Oondjokana
(Mrk. 10:1-12)1 Jesus sho a mana okupopya oohapu ndhoka, okwa zi muGalilea e tu uka komikunda dhaJudea handiyaka yaJordan. 2 Oongundu oonene dhaantu odhe mu landula. Oye nokwe ya aludha.
3 Aafarisayi oye ya kuye oku mu makela ya ti: “Oshu uka tuu, omulumentu ngele ta henge po omukiintu gwe omolwoshinima kehe?”
4 Jesus okwe ya pula wo a ti: “Inamu lesha nani kutya petameko Omushiti okwe ya shiti omulumentu nomukiintu? 5 Onkee ano omulumentu e na okuthiga po he nayina e ti ihanganitha nomukiintu gwe, ayehe yaali e taa ningi omuntu gumwe. 6 Kaye li we yaali, aawe, oyo omuntu gumwe. Ano shono Kalunga e shi tula kumwe, inashi kuthwa kumwe komuntu.”
7 Aafarisayi oye mu pula ya ti: “Omolwashike Moses a pitika, omulumentu a gandje onzapo yehengo komukiintu gwe, e mu ethe po?”
8 Jesus okwe ya yamukula a ti: “Moses okwa pitika, mu henge po aakiintu yeni omolwokwaahavulika kweni. Ihe hasho sha li ngaaka petameko. 9 Ihe ngame otandi mu lombwele: Oongoka ta henge po omukiintu gwe omolwoshinima shilwe shaa shi oluhondelo e ta hokana gulwe, oye ota hondele. Naangoka ta hokana omuhengwa, oye ota hondele.”
10 Aalongwa oya ti kuJesus: “Ano ngele okukala kwomulumentu nomukiintu gwe okwa tya ngeyi, nena okuhokana inaku opala.”
11 Jesus okwa ti kuyo: “Haayehe taa uvu ko oohapu ndhika, aawe, oomboka ayeke ye shi pewa. 12 Oshoka oku na oonakwiikalela nkene tuu ya valwa, oye li ngaaka okuza mela lyayina. Oku na wo mboka ya ningwa oonakwiikalela kaantu. Oku na ishewe mboka yi iningi oonakwiikalela yoyene omolwOshilongo shegulu. Oongoka ta vulu oku dhi taamba, ne dhi taambe.”
Jesus ta yambeke uunona
(Mrk. 10:3-16Luk. 18:5-17)13 Aantu yamwe oye eta uunona kuJesus, opo e u tenteke iikaha ye, ye a galikane. Aalongwa noya ganda mboka ye u eta. 14 Ihe Jesus okwa ti: “Etheni uunona, u ye kungame, inamu u keelela ko, oshoka Oshilongo shegulu oshaamboka ye u fa.”
15 Oye okwe u tenteke iikaha ye, e ta yi.
Omugundjuka omuyamba
(Mrk. 10:17-31Luk. 18:18-30)16 Nena omulumentu gumwe okwe ya kuJesus e ta ti: “Muhongi, nandi longe uuwanawa washike, ndi mone omwenyo gwaaluhe?”
17 Jesus okwa ti kuye: “Omolwashike to pula ndje kutya oshiwanawa oshini po? Gumwe awike omwaanawa. Ngele owa hala okuya momwenyo, gwanitha iipango.”
18 Oye okwa pula Jesus a ti: “Oyini po?”
Jesus okwe mu yamukula a ti: “Oombika: ‘Ino dhipaga,’ ‘Ino hondela,’ ‘Ino yaka,’ ‘Ino lundila,’ 19 ‘Simaneka ho nanyoko,’ ‘Hola mukweni ngaashi ngoye wi ihole mwene.’ ”
20 Omugundjuka okwa ti kuye: “Ayihe mbika onde yi gwanitha. Oshike nde shi pumbwa natango?”
21 Jesus okwe mu yamukula a ti: “Ngele owa hala, u kale wa gwana wa pwa, inda, u ka landithe po ayihe mbyoka u na, iimaliwa e to yi pe oohepele, ngoye e to kala u na eliko megulu. Ila ihe, u landule ndje.”
22 Omugundjuka sho u uvu oohapu ndhoka, okwa zi po a sa oluhodhi, oshoka okwa li e na eliko olindji.
23 Opo Jesus okwa ti kaalongwa ye: “Ongame tandi mu lombwele: Omuyamba oku na uudhigu okuya mOshilongo shegulu. 24 Niishewe tandi mu lombwele: Okupitila kwongamelo mombululu yonane ihwepo ku vule okuya kwomuyamba mOshilongo shaKalunga.”
25 Aalongwa sho ye shi uvu, oya haluka noonkondo noya pula e taa ti: “Olye ano ta vulu okuhupithwa?”
26 Jesus okwe ya tongolola e ta yamukula: “Eeno, aantu ohaa nyengwa, ihe Kalunga iha nyengwa kusha.”
27 Nena Petrus okwa ti kuJesus: “Tala, otse twa thigi ko iinima ayihe e tatu ku landula. Otatu ka pewa shike?”
28 Jesus okwe ya yamukula a ti: “Ongame tandi mu lombwele: Muuyuni mboka uupe Omuna gwOmuntu sho ta ka kuutumba koshipangelapundi shesimano lye, nane wo mboka mwa landula ndje, otamu ka kuutumba kiipangelapundi omulongo niiyali, mu pangule omazimo gaIsrael omulongo nagaali. 29 Nokehe tuu ngoka a thigile ko egumbo nenge aamwayina aalumentu nenge aamwayina aakiintu nenge he nenge yina nenge oyana nenge epya omolwandje, ote ke yi mona lwethele yi vule mbika, nomwenyo gwaaluhe ote gu pewa. 30 Ihe aatango oyendji otaa ka ninga aahugunini, naahugunini oyendji otaa ka ninga aatango.”
Omahombolo
(Mark. 10:1-12)1 Ndelenee Jesus eshi a mana okupopya eendjovo odo, okwa dja ko kuGalilea ta ende langhele kwinya yaJordan, ndele okwa ya komikunda daJudea. 2 Ndele eengudu dinene de mu shikula, nokwe va velulila ko.
3 Opo Ovafarisai ove uya kuye oku mu yeleka ndele tava ti: “Osha wapala tuu omulumenhu ta henge po omukainhu waye omolwondjovo keshe?” 4 Ndele ye okwa nyamukula ta ti: “Inamu lesha hamba, Omushiti okwe va shita pehovelo omulumenhu nomukainhu, 5 ndele ta ti: onghee hano omulumenhu e nokufiya po xe naina nokulimangeleka komukainhu waye, ndele ava vavali otava ningi omunhu umwe? 6 Osho hano kave fi vali vavali, ndelenee ombelela imwe. Hano osho Kalunga e shi tula kumwe, inashi kufwa kumwe komunhu.” 7 Ovo tava ti kuye: “Moses okwa yandjela shike oufemba wokuyandja ombapila yehengano, noku mu henga?” 8 Oye ta ti kuvo: “Moses okwe mu itavelela oukukutu womitima deni, okuhenga ovakainhu veni, ndele kasha li ngaha pehovelo. 9 Ndelenee Ame ohandi mu lombwele: Ou ta henge po omukainhu waye omolwoshinima shimwe shihe fi oluhaelo, ndele ta hombola umwe, ye ta haele; naau ta hombola po omuhengwa, ye ota haele.”
10 Ovalongwa tava ti kuye: “Ngeenge okukala kwomulumenhu nomukainhu waye okwa tya ngaha, okuhombola inaku wapala.” 11 Ndelenee ye okwa tya kuvo: “Haaveshe ve udite eendjovo odo, ndelenee ovo tuu aveke ve shi pewa. 12 Osheshi ope na ovalutulwa ava ve shi dalwa, nghee va dja medimo laina, ndele ope na vali ovalutulwa, ava ve shi ningwa kovanhu, ndele ope na vali ovalutulwa, ve shi lininga voovene omolwOuhamba wokeulu. Ou ta dulu oku shi tambula, ne shi tambule.”
Okupunikwa kwounona
(Mark. 10:13-16Luk. 18:15-17)13 Opo nee ounona va etwa kuye, e va tenheke omake aye, ye a ilikane; ndele ovalongwa ova hanyena ava ve va eta. 14 Ndele Jesus ta ti: “Efeni ounona, inamu va kelela okuuya kwaame, osheshi Ouhamba wokeulu owaava va li ngaashi ovo.” 15 Opo okwe va tenheka omake aye, ndele okwa dja po opo.
Omunyasha oshipuna
(Mark. 10:17-31Luk. 18:18-30)16 Ndele tala, omulumenhu umwe okwe uya ndele ta ti kuye: “Omuhongi muwa, nandi longe ouwa washike, ndi mone omwenyo waalushe?” 17 Oye ta ti kuye: “Oshike to ula nge ndimuwa? Umwe aeke muwa. Ndele ngeenge wa hala okuya momwenyo, wanifa oipango.” 18 Oye ta ti kuye: “Oilipipo?” Jesus ta ti: “Oyo ei: ‘Ino dipaa,’ ‘Ino nyona ohombo,’ ‘Ino vaka’, ‘Ino lundila.’ 19 ‘Fimaneka xo nanyoko’, ‘Hola mukweni ngaashi ove u lihole mwene.’ ” 20 Omunyasha ta ti kuye: “Aishe ei onde i diinina; oshike nda pumbwa vali?” 21 Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.” 22 Ndele omunyasha eshi a uda ondjovo ei, okwa dja po a nyika oluhodi, osheshi ye okwa li e noinima ihapu.
23 Jesus ta ti kovalongwa vaye, Oshili handi mu lombwele: “Oshipuna oshi noudjuu okuya mouhamba wokeulu. 24 Ndele vali handi mu lombwele: okupitila kwongamelo meyulu longwiya hixwe, ku dule okuya kwoshipuna mouhamba wokeulu.” 25 Ovalongwa eshi ve di uda, ova haluka neenghono ndele tava ti: “Olyelye ta dulu okuxupifwa?” 26 Ndele Jesus okwe va tala ndele ta ti kuvo: “Heeno, ovanhu ohava nyengwa, ndele Kalunga iha nyengwa kusha.”
Ondjabi yovashikuli vaJesus
27 Opo nee Petrus okwe mu nyamukula ndele ta ti: “Tala, fye otwa fiya ko oinima aishe, notwe ku shikula; ohatu mono shike?” 28 Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali. 29 Ndele keshe ou a fiya ko, omolwedina lange, omaumbo ile ovamwaxe ovalumenhu ile ovamwaina ovakainhu ile xe ile ina ile ovana ile omapya, oye te ke i mona ko ihapu i dule ei, nomwenyo waalushe ote u fyuulula. 30 Ndele votete vahapu otava ningi vaxuuninwa novahauxuuninwa vahapu otava ningi votete.
