Aalongi yeyana aawinayi
(Mat. 21:33-46Luk. 20:9-19)1 Jesus okwa tameke oku ya lombwela momayele a ti: “Okwa li ku na omusamane a tsike omiti dhomiviinu meyana lye. Okwe dhi gumbile enkolo, okwe dhi fulile oshilambo shokukolela mo omaviinu, okwa tungile mo ongulushungo nokwa langeke mo aalongi yeyana e ta yi kiilongo yokokule. 2 Ethimbo lyokukola oomviinu sho lya thiki, okwa tumu omupika gwe kaalongi yeyana, ye mu pe iiyimati mbyoka e na oku yi pewa. 3 Aalongi yeyana oya kwata omupika gwe noye mu dhenge e taye mu shunitha e li iikaha yowala. 4 Oye okwa tumu ko ishewe omumati gulwe, naanguka wo oye mu dhenge ombole noye mu sitha ohoni. 5 Okwa tumu ko natango gulwe, ihe naangoka wo oye mu dhipaga; nooyakwawo yamwe oyendji oye ya dhenge e taye ya dhipaga. 6 Omusamane okwa li e na natango omwana omuholike e na oku mu tuma. Oye okwe mu tumu ko lwahugunina nokwa ti: ‘Omumwandje otaye mu tila.’ 7 Ihe aalongi yeyana mbeyaka oya lombwelathana ya ti: ‘Nguno omuna gwamwene gweyana. Tu mu dhipageni, eliko li ninge lyetu!’ 8 Oye mu kwata noye mu dhipaga e taye ekelehi omudhimba gwe kondje yeyana.
9 “Mwene gweyana oku na okuninga ngiini?” Jesus okwa pula. “Aalongi yeyana mboka ote ya, e ya dhipage po, neyana ote li pe yalwe. 10 Inamu lesha nani enyolo ndino?
‘Emanya ndyoka aatungi ye li ekelehi,
olyo lya ningi emanya li na esimano li vule agehe.
11 Osha ningwa kOmuwa nosha ningi oshikumitha momeho getu.’ ”
12 Aatamaneki oya kambadhala okukwata Jesus, oshoka oya dhimbulula kutya okwe ya popi meyele ndika. Ihe shoka oya li ya tila aantu, oye mu thigi po e taa yi.
Epulo kombinga yokufuta oompale
(Mat. 22:15-22Luk. 20:20-26)13 Oyo ya tumu kuJesus yamwe yomaafarisayi nayamwe yomwaamboka ya gama kuHerodes oku mu yula moohapu. 14 Oye ya kuye noya ti: “Muhongi, otu ku shi kutya ngoye omunashili, ondjila yaKalunga oto yi longo pashili, oshoka iho ipula nomadhiladhilo gaantu noiho tala olupe lwomuntu. Tu lombwela: Osho opala okupa omupangeli Omuroma oompale, nenge inashi opala? Natu gandje, nenge inatu gandja?”
15 Jesus sho a dhimbulula uufudhime wawo, okwa ti kuyo: “Omolwashike tamu makele ndje? Etelii ndje oshimaliwa shoshene, ndi shi tale!” Jesus sho a dhimbulula uufudhime wawo, okwa ti kuyo: … “Etelii ndje oshimaliwa sho shene, ndi shi tale!”
16 Oye shi eta. Oye okwe ya pula a ti: “Efano ndika nenyolo ndika li li ko, olyalye?”
Oyo ya yamukula: “Olyomupangeli Omuroma.”
17 Nena Jesus okwe ya lombwele a ti: “Ano shono shomupangeli, shi peni omupangeli naashoka shaKalunga, shi peni Kalunga.”
Oyo noye mu kuminwa.
Epulo kombinga yeyumuko
(Mat. 22:23-33Luk. 20:27-40)18 Aasadukayi yamwe, oomboka haa ti, kaku na eyumuko, oye ya kuJesus noye mu pula ya ti: 19 “Muhongi, Moses okwe tu nyolele ngeyi: ‘Ngele ku na omulumentu inaa mona oluvalo, e ta si, nena omukiintu gwe na hokanwe po komumwayina, opo nakusa a monenwe oluvalo.’ 20 Okwa li ku na aalumentu aamwayinathana ye li yaheyali. Omutango okwa hokana nokwa si kee na oluvalo. 21 Osho wo omutiyali okwa hokana po omuselekadhi ngoka nokwa si inaa thiga po oluvalo. Omutitatu wo osho a ningi. 22 Osho ngaaka ayehe yaheyali oya si inaa thiga po oluvalo. Hugunina omukiintu okwa si wo. 23 Ano uuna aasi taa ka yumudhwa, ota ka ninga gwalye mwaambaka, oshoka ayehe yaheyali oya li ye mu hokana?”
24 Jesus okwe ya yamukula a ti: “Ne omwa puka, ne inamu tseya Omanyolo omayapuki nosho oonkondo dhaKalunga. 25 Oshoka uuna aasi taa ka yumudhwa, itaa ka hokana noitaa ka hokanwa, aawe, megulu otaa ka kala ngaayengeli yaKalunga. 26 Ihe kombinga yeyumuko lyaasi, inamu lesha nani membo lyaMoses mehokololo tali popi oshihwa sheno? Moka Kalunga a lombwele Moses ta ti: ‘Ongame Kalunga kaAbraham, Kalunga kaIsak naKalunga kaJakob.’ 27 Kalunga ke shi Kalunga koonakusa, aawe, okaanamwenyo. Ne omwa puka nokupukilila.”
Oshipango oshinene
(Mat. 22:34-40Luk. 10:25-28)28 Gumwe gwomaalongimpango okwe ya nokwe ya uvu, sho taa kundathana. Okwa dhimbulula wo kutya Jesus okwa yamukula aasadukayi nawa, onkee okwe ya kuye e te mu pula: “Oshipango oshinene shi vule iikwawo ayihe oshini po?”
29 Jesus okwa yamukula a ti: “Oshipango oshinene osho shika: ‘Israel, pulakena. Omuwa Kalunga ketu oye awike Omuwa. 30 Hola Omuwa Kalunga koye komutima gwoye aguhe nokomwenyo gwoye aguhe nokomadhiladhilo goye agehe nonoonkondo dhoye adhihe.’ 31 Oshitiyali shi thike pusho, osho shika: ‘Hola mukweni, ngaashi ngoye wi ihole mwene.’ Kaku na oshipango oshinene shi vule iipango mbika iyali.”
32 Nena omulongimpango okwa ti kuJesus: “Eeno, Muhongi, owa popi dhoshili, sho wa ti kutya Omuwa Kalunga oye awike, kaku na gulwe e thike puye. 33 Oku mu hola komutima aguhe nonoondunge noonkondo adhihe, nosho wo okuhola mukwetu, ngaashi ndi ihole mwene, okwo oku vule omalungunithondjambo agehe nenge omayambo galwe taga yambelwa Kalunga.”
34 Ano Jesus sho a mono a yamukula nawa, okwa ti kuye: “Ngoye ku li kokule nOshilongo shaKalunga.”
Okuza mpoka kakwa li we ku na ngoka a li e na omukumo okupula Jesus sha.
Kristus omuna gwalye
(Mat. 22:41-46Luk. 20:41-44)35 Jesus sho a li ta longo aantu motempeli, okwa pula a ti: “Aalongimpango otaa vulu ngiini okutya Kristus oye omuna gwaDavid? 36 Oshoka Ombepo Ondjapuki oyo ya wilike David, a tye:
‘Omuwa okwa lombwele Omuwa gwandje:
Kala omutumba kolulyo lwandje,
sigo tandi tula aatondi yoye kohi yoompadhi dhoye.’
37 David ye mwene ngele ote mu ithana Omuwa,
ano Kristus omwana pamukalo guni?”
Ongundu onene yaantu oya nyanyukilwa okupulakena Jesus.
Jesus ta kumagidha aantu, ya angale uufudhime
(Mat. 23:1-36Luk. 20:45-47)38 Jesus okwa longo aantu a ti: “Angaleni aalongimpango mboka ye hole okweenda ya zala oonguwo oondeendeka nokukundilwa pokuma hapu gongala aantu. 39 Yo oye hole kiipundi yokomeho moosinagoga nopomahala ga simana miituthi. 40 Yo ohaa li omagumbo gaaselekadhi nohaa galikana omagalikano omaleeleka gokumonika kwowala. Otaa ka mona epangulo edhigu.”
Eyambo lyomuselekadhi
(Luk. 21:1-4)41 Jesus okwa kuutumba a taalela oshiketha shiimaliwa nokwa mono, aantu nkene taa tula mo iimaliwa moshiketha. Aayamba oyendji oya tula mo iimaliwa oyindji. 42 Opwe ya omuselekadhi ohepele nokwa tula mo uumaliwa uyali, auhe kumwe tau ningi okapeni kamwe. 43 Jesus okwi ithana aalongwa ye, ye ye kuye e ta ti kuyo: “Ngame otandi mu lombwele: Omuselekadhi nguka ohepele okwa tula mo oshindji moshiketha shiimaliwa e vule ayehe mboka ya tula mo. 44 Oshoka ayehe mboka oya tula mo ya kutha muuyamba wawo, ihe omuselekadhi moluhepo lwe okwa tula mo ashihe shoka a li e na, iipalutha ye ayihe.”
Ovalongi vepya lomiviinyu
(Mat. 21:33-46Luk. 20:9-19)1 Ndele Ye okwa hovela oku va lombwela momafaneko: “Omulumenhu umwe okwa tota epya lomiviinyu ndele okwe li umbila ongubu, ndele okwa fa mo elambo lokukamena eeviinyu, okwa tunga ongulu yokukelela, ndele okwa nangeka mo ovalongi vepya, ndele ye okwa ya koilongo. 2 Efimbo eshi la fika, okwa tuma ko omupiya kovalongi, a pewe oiimati yepya lomiviinyu. 3 Ndele vo ove mu kwata ndele tave mu denge ndele tave mu shunifa hamakasha. 4 Ndele okwa tumununa ko vali omupiya umwe, naau ove mu denga eembole momutwe, ndele tave mu tukaele ndele tave mu shunifa. 5 Ndele okwa tuma ko umwe, ndele ove mu dipaa, nosho tuu oovakwao vahapu, vamwe ve va denga navamwe ve va dipaa. 6 Ndele Ye okwa li e na umwe natango, omona omuholike. Ye okwe mu tuma kuvo hauxuuninwa, ndele ta ti: ‘Vo otave mu fi eenghoto.’ 7 Ndelenee ovalongi vepya lomiviinyu ova tongafana: ‘Ou omufyuululi, ileni, tu ke mu dipaeni, opo efyuululo li ninge letu.’ 8 Ndele ove mu kwata, ve mu dipaa, ndele tave mu ekele kondje yepya lomiviinyu. 9 Nena mwene wepya lomiviinyu ota ka ninga mbela ngahelipi?” Ote uya: “Ndele ta hanaununa po ovalongi vepya lomiviinyu, ndele ta yandje epya kuvamwe. 10 Hamba, inamu lesha nande eshangelo eli:
‘Emanya olo ovatungi ve li ekelashi,
ola ninga emanya lokolonela.
11 Eshi osha dja mOmwene,
noshikumwifa momesho etu’?”
12 Ndele ova diladila oku mu kwata, ndele ova tila ovanhu, shaashi ova koneka kutya, ovo e va popya mefaneko eli. Ove mu fiya po, ndele tava i.
Efendelo lepangelo
(Mat. 22:15-22Luk. 20:20-26)13 Ndele vo ova tuma kuye vamwe vomOvafarisai novomOvakwaherodes, ve mu kwate meendjovo. 14 Ndele ove uya ndele tava ti kuye: “Omuhongi, otu shi shii, Oove omunashili, ku na sha nomunhu, osheshi Ove iho tale oshipala shomunhu ndele to longo ovanhu ondjila yaKalunga pashili. Osha yuka tuu okupa omukesari oifendela, ile ahowe?” 15 Ndele Ye okwa shiiva oihelele yavo, ndele ta ti kuvo: “Oshike tamu yeleke nge ngaha? Eteleni nge odenari, ndi i tale.”Ye okwa shiiva oihelele yavo, ndele ta ti kuvo: …“Etele nge odenari, ndi i tale!” 16 Ndele vo ve i eta. Ndele Ye okwa tya kuvo: “Efano eli neshangelo olalyelye?” Vo ova tya kuye: “Olomukesari.” 17 Opo nee Jesus okwa tya kuvo: “Eshi shomukesari, shi peni omukesari, naasho shaKalunga, shi peni Kalunga.” Ndele vo ova kala ve mu kuminwa shili.
Enyumuko
(Mat. 22:23-33Luk. 20:27-40)18 Opo nee Ovasadukai ve uya kuye, ava hava ti, kaku nenyumuko, ndele tave mu pula tava ti: 19 “Omuhongi, Moses okwe tu shangela momhango kutya, ‘ngeenge oku na omunhu ta filwa omumwaina a fiya po omukainhu, ndele ye ine mu fiila nande oludalo, nena ye na hombole po omukainhu wamumwaina ye a dalele mumwaina oludalo.’ 20 Okwa li nee ku na ovamwainafana ovalumenhu vaheyali. Ou wotete okwa hombola omukainhu ndele mokufya ina fiya po oludalo. 21 Omutivali okwe mu hombola po, ndele okwa fya yo ina fiya po oludalo. Nosho tuu omutitatu. 22 Naaveshe vaheyali inava fiya po oludalo. Opo nee omukainhu okwa xuunina okufya. 23 Hano penyumuko eshi tava ka nyumuka, ota ka ninga omukainhu walyelye mwaava, osheshi ye okwa li omukainhu waaveshe ovo vaheyali.”
24 Jesus okwe va nyamukula: “Inamu puka mbela, shaashi muhe shii omishangwa neenghono daKalunga? 25 Osheshi mokunyumuka kwavo koufi ihava hombola ngaashi ihava hombolwa, ohava kala ngaashi ovaengeli meulu. 26 Ndele mokupopya ovafi nenyumuko lavo koufi, inamu lesha hamba momushangwa waMoses, mehepaululo olo tali popi oshixwa sheno, Kalunga nhumbi e mu popifa ta ti: ‘Aame Kalunga kaAbraham naKalunga kaIsak naKalunga kaJakob.’ 27 Ye ke fi Kalunga kovafi, ndelenee okovanamwenyo. Nye omwa puka unene.”
Oshipango shotete
(Mat. 22:34-40Luk. 20:39-40)28 Opo nee okwe uya umwe womovanongo vomishangwa ou a uda okukundafana kwavo nokwa koneka kutya, okwe va nyamukula nawa. Ye okwe uya kuye ndele te mu pula ta ti: “Oshipango shotete shi dule oipango aishe, oshilipipo?” 29 Jesus okwa nyamukula: “Shotete osho eshi: ‘Israel, pwilikina, Omwene Kalunga ketu, Oye aeke Omwene. 30 Ove hola Omwene Kalunga koye nomutima woye aushe nomwenyo woye aushe neenghono doye adishe.’ 31 Oshitivali osheshi: ‘Hola mukweni ngaashi u lihole mwene.’ Kaku na oshipango shinene shi dule ei.” 32 Omunongo womishangwa okwa tya kuye: “Heeno, omuhongi, owa popya doshili, nokutya, Oye umwe aeke, nokaku na mukwao, Oye tuu aeke. 33 Noku mu hola komutima aushe nokeendunge adishe nokeenghono adishe, nokuhola mukweni ngaashi u lihole mwene, okwo oku dule oiyandjiwa aishe yexwikilo nomayambo makwao.” 34 Hano Jesus eshi a mona ye a nyamukula nawa, okwa tya kuye: “Ove ku li kokule nouhamba waKalunga.” Ndele kakwa li vali ou e nouladi oku mu pula sha.
Omwene, Omona waDavid
(Mat. 22:41-46Luk. 20:41-44)35 Ndele mokulonga ovanhu motembeli, Jesus okwa popya vali ndele ta ti: “Ovanongo vomishangwa otava ti ngahelipi, Kristus Oye Omona waDavid? 36 Osheshi David mwene okwa tile kOmhepo Iyapuki:
‘Omwene okwa lombwela Omwene wange:
Kala omutumba kolulyo lange,
fiyo handi tula ovatondi voye koshi yeemhadi doye.’
37 David ye mwene ote mu ifana ngaha Omwene, openi nee hano omona waye?” Ndele ovanhu vahapu ova kala ve mu pwilikina nehafo.
Oihelele neyambo lomufiyekadi
(Mat. 23:1-36Luk. 20:45-47Luk. 21:1-4)38 Ndele mokulonga ovanhu Ye okwa tya: “Lungameni ovanongo vomishangwa, ovo va hokwa okweenda va djala oikutu ile, nove hole okukundilwa poilandelo, 39 noipundi yokomesho meeshinagoga neenhele dopombada moivilo, 40 ovo tava mane po omaumbo ovafiyekadi, nohava ningi omailikano malemale okulimonikifa kwongaho. Vo otava ka pewa etokolo lidjuu.”
41 Ye okwa li omutumba a taalela koshikefa shoiyandjiwa ndele okwa tala ovanhu nhumbi tava umbile oimaliwa moshikefa. Oipuna ihapu oya umbila mo ihapu. 42 Ndele ope ke uya omufiyekadi wohepele, ndele ta umbile mo oumaliwa vavali, kumwe okapeni kamwe ngeno. 43 Opo Ye okwa ifana ovalongwa vaye kuye ndele okwa tya kuvo: “Oshili handi mu lombwele: omufiyekadi ou wohepele okwa tula mo shihapu, e dule aveshe ovo va umbila mo moshikefa. 44 Osheshi aveshe ova umbila mo eshi inava pumbwa, ndelenee ye moluhepo laye okwa tula mo ashishe eshi e kwete, emona laye alishe.”
