Uulunde waJerusalem
1 Aajerusalem, matukileni momapandaanda geni!
Ligameneni akuhe! Italeni ne yene!
Kongeni omalandithilo!
Otamu vulu tuu okumona omuntu ta ningi nawa
nota kambadhala okwiinekela Kalunga?
Ngele osho, nena Omuwa ota ka dhimina po Jerusalem.
2 Nonando tamu ti, otamu longele Omuwa,
itamu dhiladhila shoka tamu popi.
3 Oshili, Omuwa ota tala uudhiginini.
Okwe mu dhenge, ihe inamu pupa ko;
okwe mu nyanyagula, ihe omwa tindi okunongela sha.
Omwa tangalala noinamu etha uulunde weni.
4 Onda dhiladhila: “Mbaka oohepele dhowala naashamba.
Oye na uugoya; inaa tseya shoka Kalunga kawo ta pumbwa,
shoka Kalunga a hala ya ninge.
5 Otandi hedha kaanenentu e tandi popi nayo.
Oshili, otaa tseya Kalunga shoka ta pumbwa,
shoka Omuwa a hala ya ninge.”
Ihe oye ekelehi epangelo lyOmuwa
noya tindi okuvulika kuye.
6 Omolwashoka oonime tadhi ka hituluka momugulu, dhi ya lye po;
omambungu gomombuga otage ke ya ndimbula iintimbu,
noongwe otadhi ka hundjunina miilando yawo.
Aantu ngele otaa gwaya mo, otadhi ya tuula,
oshoka uulunde wawo wi indjipala,
esiku nesiku oya pilamene Kalunga.
7 Omuwa okwa pula a ti:
“Omolwashike ndi dhimine po aantu yandje?
Oye etha ndje noya longele ookalunga yaa shi yoshili.
Onda palutha aantu yandje sigo ya kuta,
ihe oyo ya hondele noya kala momagumbo goohonda.
8 Oya fa uukambe uutsezi wo ondoka wa nikula
taa haluka aakiintu yayakwawo.
9 Ondi kale ando inaandi ya geelela iihuna mbika
nondaa konenene oshigwana miinima ya tya ngaaka?
10 Otandi tumu aatondi ya ke po omiviinu dhaantu yandje,
ihe haku ya hanagula po sheke.
Otandi ya lombwele ya ponone ko iitayi,
oshoka iitayi mbyoka kayi shi yandje.
11 Aaisraeli nAajuda oya gwaaleke ndje shili.
Ongame Omuwa nda popi.”
Omuwa te ekelehi Israel
12 Aantu yOmuwa oye mu idhimbike ta ti: “Ita ka ninga sha! Itatu adhika koshiponga! Itatu adhika kiita nenge kondjala yekomba.” 13-14 Oya ti, aahunganeki kaye na omwago, oohapu dhawo ombepo yowala, kaye na elaka lya za kOmuwa. Omuwa, Kalunga Omunankondoawike, okwa lombwele ndje a ti: “Jeremia, aantu sho taa popi iinima ya tya ngaaka, otandi ka tema oohapu dhandje dhi ninge omulilo mokana koye. Aantu otaa ningi ya fa iikuni, nomulilo otagu ya lungunitha po.”
15 Aaisraeli ne, Omuwa ote eta oshigwana tashi zi kokule, shi mu matukile. Osho oshigwana oshinankondo noshikulu, shoka elaka lyasho inoo li tseya. 16 Oondjumbeta dhasho odho aakwiita aanankondo taa dhipaga yaa na onge yasha. 17 Otaa ka dhilagula po iilya yeni niikulya yeni; otaa ka dhipaga po aana yeni aamati naakadhona. Otaa ka tsela po iimuna yeni, oongombe niikombo. Otaa ka hanagula po omiviinu nomikwiyu dheni. Iilandohote yeni mbyoka mwi itula, otayi ka hanagulwa po kiita yawo.
18 Omuwa ota ti: “Ihe nomomasiku ngoka wo itandi ke mu yonagula po thiluthilu. 19 Aantu nge taa pula taa ti: ‘Omolwashike Omuwa Kalunga ketu a ningile aantu ye iinima ya tya ngaaka?’ Ya yamukula to ti: ‘Ngaashi mwi iteka ndje nomwa longele iikalunga iikwiilongo mevi lyeni yene, osho tamu ka longela aakwiilongo mevi lyaa shi lyeni.’ ”
Kalunga ta londodha aantu ye
20 Omuwa ota ti: “Shi hokololeleni oluvalo lwaJakob, ne mu shi tseyithile Aajuda: 21 Pulakena, shigwana ngoye oshigoya noshaa na oondunge. Ne omu na omeho, ihe kamu wete ko; omu na omakutsi, ihe kamu uvite ko. 22 Ongame Omuwa, oshike ihaamu tila ndje? Omolwashike itaamu kakama koshipala shandje? Onda ndumbile ehekevi li ninge ongamba yefuta, ongamba yolela itaayi taakanwa we. Efuta otali vulu okufuluka, ihe itali vulu oku yi taaguluka. Omakuthikuthi otaga yaya, ihe itaga vulu okuwayuka mo. 23 Ihe yantu ne! One aatangalali naanamanganga; omwa pilamene ko nomwa thigi ndje po. 24 Inamu hala nando mu simaneke ndje, nando handi mu lokithile omvula yontemuna noyothinge nohandi mu pe eteyo omumvo kehe. 25 Uulunde weni owe mu keelele uuwanawa mbuka auhe.
26 “Aantu aawinayi oya kala mokati kaantu yandje. Otaa hondjunine ya fa aategi yoomwigo ya yule oondhila, ihe otaa lukile omatavu ya yule aantu. 27 Naanaa ngaashi omukongo tu udha oshikuku she oondhila, osho yu udhitha omagumbo gawo nomaliko ga yugwa. Osho she ya ningi aanankondo naayamba. 28 Oyo ondoka ya ndinda nawa. Miilonga yawo iiwinayi kamu na ongamba. Itaa uthile oothigwa pauyuuki nenge ya popile oohepele.
29 “Ihe ngame Omuwa otandi ke ya geelela iihuna mbika, otandi ka kwatela oshigwana shika iikonene. 30 Moshilongo omwa ningwa iihuna. 31 Aahunganeki otaa hunganeke iifundja, aayambi otaa pangele pamalombwelo gaahunganeki, naantu yandje oye shi hole pahedhi ndjika. Ihe otaa ka ninga shike, ayihe nge ya hulu po?”
Oshiwana she liteeka Omwene, otashi ka handukilwa
1 Indeni momapandavanda aJerusalem, mu tale nye mu kundane nokupulapula momapandavanda avo, ngeenge tamu mono mo umwe, ngeenge mu na nando umwe ta wanifa ouyuki ndele ta kongo oshili, opo nee ohandi shi file onghenda. 2 Ndele nande vo aveshe tava ti: Oshili, ngaashi Omwene e nomwenyo, otava ane oipupulu. 3 Omwene, omesho oye inaa tala tuu oudiinini? Ove owe va denga ndele vo ova kala kave udite ouyehame. Ove owe va teya po, ndelenee vo ova anya okudulika. Oshipala shavo ove shi kukutika shi dule emanya, ndelenee inava tambula ehandupukululo. 4 Ndelenee Ame onda tya: Eehepele osho ve li ovashima, osheshi inava shiiva ondjila yOmwene neyukifo laKalunga kavo. 5 Nandi ye hano kovanamadina, ndi va popife, osheshi ovo va shiiva ondjila yOmwene neyukifo laKalunga kavo. Ndelenee vo aveshe ova teya ondjoko, ndele va tokola eestropa. 6 Onghee hano onghoshi yomofuka otai va nyanyaula, ombidi yomombuwa otai va hanauna po; ongwe tai hondjaunine oilando yavo. Keshe umwe ta di mo, ota ka pombaulwa, osheshi omanyonauno avo omahapu nokuliteeka kwavo okuhapu. 7 Ondi ku diminine po shike? Oludalo loye ola efa nge ndele ola ana kwaau ehe fi Kalunga. Ame onde va kutifa, ndelenee vo ova teya omahombolo ndele va ongala eengudu neengudu meumbo lombwada. 8 Ove li ngaashi eenghambe deemhedi da ondoka, tava tondauka ndele tava kwena keshe umwe omukainhu womukwao. 9 Ame ondi va tale nondihe va handukile ngeno molwaasho? Omwene ta ti; ile omwenyo wange itau kala nokuhandukila ngeno oshiwana sha tya ngaha? 10 Londeni kohotekuma yasho nye mu shi hanaune po, ndelenee inamu shi teyaula po sheke. Teteni po omashila omiviinyu, osheshi kae fi Omwene. 11 Osheshi eumbo laJuda neumbo laIsrael okwe liteeka nge, Omwene osho ta ti. 12 Ove lidimbika Omwene ndele va tya: Haye, nokape noshiponga tashi ke tu hanga. Neongamukonda nondjala itatu ke i mona! 13 Ndele ovaxunganeki ovo eemhepo dongaho, Omwene ou ta popi, ke mo muvo. Voovene osho nava ningwe!
14 Onghee hano Omwene, Kalunga komatanga ovakwaita ota ti: Eshi nye mu neendjovo da tya ngaha, onghee eendjovo dange otadi ningi omundilo mokanya koye, ovanhu ava otava ningi oikuni, ndele tau ke va xwika po.
15 Akutu, onye eumbo laIsrael! Taleni, Ame ohandi mu tumine oshiwana shokokule, Omwene osho ta ti, oshiwana sha pama, oshiwana sha kala nokuli nale, oshiwana elaka lasho ove uhe li shii, ndele ku udite ko eshi hava popi. 16 Eenywa davo da fa ombila ya ekama. Vo aveshe ovaladi. 17 Ndele otava ka lya po eteyo loye nomungome woye, tava ka lya po ovamwoye ovamati noukadona, tava ka lya po oikombo yoye neengobe doye, tava ka lya po omuviinyu woye nomukwiyu woye, tava ka teya po oilandohote yoye ya pama we i lineekela, tai hanaunwa po keongamukonda.
18 Ndelenee opomafiku tuu enya, Omwene osho ta ti, itandi mu mane po sheke. 19 Ndele ngeenge tamu pula: Kalunga ketu okwe tu ningila shike ngaha? Opo nee va lombwela u tye: “Ngaashi nye mwe liteeka nge nomwa fimaneka oikalunga yovanailongo medu leni, osho yo mu nokulongela ovanailongo medu lihe fi leni.”
20 Odo di lombweleni eumbo laJakob, di udifileni Juda mu tye: 21 Pwilikineni onye omalai, muhe neendunge, ve nomesho, vo ihava mono ko, nove nomatwi, vo ihava udu ko. 22 Inamu hala okutila ile okukakama koshipala shange, Omwene osho ta ti, Ame ou nda dika eheke la ninga ongaba yefuta, li ninge oshikelelifo alushe, lihe shii okutaulukwa. Nande nali undulwe komakufikufi alo, ole a nyenga, nande naa tukuluke, itaa dulu oku li tauluka. 23 Ndelenee ovanhu ava ovanashityani nove nomutima itau dulika, ova pilamena ko ndele va ya neendjila davo vene. 24 Inava tya momitima davo nokutya: Natu tileni Omwene Kalunga ketu, ou he tu lokifile odula, odula yonhemuna nodula yokulombo pefimbo layo nokwe tu tongolela oivike yeteyo. 25 Ndele omanyonauno eni okwa dongakanifa oinima ei, nomatimba eni okwe mu imba okumona ouwa. 26 Osheshi movanhu vange omu novadinikalunga; vo ohava hondjaunine ngaashi ovakongi veedila have likoko, vo ohava tele omiyo ndele hava kwata ovanhu. 27 Ngaashi omhu i yadi oudila, osho yo omaumbo avo e yadi ekonda; panghedi ei ova ninga ovanenenhu noipuna. 28 Ova ondoka, va ondokelela, va twima omaadi, ndele hava kungu eendjovo dii; vo ihava yukifa pashili eendjovo deefiye ihave di yukifa noku va popila. Eehepele yo ihave va popile va tokolwe nawa. 29 Hano ondi kale ngahelipi itandi va handukile ngeno, Omwene osho ta ti, ile omwenyo wange u kwatele ovanhu va tya ngaha onghone?
30 Oixuna, oixuna tai tumhaukifa omaxwilili, oya ningwa moshilongo. 31 Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?
