Aayakuli yaJesus
1 Methimbo lya landula Jesus okwe ende miilando nomomikunda noku uvitha elaka etoye lyOshilongo shaKalunga. Aalongwa ye omulongo nayaali oye ende pamwe naye 2 nosho wo aakiintu mboka a li e ya aludha, sho ya li ye na oompwidhuli nomavu galwe: Maria Magdalena, mungoka mwa li mwa tidhwa oompwidhuli heyali, 3 naJohanna, omukiintu gwaKusa, elenga lyaHerodes nosho wo Susanna naakiintu yalwe mboka ya li ya longitha omaliko gawo e taa yakula Jesus naalongwa ye.
Eyele lyomukuni
(Mat. 13:1-23Mrk. 4:1-20)4 Aantu oya tameke okuya kuJesus, ya zi kiilando niilando, nongundu onene sho ye mu gongalele, okwe ya lombwele eyele ndika:
5 “Omukuni okwa yi, a ka kune oombuto mepya. Ano mokukuna kwe oombuto dhimwe odha gwile mondjila, noondhila odhe ya e tadhi dhi shomona po. …oondhila odhe ya e tadhi dhi shomona po. 6 Dhimwe odha gwile poshipale pwaa na evi olindji nomokumena odha ganya, oshoka evi lyapo ihali lwedha okukukuta. 7 Dhimwe odha gwile moongwena. Oongwena odha koko mumwe nadho nodhe dhi thininike. 8 Dhimwe odha gwile mevi ewanawa nodha mene e tadhi vala lwethele.”
Jesus sho a mana okupopya, okwa ti kuyo: “Pulakeneni, ngoka e na omakutsi gokuuva, nu uve ko!”
9 Aalongwa yaJesus oye mu pula oondunge dheyele ndika kutya otali ti ngiini. 10 Oye nokwa ti: “Ne omwa pewa okuuva ko iiholekwa yOshilongo shaKalunga, ihe yalwe otaa lombwelwa momayele. Onkee: Okumona ohaa mono, ihe kaa wete ko. Okuuva ohaa uvu, ihe kaa uvite ko.”
11 “Eyele otali ti: Oombuto odho oohapu dhaKalunga. 12 Ndhoka dha gwile mondjila, odha fa aantu mboka haa pulakene oohapu, ihe omuhindadhi ote ya e ta kutha mo oohapu ndhoka dha kunwa moomwenyo dhawo, opo yaa vule okwiitaala, ya hupithwe. 13 Ndhoka dha gwile poshipale, odha fa aantu mboka taa uvu oohapu e taye dhi taamba nenyanyu, ihe itadhi ningine muyo. Otaa itaale okathimbo kowala, ihe uuna taa adhika kemakelo, otaa etha eitaalo. 14 Ndhoka dha kunwa moongwena, odha fa aantu mboka taa uvu oohapu, ihe konima yethimbo iimpwiyu, uuyamba nuuhalu wopauyuni otayi thininike oohapu, kaaya imike iiyimati. 15 Ndhoka dha gwile mevi ewanawa, odha fa aantu mboka taa uvu oohapu notaye dhi taamba nomwenyo omwaanawa gu na evuliko e taa dhiginine, sigo taa imike iiyimati.”
Olamba kohi yontungwa
(Mrk. 4:21-25)16 “Kaku na omuntu ta tema olamba e te yi tula kohi yontungwa nenge kohi yontala. Ihe oku na oku yi tula koshihukikwa, opo aantu ngele taa ya megumbo, ya mone uuyelele.”
17 “Oshoka kaku na shoka sha holekwa itaashi ka hololwa, nokaku na shoka sha holama itaashi ka tseyika, shi ye puuyelele.”
18 “Kotokeni, mu tale, nkene hamu pulakene. Oshoka mboka ye na, oyo otaa pewa, ihe mboka kaye na, oyo otaa kuthwa noshishona shoka taa dhiladhila kutya oshawo.”
Aakwawo yaJesus yashili
(Mat. 12:46-50Mrk. 3:31-35)19 Yina yaJesus naamwayina aalumentu oye ya kuye, ihe oya nyengwa okuthika kuye omolwowindji waantu. 20 Nena gumwe gwomaantu mboka okwa ti kuJesus: “Tala, nyoko naamwanyoko oya thikama pondje, taye ku kongo, ya hala, ya popye nangoye.”
21 Jesus okwe ya yamukula a ti: “Meme naamwameme oyo mboka taa uvu oohapu dhaKalunga e taa vulika kudho.”
Jesus ta lotitha oshikungulu
(Mat. 8:23-27Mrk. 4:35-41)22 Esiku limwe Jesus okwa yi mowato pamwe naalongwa ye nokwa ti kuyo: “Tu taagulukileni handiyaka yetale.” Oyo noya yi. 23 Ano mokudhuga kwawo oye okwa tameke okukotha. Oshikungulu shombepo osha tukuluka kombanda yetale. Omeya noga tameke okuya mowato noshiponga osha li popepi nayo. 24 Aalongwa oye ya kuJesus noye mu pendutha ya ti: “Omuwa, Omuwa, tatu sile mwee!”
Opo Jesus okwa penduka nokwa ganda ombepo nomakuthikuthi, nokwa mwena kwa tya thilu. 25 Oye nokwa ti kaalongwa: “Eitaalo lyeni oli li peni?”
Ihe oya kumwa noya tila e taa pulathana: “Nguka olye ano, sho ta ganda ombepo nomakuthikuthi, oyo notayi vulika kuye?”
Jesus ta aludha omunampwidhuli
(Mat. 8:28-34Mrk. 5:1-20)26 Oyo oya dhugu yu uka koshilongo shAagerasa, shi li handiyaka yefuta lyaGalilea. 27 Jesus sho a thiki kuukukutu, okwa tsakaneke omulumentu ta zi koshilando e niwe kompwidhuli. Oye okwa kala ethimbo ele te ende omupwedhu ye ina kala megumbo, ihe okwa kala moombila dhomomakololo. 28 Sho a mono Jesus, okwi igidha, a tsu oongolo koshipala she nokwa popi mokule a ti: “Jesus, Omuna gwa Kalunga gwokombandambanda! Owa halela ndje shike? Otandi ku galikana waa hepeke ndje.” 29 Oye okwa popi ngeyi, oshoka Jesus okwa tidha mo ombepo ya nyata muye. Olwindji sho ye mu kwata, okwe edhililwa mondholongo a mangwa nomalyenge nomiya kiikaha nokomagulu, ihe ohi itokola mo, ompwidhuli e tayi mu fala kombuga.
30 Opo Jesus okwe mu pula a ti: “Edhina lyoye olini?”
Oye a yamukula: “Edhina lyandje ongame Ngundu,” oshoka muye omwa li mu na oompwidhuli odhindji. 31 Oompwidhuli odha hehela Jesus, kee dhi undulile molumbogo lwomuule.
32 Popepi nondundu opwa li oshigunda oshinene shiingulu tayi napa. Oompwidhuli odha hehela Jesus, e dhi pitike, dhi ye miingulu. Oye okwe dhi pitika. 33 Oompwidhuli odha zi momulumentu ngoka nodha yi miingulu. Nena oshigunda ashihe shiingulu osha nuka okuza komutuni omule noshi iyumbile mefuta e tashi sile mo.
34 Aasita yiingulu sho ya mono shoka sha ningwa po, oya fadhuka po noya ka hokolola oshiningwanima shika moshilando nomomikunda ndhoka. 35 Aantu noye ya okutala shoka sha ningwa po. Oyo oye ya kuJesus noya mono omulumentu ngoka a zi oompwidhuli, a kuutumba puJesus a zala nawa noku na oondunge; oyo noya tila. 36 Aantu mboka ye shi mono, oya hokololele yalwe, nkene omulumentu ngoka a li e na oompwidhuli, a aludhwa. 37 Nena aantu ayehe yomomikunda ndhoka dhAagerasa oyi indile Jesus, a ze mo moshilongo shawo, oshoka oya li ya tila noonkondo. Opo Jesus okwa yi mowato e ta shuna. 38 Omulumentu ngoka a li e na oompwidhuli, okwi indile Jesus, a pitikwe okukala puye.
Ihe Jesus okwe mu laleke a ti: 39 “Shuna kaandjeni, u ke ya hokololele shoka Kalunga e shi ku ningile.”
Omulumentu okwa yi nokwa hokolola moshilongo ashihe shoka Jesus e shi mu ningile.
Jesus ta aludha omukiintu e ta yumudha omuna gwaJairus
(Mat. 9:18-26Mrk. 5:21-43)40 Jesus sho a galuka ko, aantu oyendji oye mu tsakaneke, oshoka oya adhika ye mu tegelela. 41 Nena omulumentu gumwe, edhina lye Jairus, omukuluntu gwosinagoga, okwe ya kuye. Oye okwa tsu oongolo poompadhi dhaJesus nokwe mu hehela, a ye megumbo lye, 42 oshoka okwa li e na omwana omukadhona omuvalwa awike gwoomvula omulongo nambali e li pokusa.
Jesus manga ta yi pamwe naJairus, aantu oye mu uminine. 43 Okwa li wo ku na omukiintu a ala uuvu wetiko lyombinzi oomvula omulongo nambali. Oye okwa manene eliko lye alihe moonganga, ihe odha nyengwa oku mu aludha. 44 Omukiintu ngoka okwe ya te endele konima yaJesus nokwa gumu koongenge dhonguwo ye; mbalambala etiko lye olya kodha. 45 Jesus okwa pula: “Olye a gumu ndje?”
Nena kehe gumwe okwe shi idhimbike, ihe Petrus okwa ti: “Muhongi, aantu oyendji ye ku kundukidha noye ku uminina.”
46 Jesus okwa ti: “Onde shi dhimbulula kutya ope na gumwe a gumu ndje, omolwoonkondo ndhoka dha zi mungame.”
47 Ano omukiintu sho a dhimbulula kutya ita vulu we okuholama, okwe ya nokwa tsu oongolo koshipala shaJesus, a tila ta kakama. Nena okwa lombwele Jesus montaneho yaantu ayehe kutya omolwashike e mu gumu nankene a aludhwa mbalambala. 48 Jesus okwa ti kuye: “Mumwandje, eitaalo lyoye lye ku aludha. Inda nombili.”
49 Manga Jesus a li ta popi, opwe ya omulumentu a zi kaandjawo yomukuluntu gwosinagoga a ti: “Omumwoye omukadhona a mana oondjenda. Oto monithile we shike Muhongi iihuna?”
50 Jesus sho u uvu oohapu ndhoka, okwa ti kuJairus: “Ino tila, itaala owala, omumwoye ota aluka.”
51 Jesus sho e ya megumbo, ina pitika nando omuntu gumwe a ye mo pamwe naye, kakele kaPetrus, Johannes naJakob nahe nayina yomunona ayeke. 52 Aantu ayehe mboka ya li mo, oya hekumuna noya lili oosa omolwe. Ihe Jesus okwa ti. “Inamu lila, omukadhona ina sa, ihe okwa kotha.”
53 Aantu oya yolo Jesus, oshoka oya li ye shi shi kutya omukadhona okwa sa. 54 Jesus okwe mu kwata koshikaha nokwa popi mokule a ti: “Mumwandje penduka po!” 55 Omwenyo gwe ogwe ya mo nokwa thikama nziya. Jesus okwe ya lombwele, ya pe omunona iikulya. 56 Aakuluntu yomunona oya kumwa, ihe Jesus okwe ya indile, yaa hokololele nando omuntu shoka sha ningwa po.
Ovayakuli vaJesus
1 Ndele opa ningwa konima yefimbo olo, Ye okwa endaenda noilando nomikunda ndele okwa udifa evaengeli louhamba waKalunga, naavo omulongo navavali ova li pamwe naye, 2 ngaashi yo ovakainhu vamwe ava va li ve neemhepo dii nomaudu, ndele ova li va velulwa: Maria ou a ifanwa Magdalena, mwaau eendemoni heyali da tewa mo, 3 naJohanna, omukainhu waKuusa, elenga laHerodes, naSusanna navakwao vahapu ava ve va yakula noinima yavo.
Efaneko lomukuni
4 Ndelenee ongudu inene eshi ya ongala, novanhu vomoilando ve mu shikula, okwe va lombwela nomafaneko: 5 “Omukuni okwa pita a ka kune ombuto yaye, nomokukuna dimwe da wila mondjila ndele oda lyatwa, needila dokeulu de di shomona mo.…eedila dokeulu ode di shomona mo. 6 Ndele dikwao oda wila memanya nomokumena da lemba, osheshi kakwa li ku noututo. 7 Ndele dikwao da wila mokati keeshosholo, neeshosholo mokumena mumwe ode di fininika. 8 Ndele dikwao oda wila medu liwa, da mena, ndele oda dala efele.” Hano eshi e di tya okwa popya mokule ta ti: “Ou e nomatwi okuuda, na ude ko.”
9 Ndele opo ovalongwa vaye ove mu pula eendunge defaneko olo. 10 Ndele Ye okwa tya: “Nye mwa pewa okushiiva oiholekwandunge youhamba waKalunga, vamwe tava lombwelwa momafaneko, opo vaha mone nande ohava tale, novaha koneke, nande ohava udu ko.
11 “Efaneko eli otali ti ngaha: Ombuto oyo eendjovo daKalunga. 12 Domondjila ovava tave di pwilikine, ndele opo nee Satana ote uya ndele ta kufa mo eendjovo momitima davo, vaha itavele vo vaha xupifwe. 13 Ndele edi domemanya ovovo hava pwilikine eendjovo, ndele have di tambula nehafo, ndele vehe na omidi, ohava itavele okafimbo, ndele efiku leyeleko otava efa. 14 Ndele odo da wila meeshosholo ovava hava pwilikine, ndele mokweenda kwavo otava fi oshuunguungu shoisho youpuna noyomahafo okukalamwenyo oku, ndele itava tilyaneke oiimati. 15 Ndele odo domedu liwa ovovo tava kwatele eendjovo ve di uda momitima diwa dihe noihelele, ndele otava imi oiimati moudiinini.
Ouyelele nau minikile
16 “Ndele kape na ou ta tema olamba ndele te i tuvike noshitoo ile te i tula koshi yomutala, ndelenee ote i tula moshikwatelwalamba, ava tave uya mo, opo va mone ouyelele. 17 Osheshi kaku na oshiholekwa, itashi ka hololwa, ndele kape na osho sha hondama, itashi ka shiivika noitashi uya pouyelele. 18 Taleni hano nhumbi tamu udu, osheshi ou e kwete, ye ota pewa, ndele ou ehe na, ye ota kufwa naasho e shii e shi kwete.”
Ovakwao vashili vaJesus
19 Ndele ina novamwaina ovalumenhu ove uya kuye ndele ova nyengwa oku mu hanga okouhapu wovanhu. 20 Ye okwa lombwelwa: “Nyoko novamwanyoko ove li pondje, va hala ve ku mone.” 21 Ndelenee Ye okwe va nyamukula ta ti: “Meme novamwameme ovava hava udu eendjovo daKalunga ndele otave di wanifa.”
Elotifo lefuta
22 Ndele opa ningwa efiku limwe, Ye mwene novalongwa vaye ova ya mowato, ndele okwe va lombwela: “Tuyeni langhele kwinya yefuta.” Ndele vo ova ya. 23 Ndele mokweenda kwavo Ye okwa kofa, ndele opa tukuluka omhepo yeenghono kombada yefuta, okawato oka yada omeva, ndele ova li ve noudjuu. 24 Opo vo ova ya, ve mu pendula va tya: “Omuhongi, omuhongi, ohatu ningine mo!” Hano eshi a penduka, okwa hanyena omhepo nomakufikufi omeva, ndele oo okwa oka, nefuta ola lota. 25 Ndelenee Ye okwe va lombwela: “Eitavelo leni oli li peni?” Vo ova tila, va kumwa ndele ova tongafana: “Ou olyelye, eshi ta lombwele omhepo nomeva, ndele taa dulika kuye.”
Okuvelulwa kwomunandemoni
26 Ndele vo ova yaukila kedu lOvagerasa la taalelafana naGalilea. 27 Ndele eshi a dja mo, okwa ya komunghulo, omulumenhu wonhumba womoshilando e kwetiwe keendemoni e mu shakeneka, a ninga efiku ina djala oikutu yaye, ina kala meumbo, ndelenee okwa kala meembila. 28 Ndele eshi a mona Jesus, okwa ingida mokule, ndele okwa wila poshi puye ndele ta popi pombada: “Ou na shike naame, Jesus, Omona waKalunga wOkombadambada? Ohandi ku ilikana, ino hepeka nge.” 29 Osheshi Ye okwa li a hala okulombwela omhepo ya nyata i dje mo momunhu ou, osheshi oya ninga omafiku tai mu pundaula, ndele ye okwa li a mangwa nomalyenge nokomaoko nokomaulu ndele okwa nangelwa, opo ye okwa tokola eemhango, ndele okwa telwa momifitu kondemoni. 30 Jesus okwe mu pula: “Edina loye olilipi?” Ye a tya: “Ongudu yakula,” osheshi eendemoni dihapu da ya muye. 31 Ndele do ode mu indila, ehe di lombwele di ye mombwili yomundilo.
32 Ndele oko kwa li ku noufita munene woingulu tau li komhunda, odo de mu indila, e di itavelele okushita muyo, ndele Ye okwe di itavela. 33 Eendemoni oda dja momunhu ou, ndele oda ya moingulu, noufita aushe wa mbolokotela mefuta, ya wa komunghulo ndele oya fila mo.
34 Ndele ovafita eshi va mona osho sha ningwa po, ova faduka po, ndele ove ke shi hepaulula moshilando nomomikunda. 35 Opo ovanhu ova ya ko va ka tale eshi sha ningwa ko, ndele ove uya kuJesus, ndele ova hanga omunhu ou a dja eendemoni a djala oikutu, e neendunge, e li omutumba peemhadi daJesus, ndele vo ova haluka. 36 Ndele ava va li po ve shi mona, ove va hepaululila omunandemoni nhumbi a velulwa. 37 Ndele ovanhu aveshe vokedu lOvagerasa novopoushiinda ove mu ilikana a dje po puvo, osheshi ova kwatwa ketilo linene, ndele Ye okwa ya mowato, ndele a shuna. 38 Ndele omulumenhu ou a dja eendemoni, okwe mu indila a itavelwe okukala puye, ndele okwe mu lekela ta ti: 39 “Inda keumbo u ke va hepaululile oilonga apa i fike Kalunga e i ku ningila.” Ye okwa ya ndele okwa udifila oshilando ashishe oilonga inene apa i fike Jesus e i mu ningila.
Okaana kaJairus nomukainhu omunaudu
40 Ndelenee Jesus eshi a aluka ko, ongudu yovanhu oye mu shakeneka nehafo, osheshi aveshe va hangika ve mu teelela. 41 Ndele tala, omulumenhu, edina laye Jairus, omukulunhu woshinagoga, okwe uya po ndele a wila poshi keemhadi daJesus, ndele okwe mu indila e uye keumbo laye, 42 osheshi ye okwa li e na ewifa laye okakadona komido ngeno omulongo nambali, taka vele ke li pokufya.
Ndele eshi ta i kwinya, eengudu dovanhu de mu fininika.
43 Ndele oko okwa li omukainhu a vela etiko lohonde eedula omulongo nambali, noinima yaye aishe okwe i manena movahakuli, ndele aveshe ova nyengwa oku mu velula. 44 Ye okwa ehena ko konima yaye, ndele a kuma keenyemba doshikutu shaye, opo tuu opo etiko lohonde yaye ola oka. 45 Ndele Jesus okwa tya: “Olyelye ou a kuma nge?” Ndele aveshe eshi va anya, Petrus okwa tya: “Omuhongi, ongudu yovanhu otai ku fininike, ndele otai ku pumu;” 46 ndelenee Jesus okwa tya: “Umwe okwa kuma nge, osheshi onda uda mwaame mwa dja eenghono.” 47 Ndele omukainhu eshi a mona ita dulu vali okuhondama, okwa holoka nee, ta kakama, okwa wila poshi puye, ndele okwa hepaululila moipafi yovanhu aveshe eshi e mu kumina, nanhumbi a veluka okafimbo tuu oko. 48 Nokwa tya kuye: “Omumwange, eitavelo loye le ku velula, inda nombili.”
49 Hano fimbo a popya ngaha, okwa dja umwe keumbo lomukulunhu woshinagoga, ta ti: “Omumwoye okakadona oka fya, ino lolokifa vali omuhongi.” 50 Ndelenee Jesus eshi e di uda, okwe mu lombwela: “Ino tila, shimha wa itavela, ota xupifwa.” 51 Ndele opo nee eshi e uya meumbo, ina efa mu ye nande omunhu, oPetrus naJohannes naJakob naxe naina yokaana, ovo aveke. 52 Ndele aveshe ova lila noku mu kwenaukila. Ye okwa tya: “Inamu lila, inaka fya, oka kofa po.” 53 Ndele ovo ve mu yola, osheshi ova li ve shii nokutya, ye okwa fya. 54 Ndele Ye okwe mu kwata keke ndele okwa popya mokule: “Okakadona, penduka!” 55 Nomwenyo wako owa alukila mo, ndele ka fikama diva. Ye okwe va lombwela, ve ka pe eendja. 56 Novakulunhu vako ova kumwa, Ye okwe va kelela okuhepaululila nande omunhu eshi sha ningwa po.
