Jesus ta aludha omuvalwa omuposi
1 Jesus manga a li te ende, okwa mono omulumentu omuposi, nkene tuu a valwa. 2 Aalongwa ye oye mu pula ya ti: “Muhongi, olye a yono, omulumentu nguka opo a valwe omuposi? Aakuluntu ye nenge oye mwene?”
3 Jesus okwa yamukula. “Uuposi we kau na sha noondjo dhe nenge dhaakuluntu ye. Ye okwa ningi omuposi, opo oonkondo dhaKalunga dhi hololwe muye. 4 Tse otu na okukala tatu longo iilonga yaanguka a tumu ndje, manga tu na omutenya. Uusiku otau ya, uuna kaape na we ngoka ta vulu okulonga. 5 Manga ngame ndi li muuyuni, ongame uuyelele wuuyuni.”
6 Jesus sho a popi oohapu ndhika, okwa hiyile omayeye pevi nokwe ga pilulile mumwe nevi e ta gwayeke enono ndyoka komeho gomulumentu ngoka 7 nokwa ti kuye: “Inda, u ki iyoge moshipala medhiya lyaSiloa.” (Edhina ndika otali ti “Omutumwa.”) Omulumentu okwa yi e ti iyogo moshipala nokwa galuka ko omunameho.
8 Nena aashiinda naantu mboka ya li haye mu mono shito, sho ta hehela, oya ti: “Omulumentu nguka haye ngoka a li ha kuutumba ta hehela?”
9 Yamwe oya ti: “Oye ngoka.” Ihe ooyakwawo oya ti: “Aawe, haye, okwe mu fa ashike.”
Omulumentu ye mwene okwa ti: “Ongame ngaa.”
10 Oyo oye mu pula ya ti: “Omeho goye oga tonatithwa ngiini?”
11 Oyo okwa yamukula a ti: “Omulumentu ngwiyaka haku tiwa Jesus, oye a pilula enono lyomayeye nokwe li gwayeke komeho gandje e ta lombwele ndje, ndi ki iyoge moshipala medhiya lyaSiloa. Ngame onda yi, naasho ndi iyogo, onda tonata.”
12 Oyo oya ti kuye: “Omulumentu ngoka oku li peni?”
Oye okwa ti: “Kandi shi wo.”
Aafarisayi taa konakona ealudho
13 Nena oya fala omulumentu ngoka a li nale omuposi, kaafarisayi. 14 Esiku ndyoka Jesus a li a pilula enono lyomayeye nokwa tonatitha omeho ge, olya li Esabati. 15 Aafarisayi oya pula ishewe omulumentu, nkene a ningi omunameho. Oye okwe ya lombwele a ti: “Omwaaludhi gwandje okwa tula ndje enono pomeho, ngame ondi iyogo moshipala nonda mono ko.”
16 Yamwe yomaafarisayi oya ti: “Omulumentu ngoka a ningi oshinima shika, ina za kuKalunga, oshoka iha vulika kompango yEsabati.”
Ooyakwawo oya ti: “Omulumentu nguka ngele omulunde, ota vulu ngiini okulonga iikumithalonga yi thike mpaka?” Opo nopwa holoka etopoko mokati kawo.
17 Aafarisayi oya pula natango omulumentu ngoka a li omuposi: “Ngoye oto tile ngiini omulumentu ngoka a tonatitha omeho goye?”
Oye okwa yamukula a ti: “Oye omuhunganeki.”
18 Aajuda oya li inaa hala okwiitaala kutya omulumentu nguka okwa li omuposi, ihe ngashingeyi oku wete ko, sigo yi ithana aakuluntu yaangoka a tonatithwa 19 noye ya pula ya ti: “Nguno omuna gweni? Mwa ti, okwa valwa omuposi? Ongiini ano, sho e wete ko ngashingeyi?”
20 Aakuluntu ye oya yamukula ya ti: “Tse otu shi shi kutya ye omumwetu nokwa valwa omuposi. 21 Ihe katu shi wo kutya oshe ende ngiini, ngashingeyi sho e wete ko. Osho wo ngoka a tonatitha omeho ge, katu mu shi. Puleni omwaaludhwa. Ye okwa koka, na yamukule ye mwene.” 22 Aakuluntu ye oya popi ngeyi, oyo oya li ya tila Aajuda. Oshoka Aajuda oyu uvanene kutya kehe ngoka ta hempulula kutya Jesus oye Kristus, ota kondwa mo mosinagoga. 23 Onkee aakuluntu ye oya ti “Oye okwa koka, mu puleni.”
24 Aafarisayi oya ithana olutiyali omulumentu ngoka a li omuposi noya ti kuye. “Uvaneka koshipala shaKalunga kutya oto ka popya oshili! Tse otu shi shi kutya omulumentu ngwiyaka omulunde.”
25 Omwaaludhwa okwa yamukula a ti: “Ngame kandi shi wo, ngele ye omulunde. Shimwe ashike ndi shi shi, osho shika: Ngame onda li omuposi, ihe ngashingeyi ondi wete ko.”
26 Oyo oya ti kuye: “Okwe ku ningi ngiini ano? Omeho goye okwe ga tonatitha ngiini?”
27 Oye okwe ya yamukula: “Onde mu hokololole nale, ihe inamu pulakena. Omolwashike mwa hala oku shi uva natango? Nane wo omwa hala okuninga aalongwa ye?”
28 Aafarisayi oye mu nyana ya ti: “Ongoye awike omulongwa gwe, tse aalongwa yaMoses. 29 Tse otu shi shi kutya Kalunga okwa popile naMoses, ihe omulumentu ngoka katu shi nkoka a za.”
30 Omutonatithwa okwe ya yamukula a ti: “Oshikumitha osho shika kutya ne kamu shi nkoka a za, ihe oye tuu a tonatitha omeho gandje. 31 Tseni atuheni otu shi shi kutya Kalunga iha pulakene ewi lyaalunde, ihe oha pulakene aantu mboka haye mu tila nohaa gwanitha ehalo lye. 32 Okuza ketameko lyuuyuni inaku uvika nando ogumwe a tonatitha omeho gomuntu a valwa omuposi. 33 Omulumentu nguka ando okwa li inaa za kuKalunga, ando ke na shoka ta vulu okuninga.”
34 Oyo oye mu yamukula ya ti: “Ngoye owa valelwa nowa putukila muulunde, ihe owa hala oku tu longa?” Oyo noye mu umbu mo mosinagoga.
Uuposi wopambepo
35 Jesus oku uvu kutya oye mu umbu mo mosinagoga. Sho e mu mono, okwa ti kuye: “Ngoye owi itaala Omuna gwOmuntu?”
36 Omulumentu okwa yamukula a ti: “Tatekulu, lombwela ndje kutya oye olye, opo ndi vule oku mu itaala.”
37 Jesus okwa ti kuye: “Owe mu mona nale noye ngoka ta popi nangoye ngashingeyi.”
38 Oye okwa ti: “Omuwa, ondi itaala.” Oye okwa tsu oongolo koshipala shaJesus.
39 Jesus okwe mu lombwele a ti. “Ngame onde ya muuyuni mbuka okupangula, opo mboka ihaa mono ko, ya mone ko, naamboka haa mono ko, ya tsike.”
40 Yamwe yomaafarisayi mboka ya li pamwe naye, oyu uvu oohapu ndhika noya ti kuye: “Oto dhiladhila kutya natse wo aaposi?”
41 Jesus okwa ti kuyo: “Ando omwa li aaposi, ando kamu na oondjo, ihe sho tamu ti: ‘Tse otu wete ko,’ nena otashi ti, omu na oondjo.”
Omunhu a dalwa omupofi ta twikululwa
1 Ndele mokweenda po kwaye okwa mona omulumenhu a dalwa omupofi. 2 Ndele ovalongwa ve mu pula tava ti: “Rabbi, olyelye a nyona, oye mwene ile ovakulunhu vaye, eshi a dalwa omupofi?” 3 Jesus okwa nyamukula: “Haye a nyona ile ovakulunhu vaye, ndelenee oilonga yaKalunga opo i hololwe muye. 4 Ame ndi nokulonga oilonga yaau a tuma nge, fimbo omutenya; oufiku tau uya, ndele kape na ou ta dulu okulonga. 5 Fimbo ndi li mounyuni, Aame ouyelele wounyuni.” 6 Eshi e shi popya, okwa fiila omate pedu, ndele ta ningi onhata nomate ndele ta vaeke onhata ei pomesho aye. 7 Ndele ta ti kuye: “Inda u ke likoshe metale laSiloa” (otali ti: Omutumwa). Ndele ye okwa ya ko, ndele te likosho, ndele a aluka e wete ko. 8 Ovashiinda naava kwa li have mu mono shito ta ehela, ova tya: “Ou haye tuu ou kwa li ha kala omutumba ta ehela?” 9 Vamwe va tya: “Oye.” Vamwe vali va tya: “Ahowe, oumwe e mu fa.” Ndele ye mwene okwa tya: “Aame tuu ou.” 10 Opo vo va tya kuye: “Omesho oye a twikuluka ngahelipi?” 11 Ye okwa nyamukula ta ti: “Omulumenhu ou ha ifanwa Jesus, okwa pilula onhata, ndele te i vaeke pomesho ange, ndele okwa tya kwaame: Inda ketale laSiloa u likoshe mo; ndele ame nda ya ko ndele handi likosho mo nonda twikuluka.” 12 Ndele vo va tya kuye: “Oku li peni?” Ye okwa tya: “Nghi shii po.”
13 Ndele vo va twala omunhu ou a li nale omupofi kOvafarisai. 14 Ndele efiku olo, Jesus a ninga onhata ndele ta twikulula omesho aye, ola li Eshabata. 15 Ndele Ovafarisai ve mu pula yo nhumbi a twikuluka. Ndele ye okwa tya kuvo: “Okwa tula nge onhata pomesho, ndele handi likosho, ndele ndi wete ko.” 16 Vamwe vomOvafarisai ova tya: “Omulumenhu ou ke fi womuKalunga, osheshi iha yapula Eshabata. Vamwe ova tya? Omunhu omulunde ota dulu ngahelipi okulonga oikumwifalonga i fike apa? Ndele pa holoka olutandu mokati kavo.” 17 Ndele va pula vali omupofi: “Ove oto mu tongo ngahelipi, eshi a twikulula omesho oye?” Ye okwa tya: “Ye omuxunganeki.”
18 Ndele Ovajuda inave mu itavela nokutya, okwa li nale omupofi, ndele a twikuluka, fiyo va ifana ovakulunhu vaau a twikululwa. 19 Ndele ve va pula: “Ou omona weni, ou tamu ti a dalwa omupofi? Ota mono ko hano ngahelipi?” 20 Ovakulunhu vaye va tya: “Otu shi shii ou omona wetu, ndele a dalwa omupofi. 21 Ndelenee eshi a ninga omunamesho katu shi shii, ndele ou a twikulula omesho aye, katu mu shii. Mu puleni, ye omukulunhu, ne lipopile mwene.” 22 Ovakulunhu vaye ova popya ngaha, shaashi va tila Ovajuda. Osheshi Ovajuda ova udafana nokutya, ngeenge ope na ou ta ti: Oye Kristus, ota kondwa mo moshinagoga. 23 Onghee hano ovakulunhu va tya: “Ye omukulunhu, mu puleni.”
24 Opo nee vo va ifanununa omunhu ou a li omupofi, ndele va tya kuye: “Pa Kalunga efimano, otu shi shii omulumenhu winya omulunde.” 25 Ndele ye okwa nyamukula: “Ngeenge ye omulunde kandi shi shii, shimwe ashike ndi shii, onda li omupofi, ndele paife ondi wete ko.” 26 Ndele vo ova tya kuye: “E ku ninga ngahelipi hano, omesho oye okwe a twikulula ngahelipi?” 27 Ye okwe va nyamukula: “Nde shi mu lombwela nale, ndele inamu uda ko? Omwa hala hano mu ude vali shike? Omwa hala mu ninge ovalongwa vaye?” 28 Opo vo ve mu tuka, ndele tava ti: “Oove omulongwa waye, fye ovalongwa vaMoses. 29 Otu shi shii Kalunga okwa popifa Moses, ndele ou, katu mu shii apa a dja.” 30 Omulumenhu ou e va nyamukula ta ti: “Heeno, oshinima tashi kumwifa nge osheshi, eshi muhe shii apa a dja, nande okwa twikulula omesho ange. 31 Ndele tu shi shii Kalunga iha udu ovalunde, ndele ou ha tila Kalunga ndele ta wanifa ehalo laye, ota udika kuye: 32 Okudja kehovelo lounyuni inaku udika omunhu a twikulula omesho omunhu a dalwa omupofi. 33 Ou ngeno ke fi womuKalunga ngeno ke na eshi ta dulu okuninga.” 34 Opo ve mu nyamukula, tava ti kuye: “Ove owa dalwa moulunde woovenevene, ndele wa hala u tu longe.” Opo ve mu undulila pondje.
Jesus te liholola komudalwa omupofi
35 Jesus eshi e shi uda nokutya, ve mu undulila pondje, eshi e mu shakeneka, okwa tya kuye: “Ove ho itavele tuu Omona wOmunhu?” 36 Ye okwa nyamukula ta ti: “Omwene, ye olyelye, ndi mu itavele?” 37 Jesus okwa tya kuye: “Ove we mu mona, naau ta popi naave, Oye tuu ou.” 38 Ndele ye okwa tya kuye: “Omwene, ohandi itavele.” Ndele ta tu eengolo koshipala shaye.
39 Opo Jesus okwa tya: “Ame onde uya mounyuni ou okuninga etokolo. Ava ihava mono ko, va mone ko. Naava hava mono ko, va twike.” 40 Ndele Ovafarisai vamwe, ava va hangika pamwe naye, ove shi uda, ndele tava ti: “Nafye yo ovapofi hamba?” 41 Jesus okwa tya kuvo: “Ngeno nye ovapofi, ngeno kamu netimba; ndele eshi hamu ti: ‘ohatu mono ko,’ etimba leni otali kalelele po.
