Elenga li na iifundja
1 Jesus okwa lombwele aalongwa ye a ti: “Okwa li ku na omulumentu omuyamba e na elenga lye, e li lombwelwa, tali hanagula po eliko lye. 2 Oye okwe mu ithana nokwa ti kulyo: ‘Ondu uva shike kombinga yoye? Ulukila ndje, nkene wa kala to tonatele eliko lyandje.’ 3 Elenga olya tameke okwiipula: ‘Otandi ningi ngiini, omuwa gwandje sho ta kutha ndje uulenga? Iilonga iidhigu itandi yi vulu, ngame ishewe otandi si ohoni okuhehela. 4 Ngashingeyi ondi shi shi shoka ndi na okuninga, opo uuna te kuthwa iilonga yandje, ndi kale ndi na ookuume mboka taa ka taamba ndje momagumbo gawo.’
5 “Nena okwi ithana aantu ayehe mboka ya li ye na oongunga dhomuwa gwe. Oye okwa ti kungoka gwotango: ‘Oongunga ndhoka wa lila omuwa gwandje, odhi thike peni?’ 6 Oye okwa yamukula: ‘Omagadhi iiyuma ethele limwe.’ Elenga okwe mu lombwele a ti ‘Taamba eyalulo, kuutumba mbala, u nyole mo omilongo ntano.’ 7 Oye okwa ti ishewe komutiyali: ‘Ngoye oongunga dhoye odhi thike peni?’ ‘Ooshako ethele limwe dhiilya,’ osho a yamukula. Elenga okwe mu lombwele a ti: ‘Taamba eyalulo, u nyole mo omilongo hetatu.’ ”
8 “Mwene gwelenga ndika efundja okwe li pandula, sho lya longo ngeyi noondunge. Oshoka aantu mboka haa ende pauyuni mbuka, oye na oondunge mokukalathana nooyakwawo ye vule aana yaKalunga.”
9 Jesus okwa ti ihe: “Onkee ano otandi mu lombwele: ikongeleni ookuume neliko lyomuuyuni mbuka, opo uuna tali hulu po, mu ka taambwe megumbo lyaaluhe. 10 Ngoka ti inekelwa miinima iishona, oti inekelwa wo miinima iinene; naangoka omufundja miinima iishona, oye wo omufundja miinima iinene. 11 Ne ano ngele kamu shi okwiinekelwa mokulongitha eliko lyomuuyuni mbuka, otamu vulu ngiini okwiinekelelwa eliko lyashili? 12 Nongele ne kamu shi aainekelwa miinima mbyoka yaa shi yeni, olye te mu pe mbyoka yeni yene?
13 “Kaku na omupika ta vulu okulongela aawa yaali; oshoka ota tondo gumwe, ye e ta kala e hole mukwawo, nenge ta simaneke nguka, ye e ta dhini ngwiyaka. Kamu vulu okulongela Kalunga pamwe nemona.”
Oohapu oonkwawo dhaJesus
(Mat. 11:12-13Mat. 5:31-32Mrk. 10:11-12)14 Aafarisayi sho yu uvu iinima mbika, oya yolo Jesus, oshoka oya li ye hole iimaliwa. 15 Jesus okwa ti kuyo: “One ohamu iholola montaneho yaantu kutya one aayuuki, ihe Kalunga oku shi omitima dheni nkene dha tya. Oshoka shoka aantu taye shi tala shi na esimano, osho iihuna koshipala shaKalunga.”
16 “Ompango yaMoses nomanyolo gaahunganeki oya hulile muJohannes Omushashi. Okuza mpoka elaka etoye tali popi Oshilongo shaKalunga, otali uvithwa, nakehe gumwe ota matuka, a ye mo. 17 Ihe okuhulapo kwegulu nevi okuhwepo ku vule okukana po kwokankwanu kamwe komompango.”
18 “Omulumentu kehe ngoka ta henge po omukiintu gwe e ta hokana gulwe, oye ota hondele. Naangoka ta hokana omuhengwa, naye ota hondele.”
Omuyamba naLasarus
19 “Okwa li ku na omulumentu omuyamba ha zala oonguwo dhondilo noha li uutoye esiku kehe. 20 Ihe posheelo shegumbo lye opwa li pwa lala ohepele gumwe, edhina lye Lasarus, u udha omathina, 21 nokwa hala okwiikutitha nuundjagumuke mboka tau gu koshitaafula shomuyamba. Olwindji oombwa odhe ya nodha latha omathina ge.
22 “Ano ohepele nguka okwa si nokwa papatelwa kaayengeli noye mu fala megulu puAbraham. Omuyamba okwa si wo nokwa fumvikwa. 23 Moshaasi okwa kala muuwehame. Sho a yelutha omeho, okwa mono kokule naye Abraham ye li naLasarus. 24 Oye nokwi igidha a ti: ‘Tate Abraham! Sila ndje ohenda, u tume Lasarus, a yaye omunwe gwe momeya, a talaleke elaka lyandje, oshoka ondi li muuwehame uunene momulilo!’
25 “Ihe Abraham okwa ti kuye: ‘Mumwandje, dhimbulukwa kutya, manga wa li kombanda yevi, owa pelwe iinima ayihe iiwanawa, ihe Lasarus okwa pelwe iinima ayihe mbyoka iiwinayi. Ngashingeyi Lasarus oku li mehala ndika ewanawa, manga ngoye to ehamekwa. 26 Ihe nando ongaaka, pokati ketu nangoye opu na olumbogo olunene, opo mboka ya hala okutaagulukila hoka kune, kaaye shi vule, nenge ya hala okutaagulukila huka kutse.’ 27 Omuyamba okwa ti: ‘Ano otandi ku indile tatekulu, u tume Lasarus kegumbo lyatate. 28 Ondi na ko aamwameme aalumentu yatano, opo e ke ya londodhe, kaaye ye mehala ndika lyuuwehame.’
29 “Abraham okwa ti: ‘Aamwanyoko oye na oohapu dhaKalunga, naa vulike kudho.’ 30 Omuyamba okwa yamukula: ‘Aawe, tate Abraham! Andola okwa li taku yumuka gumwe gwomaasi e ta yi kuyo, ando otaa etha uulunde.’ 31 Abraham okwa ti: ‘Ngele itaa vulika koohapu dhaKalunga, natango itaa itaale, nando naku yumuke gumwe gwomaasi.’ ”
Eendunge domukeleli mwii
1 Ndele Ye okwa lombwela ovalongwa vaye: “Okwa li ku na omulumenhu oshipuna shi nomukeleli weumbo lasho, a popiwa ta hanauna po emona lasho. 2 Ndele ye okwe mu ifana, ndele okwa tya kuye: ‘Ohandi ku udile shike hano? Valula oinima yomepangelo loye, ku na vali oku i pangela.’ 3 Opo nee omukeleli ou okwe lipulapula: ‘Ohandi ningi ngahelipi, omwene wange ngeenge ta kufa nge oukeleli? Okulima itandi ku dulu, nokweehela nda fya ohoni. 4 Ondi shi shii eshi handi ningi, opo va tambule nge momaumbo avo, ngeenge handi tewa mo moukeleli.’ 5 Ye okwa ifana aveshe ve noshikolo nomwene waye, okwa tya kwaau e uya mo tete: ‘oshikolo shoye nomwene wange oshi fike peni?’ 6 Ndele winya okwa tya: ‘Omaadi oivambelo efele.’ Opo ye okwa tya kuye: ‘Kufa omushangwa woye woshikolo, kala omutumba ove u shangele mo divadiva omilongo itano.’ 7 Ndele okwa tya kumukwao: ‘Ove nee, oshikolo shoye oshi fike peni?’ Ye okwa tya: ‘Oilya omakutu efele.’ Ye okwa tya kuye: ‘Kufa omushangwa woshikolo ove u shangele mo omilongo hetatu.’ 8 Omwene okwa pandula omukeleli ehe fi omuyuki molwaashi e neendunge. Osheshi ovana vounyuni ou ove na omakeko mokukalafana kwavo ve dule ovana vouyelele.”
9 Ame ohandi mu lombwele: “Likongeleni nemona loipupulu ookaume, olo ngeenge tali xulu po, opo ve mu tambule momaumbo aalushe. 10 Ou ha kala omudiinini moinini, ye omuwa nomwaai ihapu, ndele ou ke fi omuyuki moinima inini, ye ke fi omuyuki nomwaai ihapu yo. 11 Ndele ngeenge ihamu kala ovadiinini nemona loipupulu, olyelye te mu pe ei yoshili? 12 Ndele ngeenge ihamu kala ovadiinini noinima yovanhu, olyelye te mu pe ei yeni vene? 13 Ndele kape nomukalele ta dulu okulongela oovene vavali, osheshi ota kala nokutonda umwe nokuhola mukwao, ile ta hokwa ou ndele ta dini mukwao. Kamu dulu okukalela Kalunga nemona.”
Kalunga ha tale omwenyo
14 Ndele Ovafarisai venya va li ve hole oimaliwa, ove di uda adishe, ndele ove mu kenya. 15 Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.
16 “Ndele omhango novaxunganeki ova xulila muJohannes, ndele okudja kefiku olo ondaka iwa youhamba waKalunga otai udifwa, ndele aveshe tave liundulile mo neenghono. 17 Ndelenee eulu nedu nande naa xule po, komhango itaku di nande oshinghwanyu shimwe.
18 “Keshe tuu ou ta henge po omukainhu waye ndele ota hombola umwe e lilii, oye ta haele, naau ta hombola omuhengwa, ota haele.
Oshipuna naLasarus
19 “Ndele okwa li ku nomulumenhu oshipuna a djala oikutu itilyana naai itoka iwa, ndele okwa nyakukwa omafiku aeshe mewano loinima yaye. 20 Ndele ohepele imwe, edina layo Lasarus a nangala poshivelo shaye nolutu laye alishe la tuta omatito, 21 ndele okwa hala okulikutifa noundjaumukile ava hava u koshililo shoshipuna. Neembwa ode uya ndele oda lafa omatito aye. 22 Ndele opa ningwa nee, ohepele ya fya, ndele oya twalwa kovaengeli mekolo laAbraham, noshipuna osha fya yo, ndele tashi pakwa. 23 Ndele mokukala mouyehame moshovafi, eshi sha yelula omesho asho, osha mona Abraham kokule naLasarus mekolo laye. 24 Ndele ye okwa ingida a tya: ‘Tate Abraham, file nge onghenda, ove u tume Lasarus a yaveke oxulo yomunwe waye momeva, ye a talaleke elaka lange, osheshi ame ndi li mo handi yehamekwa nai momutemo ou.’ 25 Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa. 26 Ndelenee oku na vali ombwili inene ya tulwa pokati ketu nanye, opo aveshe venya va hala okutaulukila kunye, vaha dule, naavo ve li oko vaha dule okuuya kufye.’ 27 Ndele ye okwa tya: ‘Ohandi ku ilikana hano, tate, mu tuma keumbo latate, 28 osheshi ondi na ovamwameme ovalumenhu vatano, e va hepaululile, navo yo vaha ye monhele ei yomayehamo.’ 29 Ndele Abraham okwa tya: ‘Vo ove naMoses novaxunganeki, nava ude venya.’ 30 Ndelenee okwa tya: ‘Ahowe, tate Abraham, ngeenge umwe womovafi ta i ko kuvo, ngeno tave lidilulula.’ 31 Ndelenee ye okwa tya kuye: ‘Ngeenge itava udu Moses novaxunganeki, itava itavelifwa nande namu nyumuke umwe womovafi.’ ”
