Okutopolwa kwevi kuuninginino waJordan
1 Mpaka otapa landula ehokololo, nkene evi lyaKaanan kuuninginino waJordan lya topolelwa Aaisraeli. Osha ningwa komuyambi Eleasar, kuJosua yaNun nokaawiliki yomaludhi gomomazimo gaIsrael. 2 Ngaashi Omuwa a li a lombwele Moses, iitopolwa yomazimo omugoyi netata kuuninginino waJordan oyu uthwa nokuumba oshihogololitho. 3-4 Moses okwa li a gandja nokuli evi kuuzilo waJordan komazimo gaali netata. (Oluvalo lwaJosef olwa li lwa topolwa momazimo gaali: ndyoka lyaManasse naandyoka lyaEfraim.) Ihe Aalevi inaa pewa kuMoses oshitopolwa shasha. Oya pewa ashike iilando yokukala mo nomalundu guunapelo okulitha oongombe dhawo, oonzi niikombo yawo. 5 Aaisraeli oya topola evi, ngaashi Omuwa a lombwelele Moses.
Hebron tashi pewa Kaleb
6 Esiku limwe aantu yamwe yomezimo lyaJuda oye ya kuJosua kuGilgal. Gumwe gwomuyo, Kaleb kaJefunne Omukenasi, okwa ti kuye: “Ou shi shi shoka Omuwa a popi muKadesh Barnea kombinga yetu nangoye kuMoses, omuntu gwaKalunga. 7 Onda li ndi na omimvo omilongo ne, sho Moses, omumati gwOmuwa, a tumu ndje okuza kuKadesh Barnea okundaadha evi ndika. Onde mu etele ondjokonona yoshili. 8 Aalumentu mboka ya yile ko pamwe nangame, oya mbandameke oshigwana shetu, ihe ngame onda li nda dhiginine okuvulika kOmuwa, Kalunga kandje. 9 Sho nda ningi ngeyi, Moses oku uvanekele ndje euvaneko lya kola nokutya ngame noluvalo lwandje otatu ka pewa eliko lyetu mevi ndyoka nde li lyata oompadhi. 10 Eewa, ngashingeyi opwa piti omimvo omilongo ne nantano, Omuwa sho e shi lombwele Moses. Shika osha ningwa, manga Israel a li mombuga. Pauvaneko lye Omuwa okwa gamene ndje, ndi kale ko natango ndi na omwenyo. Ondi na oomvula omilongo hetatu nantano, 11 ihe oonkondo dhandje natango tuu odhi thike pundhoka, Moses sho a tumine ndje. Natango tuu onda gwana okuhinga iita nenge okuninga sha shilwe. 12 Pe ndje ano evi ndyoka lyokoondundu Omuwa u uvanekele ndje esiku ndiyaka. Ngoye owa kundana esiku ndiyaka kutya hwiyaka oku na oludhi lwaalefule halu ithanwa Aayanakim, ya kala miilando iinene yomadhingililokuma. Ondi inekela, Omuwa ota ka kala pamwe nangame, opo ndi ya tidhe mo, naanaa ngaashi Omuwa a ti.”
13 Josua okwa yambeke Kaleb kaJefunne e te mu pe oshilando Hebron, shi ninge eliko lye. 14 Sigo onena Hebron osholuvalo lwaKaleb kaJefunne Omukenasi, oshoka okwa li a vulika kOmuwa, Kalunga kaIsrael. 15 Nale Hebron osha li hashi ithanwa oshilando shaArba. (Arba okwa li nale omunenentu mokati kAayanakim.)
Nomoshilongo omwa li ombili.
Edu lokouninginino waJordan tali tukulwa
1 Eenhele odo ovana vaIsrael va pewa ngaashi oitukulwafyuululwa medu laKaanan, odo omupristeli Eliaser naJosua yaNun novakulunhu vomaludi omomapata ve va tukulila 2 noshihoololifo ngaashi oshitukulwafyuululwa palombwelo lOmwene, Ye a lombwelifa Moses ta tongo omapata omugoi netata lepata. 3 Osheshi Moses a yandja komapata avali netata lepata oitukulwafyuululwa kombinga inya yaJordan. Ndelenee Ovalevi ine va pa oshitukulwafyuululwa mokati kavo. 4 Osheshi ovana vaJosef va li omapata avali nokutya, Manasse naEfraim. Ndelenee Ovalevi inava pewa oshitukulwa shomedu, ndelenee oilando ashike, va kale mo muyo, nosho yo eenhele doulifilo molwoimuna yavo noinima yavo. 5 Omwene ngaashi a lombwela Moses, osho ngaha Ovaisraeli va ninga ndele va tukula edu.
Oshitukulwafyuululwa shaKaleb
6 Opo nee ovana vaJuda ve uya koshipala shaJosua muGilgal, ndele Kaleb yaJefunne, Omukenisi, okwe mu lombwela: “Ondjovo oyo Omwene e i lombwela Moses, omulumenhu waKalunga, a tonga omolwange nomolwoye yo muKades-Barnea, ou i shii. 7 Ame nda li nda wanifa omido omilongo nhee, Moses, omupiya wOmwene, eshi a tuma nge muKades-Barnea, ndi ye okulava oshilongo, ndele nde mu hepaululila naanaa ngaashi ndi shii momutima wange. 8 Ovakwetu venya va ile ko pamwe naame, va mbadapaleka omitima dovanhu, ndelenee ame nda li nda diinina mokushikula Omwene Kalunga koye. 9 Mefiku tuu linya Moses okwa ana ta ti: ‘Oshili, edu olo omhadi yoye ya lyata, otali ka ninga loye nololudalo loye ngaashi oshitukulwafyuululwa shavo fiyo alushe, shaashi ove wa diinina mokushikula Omwene Kalunga kange.’ 10 Ndelenee paife, tala, Omwene e shi itavela ngaashi a udaneka, ndi kale nomwenyo natango omido omilongo nhee nanhano konima yefimbo linya Omwene a lombwela Moses ondjovo oyo fimbo Israel sha enda mombuwa. Ndele tala paife omido dange di li omilongo hetatu nanhano. 11 Ndele fiyo onena eli ndi neenghono di fike peenghono dange mefiku linya, Moses a tuma nge. Eenghono ngaashi da li mefimbo linya osho di li nonena: ndi neenghono nokulwa nokupita mo nokuuya mo. 12 Pe nge hano eemhunda odo da tongwa kOmwene, osheshi ove mwene we shi uda mefiku linya, nokutya Ovaanaki va kala ko, noko kwa li oilando inene i neehotekuma. Kashiimba Omwene e li pamwe naame, ndi shiive oku va taataa, ngaashi Omwene a tonga.” 13 Opo nee Josua okwa nangeka noupuna Kaleb yaJefunne nokwe mu pa Hebron ngaashi oshitukulwafyuululwa. 14 Osho ngaha hano Hebron sha ninga oshitukulwafyuululwa shaKaleb yaJefunne, Omukenisi, ngaashi shi li nonena, osheshi ye okwa li a diinina mokushikula Omwene Kalunga kaIsrael. 15 Ndelenee edina laHebron la li nale Kiriat-Arba, omolwedina laArba, ou a li omupangeli e neenghono e dule vakwao mokati kOvaanaki. Ndele edu la mona etulumuko koita.
