Jesus ta longo okugalikana
(Mat. 6:9-13Mat. 7:7-11)1 Esiku limwe Jesus okwa li ta galikana pehala lyontumba. Sho a hulitha, gumwe gwomaalongwa ye okwa ti kuye: “Omuwa, tu longa okugalikana, ngaashi Johannes a longo aalongwa ye.”
2 Jesus okwa ti kuyo: “Ngele tamu galikana, tyeni:
‘Tate, edhina lyoye nali yapulwe,
Oshilongo shoye nashi ye.
3 Tu pa wo nena oshithima shetu twe shi pumbwa.
4 Dhima po oondjo dhetu,
ngashika natse wo tatu dhimi po dhaamboka ya yono kutse.
Ino tu fala mehongololo.’ ”
5 Jesus okwa ti kaalongwa ye: “Olye gwomune e na kuume ke te ya kaandjawo mokati kuusiku e te mu lombwele: ‘Kuume kandje, pe ndje iikwiila itatu. 6 Oshoka ondi na kuume kandje, opo a thiki ngashingeyi a zi mondjila, ihe ngame kandi na nando osha shoku mu pa, a lye.’ 7 Natu tye, kuume koye ngoka ote ku yamukula e li meni e ta ti: ‘Ino yonena ndje oomposi. Omweelo ogwa patwa nale, naamwandje oya lala mpaka pungame. Ite vulu okupenduka, ndi yi ku pe.’ 8 Ngame otandi mu lombwele: Ngele ita penduka, e ku pe iikwiila mbyono omoluukuume weni naye, oku na okupenduka e te ku pe shoka we shi pumbwa omoluudhiginini woye woku mu indila.
9 “Onkee tandi mu lombwele: Indileni, e tamu pewa; kongeni, e tamu mono; konkoleni, e tamu egululwa. 10 Oshoka kehe ngoka ti indile, ota pewa; naangoka ta kongo, ota mono; naangoka ta konkola, ote egululwa. 11 Omuvali olye gwomokati keni, omwana ngele te mu indile ohi, te mu pe eyoka? 12 Nenge te mu indile eyi, ye te mu pe ondje? Nenge temu indile eyi, ye te mu pe ondje. 13 Ano ne mboka aawinayi ngele omu shi okupa aana yeni omagano omawanawa, unene tuu Ho yeni yomegulu ota gandja Ombepo Ondjapuki kumboka taye mu indile.”
Jesus naBelsebul
(Mat. 12:22-30Mrk. 3:20-27)14 Jesus okwa tidha momulumentu ompwidhuli ihayi popi. Opwa ningi ihe, ompwidhuli sho ya tidhwa mo, omulumentu ngoka okwa tameke okupopya. Aantu oya kumwa, 15 nayamwe yomuyo oya ti: “OBelsebul, omukuluntu gwoompwidhuli e mu pe oonkondo dhokutidha mo oompwidhuli.”
16 Yamwe ishewe oye mu makele noye mu pula, e ya talithe oshikumithalonga shokuholola kutya ota longithwa kuKalunga. 17 Ihe Jesus sho a dhimbulula omadhiladhilo gawo, okwa ti kuyo: “Okehe tuu oshilongo tashi itsile ondumbo, otashi yonuka po. Osho wo egumbo ngele tali itsile ondumbo, itali kala po. 18 Satana ngele ti itsile ondumbo, oshilongo she otashi vulu tuu okukala po? One otamu ti kutya oonkondo dhokutidha mo oompwidhuli onde dhi pewa kuBelsebul. 19 Ngele osho tandi dhi tidha mo ngawo, aana yeni otaye dhi tidha mo noonkondo dhalye? Onkee ano oyo taa ningi aapanguli yeni. 20 Ihe ngele ngame otandi tidha mo oompwidhuli noonkondo dhaKalunga, nena Oshilongo shaKalunga oshi li pune.”
21 “Uuna omulumentu omunankondo e na iikondjitho ya gwana, nena ota tonatele nawa egumbo lye, neliko lye olya gamenwa. 22 Ihe ngele ta matukilwa komulumentu mukwawo e mu vule oonkondo e ta sindika, mukwawo ote mu yugu iikondjitho ye ayihe mbyoka a li inekela e ta topola oshihakanwa.”
23 “Kehe ngoka kee li kombinga yandje, oye okwa tsa ondumbo nangame. Naangoka itaa gongele pamwe nangame, oye ota halakanitha po.”
Okugaluka kwombepo ya nyata
(Mat. 12:43-45)24 “Ombepo ya nyata ngele tayi zi momuntu, otayi endagula nomitunda dhaa na omeya, tayi kongo evululuko, yo itayi li mono. Otayi ti: ‘Otandi shuna megumbo lyandje moka nda zile.’ 25 Ngele ya galuka, otayi adha egumbo lya kombwa nolyo opalekwa. 26 Nena otayi yi notayi etelele oombepo oonkwawo heyali dhi yi vule muuwinayi. Odho tadhi ya notadhi kala moka. Nena okukala kwahugunina kwomuntu ngoka otaku ningi okwiinayi ku vule kwopetameko.”
Uunelago
27 Jesus sho a mana okupopya ngeyi, omukiintu gumwe okwa thikama mokati kongundu nokwa popi mokule e ta ti kuye. “Omukiintu a li e ku vala e te ku yamutha, oye omunelago!”
28 Ihe Jesus okwa yamukula a ti: “Eeno, ihe aanelago oomboka taa uvu oohapu dhaKalunga e taye dhi dhiginine.”
Oshikumithalonga shaJona
(Mat. 12:38-42)29 Aantu manga taye mu ngundumanene, Jesus okwa tsikile ta ti: “Aantu yopethimbo ndika oyo aawinayi. Oya hala oshikumithalonga, ihe itaa pewa oshikumithalonga shilwe, osho tuu shoka shaJona. 30 Oshoka ngaashi omuhunganeki Jona a li endhindhiliko kAaninive, osho wo Omuna gwOmuntu ota ka kala endhindhiliko kaantu yopethimbo ndika. 31 Omukwaniilwa omukiintu gwokuumbugantu ota ka holoka mesiku lyepangulo pamwe nane note ke mu pa uusama, oshoka oye okwa zile kooha dhuuyuni, a pulakene oondunge dhaSalomo; ihe nguka e li mpaka, oku vule Salomo. 32 Aaninive otaa ka holoka mesiku lyepangulo pamwe nane notaye ke mu pa uusama, oshoka oyo oyi itedhululithwa keuvitho lyaJona; ihe nguka e li mpaka oku vule Jona.”
Uuyelele wolutu
(Mat. 5:15Mat. 6:22-23)33 “Kaku na omuntu ta tema olamba e te yi holeke nenge te yi tula kohi yontungwa. Aawe, okoshihukikwa, opo mboka taye ya megumbo, ya mone uuyelele. Kaku na omuntu ta tema olamba e te yi holeke nenge te yi tula kohi yontungwa. 34 Omeho geni ogo olamba yolutu. Ano omeho goye ngele omandjolowele, nena olutu lwoye aluhe olu na uuyelele. Ihe omeho goye ngele kage li nawa, nena olutu lwoye aluhe olu li momilema. 35 Kotoka ano, uuyelele mbuka u li mungoye waa ninge omilema. 36 Ngele olutu lwoye aluhe olu na uuyelele, kaalu na nando ombinga yimwe yi li momilema, nena olutu aluhe otalu gandja uuyelele, noto kala wa fa wa minikilwa kuuyelele wolamba.”
Jesus ta kumagidha aantu, ya angale uufudhime
(Mat. 23:1-36Mrk. 12:38-40)37 Jesus sho a mana okupopya, omufarisayi gumwe okwe mu ithana komwiha maandjawo. Jesus okwa yi nokwa kuutumba poshililo. 38 Ihe omufarisayi okwa kumwa, sho a dhimbulula kutya Jesus ini iyoga kiikaha, manga inaa tameka okulya. 39 Opo Omuwa okwe mu lombwele a ti: “Ne aafarisayi, ndishi ohamu yogo oshitenga netemba kombanda, ihe ne yene meni omu udha eyugo nuuwinayi auhe. 40 Magoya ne! Kalunga ngoka a shiti kombanda, haye tuu a shiti nomeni wo? 41 Ano gandjeni koohepele shoka shi li moshitenga, nena ayihe otayi kala ya yogoka.”
42 “Yayee ne, aafarisayi! Oshoka ohamu gandja kuKalunga oshitimulongo shiigwanga yaa na oshilonga: ominti, iizimba noomboga, ihe ohamu dhini uuyuuki nohole yokuhola Kalunga.”
43 “Yayee ne, aafarisayi! Oshoka omu hole okukuutumba kiipundi yokomeho moosinagoga nokukundilwa pokuma hapu gongala aantu. 44 Yayee ne! Oshoka omwa fa oombila dha filala, naantu otaa ende kombanda yadho yo inaa tseya sha.”
45 Gumwe gwomaanongompango okwa ti kuJesus: “Muhongi, sho wa popi ngawo, owe tu shekitha.”
46 Jesus okwa ti: “Yayee ne, aanongompango! Oshoka ohamu tsike omitenge omidhigu komapepe gaantu, ihe ne yene ihamu gumu ko nando onomunwe gumwe. 47 Yayee ne! Oshoka ohamu tungu oombila dhaahunganeki mboka ya dhipagwa koohokulu yonale. 48 Ano osho ngeyi otamu iholola kutya omwa tseya notamu zimine shoka oohokulu ya ningi; oyo oya dhipaga aahunganeki, ihe ne otamu ya tungile oompampa. 49 Onkee ano uunongo waKalunga otau ti: ‘Otandi ya tumine aahunganeki naatumwa. Yamwe yomuyo otaye ya dhipaga nayamwe otaye ya tidhagana.’ 50 Onkee ano aantu yopethimbo ndika otaa ka geelwa omolwedhipago lyaahunganeki ayehe mboka ye ya dhipaga okuza keshito lyuuyuni, 51 okuza kokudhipagwa kwaAbel sigo okokudhipagwa kwaSakaria, ngoka a dhipagelwa pokati koshiyambelo nEha eyapuki. Eeno, otandi mu lombwele, aantu yopethimbo ndika itaa kala inaa geelwa.”
52 “Yayee ne, aanongompango! One omwa kutha po oshipatululo shokweegulula omweelo gwegumbo lyuunongo. Ne yene sho itaamu yi mo, otamu keelele mboka ya hala okuya mo.”
53 Jesus sho a zi mo megumbo, aalongimpango naafarisayi oya tameke oku mu gongalela noku mu pa uusama miinima oyindji; 54 oya kambadhala oku mu langela, opo ye mu kwate moohapu.
Jesus ta longo okwiilikana
1 Ndele opa ningwa, Ye eshi a li monhele yonhumba ta ilikana, eshi a mana, umwe womovalongwa vaye okwe mu lombwela: “Omwene, tu longa okwiilikana ngaashi Johannes a longa ovalongwa vaye.” 2 Ndele Ye okwa tya kuvo: “Ngeenge tamu ilikana, tyeni:
‘Tate, edina loye nali yapulwe,
ouhamba woye nau uye,
ehalo loye nali wanifwe
kombada yedu yo ngaashi meulu,
3 tu pa efiku keshe omungome wetu womafiku aeshe,
4 ndele dima po omatimba etu,
osheshi nafye yo ohatu dimine po keshe tuu ou e noikolo nafye,
ino tu twala momayeleko,
ndelenee tu xupifa momunawii.’ ”
5 Ndelenee Ye okwe va lombwela: “Olyelye womunye e na kaume kaye te uya kuye mokati koufiku ndele ta ti: ‘Kaume kange, pe nge omingome nhatu, 6 osheshi kaume kange a dja mondjila e uya kwaame nondihe na eshi handi mu pakele po;’ 7 ndele winya womeumbo te mu nyamukula ndele ta ti: ‘Ino ningila nge oupyakadi, omuvelo owa patwa, nounona vange va nangala pwaame momutala, itandi dulu okupenduka ndi di ku pe.’ 8 Ohandi mu lombwele, ngeenge ita penduka e mu pe omolwoukaume, ota penduka omolwekenyeneko laye, ndele ote mu pe shi fike peemhumbwe daye. 9 Ndelenee handi mu lombwele: indileni, ndele tamu pewa, kongeni, ndele tamu mono, kongholeni, ndele tamu yeululwa. 10 Osheshi keshe tuu ou ta indile, ota pewa, nakeshe tuu ou ta kongo, ota mono, naau ta konghola, ota yeululwa. 11 Ndele olyelye womunye xe ou, omona waye ngeenge te mu indile oshi, te mu pe eyoka ponhele yoshi, 12 ile te mu indile ei, ndele te mu pe ngeno ondje?Ngeenge te mu indile ei, te mu pe ngeno ondje? 13 Hano nye ava muvai, ngeenge omu shii okupa ovana veni oipewa iwa, unene tuu Xo yeni yomeulu ota yandje Omhepo Iyapuki kwaava tave mu indile.”
Jesus te lipopile
14 Opo Ye okwa ta mo ondemoni ei ya fitika ondaka, ndele opa ningwa, ondemoni eshi ya tewa mo, omulumenhu omufitandaka okwa popya, neengudu dovanhu oda kumwa. 15 Ndele vamwe vomuvo ova tya: “Eendemoni ote di tefa Belsebul, omukulunhu weendemoni.” 16 Ndele vamwe ova hala oku mu yeleka ndele ove mu pula edidiliko lomeulu. 17 Ndele Ye eshi kwa li e wete omadiladilo avo okwe va lombwela: “Keshe tuu oshilongo ngeenge shi nondubo musho vene, otashi hanauka po, nongulu otai wile ikwao. 18 Ndele Satana ngeenge e nondubo muye mwene, oshilongo shaye otashi kala po ngahelipi? Ngaashi tamu ti, eendemoni ohandi di tefa Belsebul; 19 Ndele eendemoni ngeenge handi di tefa mo Belsebul, ovana veni otave di tefa mo lyelye? Onghee vo otava ningi ovatokoli veni. 20 Ndelenee shimwe ashike, eendemoni ngeenge handi di tefa nomunwe waKalunga, opo nee ouhamba waKalunga owe uya kunye.
21 “Omunaenghono ngeenge a homata oiti yaye, ndele ota kelele eumbo laye, emona laye ola amenwa. 22 Ndelenee ngeenge taku di ou e mu dule eenghono ndele te mu te, ote mu nyeka oilwifo yaye, kwa li e i lineekela, ndele ta tukula oshihakanwa e shi mu nyeka. 23 Ou ehe li pamwe naame, ye oku na ondubo naame, naau ita ongele pamwe naame, ye ota hanauna po.
24 “Omhepo ya nyata ngeenge tai di momunhu otai pumauka meenhele dihe nomeva, tai kongo etulumuko, ndele eshi itai li mono, otai ti: ‘Ohandi ka shuna meumbo lange nda dile mo.’ 25 Ndele ngeenge tai i mo, otai li hange la kombwa nola wapekwa, 26 yo otai i ndele tai ka kufa eemhepo dikwao heyali, edi di i dule mowii, notadi uya ndele tadi kala mo, nohauxuuninwa yomunhu ou otai ningi ii, i dule yotete mowii.”
27 Ndele fimbo kwa li ta tongo odo, omukainhu umwe womongudu a popya mokule ta ti: “Edimo le ku humbata oli na elao nomavele aa wa nyama.” 28 Ndele Ye okwa tya: “Oshili, ovanelao ovava tava udu eendjovo daKalunga ndele tave di diinine.”
Edidiliko laJona eshi tali ti
29 Ndelenee eengudu dovanhu eshi da ongala, Ye okwa hovela okupopya ta ti: “Epupi eli lii hali pula edidiliko, ndele itali pewa limwe li lili olo tuu eli lomuxunganeki Jona alike. 30 Osheshi ngaashi Jona a li edidiliko kOvaninive, osho nOmona wOmunhu ta kala edidiliko kepupi eli. 31 Ohamba omukainhu yokoumbuwanhu tai holoka petokolo lovalumenhu vepupi eli, ndele tai va pe etimba, osheshi yo oya dile keexulo dedu i ude eendunge daSalomo, ndele tala, ou e li apa, e dule Salomo. 32 Ovalumenhu Ovaninive otava ka nyumuka efiku letokolo, nepupi eli, ndele tave li pe etimba, osheshi vo ove lidilululifwa keudifo laJona, ndele tala, ou e li apa, e dule Jona.
Eisho oshela yolutu
33 “Ndele kape na omunhu ta tema olamba, ndele te i tula mekololo ile koshi yoshimbale, ndelenee ote i tula koshikwatelwalamba, opo ovo have uya mo va mone ouyelele.Kape na omunhu ta tema olamba, nde te i tula mekololo ile koshi yoshimbale. 34 Eisho loye olo olamba yolutu. Eisho loye fimbo li li nawa, nolutu loye alishe oli na ouyelele, ndele ngeenge olii, nolutu loye li nomilaulu. 35 Lungama hano, ouyelele womeni loye uha kale omulaulu. 36 Hano olutu loye alishe ngeenge la yela, muhe na nande ombinga i li momulaulu, otali ningi ouyelele auke, ove wa fa wa minikilwa komutemo wolamba.”
Ekondjifo loihelele yOufarisai
37 Ndele fimbo a popya edi, Omufarisai umwe okwe mu ifana komwisha, Ye okwa ya mo ndele a kala omutumba poshililo. 38 Ndele Omufarisai eshi a mona Ye ine likosha, eshi a ka lya, okwa kumwa. 39 Ndelenee Omwene okwe mu lombwela: “Nye Ovafarisai, ohamu kosho eholo netiti kombada, ndele meni leni omu yadi enyeko nowii. 40 Omalai nye, ou a shita eshi shokombada, haye tuu a shita eshi shomeni yo? 41 Eshi shomeni shi yandjeni oikwafa yeehepele, aishe notai mu koshokele.
42 “Ndelenee woo, nye Ovafarisai, eshi hamu yandje oitimulongo yombidi noyoidimba noyeembidi adishe, ndele hamu pitilile ouyuki nohole okuhola Kalunga, eshi oshi nokuwanifwa naashinya kashi na okweefiwa. 43 Woo nye Ovafarisai, eshi mu hole oipundi yokomesho moshinagoga nokupopifwa pomalandelo. 44 Woo nye ovanongo vomishangwa nOvafarisai, eshi mwa fa eembila dihe wetike, novanhu tava ende kombada yado, ndele vo kave shi shii.”
45 Opo umwe womovanongo vomishangwa a hovela okupopya ndele ta ti kuye: “Omuhongi, eshi to popi ngaha, oto tu fifa ohoni.” 46 Ndele Ye okwa tya: “Woo nanye yo ovanongo vomhango, eshi hamu twike ovanhu omitengi didjuu okuhumbata, nye vene ihamu di kumu nande okamunwe keni kamwe. 47 Woo nye, ovo hamu wapeke eembila dovaxunganeki, vo ova dipawa kooxo. 48 Hano osho ngaha onye eendobwedi doilonga yooxo, ndele mwe i itavela, osheshi vo ove va dipaa, ndele nye otamu tungu eembila davo. 49 Onghee ounongo waKalunga tau ti: ‘Ohandi va tumine ovaxunganeki novayapostoli, navamwe vomuvo otave va dipaa, navakwao tave va taataa,’ 50 epupi eli opo li pulwe ohonde yovaxunganeki aveshe ya tilwashi okeshito lounyuni, 51 okohonde yaAbel fiyo okohonde yaSakaria a dipaelwa pokati keyambelo notembeli. Heeno, ohandi mu lombwele oyo otai ka pulwa kepupi eli.
52 “Woo nye ovanongo vomhango, eshi mwa nyeka ko oshapi younongo, nye vene inamu ya mo, naavo va hala okuya mo, omwe va kelela.”
53 Ndele eshi e va lombwela oinima ei, ovanongo vomishangwa nOvafarisai va hovela oku mu fininika noku mu pula oinima ihapu, 54 noku mu nangela, va mone sha oku mu pa etimba.
