Job ta yamukula
1 Job okwa yamukula ngeyi:
2 Eeno, onda tseya kutya shika oshoshili.
Ihe nakukasa ota wapa ngiini okukala omuyuuki koshipala shaKalunga?
3 Kaku na omuntu ta vulu okuludhika naKalunga noku mu yamukula.
Ita vulu okuyamukula nando epulo lye limwe lyomomapulo eyuvi.
4 Kalunga oye omunandunge,
oku na oonkondo dha shiga ko;
kaku na omuntu ta vulu oku mu kondjitha.
5 Oondundu ote dhi pungulula inaadhi shi tseya
nomokugeya kwe ote dhi hanagula po.
6 Ota tumu omakakamo gevi, notage li shikashika,
nota telaganitha oongudhi dhalyo.
7 Ota lombwele etango lyaa minikile we
nota luudhike oonyothi uusiku.
8 Oye a alele ko egulu
noye te ende kombanda yomakuthikuthi mefuta.
9 Oye a shiti Oshothi, Okalimbanombwa, Omanyuku nEkaladhidhi.
10 Oha longo iinyengandunge tayi nyenge oondunge dhetu,
niikumitha itaayi wapa okuyalulwa.
11 Kalunga ngele te ende pungame, itandi mu mono,
ngele ta piti po, itandi mu dhimbulula.
12 Kalunga ngele ta kutha sha,
olye ta vulu oku mu keelela?
Olye ta vulu oku mu pula: “Oto ningi shike?”
13 Kalunga ita shunitha ondjahi ye,
naakwathi yaRahab otaye mu tsile oongolo.
14 Otandi vulu ngiini okuludhika naKalunga?
Otandi adha peni iitya, tu tompathane naye?
15 Nando ondi kale omuyuuki,
itandi vulu oku mu yamukula.
Otandi vulu owala okwiindila omutokoli gwandje, a sile ndje ohenda.
16 Nando onde mu ithanene e ta yamukula ndje,
natango itandi itaale kutya otu uvu ndje.
17 Ota dhengitha ndje oshikungulu
noti indjipaleke iilalo yandje pwaa na etompelo.
18 Ite etha we ndi fudhe po;
okwa pe ndje uululume.
19 Ote vulu okuthiminika ngoka e na oonkondo e vule ndje?
Ote vulu oku mu fala koompangu?
Olye te mu fala ko?
20 Nando ondi kale omuyuuki,
okana kandje otaka pe ndje uusama.
Nando ondi kale omukeenashipo,
otaka tamaneke ndje.
21 Nonando kandi na uusama,
kashi shi oshinima shandje.
Onda vulwa okukala nomwenyo.
22 Ashihe osha faathana:
Kalunga ota dhipaga po omuyuuki nomulunde.
23 Ngele omuyuuki ta adhika keso lyombaadhilila,
Kalunga ote mu yolo, sho kee na omukumo.
24 Uuna uuyuni tau yi mepangelo lyaakaanakalunga,
aatokolihapu ayehe ote ya posipaleke.
Ngele Kalunga ine shi ninga, olye te shi ningi?
25 Omasiku gandje otage endelele ge vule omumatuki;
otaga tuka po gaa na nando enyanyu lyasha.
26 Otaga matuka ga fa oowato,
noga fa omakodhi taga fegula iihakanwa.
27 Ngele tandi ti kutya otandi ka dhimbwa omayemato gandje,
nena ote lundulula oshipala shandje e tandi imemeha.
28 Onda tilithwa kuuwehame,
oshoka ondi shi shi kutya Kalunga ita tala ndje omuyuuki.
29 Ngele ngame omunandjo,
omolwashike tandi ihepeke?
30 Kaku na othewa tayi yogo po oondjo dhandje,
nomutoko itagu yeleke iikaha yandje.
31 Kalunga otu umbile ndje moshilambo shontopo,
noonguwo dhandje otadhi si ndje ohoni.
32 Oshoka Kalunga ke shi muntu,
opo ndi vule oku mu yamukula
nondi tamanane naye moompangu.
33 Kape na nando omuntu gumwe
ta vulu okuninga omupanguli pokati ketu,
a tokole pokati kandje naKalunga.
34 Olye ta kutha ndje omadhengo gaKalunga,
opo gaa haluthe ndje we?
35 Nena ando otandi popi inaandi mu tila,
ihe ngashingeyi ite vulu sha.
Job ta nyamukula
1 Ndelenee Job okwa nyamukula ndele ta ti: 2 “Oshili, ondi shi shii, oyo oyoshili. Omunhu ota dulu ngahelipi okumonika omuyuki koshipala shaKalunga. 3 Omunhu ngeno a hala okutwa eemhata naye, ngeno ita dulu oku mu nyamukula nande ondjovo imwe yomeendjovo eyovi. 4 Ye omunongo weendunge nomunaenghono weenghono. Olyelye ou e mu twila ondubo, ndelenee ina handukilwa ngeno? 5 Oye ta dikulula eemhunda, vo inave shi shiiva. Mehandu laye te di hanauna po. 6 Ye ota kakamifa edu, tali di po ponhele yalo neengudi dalo tadi dekweta. 7 Oye ta lombwele etango, lo itali piti, ndele ta idile po eenyofi noshihako shaye. 8 Ye aeke ta yale omaulu ndele ta lyataula omakufikufi efuta. 9 Oye a ninga onyofi yaBeer nOkalimba nOmbwa nOshofi neenduda dokoumbuwanhu. 10 Oye ta ningi oilonga inene tai nyenge okukonakonwa noikumwifa kai shi kuvalwa.
11 “Tala, Ye ota ende po pwaame ndelenee kandi mu wete. Ye ta telaana ta koya nge po, ndelenee ame itandi mu dimbulukwa. 12 Tala, Ye ota kufa oihakanwa, olyelye ta dulu oku mu kelela? Olyelye te mu pula: Ove to ningi shike? 13 Kalunga ita mwena mehandu laye. Noonakupopila Rahab ve nokulixupipika koshi yaye. 14 Ongahelipi hano ame handi dulu oku mu nyamukula, nokuhoolola eendjovo dange tu twe eemhata naye? 15 Nande ndi kale ndimuyuki, handi nyengwa okunyamukula. Ame ndi nokwiindila omutokoli wange a file nge onghenda. 16 Nande ndi mu ifane ndele Ye a nyamukule nge, inandi itavela Ye a tambula momatwi aye onghuwo yange. 17 Osheshi Ye ota taataa nge po noshikungulu shaye, ndele ta hapupalifa oipute yange oshimha. 18 Ye ita itavelele nge okufudifa nande omufudo, ndelenee ta yadifa nge nouyehame ulula. 19 Ngeenge taku pulwa eenghono domunaenghono, Ye ta ti: Aame ou! Ndelenee ngeenge ouyuki tau pulwa, ta ti: Olyelye ta dulu okuhokololifa nge? 20 Nande ndi kale ndimuyuki, okanya kange mwene taka pe nge oushima. Nande ndi kale ndihe nombedi, Ye ota mono owii mwaame. 21 Kandi nombedi. Ihandi yavala omwenyo wange; okukalamwenyo kwange onde ku dina. 22 Ashishe shimwe! Onghee handi ti: Ye ota xulifa ou ehe nombedi naau e nombedi. 23 Ongola ngeenge tai dipaa po ohangelela, Ye ota sheke eliekelelo laau ehe noushima. 24 Edu ola yandjwa mepangelonghono lovakolokoshi, Ye ota uvike oipala yovatokoli vaye. Ngeenge haye, olyelye hano?
25 “Heeno, omafiku ange e nonhapo e dule eenhondoki, taa i onhapo itaa mono elao; 26 tae litetuka nokweendelela ngaashi eewato deembungu, ngaashi onhwa tai kolokele poshihakanwa. 27 Ngeenge handi ti: Nda hala okudimbwa oluhodi lange, nda hala okulundulula oshipala shange nokunyakukwa, 28 opo nee handi haluka molwouyehame wange, ondi shi shii, Ove ito pe nge ounongo. 29 Ondi nokukala ndi noushima omolwashike handi lihepeke oshimha? 30 Nande ndi likoshe noshitwime, ndele ndi yelife omake ange nofewa, 31 natango tuu to ninginifa nge melambo leenyata, oikutu yange tai nyonyodola nge.
32 “Osheshi Ye ke fi omunhu ngaashi ame, ndi shiive oku mu nyamukula, tu shiive ngeno okuya pamwe koihokolola. 33 Kape nomutokoli pokati ketu naye, ou ta dulu okutenheka eke laye kufye vavali. 34 Na kufe po oshiti shaye pwaame, omahalukifo aye aha tilife nge, 35 opo ame ohandi popi, ndele itandi mu tila vali, osheshi ame hasho ndi li.
