Jerusalem tashi kondekwa kaatondi
1 Aabenjamin ne, tembukii mo, mu ka holame! Zii mo muJerusalem! Hikeni enkuma muTekoa! Dhikeni endhindhiliko muBetakerem! Oshiponga nehanagulo otali ziilile kuumbangalantu. 2 Oshilando Sion osho opala, ihe otashi ka hanagulwa po. 3 Aakwaniilwa pamwe nomatangakwiita gawo otaa ka yungila ko oontanda. Taa dhike omatsali gawo ya kunduka oshilando, noshaa ngoka ote li dhike mpoka a hala. 4 Otaa ka tya: “Ilongekidheni, mu ponokele Jerusalem! Langeleni komauta! Tu shi matukileni moshanga shomutenya!” Ihe otaa ti ishewe: “Okwa fa kwa toko, etango lya peguka, omizile dha ningi omile. 5 Thikameni utale tu shi ponokele uusiku; tu kumunii po omankolokuma goshilando.”
6 Omuwa, Omunankondoawike okwa lombwele aakwaniilwa mbaka ya ke po omiti noya tungile Jerusalem omutuni gwekondekela. Okwa ti: “Otandi geele oshilando shika, oshoka oshu udha uukolokoshi. 7 Otashi zi uuwinayi sha fa omuthima tagu vile omeya. Ondu uvite omayugathano nomahanagulo moshilando nondi wete mo ashike uuwehame niilalo. 8 Aajerusalem ne, uudhigu mbuka nau kale elondodho kune; ngele hasho, otandi mu thigi po; oshilando sheni otandi shi shitukitha ombuga, ehala lyaa na aantu.”
9 Omuwa Omunankondoawike ota ti: “Israel ota ka toononwa thilu a fa omuviinu gwa kekwa omahila agehegehe. Osho u na okumangulula shaa ngoka, manga ku na ethimbo.”
10 Onda yamukula: “Olye ta pulakene ndje, sho te popi ndi ya londodhe? Oya tangalala notaa tindi okupulakena elaka lyoye; otaa yolo shoka to lombwele ndje ndi shi tye. 11 Omuwa, ondjahi yoku ya geela otayi lilima mungame wo; itandi vulu oku yi idhidhimikila.”
Omuwa okwa ti kungame: “Yi tilila maanona ye li momapandaanda nomaalumentu aagundjuka ya gongala pamwe; maasamane nomaakulukadhi ongashikwawo; nando oya kulupa, itaa hupu ko. 12 Omagumbo gawo otaga ka gandjwa po kuyalwe, nosho wo omapya gawo naakiintu yawo. Otandi ka geela aantu yoshilongo shika. 13 Ayehe, aagundjuka naakuluntu, oye hole eliko lyiifundja. Nokuli aahunganeki naayambi otaa kotokele aantu. 14 Iilalo yaantu yandje otaa hala oku yi panga taa ti: ‘Oku na ombili,’ ko kwaa na nando ombili. 15 Oya li tuu ya sa ohoni, sho ya longo iihuna mbika? Aawoo, inaa sa nando ohoni; inaa tseya nokuli shoka tayi ti. Otaa ka nganyukila po pamwe naambeyaka yalwe ya pundukila po nale; sho tandi ya geele, otali ka ninga ehulilo lyawo. Ongame Omuwa nda popi.”
Israel te ekelehi ondjila yOmuwa
16 Omuwa ota ti: “Ka thikameni poompagiila mu tale. Puleni omapola goshitonale, puleni ondjila ombwanawa mu ende mo notamu kala nombili.”
Ihe oya ti: “Itatu ende mo.” 17 Omuwa okwa langeke aalangeli ya pulakene elondodho lyenkuma. Ihe oya ti: “Itatu pulakene.”
18 Onkee ano Omuwa okwa ti: “Pulakeneni, ne iigwana, konekeni shoka tashi ka ningilwa aantu yandje. 19 Ngoye evi, pulakena! Aantu mbaka otandi ya undulile oshiponga, iiyimati yiineya yawo, oshoka inaa pulakena oohapu dhandje. 20 Ondi na shike niitsinino taye yi eta tayi zi kuSheba nenge iizimba tayi zi koshilongo shokokule? Itandi ka taamba nando omafikilondjambo gawo nenge ndi mbilipalithwe koontselelandjambo dhawo. 21 Otandi ka teleganitha aantu mbaka e taa punduka. Oohe noyanamati otaa ka sa, nosho tashi ningilwa ookuume naashiinda.”
Ehomono tali zi kuumbangalantu
22 Omuwa ota ti: “Aantu otaa ya taa zi koshilongo shokuumbangalantu; oshigwana oshinankondo tashi zi kokule, oshi ilongekidhila olugodhi. 23 Oye na omatati nomagonga; oyo aageyentu ye na onyanya. Otaa kugu ya fa efuta tali pupu, sho ya kayila uukambe wawo. Oyi ilongekidhila olugodhi ya kondjithe Sion.”
24 Aajerusalem oya ti: “Otu uvu onkundana, nomaako getu oga lemanekwa; otwa kwatwa kehaluko nokuuwehame twa fa omukiintu e na oshitheta. 25 Inamu pita mo, mu ye komapya nenge mu ka ende momapola, oshoka omutondi oku na egongamwele, naakuhe oku na iihuna yowala.”
26 Omuwa ota ti: “Aantu yandje ne, zaleni omahahi ne mu gwaye omutoko. Lileni omahodhi omapyu mwa fa tamu lili omumati epona, oshoka ngoka te ya e mu hanagule po, ota homona mbala. 27 Jeremia, onde ku langeke u ninge omuyeleki gwaantu yandje; ya yeleka nokukonakona iikala yawo. 28 Oyo ayehe aanamanganga, aakukutu ya fa osheela oshikushu nosheela oshiluudhe. Oyo ayehe yo ola, taye endagula taa popi oluhoko. 29 Omupepo otagu pepele, ihe osheela itashi hemuka shi ze omange. Itashi kwatha sha, aantu yandje ya yelithwe, oshoka mboka haa longo uuwinayi, inaa kuthwa mo. 30 Otaa ka lukwa omange, uutale waa na oshilonga, oshoka ongame Omuwa nde ya ekelehi.”
Oshiwana tashi ka nyonaunwa po molwokuhelidilulula kwasho
1 MuJerusalem djeni onhapo, onye Ovakwabenjamin! Shikeni enghuma muTekoa, nye mu dikile muBet-Hakerem edidiliko lomundilo, osheshi koumbangalanhu otaku di oshiponga nehanauno lidjuu! 2 Omona okakadona kaSion muwa, ye a yakulwa unene, ohandi mu hanauna po. 3 Otapa ka dja ovafita noimuna yavo tave uya kuye, ndele tava ongo eenhanda, tava lifa keshe tuu umwe ponhele yaye. 4 Lilongekideni, va kuwileni onghuwo, fikameni tu ka fike ko pokati komutenya! Woo, osheshi etango otali toka nokuli. Omididimbe donguloshi tadi i kokule. 5 Fikameni, tu ka fike ko oufiku, tu ka xwike po eengulu daye doupuna. 6 Osheshi Omwene womatanga ovakwaita ota ti ngaha: Ka keni omiti nye mu umbe ongubu ya dingilila Jerusalem! Oshilando osho tuu osho oshi nokuhandukilwa, sho shi yadi oukolokoshi meni lasho. 7 Ngaashi ondungu hai fuluka omeva ayo mawa, osho yo nasho hashi fuluka owii washo. Omahepeko nomahanauno haa udika nomayehamo noipute oku li alushe koshipala shange. 8 Jerusalem, dulika nokulidilulula, opo omwenyo wange uhe ku liteeke, opo ndihe ku shitukife eputu, edu lihe novanhu. 9 Omwene womatanga ovakwaita osho ta ti: Ekongololo loixupe ngaashi omuviinyu tau endululwa pekolo, osho tashi kala oixupe yomuIsrael. Kumifa eke loye komashila ngaashi omukoli ha ningi. 10 Olyelye ngeno ndi tonge sha kuye noolyelye ava ndi va londwele ngeno va ude ko? Tala, omatwi avo inaa pitifwa etanda, vo ihava dulu okuuda. Tala, ondjovo yOmwene oya ninga oiyolifa yavo inave i hala. 11 Opo nee ame onda yada oupyuhandu wOmwene, itandi dulu oku u kelela. U tila hano kombada younona vomomapandavanda nokombada yeengudu dovanyasha, kombada yaaveshe, osheshi omulumenhu nomukainhu ove nokukwatwa, nomunyeumbo pamwe nomukulunhu weenghwakutoka. 12 Omaumbo avo otaa ningi ovanhu vamwe, omapya novakainhu vavo yo, osheshi Ame ohandi aneke eke lange nokuhanyena oonakukalamo moshilongo, Omwene osho ta ti. 13 Osheshi vo aveshe, ounona vavo novakulunhu, ve hole eliko loipupulu, ovaxunganeki novapristeli aveshe ve nekonda. 14 Ndele vo ova hala okuhakula noupu oshiponga shomona okakadona koshiwana shange, eshi tava ti: Ombili, ombili. Nande kape nombili. 15 Vo otava ka fifwa ohoni, shaashi ova longa oixuna, voovene inava shiiva okufya ohoni, vehe neudito lohoni, onghee ove nokufila pamwe noonakudipawa. Pomafiku enya nge handi va handukile, otava ka xutuka, Omwene osho ta ti.
16 Omwene osho okwa popya: Indeni ko keendjila, nye mu tale, mu pule omalila enya oshito, a endwa nale, oo okwa li ondjila yelao, nye mu ende nayo, ndele nye otamu ka monena eemwenyo deni etulumuko. Ndelenee vo ova nyamukula: Inatu hala okweenda nado. 17 Ndele Ame onde mu nangekela ovanangeli, onda tya: Pwilikineni oshihomo shomanghuma. Ndelenee vo ova nyamukula, Inatu hala okupwilikina. 18 Onghee hano pwilikineni, onye oiwana! Neongalo kala u shi shii, eshi tashi ka ningwa mokati kavo! 19 Edu pwilikina! Tala, ovanhu ava ohandi va umbu omupya, owo oshiimati shomadiladilo avo, osheshi vo inava pwilikina eendjovo dange nomhango yange ve i ekelashi! 20 Hano etwimino loimbodi tali di kuSheba, otali kwafa nge shike, nolumbungu lakalmus tali di koilongo yokokule? Omaxwikiloyambo eni inandi a hokwa nomatomenoyambo eni inaa wapalela nge. 21 Onghee Omwene ota ti: Oshili, ovanhu ava onda hala okuumba emanya lepundukifo mondjila yavo, tava pundukile ko, ooxe novana mumwe, omushiinda nomushiinda tava nyonauka po.
22 Omwene osho ta ti: Otapa di ovanhu kedu lokoumbangalanhu, noshiwana shinene tashi djuuka, tashi di kominghulo dedu. 23 Ove nomauta nomaonga, ovapwidi, vehe nonghenda. Eweelelo lavo ongaashi engungumo lefuta ndele tava londo eenghambe, ve lilongekida ngaashi ovakwaita, ve ku tondokele, ove omona okakadona kaSion. 24 Eenghundana dasho otwe di uda, omaoko etu okwa wa, oumbada we tu kwata, tu nouyehame ngaashi omudali. 25 Ino ya nande okokule moixwa, ove ino enda momalila, osheshi eongamukonda lomutondadi oli li ko, oixuna yongaho keembinga adishe! 26 Akutu, omona okakadona, oshiwana shange! Lidika oikutu yeefya, ove u alangate momute. Shiva eenghali, ove u lile ngaashi ewifa hali lilwa eenghali nokulililila, osheshi omuhanauni ote ku faukile diva.
27 Ame onde ku tula mokati kovanhu vange omupashukili nepopilohote, opo u shiive ndele u yeleke okweenda kwavo. 28 Aveshe ovanandubo ve dule ovanandubo vamwe. Ve hole omalundilo. Vo oshikushu noivela, aveshe va nyonauka. 29 Omupepo tau pepele neenghono momundilo tau di oholo aike, ndele ya hemunwa nokuhemununwa oshimha, ndelenee oyo ii oyo anya okutongoka mo. 30 Vo otava ka ifanwa oshisiliveli kashi noshilonga, sha ekelwashi, osheshi Omwene okwe va ekelashi.
