, mwaa pwile memakelo. Ombepo yomuntu oya hala, ihe onyama onkundi.”
39 Oye okwa shuna ko ishewe, a galikana nokwa popi oohapu odho tuu ndhoka. 40 Sho a galuka ishewe, okwe ya adha ya kotha, oshoka omeho gawo oga li ge niwe koomposi; yo inaa tseya shoka ye na oku mu yamukula.
41 Opo ihe okwa galuka olutitatu nokwa ti kuyo: “Otamu kotha natango tamu vululukwa? Sha gwana! Ethimbo olya thikana, uuna Omuna gwOmuntu e na okugandjwa miikaha yaalunde. 42 Thikameni, tu yeni. Ngoka ta gwaaleke ndje, oku li popepi.”
Jesus ta kwatwa
(Mat. 26:47-56Luk. 22:47-53Joh. 18:3-12)43 Manga Jesus ta popi, Judas, gumwe gwaamboka omulongo nayaali, okwe ya pamwe nongundu yi na omagongamwele noondhimbo, ya tumwa kaayambi aakuluntu nokaakuluntu yoshigwana. 44 Omugwaaleki okwa li e ya tsu onyala a ti: “Ngoka tandi thipi komilungu, oye ngoka mwa hala. Mu kwateni!”
45 Judas sho a thiki, okwe endelele okuya kuJesus e ta ti: “Muhongi,” nokwe mu thipi komilungu. 46 Nena mbeyaka oye mu tsu iikaha e taye mu kwata. 47 Ano gumwe gwaamboka ya li ya thikama mpoka, okwa pweya mo egongamwele lye noku umpile omumati gwomuyambi omukuluntu e te mu fegula okutsi. 48 Jesus okwa ti kuyo: “Ne omwe ya okukwata ndje ngaashi tamu ka kwata omukolokoshi, mu na omagongamwele noondhimbo? 49 Kehe esiku onda longo aantu mokati keni motempeli, ne inamu kwata ndje. Ihe shika osha ningwa, opo Omanyolo omayapuki ga gwanithwe.”
50 Nena aalongwa ayehe oye mu thigi po e taa yi ontuku.
51 Omugundjuka gumwe ngoka a li i idhingila owala elapi etokele, okwa landula Jesus. Oyo oya kambadhala oku mu kwata, 52 ihe okwa thigi po elapi lye nokwa yi ontuku e li olutu lwowala.
Jesus e li kiipala yaatokoli
(Mat. 26:57-68Luk. 22:54-55Luk. 63-71Joh. 18:13-14Joh. 19-24)53 Oyo oya fala Jesus kegumbo lyomuyambi omukuluntu, hoka kwa gongala aayambi aakuluntu ayehe, aalongimpango naakuluntu. 54 Petrus okwe mu landula e li konima kokule sigo omolugumbo lwegumbo lyomuyambi omukuluntu. Okwa yi mo nokwa kuutumba pamwe naalangeli e ta huhulukwa pomulilo. 55 Ano aayambi aakuluntu noshigongi ashihe shaatokoli oya kambadhala okukonga omalundilo, ya lundile Jesus, opo ye mu dhipage, ihe inaye ga mona. 56 Aalundili oyendji oye mu lundile, ihe omalundilo gawo kaga li ga tsa kumwe.
57 Aalumentu yamwe oye ya po noye mu lundile ya ti: 58 “Tse otwe mu uvu ta ti: ‘Otandi kumuna po otempeli ndjika ya tungwa kaantu, nongele pwa piti omasiku gatatu, otandi ka tunga po onkwawo inaayi tungwa kaantu.’ ” 59 Ihe nando ongawo, ehokolo lyawo olya li inaali tsa kumwe.
60 Omuyambi omukuluntu okwa thikama komeho gawo nokwa pula Jesus a ti: “Ito yamukula sha komalundilo ngoka taye ku lundile?”
61 Ihe Jesus okwa mwena; ina yamukula sha. Omuyambi omukuluntu okwe mu pula natango a ti: “Ongoye Kristus, Omuna gwaKalunga omusimanekwa?”
62 Jesus okwa yamukula: “Eeno, ongame. Ano otamu ka mona Omuna gwOmuntu a kuutumba kolulyo lwaKalunga note ke ya te ende kiikogo yokegulu.”
63 Omuyambi omukuluntu okwa tuula oonguwo dhe mwene e ta ti: “Inatu pumbwa we oonzapo! 64 Ne omu uvu etukano lye. Otamu ti ngiini?”
Oyo ayehe noye mu tokola, a dhipagwe.
65 Yamwe yomuyo oye mu hiyile omayeye, oye mu siikile koshipala noye mu dhenge noongonyo e taa ti kuye: “Tengeneka ngoka e ku dhenge.” Aamati aalangeli wo oye mu dhenge nomalupi.
Petrus ti idhimbike Jesus
(Mat. 26:69-75Luk. 22:56-62Joh. 18:15-18Joh. 25-27)66 Ano Petrus sho a li molugumbo lwomeni, opwe ya gumwe gwomaayakuli aakadhona yomuyambi omukuluntu. 67 Sho a mono Petrus ta huhulukwa, okwe mu tongolola e ta ti kuye: “Nangoye wo owa li pamwe naJesus, Omunasareti.”
68 Ihe Petrus okwi idhimbike e ta ti: “Kandi shi wo nokandi uvite ko shoka to ti.” Oye nokwa zi po u uka lwopondje. Opo mpoka ekondombolo olyi igi.
69 Omukadhona okwe mu mono ishewe nokwa tameke natango okulombwela aantu mboka ya li po a ti: “Omulumentu nguka naye wo ogumwe gwawo.” 70 Ihe Petrus okwi idhimbike ishewe.
Konima yokathimbo aantu mboka ya li po ya thikama, oya lombwele Petrus ya ti: “Kapu na omalimbililo, nangoye wo gumwe gwaamboka, oshoka ongoye Omugalilea.”
71 Nena Petrus okwa tameke okwiithinga nokugana e ta ti: “Omulumentu ngoka tamu popi, kandi mu shi.”
72 Opo mpoka ekondombolo lyi igi olutiyali. Nena Petrus okwa dhimbulukwa oohapu ndhoka Jesus e dhi mu lombwelele, sho a tile: “Ekondombolo manga inaali iga lwaali, ngoye oto idhimbike ndje lutatu.” Oye nokwi ihata po e ta lili.
Jesus ta vaekwa muBetania
(Mat. 26:2-16Luk. 22:1-6Joh. 12:1-8)1 Ndele opa li natango omafiku avali opo oshivilo shaPaasa noshomingome dinyenye shi fike. Novapristeli ovakulunhu novanongo vomishangwa ova kundafana, nhumbi ve noku mu kwata nomakoto, vo ve mu dipae. 2 Osheshi ova tya: “Hapomafiku oshivilo, puha tukuluke embuyaano movanhu.”
3 Ndele eshi a li muBetania, meumbo laSimon omunashilundu, a kala omutumba poshililo, omukainhu umwe e uya mo, e noshanga i yadi omuvavo wonarde yoshili u nondilo. Ndele ye okwa tatula oshanga, ndele omuvavo okwe u tila komutwe waye. 4 Ndele omwa li mu na vamwe va umana, ndele tava lombwelafana: “Oshike omuvavo ou wa hepifwa ashike? 5 Omuvavo ou ngeno wa landifwe po eedenari di dule omafele atatu, ndele tadi yandjwa keehepele.” Ndele vo ove mu vela ombedi. 6 Ndele Jesus okwa tya: “Mu efeni, oshike tamu mu nyematifa? Ye okwa longela nge oshilonga shiwa. 7 Osheshi eehepele omu di kwete alushe mokati keni nokeshe efiku mwa hala inamu nyengwa oku di ningila nawa, ndele Ame kamu kwete nge alushe. 8 Ye okwa ninga osho shi fike peenghono daye. Ye okwa tetekela okuvaekela olutu lange epako. 9 Oshili handi mu lombwele: Keshe oko mounyuni aushe evaengeli tali ka udifwa, naashi yo ye e shi ninga, otashi ka hepaululwa oku mu dimbulukwa.”
10 Ndele Judas Iskariot, umwe waava omulongo navavali, okwa ya kovapristeli ovakulunhu e ke mu yandje momake avo. 11 Ndele vo eshi ve shi uda, ova hafa, ndele ove mu udanekela oimaliwa. Ndele ye okwa kala nee ta kongo efimbo la wapala oku mu kengelela.
Odjona yaPaasa nOuvalelo Uyapuki
(Mat. 26:17-35Luk. 22:7-34Joh. 13:21-26)12 Ndele efiku lotete lomingome dinyenye, odjona yaPaasa eshi hai dipawa, ovalongwa vaye ova tya kuye: “Openi wa hala tu ke ku longekidile odjona yaPaasa u i lye?” 13 Ndele okwa tuma ovalongwa vaye vavali, okwa tya kuvo: “Indeni koshilando, ndele tamu ka shakena nomulumenhu a humbata oshitoo shomeva, mu shikuleni. 14 Ndele omu ta i, tyeni kumwene weumbo olo: ‘Omuhongi ota ti: Openi pe nolupale lange ndi lile mo pamwe novalongwa vange odjona yaPaasa?’ 15 Opo ye ote mu ulikile ondjuwo inene yokombada ya longekidwa. Omo tu longekidileni omo.” 16 Ovalongwa ova ya, ndele tave uya moshilando, ndele tava longekida odjona yaPaasa.
17 Ndele onguloshi eshi ye uya, Ye okwe uya pamwe novalongwa vaye ava omulongo navavali. 18 Ndele eshi va li omutumba tava li, Jesus okwa tya: “Oshili ohandi mu lombwele, umwe womunye ou ta li pamwe naame, ota kengelele nge.” 19 Ndele vo ova hovela okunyika oluhodi noku mu pula va shikulafana: “Haame ndishi?” 20 Ndele Ye okwa tya kuvo: “Oyou womunye omulongo navavali ou ta velele metiti pamwe naame. 21 Heeno, Omona wOmunhu ota i ngaha ngaashi a shangwa, ndele woo, omunhu ou te mu kengelele. Omunhu ou ngeno okwa li ina dalwa, ngeno oshe mu wapalela.”
22 Ndelenee fimbo va li tava li, Jesus okwa kufa omungome, e u nangeka noupuna, ndele te u pambula, te u va pe ndele ta ti: “Tambuleni, owo olutu lange.” 23 Ndele okwa kufa eholo, a pandula, ndele okwe li va pa, ndele va nwa mo aveshe. 24 Ye okwa tya kuvo: “Ei ohonde yange, ohonde yehangano tai tilwashi omolwavahapu. 25 Oshili handi mu lombwele: itandi nu vali oiimati yomiviinyu fiyo efiku olo handi ke a nwa mape omouhamba waKalunga.”
26 Opo nee eshi va imba eimbilo lepandulo, ova ya kOmhunda yEemono. 27 Ndele Jesus okwa tya kuvo: “Oufiku tuu ou nye amushe otamu lidimbike nge, osheshi okwa shangwa: ‘ame ohandi denge omufita, needi tadi lihane.’ 28 Ndele ngeenge nda nyumuka ohandi mu tetekele okuya kuGalilea.” 29 Petrus okwa tya kuye: “Nande aveshe nave ku lidimbike, haame.” 30 Opo nee Jesus okwa tya kuye: “Oshili handi ku lombwele: nena, oufiku tuu ou wonena, ekondobolo fimbo inali kwena luvali, ove oto likale nge lutatu.” 31 Ndelenee okwa popya neenghono: “Nande ndi fye pamwe naave, itandi ku likale nande.” Nosho tuu vakwao aveshe va tya.
Jesus ta kondjo muGetsemane
(Mat. 26:36-46Luk. 22:40-46)32 Opo nee vo ove uya ponhele, edina layo Getsemane, ndele Ye okwa tya kovalongwa vaye: “Kaleni omutumba apa, fimbo handi ka ilikana.” 33 Ndele Ye okwa kufa Petrus naJakob naJohannes pamwe naye, ndele okwa hovela okutila nokukakama momwenyo. 34 Ndele Ye okwa tya kuvo: “Omwenyo wange owa nyika oluhodi linene fiyo okufya, kaleni apa nye mu kale oupafi.” 35 Ndele Ye okwa ehena ko kanini, ndele ta wile poshi, ndele ta ilikana, ngeenge tashi dulika, okafimbo aka ke mu pitilile po. 36 Okwa tya: “Abba, Tate, aishe oto i dulu, kufe nge eholo eli. Ndele hangaashi Ame nda hala, ndele ongaashi Ove wa hala.”
37 Ndele okwe uya, ndele e va hanga va kofa, ndele ta ti kuPetrus: “Simon, owa kofa? Ino dula nande okukala oupafi okafimbo kanini? 38 Kaleni oupafi, nye mu ilikane, muha hangike komayeleko, heeno, omhepo oya hala, ndelenee ombelela oi na oungone.”
39 Ndele Ye okwa shuna ko, ndele ta ilikana ta popi eendjovo tuu dinya. 40 Eshi a aluka ko, okwe va hanga vali va kofa, osheshi omesho avo a li a djuupalekwa keemhofi, vo inava shiiva osho ve mu nyamukule ngeno.
41 Ndele Ye okwa aluka ko olutitatu ndele ta ti kuvo: “Natango tuu omwa kofa notamu tulumukwa! Sha wana nee. Okafimbo oke uya. Tala, Omona wOmunhu ota yandjwa momake ovalunde. 42 Yambukeni, tu yeni, tala, ou ta kengelele nge, oku li popepi.”
Jesus ta kwatwa
(Mat. 26:47-56Luk. 22:47-53Joh. 18:2-11)43 Opo tuu opo fimbo ta popi natango, Judas, umwe womwaava omulongo navavali, okwe uya nongudu inene yavahapu ya tya omaongamukonda noiti, ya dja kovapristeli ovakulunhu nokovanongo vomishangwa nokovakulunhu. 44 Ndele ou e mu kengelela, okwe va pa oshidimbulukifo ta ti: “Ou handi mu fipi komulungu, Oye ou, mu kwateni, nye mu ye naye mwe mu diinina.” 45 Hano ye eshi e uya po, okwa endelela diva e uye kuye ndele ta ti: “Rabbi”, ndele ye te mu fipi komilungu. 46 Opo nee ova tula ko omake ndele tave mu kwata. 47 Ndele umwe womwaava va li ofika popepi, okwa pweya mo eongamukonda, ndele ta denge nalo omumati womupristeli omukulunhu, ndele te mu tete okutwi. 48 Ndele Jesus okwe va lombwela ndele ta ti: “Nye omwa fa mwa endelela okukwata nge ngomukolokoshi mu na omaongamukonda noiti. 49 Omafiku aeshe onda kala punye motembeli handi longo ovanhu, nye inamu kwata nge. Ndele eshi otashi ningwa, omishangwa opo di twe.” 50 Opo nee vo aveshe ove mu fiya po, ndele tava faduka po.
51 Ndele Ye okwa shikulwa komunyasha, e lidingila onhanga yoliina kolutu longaho, ndele vo tave mu kwata. 52 Ndele ye okwa fiya po onhanga yoliina, ndele ye a faduka po e li hamunghele.
Jesus moshiongalele shovakulunhu
(Mat. 26:57-68Luk. 22:54-71Joh. 18:12-24)53 Ndele vo ova twala Jesus komupristeli omukulunhu. Oko kwa li kwa ongala ovapristeli ovakulunhu aveshe novakulunhu novanongo vomishangwa. 54 Ndele Petrus okwe mu shikula, a li konima kokule, fiyo omoluumbo leumbo lomupristeli omukulunhu, ndele ye okwa ka kala omutumba povapiya, a ka xuxumukwe pomundilo. 55 Ndele ovapristeli ovakulunhu noshiongalele ashishe shovakulunhu ova li tava kongo ondobwedi okutomhifa Jesus, ve mu dipae, ndele inava mona. 56 Osheshi vahapu ove mu lundila, ndele omahepaululo avo inaa twa kumwe. 57 Opo nee vamwe va fikama, ve mu lundila va tya: 58 “Fye otwe mu uda ta ti: ‘Ame ohandi ngumauna po otembeli ei ya tungwa nomake, ndele momafiku atatu ohandi tungu imwe ei, inai tungwa nomake.’ ” 59 Ndelenee nomwaashi ehepaululo lavo inali twa kumwe.
60 Omupristeli omukulunhu okwa fikama nee, ndele ta ehene komesho, ndele ta pula Jesus ndele ta ti: “Ito nyamukula sha? Ava otave ku popile shike?” 61 Ndele Ye okwa mwena, ina nyamukula sha. Omupristeli omukulunhu okwe mu pululula ndele ta ti: “Oove tuu Kristus, Omona wOmufimanekwa?” 62 Opo nee Jesus okwa tya: “Heeno, Aame. Ndele otamu ka mona Omona wOmunhu e li omutumba kolulyo aKalunga, ndele te uya ta ende moilemo yeulu.” 63 Opo nee omupristeli omukulunhu okwa pombaula oikutu yaye, ndele ta ti: “Eendobwedi otwe di pumbwila vali shike? 64 Nye esheko laye lokufya omwe li uda. Otamu ti ngahelipi?” Ndele vo aveshe ove mu pa etimba. 65 Ndele vamwe ova hovela oku mu fiila omate, nokutuvika oshipala shaye, ndele tave mu denge neengonyo, ndele tava ti kuye: “Xunganeka! Novayakuli vetokolo ove mu denga nomanghava.”
Petrus te likale Jesus
(Mat. 26:69-75Luk. 22:56-62Joh. 18:17, Joh. 25-27)66 Ndele fimbo Petrus a li pehalandjadja loposhi, kamwe komoukadona vomupristeli omukulunhu oke uya po. 67 Ndele eshi ka mona Petrus ta xuxumukwa, oke mu tala ndele taka ti: “Naave yo owa li pamwe naJesus Omunasareti.” 68 Ndele ye okwe likala, ndele ta ti: “Nghi mu shii, ndele kandi udite ko eshi to tongo.” Ndele ye eshi a ya poluhaela loposhivelo, ekondobolo ola kwena. 69 Hano okakadona eshi ke mu mona opo, oka hovela vali okulombwela ava va li ofika opo: “Ou oye umwe womuvo.” 70 Ndelenee ye okwe likalulula. Eshi pwa pita okafimbo, ava va kala popepi naye, ova lombwela vali Petrus: “Oshili ove oumwe waavenya, osheshi ove Omugalilea.” 71 Opo nee ye okwa hovela okulifingaela nokwaana: “Omulumenhu ou tamu tongo, nghi mu shii.” 72 Opo tuu opo ekondobolo ola kwena olutivali. Opo nee Petrus okwa dimbulukwa eendjovo daJesus edi e di mu lombwelele: “Ekondobolo fimbo inali kwena luvali, ove owe likala nge lutatu.” Omutima waye nowa teka ndele ta i pondje, ta lili.
