1 Jesus sho a mana okugalikana, okwa piti mo pamwe naalongwa ye e taa taaguluka okalonga kaKidron. Kokuma nkoka okwa li ku na eyana lyomiti. Jesus naalongwa ye oya yi mulyo. 2 Judas, ngoka e mu gwaaleke, okwa li a tseya ehala ndyoka, oshoka Jesus naalongwa ye oya li haa kala ko olwindji.
3 Ano Judas okwa yi keyana ndyoka pamwe nongundu yaakwiita nayamwe yomaalangeli yotempeli ya tumwa kaayambi aakuluntu nokaafarisayi. Oyo oya li ye na iikondjitho noya humbata oonyeka noolamba. 4 Jesus sho a li a tseya ashihe shoka tashi ke mu adha, okwa zi mo meyana e ta yi kuyo nokwe ya pula a ti: “Otamu kongo lye?”
5 Oyo mu yamukula ya ti: “OJesus Omunasareti.” Jesus okwa ti kuyo: “Ongame nguka!”
Judas, omugwaaleki gwe, okwa li a thikama mpoka pamwe nayo. 6 Ano Jesus sho e ya lombwele: “Ongame ngu,” oya shuna lwanima e taa ihata pevi. 7 Jesus okwe ya pula ishewe: “Otamu kongo lye?”
Oyo oya ti: “OJesus Omunasareti.”
8 Jesus okwa ti kuyo: “Ngame onde mu lombwele kutya ongame nguka. Ngele ano ongame tamu kongo, nena etheni, aalumentu mbaka ya ye.” 9 Oye okwa popi ngeyi, opo oohapu ndhoka a popile dhi gwanithwe: “Inandi kanitha po nando omuntu gumwe gwaamboka wa pa ndje.”
10 Simon Petrus sho a li e na egongamwele, okwe li pweya mo e tu umpile omumati gwomuyambimukuluntu nokwa fegula ko okutsi kwe kwokolulyo. Edhina lyomumati ngoka oMalkus. 11 Jesus okwa ti kuPetrus: “Shuna mo egongamwele lyoye molumpangwa. Owa dhiladhila ando, ndi kale inaandi nwa oshitenga shomahepeko shoka nde shi pewa kuTate?”
Jesus koshipala shaAnnas
12 Ano ongundu yaakwiita pamwe nomuwiliki gwawo naalangeli yomAajuda oya kwata Jesus, e taye mu manga. 13 Oye mu fala tango kuAnnas, oshoka oye hemweno yaKajafas, ngoka a li omuyambimukuluntu omumvo ngwiyaka. 14 Kajafas nguka oye ngoka a tsile Aajuda omayele kutya oshihwepo, omuntu gumwe nge ta si peha lyaantu ayehe.
Petrus ti idhimbike Jesus
(Mat. 26:69-71Mrk. 14:66-68Luk. 22:55-57)15 Simon Petrus nomulongwa mukwawo oya landula Jesus. Omulongwa ngoka mukwawo okwa li e shiwike nawa komuyambimukuluntu, onkee okwa yi pamwe naJesus molugumbo lwomeni lyegumbo lyomuyambimukuluntu. 16 Ihe Petrus okwa thikama pondje pomweelo. Omulongwa mukwawo, ngoka a li e shiwike komuyambimukuluntu, okwa piti mo e ta popitha omukadhona gwoposheelo nokwe eta Petrus meni. 17 Omukadhona ngoka okwa pula Petrus a ti: “Ngoye ku shi gumwe gwomaalongwa yomulumentu nguka?”
Petrus okwa ti kuye: “Aawe, hangame.”
18 Okwa li ku na uutalala, onkee aayakuli naalangeli oya adhika ya tema omulilo noya thikama ye gu kondeka taa huhulukwa. Petrus okwa yi kuyo nokwa thikama e ta huhulukwa pamwe nayo.
Jesus koshipala shaKajafas
(Mat. 26:59-66Mrk. 14:55-64Luk. 22:66-71)19 Omuyambimukuluntu okwa pula Jesus kombinga yaalongwa ye noyelongo lye. 20 Jesus okwe mu yamukula a ti. “Ngame ohandi popi aluhe montaneho yomuntu kehe. Onda longele aluhe moosinagoga nomotempeli, moka hamu gongala Aajuda ayehe. Ngame inandi popya nando osha meholamo. 21 Omolwashike to pula ndje? Pula aantu mboka yu uvu sho nda popi. Ya pula kutya onde ya lombwele shike, oye shi shi.”
22 Jesus sho a popi oohapu ndhika, omumati gumwe gwomaalangeli mboka ya li ya thikama mpoka, okwe mu dhenge olupi e ta ti: “Osho to yamukula omuyambimukuluntu ngawo?”
23 Jesus okwe mu yamukula: “Ngele onda popi sha sha puka, lombwela kehe gumwe e li mpaka kutya oshike. Ihe ngele shoka nda popi, oshi li mondjila, oto dhengele ndje shike?”
24 Annas okwe mu tumu a mangwa natango kuKajafas, omuyambimukuluntu.
Petrus ti idhimbike natango Jesus
(Mat. 26:71-75Mrk. 14:69-72Luk. 22:58-62)25 Petrus okwa li a thikama natango pomulilo ta huhulukwa. Ano mboka ya li taa huhulukwa pamwe naye, oye mu pula ya ti: “Ngoye ku shi gumwe gwomaalongwa yomulumentu ngwiya?”
Ihe Petrus okwi idhimbike natango a ti: “Aawe, hangame.”
26 Gumwe gwomaamati yomuyambi omukuluntu, omukwanezimo gwomulumentu ngoka Petrus a tetele okutsi, okwa ti: “Ou shi aniwa, inandi ku mona meyana pamwe naye?”
27 Natango Petrus okwi idhimbike, nopo tuu mpoka ekondombololo olyi igi.
Jesus koshipala shaPilatus
(Mat. 27:1-2Mat. 11-14Mrk. 15:1-5Luk. 23:1-5)28 Aakwiita oya kutha mo Jesus maandjaKajafas e taye mu fala kaandjaPilatus. Osha ningwa ongula onene. Ihe Aajuda inaa ya mo maandjaPilatus, oshoka oya li ya hala okukala ya yogoka, opo ya wape okulya onzigona yOpaasa. 29 Nena Pilatus okwa piti mo, a yi kuyo e ta ti: “Omulumentu nguno otamu mu tamanekele shike?”
30 Oyo oye mu yamukula ya ti: “Omulumentu nguka ando okwa li kee shi omukolokoshi, ando inatu mu eta kungoye.”
31 Pilatus okwa ti kuyo: “Mu kuthii po e tamu ke mu pangula ne yene pampango yeni.”
Aajuda oye mu yamukula ya ti: “Tse otwi indikwa okudhipaga omuntu.” 32 Shika osha ningwa, opo oohapu ndhoka dhi gwanithwe Jesus e dhi popi, sho a holola kutya eso ndyoka e na okusa, olya tya ngiini.
33 Pilatus okwa shuna megumbo nokwi ithana Jesus e te mu pula ta ti: “Ngoye omukwaniilwa gwAajuda?”
34 Jesus okwa yamukula a ti: “Epulo ndika olya zi mungoye mwene, nenge aantu yalwe ya hokolola ndje pungoye?”
35 Pilatus okwa yamukula: “Ou shi ngame Omujuda? Aantu yoshigwana shoye naayambi yawo aakuluntu oyo ye ku eta kungame. Owa ningi shike ano?”
36 Jesus okwa yamukula a ti: “Uukwaniilwa wandje kau shi womuuyuni mbuka. Ando uukwaniilwa wandje owa li womuuyuni mbuka, ando aantu yandje ya kondjele ndje ndaa gandjwe miikaha yAajuda. Ihe ngashingeyi, uukwaniilwa wandje kau shi waampaka.”
37 Pilatus okwe mu pula a ti: “Ngoye omukwaniilwa nani?”
Jesus okwe mu yamukula a ti: “Ongoye to ti kutya ngame omukwaniilwa. Osho nda valelwa nonde ya muuyuni mbuka, opo ndi popye oshili. Kehe ngoka ha kala moshili, otu uvu ewi lyandje.”
38 Pilatus okwa ti kuye: “Oshili oshike?”
Jesus ta pangulilwa eso
(Mat. 27:15-31Mrk. 15:6-20Luk. 23:13-25)Pilatus okwa shuna pondje kAajuda e ta ti kuyo: “Ngame kandi wete nando etompelo lyasha lyoku mu pangulitha. 39 Ihe omu na omukalo handi mu mangululile aluhe onkwatwa yimwe pethimbo lyoshituthi shOpaasa. Omwa hala, ndi mu mangululile omukwaniilwa gwAajuda?”
40 Oyo oyi igidha ishewe ya ti: “Aawe, haye ngoka! Tse otwa hala Barabbas!” Barabbas okwa li omukolokoshi.
Judas te uya nongudu
(Mat. 26:47-56Mark. 14:43-50Luk. 22:47-53)1 Ndele Jesus eshi a tonga eendjovo edi, okwa pita mo pamwe novalongwa vaye, ndele ta tokola okamulonga Kidron, oko kwa li ku nepya lomiti, omo Ye okwa ya novalongwa vaye. 2 Ndele Judas, ou e mu kengelela, okwa shiiva yo onhele ei, osheshi Jesus okwa ongala ko luhapu novalongwa vaye. 3 Opo Judas okwa kufa ongudu yovakwaita novapiya va dja kovapristeli ovakulunhu nokOvafarisai, ndele te uya ko e neenyika neelamba noiti. 4 Ndele Jesus eshi a shiiva oinima aishe tai mu hange, okwa pita mo ndele ta ti kuvo: “Olyelye tamu mu kongo?” 5 Vo ve mu nyamukula: “Jesus Omunasareti.” Jesus okwa tya kuvo: “Aame ou.” NaJudas, ou e mu kengelela, okwa li ofika pamwe navo. 6 Hano Jesus eshi a tya kuvo: “Aame ou,” vo ova shuna shanimanima, ndele va wila poshi. 7 Opo Ye okwe va pula vali: “Olyelye tamu mu kongo?” Vo va tya: “OJesus Omunasareti.” 8 Jesus okwe va nyamukula: “Onde mu lombwela nale nokutya, Aame ou. Hano ngeenge Aame tamu kongo, efeni ava va ye.” 9 Opo pa wanifwe eendjovo edi a tongele: “Inandi kanifa nande umwe waava wa pa nge.” 10 Opo Simon Petrus, ou a li e na eongamukonda, okwe li pweya mo, ndele ta shashe omupiya womupristeli omukulunhu ndele te mu tete okutwi kwaye kwokolulyo. Nedina lomupiya ou ola li Malkus. 11 Opo Jesus okwa tya kuPetrus: “Shunifa eongamukonda loye moshilaleko. Eholo eli Tate a pa nge, inandi li nwa mbela?”
Jesus ta kwatwa
(Mat. 26:57Mark. 14:53Luk. 22:54)12 Ongudu yovakwaita nomuneyovi wavo novapiya vOvajuda va kwata Jesus, ndele tave mu mange. 13 Ndele tave mu twala tete kuHannas, osheshi oye a li xemweno yaKajafas, ou a li omupristeli omukulunhu momudo winya. 14 Ndelenee Kajafas oye tuu ou a lombwelele Ovajuda: osha wapala omunhu a fye omolwoshiwana.
Petrus te lidimbike
(Mat. 26:69-70Mark. 14:66-68Luk. 22:55-57)15 Ndele Simon Petrus nomulongwa mukwao ova shikula Jesus. Omulongwa ou kwa li a shiivika komupristeli omukulunhu, ndele okwa ya pamwe naJesus molupale lomupristeli omukulunhu. 16 Ndelenee Petrus okwa li ofika konhu; opo nee omulongwa mukwao ou a li e shiivike komupristeli omukulunhu, okwa pita mo ndele ta popi nomukeleli woshivelo, okakadona, ndele ta eta mo Petrus. 17 Opo nee omukeleli woshivelo, okakadona aka, oka tya kuPetrus: “Ove ku fi mbela umwe wovalongwa vomunhu ou?” Winya okwa tya: “Ahowe.” 18 Ndelenee ovakalele novapiya ova shakala omundilo shaashi okwa li ku na outalala, ndele tava xuxumukwa, naPetrus yo okwa li ofika pamwe navo, ndele ta xuxumukwa.
Jesus koshipala shaHannas
(Mat. 26:59-66Mark. 14:55-64Luk. 22:66-71)19 Nomupristeli omukulunhu okwa pula Jesus molwovalongwa vaye nomolwelongo laye. 20 Jesus okwe mu nyamukula: “Nda tonga moipafi younyuni. Alushe onda longa ovanhu meeshinagoga nomotembeli, omo hamu ongala Ovajuda aveshe, ndele inandi tonga sha meholeko. 21 Oshike to pula nge? Pula ava va uda eshi nda tonga kuvo; tala; vo ove shi shii osho nde shi tonga.” 22 Ndele Jesus eshi a tonga eendjovo edi, omumati umwe ou a li ko ofika, okwa denga Jesus enghava, ndele ta ti: “Osho to nyamukula ngaho omupristeli omukulunhu?” 23 Jesus okwe mu nyamukula: “Ngeenge onda tonga nai, tomhene nge owii, ndele ngeenge nda tonga nawa, oto dengele nge shike?” 24 Opo Hannas okwe mu tuma, a mangwa, kuKajafas, omupristeli omukulunhu.
Petrus te lidimbike vali Jesus
(Mat. 26:71-75Mark. 14:69-72Luk. 22:58-62)25 Ndele Simon Petrus okwa li ofika ta xuxumukwa. Opo vo va tya kuye: “Naave ku fi mbela umwe wovalongwa vaye?” Oye okwa anya ndele ta ti: “Ahowe.” 26 Umwe womovapiya vomupristeli omukulunhu, mukwao waawinya Petrus a teta okutwi, ta ti: “Inandi ku mona mepya pamwe naye?” 27 Ndele Petrus okwa anya vali, nekondobolo ola kwena tuu osho.
Jesus koshipala shaPilatus
(Mat. 27:2, Mat. 11-26Mark. 15:1-15Luk. 23:1-25)28 Opo vo va kufa Jesus kuKajafas, ndele tave mu twala kongulu yetokolo. Okwa li ongula inene. Ndele vo inava ya mo mongulu yetokolo vo vehe linyatekife, vo va shiive okulya Opaasa. 29 Opo Pilatus okwa pita mo, ta ti kuvo: “Omulumenhu ou otamu mu hokololifile shike?” 30 Vo va nyamukula ndele tava ti kuye: “Ou ngeno ke fi omukolokoshi, ngeno inatu mu yandja kwoove.” 31 Opo Pilatus ta ti kuvo: “Nye mu kufeni po hano, mu mu tokole pamhango yeni vene.” Ovajuda va tya kuye: “Fye otwa dilikwa okudipaa omunhu?” 32 Opo pa wanifwe ondaka ei, Jesus e i tongele, eshi a holola efyo la tya ngahelipi e nokufya.
33 Ndelenee Pilatus okwa shuna mo vali mongulu yetokolo, ndele ta ifana Jesus, ndele ta ti kuye: “Oove ohamba yOvajuda?” 34 Jesus okwe mu nyamukula: “Eshi owe shi tonga mwoove mwene, ile ovanhu ve shi ku lombwela, tava popi nge?” 35 Pilatus okwe mu nyamukula: “Aame Omujuda? Ovanhu vomoshilongo sheni novapristeli ovakulunhu ovo ve ku yandja kwaame; owa ninga shike?” 36 Jesus okwa nyamukula: “Ouhamba wange kau fi womounyuni ou; ouhamba wange ngeno womounyuni ou, ovapiya vange ngeno va lwa, ndiha yandjwe kOvajuda. Ndelenee paamha ouhamba wange kau fi waamu.”
37 Opo Pilatus okwa tya kuye: “Oove ohamba nokuli?” Jesus okwa nyamukula: “Heeno, ngaashi to ti, Aame ohamba. Onghee nda dalwa nde uya mounyuni ou, ndi hepaulule oshili. Keshe ou womoshili, ye ota udu ondaka yange.” 38 Pilatus ta ti kuye: “Oshili oshike?”
Ndele eshi e shi tya, ye okwa pita mo vali, ta i kOvajuda, ndele ta ti kuvo: “Nghi wete nande etimba muye. 39 Ndelenee nye omwe shi ika, ndi mu mangululile omupandekwa umwe poshivilo shaPaasa. Omwa hala hano ndi mu mangululile ohamba yOvajuda?” 40 Ndele vo va ingida tava ti: “Ahowe. Hayou, ndelenee Barabas!” Ndelenee Barabas okwa li omukolokoshi.
