Onkwaniilwa yuuyuuki
1 Talii ko, omukwaniilwa ota ka lela nuuyuuki, nomalenga otaga ka pangula nawalela. 2 Omulumentu kehe ota ka kala eshigo lyokushiga ombepo negameno kiikungulu. Otaa ka fa omilonga dhomeya tadhi tondoka mombuga, ya fa omuzile gwetayimanya enenenene mevi lya notelwa. 3 Omeho gawo otaga ka kala ga tonata, nomakutsi gawo ga shokwa okupulakena. 4 Omadhiladhilo gombolo otaga ka ilonga okuuva ko, nelaka lyoshikokoma otali ka popya lyu uvitike. 5 Kape na ngoka ta ka dhiladhila kutya omugoya oye omvalekele nenge a tye ombudhi oya simana. 6 Omugoya oha popi uugoya, ta dhiladhila okulonga iihuna. Shoka ta ningi naashoka ta popi, otashi sheke Omuwa, noiha palutha aasindjala nenge a pe aanotelwa ya nwe. 7 Omunamakoto oku na uuwinayi noha longo uukolokoshi; ota gana a yone po oohepele niifundja noku ya imba okukala nuuthemba wawo. 8 Ihe omunashili ota longo uuyuuki nota kala mushoka shu uka.
Aakiintu Aajerusalem
9 Aakiintu ne mwa kala melalangali inaamu piyaganekwa kusha, pulakeneni shoka tandi popi. 10 Ngashingeyi omu li nawa mu na ombili, ihe omumvo tagu ya pethimbo ngaandika otamu ka kala meihupulo, oshoka itaku ka kala we elikolo lyomandjembele, netoonono lyiiyimati kali ko we. 11 Ne omwa kala melalangali inaamu piyaganekwa nando okusha, ihe ngashingeyi kaleni mwa kakama kuumbanda! Ihuleni oonguwo dheni ne mu zale omahahi moombunda dheni. 12 Ikwateni ombandamutse tamu lili, oshoka omatathapya niitsambe yomiviinu oya yonagulwa po. 13 Omano nokano kaKahandja ka mena mevi lyaantu yandje. Lilileni omagumbo agehe ngoka ga li ge na aantu aanelago noshilando shoka sha li melalangali. 14 Nuuwa wo wene otau ka thigwa po, noshilandopangelo otashi ka ninga eputu. Omagumbo nomapopilongulu ngoka ge ya gamene, otaga ka ninga omakulukuma sigo aluhe, nkoka uusinokuti tau nuka omalondo, niimuna tayi ka mona omaunapelo.
Ehupitho otali zi kOmuwa
15 Omuwa ote ke tu tumina Ombepo ye polumwe. Evi lya shunduka otali ka kala lyo ondoka, nomapya taga ka valeka. 16 Eutho lyu uka nuuyuuki otau ka kala moshilongo. 17 Shaa ngoka ota ka longa shoka shu uka, otaku ka kala ombili, evululuko negameno sigo aluhe. 18 Aantu yaKalunga taa ka kala yaa na nando ombudhi, nomagumbo gawo ge na ombili nevululuko. 19 Ihe oompawe otadhi ka loka momakuti, noshilando otashi kumuka po. 20 Aanelago one mboka tamu ka kuna pomatondokelo gomeya kehe, notamu ka kala mu na omaunapelo omawanawa goongombe nuusino.
Ouhamba wouyuki
1 Tala, ohamba otai ka pangela pauyuki, nomalenga otaa ka tokola etokolo la yuka. 2 Ndele keshe umwe wamuvo ta ka kala ngaashi oshikelelifo shokukelela omhepo nongaashi ehondameno lokuyaama oshikungulu ngaashi omakungulukilo omeva medu loluteni nomudidimbe wemanya lile medu lenotelo. 3 Opo nee omesho ovanamesho ihaa kala vali a twika, nomatwi aava ve na omatwi otaa udu ko; 4 omutima womalai otau lilongo okushiiva eendunge, nelaka lovakokomi otali popi nawa nokweendelela; 5 elai itali ka ifanwa vali omukulunhu, nomunyeki ita fimanekwa vali. 6 Osheshi elai otali popi oulai, nomutima walo otau diladila omahanauno, nosho ngaha hali longo oukolokoshi, tali popi Omwene nokuhongaula, tali pupula omwenyo womufindjala, ndele tali nyeka omufinota omeva. 7 Ndele oilongifo yoshimhulu oii, ndele ta diladila oilonga youkolokoshi yokunyona po ovafininikwa noku va lundila, nande omufyoona ne mu tomhe, ta popi doshili. 8 Ndelenee omuyelwa ota diladila pambili youkulunhu nokwa hokwa ombili.
9 Ovalikadi nye, mu hole ounhwa, yambukeni, udeni ondaka yange, ovana oukadona nye, muhe noisho, udeni ondjovo yange! 10 Ngeenge pwa pita omudo umwe nomafiku amwe, nye ava muhe noisho, otamu ka kakama, osheshi ekolo lomaviinyu ola kuka, etoolo loiimati kali ko vali. 11 Kaleni mwa tumauka omaxwilili, onye ava muhe noisho! Kakameni onye ava muhe noisho! Liduleni, mu kale olutu longaho, djaleni oshako meembuda deni. 12 Opo nee otapa lilwa ndele tape lidengwa ponhulo molwomadilopya nomolwomiviinyu da li da ima nawa, 13 tapa lilwa molwomapya oshiwana shange, molwongwena neeshosholo, nomolweengulu adishe di nehafo domoshilando shomadanauko. 14 Osheshi ongulu yohamba oya efiwa, nepiyaano loshilando ola mwena filu. Omhunda yaOfel nenangeloshungo loshilando ola ninga omakololo fiyo alushe, ola ninga ehafo leengolo nowandjelo woimuna. 15 Osho tapa ka kala fiyo hatu tililwa Omhepo yokeulu. Opo nee ombuwa otai shitukifwa edilopya loiimati, nedilopya loiimati tali talwa olo li fike pomuulu muwa. 16 Ndele mombuwa ohamu kala etokolo loshili; nouyuki otau kala u nonhele yao medilopya loiimati. 17 Ndele oshilonga shouyuki osho ombili neliko louyuki etulumuko, nokulimwenenena nomokulineekela fiyo alushe. 18 Ndele ovanhu vange otava ka kala momaumbo ombili, nomomitumba dihe nombudi nomeenhele detulumuko liwa. 19 Ndele otapa ka lokwa eemhawe nofuka otaku teka po noshilando tashi shundulwa shi kale sha shunduka. 20 Onye ovanelao, eshi ohamu kala nokukuna pomeva aeshe, ndele hamu pitifile komakondo ongobe noimbulu taa ende inaa mangwa.
