Ohango yomuKana
1 Sho pwa piti omasiku gatatu, okwa li ku na ohango muKana, oshilando shomuGalilea. Yina yaJesus oko a li. 2 Jesus naalongwa ye oya li wo ya hiywa kohango. 3 Omaviinu agehe sho ga pu po, yina yaJesus okwa ti kuye: “Kaye na omaviinu.”
4 Jesus okwa ti kuye: “Ino kala u na oshimpwiyu nangame, meme. Ethimbo lyandje inali thika natango.”
5 Yina yaJesus okwa lombwele aayakuli a ti: “Shaa shoka te mu lombwele, shi ningeni.”
6 Pamukalo gwokuyoga kwAajuda okwa li ku na iiyuma ihamano yomamanya popepi. Oshuma kehe oshi thike pomayemele gahetatu nenge omulongo nagaali. 7 Jesus okwa lombwele aayakuli a ti: “Tekeleni iiyuma omeya, yu udhe.” Oyo noye yi tekele yu udhilila sigo okomilungu. 8 Ye okwa ti kuyo: “Ngashingeyi ga pimpii mo ihe, mu ga faalele omuyakuli omukuluntu gwaayenda.” Oyo noye ge mu faalele. 9 Omuyakuli omukuluntu sho a makele omeya ngoka ga shituka omaviinu, okwa li kee shi mpoka ga zi. Aayakuli mboka ya teke omeya, oyo ayeke ya li ye shi shi. Omuyakuli omukuluntu okwi ithana ihe ombushiki 10 nokwa ti kuye: “Omuntu kehe oha gandja tango omaviinu ngoka omatoye, opo ihe ngele aantu ya kolwa, ote ya pe ngoka omawinayi. Ihe ngoye sigo oompaka owa holeke omaviinu omatoye.”
11 Oshikumithalonga shika shotango Jesus okwe shi ningile muKana, oshilando shomuGalilea. Okwa holola eadhimo lye, aalongwa ye noye mu itaale.
12 Konima yoshiningwanima shika Jesus mwene nayina naamwayina aalumentu naalongwa ye oya yi kuKapernaum noya kala ko omasiku gamwe.
Jesus to opaleke otempeli
(Mat. 21:12-13Mrk. 11:15-17Luk. 19:45-46)13 Opaasa yAajuda sho ya li popepi, Jesus okwa yi kuJerusalem. 14 Okwa adha aantu motempeli taa landitha oongombe, oonzi noonguti, naapingakanithi yiimaliwa ya kuutumba piitaafula yawo. 15 Okwa tungu ongola yepando nokwe ya tidha mo ayehe motempeli pamwe noongombe noonzi dhawo. Okwa tilehi iimaliwa, niitaafula yawo okwe yi undulile pevi. 16 Aalandithi yoonguti okwe ya lombwele a ti: “Kuthii mo iinima mbika ayihe! Ongulu yaTate inamu yi ninga oshilandelo.” 17 Aalongwa ye oya dhimbulukwa kutya enyolo otali ti: “Uulaadhi omolwongulu yoye, Kalunga, otau li ndje.”
18 Aajuda oya pula Jesus ya ti: “Oshikumithalonga oshini po to longo, u tu ulukile kutya ou na epitikilo okulonga ngeyi?”
19 Jesus okwe ya yamukula a ti: “Kumunii po otempeli ndjika, ngame notandi yi tungulula momasiku gatatu.”
20 Nena Aajuda oye mu lombwele: “Otempeli ndjika oya tungwa oomvula omilongo ne nahamano, ongoye noto yi tungulula momasiku gatatu?”
21 Ihe otempeli ndjoka Jesus a popi, oyo olutu lwe. 22 Ano Jesus sho a yumudhwa kuusi, aalongwa ye oya dhimbulukwa oohapu ndhoka a li a popi. Oyo noyi itaale enyolo noohapu ndhoka Jesus e dhi ya lombwele.
Jesus okwa tseya aantu ayehe
23 Jesus sho a li muJerusalem pethimbo lyoshituthi shOpaasa, aantu oyendji oya mono iikumithalonga mbyoka a longo noye mu itaale. 24 Ihe ye ini iholola kuyo, oshoka ye mwene okwa li e ya shi ayehe. 25 Ye ina pumbwa omuntu e mu hokololele sha kombinga yomuntu, oshoka okwa tseya ye mwene shoka shi li momuntu.
Oshikumwifalonga shotete shaJesus
1 Ndele mefiku etitatu opa li pe nehombolo muKana shomuGalilea, naina yaJesus oko a li. 2 NaJesus yo novalongwa vaye ova shivwa kehombolo. 3 Ndele omaviinyu eshi a pwa po, ina yaJesus ta ti kuye: “Vo kave na omaviinyu.” 4 Jesus ta ti kuye: “Omukainhu, ondi na shike naave? Efimbo lange inali fika manga.” 5 Ndele ina ta ti kovayakuli: “Keshe eshi te mu lombwele, shi ningeni.” 6 Ndelenee opa li oitoo ihamano yomamanya yokukwatela omeva, opanghedi yokulikosha kwOvajuda, keshe oshitoo shi fike peelita efele. 7 Ndele Jesus okwa tya kuvo: “Yadifeni oitoo nomeva.” Ndele vo ove i tekela ya yada ndo. 8 Ndele Ye okwe va lombwela: “Pindeni mo, nye mu twalele omuyakuli wovaenda.” Ndele vo ova twala. 9 Ndele omuyakuli wovaenda eshi a lola mo, omeva a shituka omaviinyu, ndele okwa li ehe shii apa a dja. Ndelenee ovapiya ava va tekele omeva, ova li ve shi shii nokutya omuyakuli wovaenda okwa ifana omuhomboli 10 ndele ta ti kuye: “Omunhu keshe tete ota yandje omaviinyu mawa, ndelenee ngeenge va kumwa, opo nee aa mai. Ove wa holeka omaviinyu mawa fiyo opaife.”
11 Oshikumwifalonga eshi shotete Jesus okwe shi ningila muKana shomuGalilea, ndele a holola oshinge shaye; novalongwa ve mu itavela.
12 Konima yaashi okwa ya kuKapernaum, Oye naina, novamwaina ovalumenhu novalongwa vaye, ndele vo inava kala ko omafiku mahapu.
Jesus ta te mo ovalandifi motembeli
(Mat. 21:12-13Mark. 11:15-17Luk. 19:45-46)13 Ndele Opaasa yOvajuda ya hangika ya fika, ndele Jesus okwa ya ta londo kuJerusalem. 14 Ndele okwa hanga motembeli ava hava landifa eehove needi neenghuti, novakumaani voimaliwa, ve li omutumba. 15 Ndele Ye okwa ninga oshokoto yomapando, ndele okwe va taataa mo aveshe motembeli, pamwe needi neengobe, ndele a tilashi oimaliwa yovakumaani, noitaafula yavo okwe i undulila poshi. 16 Ndele okwa lombwela ovalandifi veenghuti: “Tumbeni po oinima ei. Ongulu yaTate inamu i ninga oshilandelo.” 17 Ndele ovalongwa vaye ova dimbulukwa nokutya, opa shangwa: “Ouladi omolwongulu yoye otau li nge.” 18 Opo nee Ovajuda ve mu nyamukula ndele tava ti: “Oto tu ulikile edidiliko lashike, eshi to longo ngaha?” 19 Jesus okwe va nyamukula ndele ta ti: “Ngumauneni po otembeli ei, ndele handi i tungulula momafiku atatu.” 20 Opo Ovajuda va tya: “Otembeli ei ya tungwa omido omilongo nhee nomido hamano, ndele Ove oto i tungu momafiku atatu?” 21 Ndelenee Ye okwa popya otembeli yolutu laye. 22 Ndele eshi a nyumuka koufi, ovalongwa vaye ova dimbulukwa nokutya, Ye e shi tile, ndele va itavela omishangwa nondjovo ei Jesus e i tile.
Ovashikuli vape
23 Hano Jesus eshi a li muJerusalem momafiku aPaasa, vahapu va itavela edina laye, shaashi va mona omadidiliko Ye e a ninga. 24 Ndelenee Jesus ine litula muvo nelineekelo, osheshi okwa li e va shii aveshe, 25 ndele Ye ina pumbwa ou te mu hepaululile ta popi omunhu, osheshi Oye mwene a shiiva eshi sha kala momunhu.
