Etakumo lyaIsrael
1 Akutu, andola u tuule egulu omusa e to kulukile pohi! Oondundu ando dhi hemukile koshipala shoye, 2 ngaashi omulilo tagu fike po iihwa notagu fulukitha omeya! Kulukila pohi, u tseyithile aatondi yoye edhina lyoye nou kakamithe iigwana koshipala shoye. 3 Okwa li ethimbo, sho we ya e to longo iilonga iitilithi mbyoka inaatu yi tegelela nando; oondundu odhe ku tala e tadhi kakama. 4 Noshitonale kaku na ngoka omakutsi ge gu uvile nenge omeho ge ga tonatele kalunga gulwe a fa ngoye ngoka ho longo to popile ngoka te ku inekele. 5 Oto tsakaneke mboka taa mono enyanyu tali zi megwanitho lyuuyuuki, oyo tuu mboka haa dhimbulukwa, nkene wa hala ya kale. Ando twa li ngaaka aluhe, ando otwa hupithwa. Owe tu geele, ihe otwa tsikile okuyona. 6 Atuhe otwa yono; niilonga yetu iiwanawa oya nyata ayiheyihe. Omolwomayono getu otwa fa omafo ga kukuta notaga pepwa po kombepo. 7 Kape na ngoka a galukile kungoye momagalikano; kape na ngoka te ya kungoye a kwathwe. Owe tu iholeke nowe tu etha omoluulunde wetu.
8 Ihe, Omuwa, ongoye tate. Tse eloya, ngoye omuhongi gwiiyuma. Owe tu shiti, 9 onkee ino tu geela nenge u dhimbulukwe omayono getu sigo aluhe. Otse aantu yoye; tu sila ohenda. 10 Iilando yoye iiyapuki oya ningi ombuga, eeno, Sion osha ningi ombuga, Jerusalem eputu lyowala. 11 Otempeli yetu ondjapuki noya simana, moka ootatekulu ye ku simanekele, oya fikwa po nomulilo, nuuyamba wetu auhe wa lala momakulukuma. 12 Omuwa, ayihe mbika itayi ku inyengitha? Ito ka ninga po sha, sho to tu hepekitha shi vulithe poonkondo dhetu?
Ekemo laIsrael
1 Akutu, ngeno u pombaule eulu ndele to kulukile poshi neemhunda ngeno di tengauke koshipala shoye, 2 nongaashi oukuni tava xwama komundilo nongaashi omeva taa fulukifwa komundilo, opo u hololele ovatondadi voye edina loye noiwana i kakame koshipala shoye, 3 eshi ove to longo oitilifalonga ei inatu i teelela! Akutu ngeno u kulukile poshi opo eemhunda di tengauke koshipala shoye! 4 Okoshito nale inapa udika ile inapa shiivika, ile eisho ngeno la tala Kalunga umwe ehe fi Ove auke, ou ha longo ya tya ngaha kwaava have mu teelele. 5 Ove to mu shakeneke ou ha wanifa nehafo ouyuki ndele ta kala te ku dimbulukwa meendjila doye. Tala, Ove we tu handukila, nafye otwa nyona, osho otwa kala efimbo lile; ohatu ka xupifwa tuu? 6 Ndelenee fye atushe otwa li ngaashi ovanyatekwa, nouyuki wetu aushe owa kala ngaashi oshikutu sha kaka. Otwa kukuta ngaashi omafo, nomanyonauno etu okwe tu twala ngaashi omhepo. 7 Ndele inapa kala nande umwe ou a ifana edina loye, ou a penduka okukanyatela kwoove, osheshi owe tu holeka oshipala shoye, ndele we tu efela tu notelwe koulunde wetu. 8 Ndelenee Omwene, Oove Tate, fye elova, naave Omumi wetu, fye atushe oshilonga sheke loye. 9 Omwene, ino tu handukila unene Ove ino dimbulukwa alushelushe oulunde wetu. Tala, heeno, tala, fye atushe ngaashi tu li ofye ovanhu voye. 10 Oilando yoye iyapuki oya ninga omaputu, Sion osha ninga eputu, Jerusalem osha ninga omuulu. 11 Otembeli yetu iyapuki noya fimana, omo ootate ve ku hambelelela mo, oya lungwina komundilo, noinima yetu aishe ya fimana oya ninga onduba yomakuma. 12 Nande ongaha Omwene, oto dulu tuu okulididimika, oto dulu tuu okumwena noku tu findila poshi fiyo alushe?
