Eithano lyomupiya gwOmuwa
1 Pulakenii ndje, ne aantu yokoontuntu dhomefuta,
ne iigwana yokokulekule!
Omuwa okwa hogolola ndje, manga inaandi valwa;
okwa tumbula edhina lyandje, manga nda li mekolo lyameme.
2 Okwa upike oohapu dhandje, dhi tse dha fa egongamwele.
Okwa gamene ndje noshikaha she mwene,
okwa ningi ndje oshikuti sha yagwa,
e ta holeke ndje mombalukutu ye.
3 Okwa lombwele ndje a ti:
“Israel, ngoye omupiya gwandje;
omolwoye iigwana tayi ka hambelela ndje.”
4 Onda ti: “Onda longo, ihe osima yowala.
Onda mana mo oonkondo dhandje, ihe inashi tompola sha.”
Ihe natango tuu tandi inekele Omuwa ta popile ndje;
ota ka futa ndje ondjambi yiilonga yandje.
5 Manga inaandi valwa, okwa utha ndje;
okwa lenge ndje, ndi ninge omupiya gwe,
ndi galule aantu ye,
ndi galule Aaisraeli mboka ya halakana.
Omuwa ta simaneke ndje;
oye othithiya yoonkondo dhandje.
6 Omuwa okwa lombwele ndje a ti:
“Ngoye omupiya gwandje, inashi ku gwanena,
nge to galula owala omazimo gaJakob
noto eta ko oonakuhupa yaIsrael.
Otandi ku ningi uuyelele waapagani,
ehupitho lyandje opo li thike nokooha dhuuyuni.”
7 Kalunga kaIsrael omuyapuki nomuhupithi
ota ti kungoka a dhinikika,
ngoka e tondike kiigwana
nokwa ningi omupika gwaapangeli:
“Aakwaniilwa otaa ka mona, sho to manguluka
notaa ka thikama ye ku simaneke;
aawa otaye ke shi tala
notaa ka tsa oongolo, ye ku tumbaleke.”
Shika otashi ka ningwa,
oshoka Omuwa okwa hogolola omupiya gwe;
Kalunga kaIsrael omuyapuki
oha dhiginine omauvaneko ge.
Ehepulutho lyaIsrael
8 Omuwa ota lombwele aantu ye ta ti:
“Ethimbo lyo opala onde ku uvu,
nethimbo lyehupitho onde ku kwatha.
Otandi ku dhiginine nomungoye tandi hangana niigwana.
Otandi ke ku tula ishewe mevi ndyoka lya mbugala ngashingeyi.
9 Otandi lombwele oonkwatwa te ti:
‘Mangulukeni!’
naamboka ya kala momilema:
‘Zii mo, mu ye muuyelele!’
Otaa ka fa oonzi tadhi napa koondundu;
10 itaa ka sa we ondjala nenge enota.
Etango nepupyu lyombuga itali ya hepeke,
oshoka otaa ka endithwa komuhepuluthi gwawo.
Ote ke ya fala komatope gomeya.
11 “Otandi ka ninga onenendjila ya tokola moondundu
nokupalela aantu yandje epola lyokweenda mo.
12 Tala, aantu yandje otaa ya taa zi komakule.
Otaa zi kuumbangalantu nokuuninginino,
nokevi lyaAswan muumbugantu.”
13 Imbeni, ne omagulu!
Kugilila kenyanyu, ngoye evi!
Oondundu nadhi mbolongondjithe omaimbilo!
Omuwa ota hekeleke aantu ye;
ote ehamenwa okuhepekwa kwaantu ye.
14 Ihe Aajerusalem oya ti:
“Omuwa okwe tu etha!
Oye e tu dhimbwa.”
15 Omuwa ota yamukula ta ti:
“Ope na tuu omwali ta dhimbwa okahanona ke,
a kale kee hole ando omunona e mu vala?
Nonando nee yina a dhimbwe omwana,
ngame itandi ku dhimbwa.
16 Tala, omiikaha yandje nde ku negele.
Tala, omeke lyandje nda nyolela edhina lyoye,
omadhingililokuma goye, Jerusalem,
oge li aluhe momeho gandje.
17 “Aamwoye otaa ya nziya,
naamboka ye ku mbugaleke, otaa shuna.
18 Yelutha omeho goye,
ngoye u ligamene koombinga noombinga.
Aantu yoye otaa kongoloka, otaye ya kegumbo!
Oshili ngaashi ndi na omwenyo,
oto ka kala u na uuntsa omolwaantu yoye,
wa fa omufuko a zala iimona ye.
19 “Oshilongo shoye osha li sha teka po nosha ninga eputu,
ihe ngashingeyi otashi ka ninga oshishona kaantu mboka taa ka kala mo.
Naamboka ye ku hepeke nale,
otaa ka kala kokule nangoye.
20 Aamwoye ya valelwa muupongekwa,
otaye ke ku lombwela taa ti:
‘Oshilongo shika oshishona unene,
otatu pumbwa ehala lyokukala!’
21 Nena oto ki ipopila to ti:
‘Akwetu, aanona mboka ayehe olye e ya valele ndje?
Onda li omuntimbe noinandi mona oluvalo.
Onda li omupongekwa nomweekelwahi —
olye a putudha aanona mbaka?
Onda li po awike —
aanona mbaka oya zi peni?’ ”
22 Omuwa Omupangeliawike ota ti ngeyi:
“Tala, otandi ka lapa aapagani,
otandi ka yeluthila iigwana ombaaneli yandje;
otaa ka eta aamwoye aamati ye ya ukata,
notaa humbata aamwoye aakadhona komapepe gawo.
23 Aakwaniilwa otaa ka ninga aatekuli yoye;
naanyekadhi otaa ka ninga aayamuthi yoye.
Otaye ke ku inyongamena ya tsa iipala yawo mevi,
notaa ka latha ontsi koompadhi dhoye.
Nena oto ka tseya kutya ongame Omuwa.
Mboka taa inekele ndje nokwiifupipika,
itaa ka sa ohoni.
24 Oto vulu tuu okuyuga aakwiita iihakanwa yawo?
Oto vulu tuu okuyugulula ko oonkwatwa miikaha yofule?”
25 Omuwa ota yamukula ta ti:
“Osho naanaa tashi ka ningwa.
Aakwiita otaa ka kuthwa oonkwatwa dhawo,
niihakanwa yoofule otayi ka yugwa ko.
Otandi ka kondjitha kehe ngoka te ku kondjitha,
notandi ka mangulula aamwoye.
26 Aahepeki yoye otandi ke ya litha onyama yawo yene.
Otaa ka kolwa kombinzi yawo yene ngashika komaviinu.
Aantu ayehe otaa ka tseya, ongame Omuwa,
ongame omuhupithi gwoye.
Omunankondo gwaJakob oye omukulili gwoye.”
Omupiya wOmwene Oye ouyelele woiwana
1 Udei nge, onye eenhunhu ndele pwilikineni, onye ava mu li kokule. Omwene okwa ifana nge fimbo nda li moshidalelo shameme, okwa tonga edina lange mokudalwa kwange. 2 Ndele okanya kange okwe ka ninga eongamukonda la twa nokwa holeka nge momudile weke laye; okwa ninga nge oshikuti sha yawa, nokwa holeka nge monywa yaye. 3 Ndele okwa lombwela nge ta ti: “Oove omupiya wange, oove Israel, Ame ohandi lifimanekele mwoove.” 4 Ndelenee ame nda tile: “Onde lihepekele ongaho, eenghono dange onde di mana po oshimha, inadi eta po sha”. Nande ngaha, eyukifo lange oli li pOmwene, nondjabi yange oi li puKalunga kange. 5 Ndele paife Omwene Oye tuu ou a ma nge, nda ninga omupiya waye mokudja medimo lameme, Ye ota ti: Jakob, ndi mu alulile kuye naIsrael, ndi mu ongele puye, ndele ame handi ka fimanekwa momesho Omwene, naKalunga Oye eenghono dange. 6 Ye okwa tya: “Itashi ku wanene, oove omupiya wange, ngeenge to pamekulula omapata aJakob ndele to alula oonakuxupa muIsrael, ndelenee ohandi ku tula po u kale ouyelele woiwana, exupifo lange opo li hange fiyo okominghulo dedu.”
7 Omwene Omukulili waIsrael, Omuyapuki waye ota lombwele ou a dinwa shili, ou a tondwa kovanhu, ou omupiya wovapangeli: “Eehamba otadi ke shi mona, ndele tadi kala ofika, novapangeli otave ke linyongamena omolwOmwene ou omudiinini,” omolwOmuyapuki waIsrael, ou e ku hoolola.
8 Omwene ota ti ngaha: “Efimbo la wapala onde ku uda nomefiku lexupifo onde ku kwafa; Ame onde ku longekida nonde ku tula po, u kale ehangano loiwana okutungulula edu nokutaula omikunda da fyuululwa, edi da fiwa po omaputu. 9 Nokulombwela eenghwate: ‘Djeni mo!’ Naava va kala momilaulu: ‘Ileni pouyelele!’ Ndele vo otava ka lifa pomalila, keemhunda adishe da yela otapa ka kala oulifilo wavo. 10 Itava ka fya ondjala noitava ka fya enota, nomutenya womombuwa netango itali ke va xwika, osheshi Omufinghenda wavo ote ke va endifa ndele te ke va twala keefifiya domeva. 11 Ndele eemhunda dange adishe ohandi ke di twa eendjila nomalila ange otaa ka yelulwa. 12 Tala, ava tava di kokule! Tala, venya koumbangalanhu navenya vokouninginino, navenya vokedu laSinim.” 13 Akutu omaulu, nyakukweni, naave, edu kuwilila, nanye eemhunda, hafeni pombada, osheshi Omwene ota hekeleke oshiwana shaye, ndele ta file ovafininikwa vaye onghenda.
14 Ndelenee Sion ota popi, ndele ta ti: “Omwene okwa ekelashi nge, Omwene okwa dimbwa nge.”
15 Ope na tuu omwalikadi ta dulu okudimbwa okahanana kaye, ye ita file ngeno okaana komolutu laye onghenda? Nande ngeno ye te ka dimbwa, Ame itandi ku dimbwa. 16 Tala, onde ku nyola meke lange, omakumahote oye alushe e li momesho ange. 17 Ovamwoye ovamati otave uya nokweendelela, ndelenee ovateyauli voye novahanauni voye otave ku fii po. 18 Yelula omesho oye u talaatale: otava ongala, vo aveshe otave uya kwoove. Oshili, ngaashi ndi na omwenyo, Omwene osho ta ti, oto va djala aveshe ngaashi oulenga ndele to ve lidike moshiya ngaashi omuhombolwa. 19 Osheshi oove, omakulukuma oye nomaputu oye, edu loye la hanaunwa po, ove to ka kala mo, wa finana mo, novaponi voye ove li kokule. 20 Ovamwoye vopomafiku enya eshi wa li wa nyekwa oludalo, otave ke ku lombwela momatwi oye tava ti: “Onhele ei oi nofina okukala mo, ehena ko ndi dule okukala mo!” 21 Opo nee ove to ka diladila momutima woye, ndele to ti: “Olyelye a dalela nge ounona ava? Ngeno onda li ndihe na oludalo, nda li ongadji, nda li nda tewa mo nonda hengwa po. Olyelye e va kulifa? Tala, onda kala po aame andike. Ounona ava, vo ova li peni?” 22 Omwene, Kalunga ota ti ngaha: “Tala, eke lange ohandi li twala koiwana, epandela lange ohandi li dikile oilongo, opo nee vo otava ka eta ovamwoye ovamati, novamwoye oukadona otave ke va humbata komapepe. 23 Ndele eehamba otadi ningi ovayakuli voye, ovapangeli ovambada vavo otave ke va nyamifa. Otave linyongamene koshipala shoye, ndele tava lafa ondwi keemhadi doye. Ove to ka shiiva nge, Aame Omwene, ndele ava tava teelele nge, itava fifwa ohoni. 24 Omukwataiti ota ka nyekwa tuu oshihakanwa shaye? Ile eenghwate otadi dulu tuu okulivaka po pomuyuki?” 25 Osheshi Omwene ota ti: “Omukwataiti nande na kufwe eenghwate daye, nomunaenghono nande na nyekwe oshihakanwa shaye, Ame ohandi ka lwifa ou te ku lwifa, ndele handi ka xupifa ovamwoye. 26 Ndele ovahepeki voye onda hala oku va lifa ombelela yavo vene, ndele tava kolwa kohonde yavo vene, ngaashi hava kolwa komaviinyu manyenye Opo nee ombelela aishe otai ka shiiva nge nokutya, Aame Omwene, Omuxupifi woye, Omunaenghono waJakob, Omukulili woye.”
