Jesus ta makelwa
(Mat. 4:1-11Mrk. 1:12-13)1 Jesus okwa zi kuJordan u udha Ombepo Ondjapuki. Ombepo noye mu fala kombuga, 2 hoka a makelwa komuhindadhi omasiku omilongo ne. Omasiku ngoka okwa kala inaa lya sha, onkee sho ga hulu po, okwa li u uvite nayi nokwa sa ondjala.
3 Omuhindadhi okwa ti kuye: “Ngele ngoye Omuna gwaKalunga, lombwela emanya ndika, li shituke oshikwiila.”
4 Jesus okwe mu yamukula a ti: “Okwa nyolwa: ‘Omuntu ita kala e na omwenyo koshikwiila ashike.’ ”
5 Omuhindadhi okwe mu kutha nokwe mu fala pokuma puule e te mu ulukile mepathimo lyeho omapangelo agehe gomuuyuni. 6 Omuhindadhi okwa ti kuye: “Otandi ku ningi omupangeli gwaayihe notandi ku pe omauyamba agehe, oshoka ayihe mbika otandi vulu oku yi pa kehe ngoka nda hala. 7 Ayihe mbika otayi ningi yoye, ngele to tsile ndje oongolo e to galikana ndje.”
8 Jesus okwe mu yamukula nokwa ti: “Okwa nyolwa: ‘Omuwa Kalunga koye oye awike u na oku mu galikana noku mu longela.’ ”
9 Omuhindadhi okwe mu fala kuJerusalem nokwe mu londeke koshihoko shotempeli e ta ti kuye: “Ngele ngoye Omuna gwaKalunga, iyundulila pevi, 10 oshoka okwa nyolwa: ‘Kalunga ote ku tumine aayengeli ye, e taye ku gamene. 11 Oyo otaye ku papatele momaako gawo, opo waa pume oompadhi dhoye komamanya.’ ”
12 Jesus okwe mu yamukula a ti: “Okwa nyolwa natango: ‘Ino makela Omuwa Kalunga koye.’ ”
13 Ano omuhindadhi sho a hulitha okumakela Jesus moshinima kehe, okwe mu thigi po manga.
Etameko lyiilonga yaJesus muGalilea
(Mat. 4:12-17Mrk. 1:14-15)14 Jesus okwa shuna kuGalilea nokwe endithwa koonkondo dhOmbepo Ondjapuki. Okupopiwa kwe okwa taandele nomikunda adhihe dhopuushiinda. 15 Oye okwa longele aantu moosinagoga dhaahoka nokwa simanekwa kwaayehe.
Jesus ta dhinwa muNasaret
(Mat. 13:53-58Mrk. 6:1-6)16 Jesus okwe ya muNasaret, moshilando moka a putukila. NomEsabati okwa yi mosinagoga, ngaashi i igilila. Oye okwa thikama, a leshe Omanyolo omayapuki, 17 nokwa pewa embo lyomuhunganeki Jesaja. Sho a gonyununa ongonga yalyo, okwi itsu ehala mpoka pwa nyolwa ngeyi: Sho a gonyununa ongonga yalyo, okwi itsu ehala mpoka pwa nyolwa…
18 “Ombepo yOmuwa oya lambele ndje.
Osho ngeyi Omuwa okwa gwayeke ndje,
ndi uvithile oohepele elaka etoye.
Okwa tumu ndje, ndi igidhile oonkwatwa emanguluko,
naaposi ya tonate,
okumangulula oonakuhepekwa,
19 okutseyitha omumvo,
uuna Omuwa te ya, a hupithe aantu ye.”
20 Jesus sho a mana okulesha embo, okwe li pe omuyakuli e ta kuutumba. Aantu ayehe mboka ya li mosinagoga, oye mu tongolola. 21 Oye okwa tameke oku ya lombwela e ta ti: “Nena ndjika oohapu ndhoka mu uvu dha leshwa, odha gwanithwa.”
22 Oyo ayehe oye mu popile muuwanawa. Noya kuminwa oohapu oombwanawa dha zi mokana ke ya ti: “Ke shi nani omuna gwaJosef?”
23 Oye okwa ti kuyo: “Ondi shi shi nawa kutya omwa hala okulombwela ndje eyele. ‘Mwaaludhi, iyaludha!’ Notamu ti ishewe: ‘Shoka tu uvu wa ningi muKapernaum, shi ninga wo muka.’ ” 24 Jesus okwa ti: “Ongame otandi mu lombwele: Kaku na omuhunganeki ha taambwa nawa kaantu yomoshilongo shaandjawo.
25 “Dhimbulukweni shoka sha li sha ningwa pethimbo lyomuhunganeki Elia. Kapu na omalimbililo, muIsrael omwa li mu na aaselekadhi oyendji, sho kwa li inaaku lokwa ethimbo lyoomvula ndatu netata, nokwa li ondjala ondhigu moshilongo ashihe. 26 Ihe Kalunga ina tuma Elia nando okugumwe gwomaaselekadhi mbaka, ihe okwe mu tumu owala komuselekadhi gwokuSarefat shomomikunda dhaSidon. 27 MuIsrael omwa li wo mu na aanashilundu oyendji pethimbo lyomuhunganeki Elisa, ihe Elisa ina aludha nando ogumwe gwomuyo, oNaeman awike Omusiria.”
28 Aantu mboka ya li mosinagoga sho yu uvu oohapu ndhoka, oya geye noonkondo. 29 Oyo noya thikama noya tidha mo Jesus moshilando, oye mu fala kolungenge lwondundu hoka oshilando shawo sha li sha tungilwa, opo ye mu undulile pevi. 30 Ihe Jesus okwa piti mokati kawo ayehe nokwa yi.
Omulumentu e na ombepo ya nyata
(Mrk. 1:21-28)31 Jesus okwa yi kuKapernaum, oshilando shomuGalilea, nokwa longo aantu mesiku lyEsabati. 32 Aantu mboka oya kuminwa elongo lye, oshoka oohapu dhe odha li dhi na oonkondo. 33 Mosinagoga moka omwa li mu na omulumentu e niwe kombepo ya nyata yoompwidhuli. Oye okwi igidha mokule a ti: 34 “Iihuna yowala! Jesus Omunasareti, owe tu halela shike? Owe ya u tu yone po? Ondi ku shi kutya ongoye Omuyapuki gwaKalunga.”
35 Jesus okwa ganda ombepo ya nyata a ti: “Mwena thilu, u ze mo muye!” Ombepo oye mu hata pevi mokati kaantu noya zi mo muye, inayi mu ningila nando uuwinayi washa.
36 Aantu ayehe oya kumwa noya pulathana ya ti: “Ota popi ngiini ngeyi? Oye e na epitikilo noonkondo okuganda oombepo dha nyata noku dhi tidha mo.” 37 Oshiningwanima shoka osha taandele akuhe momikunda ndhoka.
Jesus ta aludha yinamweno yaPetrus naavu yalwe
(Mat. 8:14-17Mrk. 1:29-34)38 Ano Jesus sho a zi mo mosinagoga, okwa yi kaandjaSimon. Yinamweno yaSimon okwa li ta alukwa olwiidhi lwa geya noonkondo. Oyo noye mu popi kuJesus. 39 Jesus okwa hedha kuye nokwa ganda olwiidhi, olwo nolwe mu etha. Mbalambala yinamweno okwa thikama nokwa tameke oku ya yakula.
40 Etango sho lya yi mo, aantu ayehe mboka ya li ye na aavu yomavu gi ili nogi ili, oye ya eta kuJesus. Jesus okwa tenteke iihaka ye kukehe omuvu nokwe ya aludha ayehe. 41 Oompwidhuli wo odha zi mo maantu oyendji tadhi igidha tadhi ti: “Ongoye Omuna gwaKalunga!”
Ihe Jesus okwe dhi ganda ye ine dhi pitika, dhi popye, oshoka odha li dhi mu shi kutya oye Kristus.
Jesus tu uvitha muJudea
(Mrk. 1:35-39)42 Ongula sho kwa shi, Jesus okwa zi mo moshilando nokwa yi kokuma kwaa na omagumbo. Aantu oya tameke oku mu konga, naasho ye mu mono, oye mu kwatele po, kaa ze po puyo. 43 Ihe Jesus okwe ya lombwele a ti: “Elaka etoye lyOshilongo shaKalunga ondi na oku li uvitha wo miilando yilwe, oshoka osho naanaa shika Kalunga a tumu ndje, ndi shi ninge.”
44 Oye noku uvithile moosinagoga dhomuJudea.
Okuyelekwa kwaJesus mombuwa
1 Ndele Jesus okwa dja kuJordan a yada Omhepo Iyapuki ndele okwa twalwa kOmhepo mombuwa. 2 Satana okwe mu hongaula omafiku omilongo ine. Nomafiku oo ina lya sha, ndele eshi aa a pita po oku udite ondjala.
3 Ndelenee Satana okwe mu lombwela: “Oove ngeenge Omona waKalunga, lombwela hano emanya eli li shituke omungome.” 4 Ndelenee Jesus okwe mu nyamukula ta ti:
“Hakomungome auke omunhu ta kala e nomwenyo.”
5 Opo Satana okwe mu twala komhunda ile, ndele e mu ulikila oilongo aishe yomounyuni mepakumo limwe alike 6 ndele ta ti kuye: “Epangelo laaishe ei nefimano lalo ohandi li ku pe, osheshi ame nde li pewa, nohandi li yandje kwaau nda hala. 7 Ove ngeenge to twile nge eengolo, aishe ei otai ningi yoye.” 8 Opo Jesus e mu nyamukula ndele ta ti: “Pa shangwa:
‘Omwene Kalunga koye u noku mu twila eengolo
noye aeke u noku mu kalela.’ ”
9 Ndele ye okwe mu twala kuJerusalem ndele e mu londeka koxulo yotembeli ndele okwa tya kuye: “Oove ngeenge Omona waKalunga, nhukila poshi, 10 osheshi pa shangwa:
‘Oye ote ku lombwelele ovaengeli vaye, ve ku amene,
11 ndele otave ku humbata nomaoko avo,
uhe lipume omhadi yoye kemanya.’ ”
12 Ndele Jesus okwe mu nyamukula ta ti: “Okwa tiwa:
‘Ino shinda Omwene Kalunga koye.’ ”
13 Ndele hano Satana eshi a xulifa omahongaulo aye aeshe okwa dja po puye manga.
Jesus te uya muGalilea
14 Ndele Jesus okwa aluka ko meenghono dOmhepo e uya kuGalilea, nepopiwo laye ola ya komikunda adishe domoushiinda. 15 Ndele Ye okwe va longa meeshinagoga davo, ndele aveshe ove mu fimaneka.
Jesus muNasaret
16 Ye okwe uya kuNasaret omo a tekulwa ndele okwa ya moshinagoga efiku lEshabata, ngaashi a ika, ndele a fikama okulesha. 17 Ndele okwa pewa omishangwa domuxunganeki Jesaja. Hano eshi a tonyununa omishangwa, okwe litwa poima pa shangwa:Okwa tonyununa omishangwa, okwe litwa poima pa shangwa…
18 “Omhepo yOmwene oi li kombada yange,
osheshi Ye okwa vaeka nge
ndi udifile eehepele evaengeli,
Ye okwa tuma nge ndi xunge ava ve nomutima wa nyanyaulwa;
okwa tuma nge ndi ingidile eenghwate emangululo novapofi etwikululo,
okutembukifa mo oonakuhepekwa,
19 nokuudifa omudo muwa wOmwene.”
20 Ndele eshi a tonya omishangwa okwe di pa omupiya ndele okwa kala omutumba, nomesho aaveshe va li moshinagoga e mu tala. 21 Ndelenee Ye okwa hovela oku va udifila: “Nena tuu eli eshangelo eli la wanifwa ngaashi la fika momatwi eni.” 22 Ndele aveshe ove mu hepaulula nawa, ndele va kuminwa eendjovo odo donghenda da dja mokanya kaye ndele tava ti: “Ou ke fi omona waJosef?” 23 Ndele Ye okwa tya kuvo: “Shiimba mwa hala okulombwela nge eyeletumbulo eli: ‘omuveluli, livelula mwene, osho twa uda sha ningilwa muKapernaum, shi ninga omu moshilando shambuleni yo.’ ” 24 Ndele Ye okwa tya vali: “Oshili handi mu lombwele, kape nomuxunganeki a fimana moshilando shavo. 25 Ndelenee shimwe ashike handi mu lombwele moshili, ovafiyekadi vahapu va li muIsrael pomafiku aElia, eulu eshi la li la idilwa po omido nhatu neehani hamano nondjala inene ye ile moshilongo ashishe. 26 Ndele Elia ina tuminwa kovafiyekadi vamwe, okomufiyekadi tuu ou womuSarefat aeke, muSidon. 27 Ndele ovanaudu voshilundu ova li vahapu muIsrael pomafiku Omuxunganeki Elisa, ndelenee inaku velulwa nande umwe, Naeman Omusiria, oye aeke.” 28 Opo nee aveshe ovo va li moshinagoga, eshi ve di uda, ova yada ehandu, 29 ndele va fikama ndele ove mu ta mo moshilando, ndele ove mu twala komungenge womhunda oyo oshilando shavo sha li sha tungilwa ko, ve ke mu undulile poshi. 30 Ndele Ye okwa pita mokati kavo ndele okwa ya.
Jesus ta velula vahapu
31 Ndelenee Ye okwa ya kuKapernaum moshilando shomuGalilea, ndele okwe va longa momashabata. 32 Ndele vo ova kuminwa elongo laye, osheshi eendjovo daye oda li di neenghono. 33 Ndele omoshinagoga mwa li mu nomunhu e nomhepo ya nyata yondemoni. Ye okwa ingida mokule: 34 “Woo, otu na shike naave, Jesus Omunasareti! We uya u tu hanaune po? Ondi ku shii, Oove Omuyapuki waKalunga.” 35 Ndele Jesus okwe mu hanyena ta ti: “Mwena, ove u dje mo muye.” Opo ondemoni oye mu nata poshi mokati kavo ndele oya dja mo muye, ye ine mu ninga nande owii washa. 36 Aveshe ova kumwa unene, vo va pulafana tava ti: “Ondjovo ei oya tya ngahelipi, eshi ta lombwele eemhepo da nyata nepangelo neenghono, ndele do otadi di mo?” 37 Ndele etumbalo laye ola tandavela moshikandjo ashishe nomomikunda domoushiinda.
Inamweno yaPetrus ta velulwa
38 Ndele Ye okwa fikama moshinagoga ndele okwa ya meumbo laSimon, ndele ta hange inamweno yaSimon e kwetiwe kolwiidi la handuka, ndele vo ova indila Jesus omolwaye. 39 Ye okwa ehena kuye, ndele a hanyena olwiidi, ndele lo ole mu fiya po, ye okwa fikama po diva ndele okwe va yakula.
40 Ndele etango eshi la li pokuningina aveshe ovo va li ve novanaudu voudu u lili nau lili ove va eta kuye. Ye okwa tenheka omake aye kuvo aveshe, ndele okwe va velula. 41 Ndele eendemoni oda dja mo muvahapu, oda ingida tadi ti: “Oove Omona waKalunga.” Ye okwe di hanyena, Ye ina efa di popye, osheshi oda li di mu shii nokutya, Oye Kristus.
Eudifo lomeengeda
42 Ndele eshi kwa sha okwa dja mo ndele okwa ya koima kuhe na omaumbo, ndele eengudu ode mu konga, ndele eshi da fika kuye ode mu kwatela po aha dje po pudo. 43 Ndele Ye okwe va lombwela: “Ondi na okuudifila oilando imwe yo evaengeli louhamba waKalunga, osheshi olo tuu eli nde li tuminwa.” 44 Ndele Ye okwa udifila meeshinagoga domuJudea.
