Epaya lyoliina
1 Omuwa okwa lombwele ndje a ti: “Ki ilandele epaya lyoliina, u li zale mombunda yoye, ihe ino li yaya tuu momeya.” 2 Onda landa epaya, ngashika Omuwa a ti, nonde li zala mombunda. 3 Oohapu dhOmuwa odha adha ndje ishewe tadhi ti: 4 “Kutha epaya ndyoka wa landa nowe li zala mombunda, inda komulonga Eufrat u li holeke molumbogo lwemanya.” 5 Onda yi nonde li holeke pomulonga Eufrat, ngaashi Omuwa a lombwele ndje.
6 Sho pwa piti omasiku ogendji, Omuwa okwa lombwele ndje a ti: “Inda kuEufrat u ka tale ko epaya ndyoka nde ku lombwelele u ke li holeke ko.” 7 Onda shuna ko nonda kutha mo epaya mehala moka nde li holekele. Ihe olya li lya kulupa lyaa na we oshilonga.
8 Omuwa okwa lombwele ndje a ti: 9 “Ano osho ngeyi tandi shundula einenepeko lyaJuda nuuntsa waJerusalem. 10 Aantu mbaka aawinayi oya tindi okuvulika kungame. Oya ningi aatangalali notaa simaneke nokulongela iikalunga yaapagani. Onkee ano otaa ka ninga ya fa epaya ndika kaali na we oshilonga. 11 Ngashika epaya lya kwata mombunda, osho ngaaka onda hala okukwatathana nAaisraeli ayehe nAajuda. Onde shi ningi, opo ya kale aantu yandje taa hambelele nokusimaneka edhina lyandje, ihe yo inaa vulika kungame.”
Oshiyuma shomaviinu
12 Omuwa okwa lombwele ndje a ti: “Jeremia, lombwela Aaisraeli kutya oshiyuma kehe shomaviinu ohashi udhithwa nomaviinu. Otaa ka yamukula kutya oya tseya kutya iiyuma yomaviinu ohayi udhithwa omaviinu. 13 Ya lombwela nduno kutya ongame Omuwa tandi ka nwetha aantu moshilongo shika nomaviinu, sigo ya kolwa: aakwaniilwa, mboka oluvalo lwaDavid, aayambi, aahunganeki nAajerusalem ayehe. 14 Otandi ke ya nyanyagulithathana, shamukuluntu osho ngaa shamunona. Itandi kankekwa nando kuugelele nenge kesilohenda, opo ndaaye ya dhipage ando.”
Jeremia ta kondjitha uuntsa
15 Aaisraeli ne, Omuwa okwa popya!
Ifupipikeni, mu pulakene.
16 Simanekeni Omuwa, Kalunga keni,
manga inaa tuma omilema,
notamu ka telagana noondundu.
Otamu tegelele uuyelele,
ihe oye te u shitukitha omilema thokothoko.
17 Ngele itamu pulakene elondodho ndika,
uuntsa weni otau lilitha ndje ompompohodhi;
ote lili omahodhi omapyu,
omahodhi otaga pononoka ashike,
aantu yOmuwa sho taa kwatwa po
e taa falwa muupongekwa.
18 Omuwa okwa lombwele ndje a ti: “Lombwela omukwaniilwa nayina, ya kuluke ko kiipangelapundi yawo, oshoka iishani yawo yuulenga oya gu ko komitse dhawo. 19 Iilando muumbugantu waJuda oya kondekwa nokaku na ngoka ta vulu oku yi egulula. Aajuda ayehe oya kwatwa po noya falwa muupongekwa.”
20 Tala utale, Jerusalem! Aatondi yoye otaye ya taa ziilile kuumbangalantu. Aantu mboka ye ku inekelelwa, oye li peni, aantu yoye mboka ho inomene? 21 Oto ka popya shike, uuna aantu mboka wa dhiladhila ookuume koye, taye ku sindi notaye ku pangele? Oto ka adhika koshitheta sha fa shomukulukadhi ta vala. 22 Ngele oto pula kutya omolwashike iinima mbika ye ku ningilwa — omolwashike oonguwo dhoye dha togonyonwa po nowa kondjithwa — osha ningwa omoluulunde woye uunene. 23 Omuetiopia ota vulu tuu okulundulula oshipa she, nenge ongwe yi ikuthe iitotono yayo? Ngele otashi vulika, nena nangoye wo ngoka ho longo uuwinayi auke, oto vulu okwiilonga uuyuuki. 24 Omuwa ota ka halakanitha aantu yoye ya fa etutu tali pepwa po kombepo yokombuga. 25 Shika oshipewa shoye, oshitopolelwa shoka Omuwa e shi ku uthile, oshoka owe mu dhimbwa nowi inekela iikalunga yiifundja. 26 Omuwa oye mwenemwene ta yelutha onguwo yoye, epenge lyoye li monike. 27 Okwe ku mono to longo shoka ha tondo. Okwe ku mono to yi kiikalunga yaapagani koondundu nokomalundu, wa fa omuntu a lopela mukadhamushiinda she, wa fa okakambe okatsezi ka lamba okanzinzi. Yaye ne Aajerusalem! Onamu yogoka uunake?
Okuhandukilwa kwOvajuda taku xunganekwa
1 Omwene okwa lombwela nge ngaha: “Inda u ke lilandele ekwamo loshiyata, ove u li djale moshiya, ndelenee ino li efa li ye momeva.” 2 Ndele ame onde lilandela ekwamo, ngaashi Omwene a lombwela nge nonde li djala moshiya shange. 3 Opo nee ondjovo yOmwene oya hanga nge lutivali tai ti: 4 “Kufa ekwamo we li lilandela, we li djala moshiya shoye, fikama u ye komulonga waEufrat, ove u ke li holeke kwinya mokakololo kemanya.” 5 Ndele ame onda ya ko, nonde li holeka puEufrat, ngaashi Omwene a lombwela nge ndi ninge. 6 Eshi pa pita omafiku mahapu, Omwene okwa lombwela nge: Fikama, inda ko kuEufrat, ove u ka tale ekwamo nde ku lombwela u li holeke ko. 7 Opo nee ame onda ya ko kuEufrat, nonda fudula mo nonda kufa ekwamo konhele inya nde li holekele, ndele tala, ekwamo ola nyonauka kali na vali oshilonga. 8 Ondjovo ei yOmwene oya hanga nge tai ti: 9 Omwene ota ti ngaha: Osho ngaha ohandi ka shundula elinenepeko linene laJuda nolaJerusalem. 10 Oshiwana eshi shii tashi anye okupwilikina eendjovo dange, ndele tashi kala nokweenda moukukutu womutima washo, tashi shikula oikalunga noku i longela nokulinyongamena kuyo, tashi ka kala ngaashi ekwamo eli, kali na vali oshilonga. 11 Osheshi ngaashi ekwamo lomulumenhu hali kwata oshiya, osho yo ame handi ka kwatakanifila mwaame mwene eumbo alishe laIsrael neumbo alishe laJuda, Omwene osho ta ti, opo vo va ninge oshiwana shange nefimano lange nehambelelo lange noshinge shange. Ndelenee vo inava dulika.
12 Onghee hano va lombwela ondjovo ei: Omwene Kalunga kaIsrael ota ti ngaha: “Oshitoo keshe otashi yadifwa omaviinyu. Nongeenge tave ku lombwele: Fye vene katu shi shii ngeno oshitoo keshe tashi yadifwa omaviinyu? 13 Opo nee va lombwela u tye: Omwene osho ta ti: Taleni oonakukala aveshe vomoshilongo, eehamba edi tadi kala omutumba kolukalwapangelo laDavid, ovapristeli novaxunganeki noonakukala muJerusalem aveshe, handi ke va yadifa oukolwe va kolwe. 14 Ndele Ame ohandi ke va nyanyaulifafana nooxe novana mumwe, Omwene osho ta ti, itandi kenukile, itandi xupifa, itandi fi onghenda, ndi va efe ngeno itandi va nyono po.”
15 Pwilikineni hano nye mu didilike, inamu kala nokulinenepeka, osheshi Omwene okwa popya. 16 Fimanekeni Omwene, Kalunga keni fimbo inaku laula nofimbo eemhadi deni inadi koyauka keemhunda momilaulu. Opo nee nye otamu kala nokuteelela ouyelele, ndelenee Ye ote u lundulula tau ningi omudidimbe wefyo, note u ningi omilaulu fokofoko. 17 Ndelenee ngeenge itamu di udu odo, ope nee omwenyo wange otau kala nokulila meholeko molwelinenepeko li fike opo, tau lili shili nomahodi otaa tondoka momesho ange, osheshi oshiwana shOmwene otashi ka twalwa moupika. 18 Tya kohamba nokomumbada: Kaleni omutumba poshi, poshielela, osheshi oshishani shetumbalo leni osha wa ko komitwe deni. 19 Oilando yokoumbuwanhu oya idilwa po nokape na ou te i yeulula vali. Juda ashishe osha twalwa moupika, aveshe ngaashi ve li. 20 Lyaameneni ko, mu tale, nhumbi tava di koumbangalanhu. Oshiwana we shi pelwe oshi li peni, eedi odo doye, etumbalo loye? 21 Oto ti ngahelipi, ye eshi ta ningi ovapangeli voye ovo we liikililifa oku va tala ovo ookaume koye? Ito hangika kefeto ngaashi omwalikadi omudali ta fetwa? 22 Ndele ngeenge ho lipopile momwenyo woye to ti: oinima i fike apa oya hangela nge shike? Molwomanyonauno oye eenyemba doshikutu shoye oda xumwa noififinwa yeemhadi doye oya monika.
23 Omuetiopia ota dulu tuu okushitukifa oshipa shaye ile ongwe omavala ayo? Ngeno tashi dulika, ngeno nanye yo otamu dulu okuwanifa ouwa, onye ava mwa ikilila owii. 24 Onghee hano Ame ohandi ke mu halakanifa ngaashi olungu tali i omhepo yokombuwa. 25 Oshipewa shoye noshitukulwa shoye nde shi ku tukulila, osho eshi, Omwene ta ti, shaashi ove owa dimbwa nge nowe lineekela oipupulu. 26 Onghee hano naame yo handi yelula omudjalo woye komesho opo u monike epenge. 27 Okuteya kwoye kwehombo nohole yoye yoipala noixuna yoye yoluhaelo loye kombada yoikulundudu yomoixwa, onde i mona. Woo oove Jerusalem! Ku na apa to koshoka. Tapa piti efimbo li fike peni natango, to ka koshoka?
