Jesus ta aludha omunashilundu
(Mrk. 1:40-45Luk. 5:12-16)1 Jesus sho a kuluka ko kondundu, oongundu oonene dhaantu odhe mu landula. 2 Nena omunashilundu e ya kuye nokwa tsu oongolo poompadhi dhe a ti: “Omuwa, ngele wa hala, oto vulu okwaaludha ndje.”
3 Jesus okwa ganeke oshikaha she nokwe mu kwata e ta ti: “Onda hala, yela!” Mbalambala oshilundu oshe mu etha po. 4 Jesus okwa ti kuye: “Pulakena! Ino shi popya nando okulye. Inda owala, u ki iyulike komuyambi, u gandje omagano gealuko gu uthwa kuMoses, opo ge ya ningile onzapo, kutya owa aluka.”
Jesus ta aludha omumati gwomukuluntu gwaakwiita
(Luk. 7:1-10)5 Jesus sho e ya muKapernaum, omukuluntu gwaakwiita Omuroma okwe ya kuye nokwe mu hehela 6 a ti: “Omuwa, omumati gwandje okwa lala kegumbo ta alukwa, e na uuvu wombanda nuuwehame owindji.”
7 Jesus okwa ti kuye: “Otandi ya, ndi mu aludhe.”
8 Omukuluntu gwaakwiita okwa yamukula a ti: “Omuwa, ngame inandi opala, u ye mondunda yandje. Popya owala ohapu yimwe, omumati gwandje nota aluka. 9 Oshoka nangame wo omuntu omupangelwa, ihe ondi na aakwiita mepangelo lyandje. Otandi lombwele nguka: ‘Inda!’ nota yi, nomukwawo: ‘Ila!’ note ya, nomupika gwandje: ‘Longa shika!’ note shi longo.”
10 Jesus sho e shi uvu, okwa kumwa nokwa ti kumboka ye mu landula: “Ongame tandi mu lombwele, mAaisraeli inandi mona mo nando gumwe e na eitaalo li thike pundika. 11 Natango otandi mu lombwele: Oyendji otaa ka za kuuzilo nokuuninginino notaa ka kuutumba koshililo pamwe naAbraham, Isak naJakob mOshilongo shegulu. 12 Ihe aana yOshilongo otaye ku umbilwa momilema dhopondjelela, moka tamu ka kala elilagano neikokoto lyomayego.” 13 Opo ihe Jesus okwa lombwele omukuluntu gwaakwiita: “Inda ano! Ngaashi wi itaale, osho u ningilwe.”
Omumati gwe nokwa aluka ethimbo olyo tuu ndyoka.
Jesus ta aludha yinamweno yaPetrus naavu yalwe
(Mrk. 1:29-34Luk. 4:38-41)14 Jesus sho e ya megumbo lyaPetrus, okwa adha yinamweno yaPetrus a ala olwiidhi. 15 Oye e mu kwata koshikaha, olwiidhi nolwe mu thigi po. Yinamweno yaPetrus okwa thikama e ta yakula Jesus.
16 Ano sho kwa ningi ongulohi, aantu oye eta aanampwidhuli oyendji kuJesus. Oombepo dha nyata okwe dhi tidhitha mo ohapu nokwa aludha ayehe mboka ya li taa alukwa. 17 Okwe shi ningi, opo dhi gwanithwe ndhoka dha popiwa komuhunganeki Jesaja, ngoka ta ti: “Oye okwi itsike uunkundi wetu nomavu getu okwe ga humbata.”
Jesus ta pukulula mboka ya hala oku mu landula
(Luk. 9:57-62)18 Jesus sho a mono ongundu yaantu ye mu kundukidha, okwe ya lombwele, ya taagulukile komunkulo gwahandiyaka yefuta. 19 Opo ihe omulongimpango gumwe okwe ya kuye ta ti: “Muhongi, onda hala oku ku landula shaa mpoka to yi.”
20 Jesus okwa ti kuye: “Oombandje odhi na omakwena, noondhila odhi na iihandhila, ihe Omuna gwOmuntu ke na mpoka ta langeke omutse gwe.”
21 Gumwe ishewe gwomaalongwa ye okwa ti kuye: “Omuwa, pitika ndje manga, ndi ye, ndi ka fumvike tate.”
22 Jesus okwa ti kuye: “Landula ndje! Etha aasi, ya fumvike aasi yawo.”
Jesus ta lotitha oshikungulu
(Mrk. 4:35-41Luk. 8:22-25)23 Jesus okwa yi mowato, naalongwa ye oye mu landulile mo. 24 Ombaadhilila oshikungulu oshidhigu osha tukuluka mefuta. Owato noya kuwikilwa komakuthikuthi, ihe Jesus okwa li a kotha. 25 Aalongwa oye ya kuye noye mu pendutha ya ti: “Omuwa, tu hupitha, otatu ningine mo!”
26 Jesus okwa ti kuyo: “Ooyitaali ne aankundi, omolwashike mwa tila?” Opo ihe okwa thikama nokwa ganda ombepo nomakuthikuthi, e taku ti thilu.
27 Aantu oya kumwa noya ti: “Nguno omuntu a tya ngiini, ombepo nomakuthikuthi sho tayi vulika kuye?”
Jesus ta aludha aanampwidhuli yaali
(Mrk. 5:1-20Luk. 8:26-39)28 Jesus nokwa taagulukile handiyaka yefuta koshilongo shAagadara, oko nkoka aanampwidhuli yaali oye mu tsakaneke ya zi moombila dhomomakololo. Oya li ya pwidhuka nayi, onkee kakwa li ngoka a wapa okweenda nondjila ndjoka. 29 Oyo yi igidha ya ti: “Owe tu halela shike, Omuna gwaKalunga? Owe ya, u tu hepeke, ethimbo manga inaali thika?”
30 Ihe kokule nayo okwa li ku na oshigunda oshinene shiingulu tayi napa. 31 Oompwidhuli nodhe mu helela dha ti: “Ngele to tu tidha mo, tu tuma moshigunda shiingulu.”
32 Oye e dhi pitika. Odho nodha yi miingulu. Oshigunda ashihe shiingulu osha nuka okuza komutuni, noshi iyumbile mefuta e tashi sile mo.
33 Ihe aasita yiingulu oya fadhuka po noya yi koshilando e taa hokolola ashihe, naanampwidhuli nkene ya ningwa. 34 Oshilando ashihe oshe ya, shi tsakaneke Jesus; ano sho ye mu mono, oye mu indile, a ze mo moshilongo shawo.
Jesus ta velula omunashilundu
(Mark. 1:40-45Luk. 5:12-16)1 Ndele Oye eshi a londoloka komhunda, a shikulwa kovanhu vahapu unene. 2 Ndele tala, omulumenhu omunashilundu e uya po, okwe mu linyongamena poshi ndele ta ti: “Omwene, ngeenge wa hala, oto dulu okuyelifa nge.” 3 Oye okwa nana eke laye, e mu kuma ndele ta ti: “Onda hala, yela!” Opo tuu opo a yela koshilundu shaye. 4 Ndele Jesus okwe mu lombwela: “Tala, ino shi lombwela nande olyelye, ndele inda u ke liulike komupristeli, ove u ka yandje oshali sha tongwa kuMoses, shi va ningile ondobwedi.”
Jesus ta velula omumati welenga
(Luk. 7:1-10Joh. 4:43-54)5 Ndele Jesus eshi a fika kuKapernaum, omunefele okwe uya kuye nokwe mu indila, 6 ndele ta ti: “Omwene, omumati wange okwa nangala ta vele keumbo, e noudu wombada noku na ouyehame muhapu.” 7 Jesus okwa tya kuye: “Ohandi uya ndi ke mu velule.” 8 Ndele omunefele okwe mu nyamukula ndele ta ti: “Omwene, ame inandi wana u uye monduda yange; ndele tonga ashike ondjovo imwe, omumati wange opo ta veluka. 9 Osheshi naame yo omunhu omupangelwa, ndele ame ondi novakwaita handi va pangele, ndele handi lombwele ou: ‘Inda,’ ndele ta i, nomukwao: ‘Ila,’ ndele te uya, nomumati wange: ‘Longa shonhumba,’ ndele te shi longo.” 10 Hano Jesus eshi e di uda okwa kumwa, ndele ta ti kwaava ve mu shikula: “Oshili handi mu lombwele: MOvaisraeli inandi mona nande umwe e neitavelo li fike pwaali. 11 Ndelenee Ame ohandi mu lombwele: otaku di vahapu koushilo nokouninginino, ndele tava ka lya pamwe naAbraham naIsak naJakob mouhamba womeulu; 12 ndelenee ovana voshilongo otava ka ekelwa momilaulu dopondjelela; omo tamu ka kala elilaano nelikweshelo lomayoo.” 13 Jesus okwa lombwela omunefele: “Inda nee! Ngaashi wa itavela, osho to ningilwa. Omumati okwa veluka mefimbo tuu olo.”
Jesus ta velula inamweno yaPetrus
(Mark. 1:29-34Luk. 4:38-41)14 Ndele Jesus eshi e uya meumbo laPetrus, okwa hanga inamweno ta vele olwiidi. 15 Ndele Jesus okwe mu kuma keke, ndele olwiidi le mu fiya po. Oye okwa fikama ndele ta yakula Jesus. 16 Ndele onguloshi eshi ye uya, vahapu ava ve kwetiwe keendemoni, ova etwa kuye. Eendemoni okwe di tefa mo ondjovo, novanaudu aveshe okwe va velula; 17 opo pa wanifwe odo da tongwa komuxunganeki Jesaja, eshi a tya: “Okwe litwika oungone wetu, noudu wetu okwe u humbata.”
Jesus ta londwele ovashikuli vaye
(Luk. 9:57-62)18 Ndele Jesus eshi a mona ovanhu vahapu unene ve mu dingilila, okwe va lombwela va alukile komunghulo walanghele kwinya. 19 Ndele omunongo womishangwa umwe okwe uya ndele ta ti kuye: “Omuhongi, onda hala oku ku shikula keshe apa to i.” 20 Ndele Jesus okwa tya kuye: “Eembadje odi nomakwena, needila dokeulu odi noihadi, ndele Omona wOmunhu ke na apa ta wilike omutwe waye.” 21 Ndele umwe vali womovalongwa vaye okwa tya kuye: “Omwene, lekele nge, ndi ye manga ndi ka pake tate.” 22 Ndelenee Jesus okwa tya kuye: “Shikule nge, efa ovafi nava pake ovafi vavo.”
Jesus ta lotifa efuta
(Mark. 4:35-41Luk. 8:22-25)23 Ndele Ye okwa ya mowato novalongwa vaye ve mu shikulila mo. 24 Ndele tala, mefuta omwa tukuluka omhepo i neenghono nomakufikufi a tuvika owato; ndele Ye okwa hangika a kofa. 25 Ndele ova ya kuye, ve mu pendula ndele tava ti: “Omwene, tu xupifa, ohatu ningine mo!” 26 Ndele Oye okwa tya kuvo: “Ovaneitavelo linini nye, oshike mu noumbada?” Ndele okwa fikama, ndele ta hanyene omhepo nefuta, ndele pa ninga eloto linene. 27 Ndele ovanhu ova kumwa ndele tava ti: “Ou okwa tya ngahelipi, eshi omhepo nefuta tali dulika kuye?”
Jesus ta velula ovanhu vavali ve kwetiwe keendemoni
(Mark. 5:1-20Luk. 8:26-39)28 Ndele eshi e uya kombinga inya medu lOvagadara, ovanhu vavali ve kwetiwe keendemoni va dja meembila ve mu shakeneka, va pwiduka nai, onghee kapa li ou a dula okweenda nondjila inya. 29 Ndele tala, ova ingida va tya: “Ove wa hala shike mufye, Oove Omona waKalunga? Owe uya oku tu hepeka efimbo manga inali fika?” 30 Ndele kwinya kokule navo okwa li ku nongudu inene yoingulu tai nape. 31 Ndele eendemoni de mu indila tadi ti: “Ngeenge to tu te mo, tu tuma mongudu yoingulu.” 32 Ndele Oye okwa tya kudo: Djeni mo, mu ye ko! Odo da dja mo muvo, ndele tadi i moingulu. Tala, opo nee ongudu aishe ye liundula ko komunghulo womhunda ndele tai mbonyokele mefuta noya fila mo. 33 Ovafita ova dja ko onhapo; ova ya koshilando ndele tava hepaulula aishe, novanhu ve neendemoni nhumbi va ningwa. 34 Ndele tala, oshilando ashishe sha kongoloka nosha shakeneka Jesus; ndele eshi ve mu mona, ove mu indila a dje mo moshilongo shavo.
