Ehangano tali teywa
1 Oohapu dhOmuwa odha adha Jeremia tadhi ti: 2 “Pulakeneni oohapu dhehangano. Lombweleni Aajuda nAajerusalem 3 kutya ngame, Omuwa Kalunga kaIsrael, otandi thingi shaa ngoka itaa vulika koohapu dhehangano ndika. 4 Olyo ehangano ndyoka nda hangana noohekulu, sho nde ya tembudha mo muEgipiti, mevi ndyoka lya li lya fa eziko lya hanya. Onde ya lombwele, ya vulike kungame noya gwanithe shoka tandi ti. Onde ya lombwele kutya ngele otaa vulika, otaa kala aantu yandje, nangame ote kala Kalunga kawo. 5 Nena otandi dhiginine euvaneko lyandje nde li uvanekele oohekulu kutya otandi ya pe evi ndika eyamba nolyo ondoka ye li na ngashingeyi.”
Onda yamukula nda ti: “Oshili, Omuwa.”
6 Omuwa okwa lombwele ndje a ti:
“Inda kiilando yaJuda nomomapandaanda gaJerusalem. Uvithila ko oohapu dhandje u lombwele aantu ya pulakene oohapu dhehangano noya vulike kudho. 7 Oohekulu sho nde ya tembudha muEgipiti, onde ya londodha nokugana, ya vulike kungame, nonda dhiginine okulondodha aantu yandje sigo onena. 8 Ihe inaa pulakena nenge ya vulike. Shaa ngoka okwa tsikile uutangalali nuuwinayi shi vule nale. Onde ya lombwele, ya dhiginine ehangano, ihe oya tindi. Onkee onde ya undulile omageelo ngoka ga nyolelwa mo.”
9 Omuwa okwa lombwele ndje a ti: “Aajuda nAajerusalem oya tsa ondumbo nangame. 10 Oya shuna muulunde woohekulu, mboka ya tindi okulonga shoka nda ti; oya longele ookalunga yalwe; Israel naJuda oya teya ehangano ndyoka nda hangana noohekulu. 11 Onkee ano ngashingeyi ngame Omuwa otandi ya londodha kutya otandi ya undulile ehanagulo, oyo noitaa ka hunuka mo. Nongele taa kugile ndje ekwatho, itandi ke ya pulakena. 12 Aajuda nAajerusalem otaa ka ya kiikalunga mbyoka ye yi yambele omafikilondjambo notaye yi kugile ekwatho. Ihe iikalunga mbyoka itayi vulu oku ya hupitha, uuna ehanagulo tali ya. 13 Mpoka pu thike omwaalu gwiilando muJuda, opo pu thike omwaalu gwiikalunga yawo; naampoka pu thike omwaalu gwomapandaanda muJerusalem, opo pu thike omwaalu gwiiyambelo yomafikilondjambo ya tungilwa Baal, oshikalunga shi nyanyalitha. 14 Jeremia, ino galikana ndje nenge u indile ndje molwaantu mbaka. Ngele oye li muudhigu taa kugile ndje, itandi ke ya pulakena.”
15 Omuwa ota ti: “Aantu mboka ndi ya hole, otaa longo uuwinayi. Oye na uuthemba washike okukala motempeli yandje? Otaa dhiladhila kutya otaa vulu okukeelela oshiponga, sho taa uvaneke omauvaneko notaa yamba oontselelandjambo? Otashi ya pe elago shika? 16 Onde ya luku omuolivi gwa hetukila, gwa kanyata iiyimati yo opala; ihe ngashingeyi otandi ka hwameka omafo gagwo, notaku uvika endundumo, note pompona ko iitayi yagwo.
17 “Ongame, Omuwa Omunankondoawike, nda tsike Israel naJuda; ihe ngashingeyi otandi ya undulile oshiponga. Oye shi iyetele yo yene, oshoka oya yono; oya geyitha ndje, sho ya yambele Baal omafikilondjambo.”
Jeremia ta tsilwa ondumbo
18 Omuwa okwa tseyithile ndje ondumbo ndjoka aatondi yandje ya pangele molwandje. 19 Onda li nda fa onzigona tayi falwa koshidhipagelo; inandi tseya kutya otaa kondjitha ndje, sho ya dhiladhilile ndje uuwinayi. Oya li taa ti: “Omuti natu gu komangele po, manga gwa ziza nawa, natu mu dhipageni po, opo pwaa kale ngoka te mu dhimbulukwa we.”
20 Onda galikana nda ti: “Omuwa Omunankondoawike, ngoye omutokolihapu omuyuuki, oto konakona omatedho nokuyeleka oomwenyo dhaantu. Ondi itula miikaha yoye, tonatela ndje; aantu mbaka ya galulila uuwinayi.”
21 Aantu yokuAnatot oya hala okudhipaga ndje po, ngele otandi dhiginine okuuvitha oohapu dhOmuwa. 22 Onkee ano Omuwa Omunankondoawike okwa ti: “Otandi ke ya geela! Aagundjuka aamati yawo taa ka sila miita; aanona yawo otaa ka sa kondjala. 23 Ondu utha ethimbo lyokweetela Aayanatot oshiponga, nuuna ethimbo ndyoka tali thiki, kape na nando ogumwe gwawo ta hupu ko.”
Ehangano lOmwene
1 Ondjovo ya hanga Jeremia ya dja kOmwene tai ti ngaha: 2 “Udeni eendjovo dehangano eli, di tongeni kovalumenhu vomuJuda nokoonakukalamo muJerusalem, 3 va lombweleni: Omwene Kalunga kaIsrael osho ta ti: ‘Omulumenhu ou ita dulika keendjovo dehangano eli, na fingwe, 4 olo tuu olo nde li pele ooxokulu efiku olo nde va tembula medu laEgipiti, mediko loshivela, eshi nda tile: Pwilikineni ondaka yange ndele wanifeni aishe naanaa ngaashi nde mu lombwela mu ninge, opo tamu kala ovanhu vange, naame ohandi kala Kalunga keni, 5 nondi pameke eano lange nde li anena ooxokulu nokuudaneka ndi va pe oshilongo tashi tondoka omashini nomaadi eenyiki, ngaashi nye mu shi kwete fiyo onena eli.’ ” Ndele ame onda nyamukula nonda tya: “Heeno, oshili, Omwene.” 6 Ndele Omwene okwa lombwela nge: “Eendjovo odo adishe di udifila moilando yaJuda nomomapandavanda aJerusalem u tye: Udeni eendjovo dehangano eli nye mu di wanife! 7 Osheshi onda pukulula shili ooxokulu, eshi nde va tembula medu laEgipiti, nofiyo onena onde va pukulula nonda tya: Pwilikineni ondaka yange. 8 Ndelenee vo inava pwilikina nongaashi inava ameka okutwi kwavo kwaame, ndelenee vo, keshe umwe, ova kala nokweenda moukukutu womitima davo dii. Onghee nda eta kombada yavo eendjovo adishe dehangano eli nde li va pele ve di wanife, ndelenee vo inave di wanifa.”
Okuliteeka po kwoshiwana
9 Ndele Omwene okwa lombwela nge, ndele ta ti: “Mokati kovalumenhu vaJuda nomokati koonakukala muJerusalem omu nehangakeno. 10 Vo ova shunina momanyonauno ooxekulu votete, venya va li va anya okudulika keendjovo dange, ndele va shikula oikalunga noku i longela. Eumbo laIsrael neumbo laJuda okwa teya po ehangano nde li ningilile nooxekulu vavo. 11 Onghee hano Omwene ota ti ngaha: ‘Tala, Ame ohandi va etele oshiponga tashi va nyenge okulixupifa mo. Nongeenge tava ifana nge, itandi va udu. 12 Ndele oilando yaJuda noonakukalamo muJerusalem, ngeenge tava i ko va ka ifane oikalunga oyo ve i xwikila omayambo, yo itai va xupifa mo mefimbo loshiponga shavo. 13 Akutu oove, Juda! Osheshi omuvalu woikalunga yoye, Juda u fike poilando yoye nongaashi omapandavanda omuJerusalem mahapu osho mwa dikila oshikalunga shohoni eealtari, mu xwikile Baal omayambo.’ 14 Ndele ove ino ilikanena ovanhu ava, u twale ondaka yoye pombada oku va popila nomailikaneno, osheshi Ame itandi va udu, ngeenge tava kuwile nge ekwafo omolwoshiponga shavo. 15 Omuholike wange ota kongo mo shike motembeli yange? A wanife omakoto ngeno? Omaudaneko mayapuki nombelela yeyambo otai kufa po tuu mwoove owii woye? Ngeno ngaha, ngeno to kala nokunyakukwa! 16 Omwene okwe ku luka edina loye: ‘Olumono litalala la wapala li neemono da kola nawa,’ ndelenee mokupepa kwomhepo inene okwe li temena omundilo, oitai yalo oya nyonauka po. 17 Ndele Omwene womatanga ovakwaita, ou e ku twika, okwe ku pangelela omhangela u hangike komupya omolwowii weumbo laIsrael noweumbo laJuda, ve u ninga nokuhandukifa nge, eshi va xwikila Baal omayambo.”
Jeremia ta hangakenwa
18 Ndele Omwene okwa shiivifila nge, naame onda shiiva, Ove wa talifa nge omalalakaneno avo. 19 Ndele onda li ngaashi okadjona ka mwena taka twalwa koshidipaelo, ndele shiiva nokutya, vo va kundafana nge ve nondubo naame tava ti: Tu nyonauneni po omuti ou pamwe noiimati yao, ndele tu u dude mo medu lovanamwenyo, edina laye liha dimbulukiwe vali. 20 Ndelenee, akutu, Oove, Omwene womatanga ovakwaita, Oove omutokoli omuyuki, omukonakoni weefiyo nowomutima. Shi itavela, ndi tale onghone yoye yoku va handukila, osheshi onde ku kandulila oihokolola yange. 21 Onghee hano Omwene ota popi ngaha ovalumenhu vomuAnatot ava hava nangele omwenyo woye, eshi hava ti: Ino xunganeka medina lOmwene, opo uha fye komake etu, 22 onghee hano Omwene womatanga ovakwaita ota ti: Tala, Ame ohandi va handukile: ovalumenhu vavo ovanyasha otava dipawa keongamukonda, ovana ovamati noukadona otava fi ondjala. 23 Itapa xupu nande oshixupe shomuvo, osheshi ovalumenhu vomuAnatot ohandi ke va efela oshiponga momudo wokuhandukilwa kwavo.
