1 Nena Pilatus okwa kutha Jesus e te mu dhengitha noongola. 2 Aakwiita oya tungu oshishani shomakwega noye shi mu zaleke komutse. Oyo oye mu zaleke wo onguwo onene ontiligane. 3 Noye ya kuye e taa ti: “Kala u na omwenyo omule, omukwaniilwa gwAajuda!” Opo ihe oye mu dhenge nomalupi.
4 Pilatus okwa shuna natango pondje kAajuda e ta ti kuyo. “Taleni, otandi mu eta mpaka pondje pune, opo ndi mu ulukile kutya kandi wete nando etompelo lyasha lyoku mu pangulitha.” 5 Jesus okwa piti mo ihe a zalekwa oshishani shomakwega nonguwo ontiligane. Pilatus okwa ti kuyo: “Taleni, omuntu oye ngu.”
6 Nena aayambi aakuluntu naalangeli sho ye mu mono, oyi igidha ya ti: “Mu alela komushigakano!”
Pilatus okwe ya lombwele a ti: “Mu kuthii po ne yene e tamu mu alele komushigakano, oshoka ngame kandi wete nando etompelo lyoku mu pangulitha.”
7 Aajuda oye mu yamukula ya ti: “Tse otu na ompango ndjoka tayi ti: Oku na okusa, oshoka okwi iningi Omuna gwaKalunga.”
8 Pilatus sho e ya uvu taa popi ngeyi, okwa tila noonkondo shi vulithe nale. 9 Oye okwa shuna megumbo lye nokwa pula Jesus a ti: “Owa za peni ano?”
Ihe Jesus ine mu yamukula nando osha. 10 Pilatus okwa ti kuye: “Ito yamukula ndje? Dhimbulukwa kutya ondi na oonkondo oku ku mangulula nondi na oonkondo oku ku alelitha komushigakano.”
11 Jesus okwe mu yamukula a ti: “Ku na oonkondo dhokupangula ndje, ngele ino dhi pewa kuKalunga. Onkee omulumentu ngoka a gandja ndje kungoye, oku na oondjo e ku vule.”
12 Pilatus sho u uvu oohapu ndhoka, okwa li a hala noonkondo okumangulula Jesus. Ihe Aajuda oyi igidha ya ti: “Ngele oto mu mangulula, nena otashi ti kutya ku shi kuume komupangeli Omuroma. Oshoka kehe ngoka ti iningi omukwaniilwa, oye omukondjithi gwomupangeli Omuroma.”
13 Pilatus sho u uvu oohapu ndhoka, okwa fala Jesus pondje e ta kuutumba koshipundi shepangulo pehala hali ithanwa Olupale lwomamanya, mOshihebeli “Gabbata”.
14 Ethimbo olya li potundi ontimulongo nambali yomutenya yesiku ndyoka lya tetekela Opaasa. Pilatus okwa ti kAajuda: “Taleni, omukwaniilwa gweni oye nguka!”
15 Oyo oyi igidha mokule: “Mu dhipaga, mu dhipaga! Mu alela komushigakano!”
Pilatus okwe ya pula a ti: “Omwa hala, ndi alele omukwaniilwa gweni komushigakano?”
Aayambi aakuluntu oya yamukula ya ti: “Tse katu na omukwaniilwa a tya ngaaka, kakele komupangeli Omuroma.”
16 Nena Pilatus okwa gandja Jesus kuyo, opo a ka alelwe komushigakano.
Jesus ta alelwa komushigakano
(Mat. 27:32-44Mrk. 15:21-32Luk. 23:26-43)Nena yo oya kutha Jesus. 17 Oye okwa piti mo a humbata omushigakano gwe ye mwene e te ya kehala lyi ithanwa “Golgata”, mOshihebeli otali ti “Oshala sholukwe”. 18 Oko nkoka ye mu alele komushigakano. Pamwe naye oya alele wo aalumentu yaali komishigakano dhawo, gumwe okolulyo nomukwawo okolumoho naJesus pokati kawo. 19 Pilatus okwa nyola enyolo e te li tula komushigakano gwaJesus. Olyo olya li lya nyolwa ngeyi: “Jesus Omunasareti, omukwaniilwa gwAajuda.” 20 Aajuda oyendji oya lesha enyolo ndika, oshoka ehala mpoka Jesus a alelwa komushigakano, olya li popepi noshilando. Enyolo olya li lya nyolwa mOshihebeli, mOshilatina nomOshigreka.
21 Aayambi aakuluntu Aajuda oya ti kuPilatus: “Ino nyola ‘Omukwaniilwa gwAajuda,’ ihe shila tya: ‘Omulumentu nguka okwa tile: Ongame omukwaniilwa gwAajuda.’ ”
22 Pilatus okwa yamukula a ti: “Shoka nda nyola, nda nyola nale.”
23 Ano aakwiita sho ya alele Jesus komushigakano, oya kutha oonguwo dhe e taa dhi topola miitopolwa ine, kehe omukwiita okwa pewa oshitopolwa shimwe. Oyo oya kutha onguwo yokohi, ya tungwa niikaha yaa na nando omihondjo. 24 Nena aakwiita oya lombwelathana ya ti: “Inatu yi kondeni, ihe tu yi umbileni oshihogololitho, opo tu mone kutya otayi ningi yalye.” Shika osha ningwa, opo enyolo li gwanithwe ndyoka tali ti:
“Oyo oya topolelathana oonguwo dhandje,
omuzalo gwandje oye gu umbile oshihogololitho.”
Onkee aakwiita osho ya ningi.
25 Ihe popepi nomushigakano gwaJesus opwa li pwa thikama yina nomumwayina omukiintu, Maria, omukiintu gwaKleopas naMaria Magdalena. 26 Ano Jesus sho a mono yina nomulongwa ngoka a li e hole, ya thikama mpoka, okwa ti kuyina: “Meme, omumwoye oye ngo!”
27 Opo ihe okwa ti komulongwa: “Nyoko oye ngo!” Pethimbo olyo tuu ndyoka omulongwa okwa taamba Maria, a kale megumbo lye.
Jesus ta si
(Mat. 27:45-56Mrk. 15:33-41Luk. 23:44-49)28 Jesus okwa li e shi shi kutya ngashingeyi iinima ayihe oya gwanithwa. Onkee, opo shoka sha nyolwa shi gwanithwe, okwa ti: “Onda sa enota.”
29 Okwa li ku na oshuma shu udha omaviinu omalulu. Oyo oya yaya oshisopi momaviinu omalulu e taye shi tula koshihenguti shoshisopi noye shi tsike komilungu dhaJesus. 30 Jesus okwa nu omaviinu omalulu e ta ti: “Ayihe ya gwanithwa!”
Opo ihe okwa sizimike omutse gwe e ta si.
Jesus ta tsuwa molupati
31 Nena Aajuda oyi indile Pilatus, e ya pitikile okuteyagula oohongo dhaalumentu mboka ya alelwa, opo ya kuthwe ko komishigakano. Shika oye shi ningi molwashoka esiku ndyoka olya li Etitano, yo oya li inaaya hala, omidhimba dhi kale dhe endjelela komishigakano mEsabati, oshoka Esabati ndyoka olya li lya simana. 32 Aakwiita oya yi e taa teyagula oohongo dhomulumentu ngoka gwotango, opo ihe dhomukwawo omutiyali, aalumentu mboka ya li ya alelwa pamwe naJesus. 33 Ihe sho ye ya kuJesus, oya dhimbulula kutya okwa sa nale nokuli, onkee inaa teyagula nando oohongo dhe. 34 Opo ihe gumwe okwa tsu Jesus negonga molupati, omo nomwa zi ombinzi nomeya. 35 Ngoka a mono shika, sho tashi ningwa, oye e shi hokolola. Tse otu shi shi kutya shoka ta popi, oshoshili, naye mwene wo oku shi shi kutya ota popi oshili, opo nane wo mu itaale. 36 Shika osha ningwa, opo enyolo li gwanithwe ndyoka tali ti: “Kaku na nando esipa lye tali ka teyagulwa.” 37 Enyolo ekwawo ishewe otali ti: “Aantu otaa ka tala kunguka ye mu ulula.”
Jesus ta fumvikwa
(Mat. 27:57-61Mrk. 15:42-47Luk. 23:50-56)38 Konima yaambika Josef, ngoka a za koshilando shaArimatia, okwa pula Pilatus, ngele otashi vulika, a pewe omudhimba gwaJesus. Josef okwa li omulongwa gwaJesus, ihe omeholamo, oshoka okwa tila Aajuda. Pilatus okwe mu zimine. Oye nokwa yi nagwo. 39 Nikodemus ngoka i ile kuJesus uusiku, okwe ya pamwe naJosef e na omugwayo gwomagadhi ga nika nawa, gu thike puudhigu wookilo omulongo nambali. 40 Aalumentu mbaka yaali oya kutha omudhimba gwaJesus e taye gu mangele momalapi omatokele mumwe niizimba. Nguka ogwo omukalo gwAajuda gwokulongekidhila omudhimba efumviko. 41 Pehala mpoka Jesus a alelwa komushigakano, opwa li pu na eyana. Meyana ndyoka omwa li mu na ombila ompe, moka inaamu fumvikwa nando omuntu. 42 Molwashoka olya li esiku lya tetekela Esabati lyAajuda nomolwashoka wo ombila oya li popepi, oya fumvike Jesus mombila ndjoka.
Jesus ta dengwa
(Mat. 27:27-31Mark. 15:16-20Luk. 23:13-25)1 Opo nee Pilatus okwa kufa Jesus, ndele te mu dengifa neeshokoto. 2 Ovakwaita ova tunga oshidingo shoshitai shomakiya, ndele tave shi mu dike komutwe waye, ndele tave mu dike oshikutu shitilyana. 3 Ndele vo ove uya kuye ndele tava ti: “Kundwa, Oove ohamba yOvajuda!” ndele tave mu denge omanghava. 4 Pilatus a pita mo vali ndele ta ti kuvo: “Ohandi mu eta pondje kunye, mu kale mu shi shii, inandi mona muye etimba lasha.” 5 Ndele Jesus okwa pita mo, a dikwa oshidingo shomakiya, noshikutu shitilyana. Ndele Pilatus ta ti kuvo: “Taleni omunhu.” 6 Ndele ovapristeli ovakulunhu novapiya eshi ve mu mona, ova uyaana tava ti: “Mu valela komushiyakano!” Mu valela komushiyakano! Pilatus okwa tya kuvo: “Mu kufeni nye mu mu valele komushiyakano, osheshi ame nghi wete etimba muye.” 7 Ovajuda ova tya kuye: “Fye otu nomhango ndele omhango otai mu pe etimba lokufya, osheshi ote liningi Ye mwene Omona waKalunga.”
8 Ndele Pilatus eshi a uda eendjovo edi, okwa tila unene. 9 Ndele ta shuna mo vali mongulu yetokolelo ndele ta ti kuJesus: “Ove owa dja peni?” Ndele Jesus ine mu nyamukula nande. 10 Ndele Pilatus ta ti kuye: “Ito popi naame? Ove ku shi shii nokutya, ondi neenghono doku ku valela komushiyakano ndele ondi neenghono doku ku efa.” 11 Jesus okwa nyamukula: “Eenghono dokutokola nge ngeno ku di pelwe da dja kombada, ngeno ku di kwete. Onghee hano ou a yandja nge kwoove, oye e netimba li dule loye.”
12 Onghee hano Pilatus okwa kendabala oku mu efa. Ndele Ovajuda ova ingida tava ti: “Ou ngeenge oto mu efa, ku fi vali kaume komukesari; keshe tuu ou te liningi ohamba, oku na ondubo nomukesari.” 13 Opo nee Pilatus eshi a uda eendjovo edi, okwa twala Jesus pondje, ndele ta kala omutumba koshipundi shetokolo, monhele ei ya lukwa olupale lomamanya, mOshiheberi Gabbata. 14 Ndele efiku olo la li lelilongekidilo loshivilo shaPaasa, opotundi onhihamano. Ye okwa tya kOvajuda: “Taleni ohamba yeni.” 15 Opo nee vo ova ingida: “Na dje po, na dje po, mu valela komushiyakano!” Pilatus okwa tya kuvo: “Nandi valele ohamba yeni komushiyakano?” Ovapristeli ovakulunhu ova nyamukula: “Fye katu na ohamba imwe, omukesari aeke.”
Jesus ta valelwa komushiyakano
(Mat. 27:32-56Mark. 15:21-41Luk. 23:26-49)16 Opo nee ye okwe mu yandja kuvo, a ka valelwe komushiyakano. Ovo va kufa po Jesus nove mu twala. 17 Ndele Ye okwe lihumbatela mwene omushiyakano, ndele ta di mo, ndele ta i konhele ya lukwa onhele yoshipongolo shomutwe, mOshiheberi otai ifanwa Golgata. 18 Ndele oko ve mu valela komushiyakano, novanhu vavali pamwe naye, umwe okombinga nomukwao okombinga, ndele Jesus pokati. 19 Pilatus okwa shanga oshipalanyolo ndele te shi tulike komushiyakano. Osha shangwa ngaha: “JESUS OMUNASARETI OHAMBA YOVAJUDA.” 20 Ndele oshipalanyolo eshi Ovajuda vahapu ove shi lesha, osheshi onhele ei ya valelwa Jesus komushiyakano oya li popepi noshilando, ndele osha shangwa mOshiheberi, mOshilatina nomOshigreka. 21 Opo ovapristeli ovakulunhu vOvajuda ova tya kuPilatus: “Ino shanga: ‘ohamba yOvajuda,’ ndele u tye, ye okwa tile: ‘Aame ohamba yOvajuda.’ ” 22 Pilatus okwa nyamukula: “Osho nde shi shanga, onde shi shanga nee.”
23 Ndele ovakwaita eshi va valela Jesus komushiyakano, ova kufa ko oikutu yaye ndele tave i tukula oitukulwa ine, keshe omukwaita oshitukulwa shimwe, nombidja yokoshi. Ndele oya li ihe nomuhondjo, oya li ya tungwa aishe mumwe, nghee ya dja pehovelo fiyo okexulilo layo. 24 Onghee nee va tongafana: “Inatu i tauleni, tu i ningileni oshihoololifo nokutya, otai ningi yalyelye.” Omushangwa ou u wanifwe:
“Ovo tave litukulile oikutu yange,
nomidjalo dange otave di ningile oshihoololifo.”
Ovakwaita osho va ninga.
25 Ndele pomushiyakano waJesus opa kala ofika ina nomumwaina waina naMaria omukainhu waKleopas, naMaria Magdalena. 26 Ndele Jesus eshi a mona ina nomulongwa ou a li e holike kuye, ve li ofika opo, okwa tya kuina: “Omukainhu, tala omona woye.” 27 Ndele ta ti komulongwa: “Tala nyoko!” Opefimbo tuu olo omulongwa okwe mu tambula meumbo laye.
28 Ndele konima yoinima ei, Jesus, eshi a shiiva oinima aishe ya wanifwa, omishangwa di wanifwe, okwa tya: “Nda fyenota.” 29 Ndele opa li oshitoo shi yadi omeva malula, ndele vo tava xwekele oshiyavo koshihati shaisopi sha yavekwa momeva aa malula, ndele tave shi tula kokanya kaye. 30 Ndele, Jesus eshi a tambula omeva aa malula, okwa tya: “Sha longwa sha pwa.” Ndele ta nyongameke omutwe waye, ndele ta yandje omwenyo waye.
31 Efiku olo ola li lokulilongekidila Eshabata lOvajuda, oimhu opo iha endjelele komushiyakano efiku lEshabata, osheshi efiku lEshabata olo ola li linene, Ovajuda ova indila Pilatus, omipindi davo di nyanyaulwe, oimhu i kufwe ko. 32 Opo nee ovakwaita ve uya ndele tava nyanyaula omipindi daau wotete nodamukwao ava va valelwa komushiyakano pamwe naye. 33 Ndelenee eshi ve uya kuJesus nove mu wete, a fya nale, inava nyanyaula omakipa aye. 34 Ndelenee umwe wovakwaita okwe mu twa neonga molupati laye, ndele mwa dja diva ohonde nomeva. 35 Ndele omumoni washo ote shi hepaulula nehepaululo laye oloshili, oye e shi shii kutya, ota popi oshili, opo nye yo mu itavele. 36 Osheshi eshi osha ningwa omishangwa di wanifwe: “Ina nyanyaulwa nande ekipa laye limwe.” 37 Nomushangwa umwe tau ti vali: “Vo otava ka tala kwaau ve mu twa.”
Jesus ta pakwa mombila
(Mat. 27:57-61Mark. 15:42-47Luk. 23:50-56)38 Ndele konima yoinima ei Josef Omuarimatia, ou okwa kala omulongwa waJesus meholeko, osheshi a tila Ovajuda, ye okwa indila Pilatus, a itavelelwe okukufa oshimhu shaJesus. Pilatus okwe mu itavela. Ye okwe uya ndele ta kufa ko oshimhu shaJesus. 39 NaNikodemus yo, ou a ile nale oufiku kuJesus, okwe uya, ndele ta eta oidimba iwa, omirha naaloe, i fike peekilograma omilongo nhatu ngeno. 40 Opo vo ova kufa ko oshimhu shaJesus ndele, tave shi mangele momalapi oliina, mumwe noidimba panghedi yOvajuda yokupaka ovafi. 41 Ndele ponhele ei a valelwa komushiyakano, opa li epya lomiti, nomepya eli omwa li ombila ipe, omo inamu tulwa nande omunhu shito. 42 Hano, omo nee va nangeka Jesus, osheshi la li efiku lelilongekido lOvajuda, nombila ei oya li popepi.
