Kalunga ta teya po Etiopia
1 Pomilonga dhaEtiopia ope na oshilongo mpoka oshihomo shomawawa tashi uvika. 2 Okuza koshilongo shoka oontumwa otadhi ende moowato dhomanenge muNiili. Galukileni kegumbo, ne oontumwa mu na ontuku! Faaleleni elaka koshilongo sheni sha kambakanwa komilonga, koshigwana sheni sha kola sho shi na omatha, kaantu yeni aaleeleka ye na oshipa tashi adhima, mboka taa tilika kuuyuni auhe.
3 Pulakeneni, amuhe mboka mwa kala kombanda yevi! Taleni utale epandela tali yeluthwa koondungu dhoondundu! Pulakeneni ekugagano lyenkuma! 4 Omuwa okwa lombwele ndje a ti: “Otandi ka entamena ndi li megulu ndi ilongelela nda fa omata gomume muusiku wopothinge, ndi ilongelela nda fa etango tali minikile moshanga shomutenya. 5 Omandjembele manga inaaga toononwa, oongala sho dha yagumuka nomandjembele taga tiligana, aatondi otaa ka teya po Etiopia nuupu ya fa ombele tayi pompona ko iitayi komuviinu. 6 Omidhimba dhaakwiita yawo otadhi ka thigilwa oondhila niithitukuti. Othinge otaa lika po komambiimbili nokufu okiithitukuti.”
7 Esiku otali ya, uuna Omuwa Omunankondoawike ta ka taamba omayambo koshilongo shika sha kambakanwa komilonga, koshigwana shika sha kola noshinankondo, kaantu mbaka aaleeleka ye na oshipa tashi adhima, mboka haa tilika kuuyuni auhe. Otaa ke ya kondundu Sion, nkoka Omuwa Omunankondoawike ta simanekelwa.
Ondjovo yOmwene kovatumwa vokuEtiopia
1 Woo, oove edu lomapopilo omavava, li li kombada yomilonga daEtiopia; 2 hali tumu ovatumwa kuNil hava ende mouwato veembungu kombada yomeva! Indeni ko, onye ovatumwa hamu endelele kovanhu vale va twima, koshiwana sha tilika popepi nokokule, koshiwana oshinaenghono noshifindani, edu lasho tali taululwa komilonga. 3 Taleni, ovakwaunyuni nye amushe, noonakukala kombada yedu, taleni epandela fiku tali yelulwa pombada keemhunda! Pwilikineni enghuma ngeenge tali shikwa.
4 Osheshi Omwene osho a lombwela nge, ndele ta ti: “Ame onda hala ndi mwene filu nokudakamena monhele yange ngaashi epupyu lomutenya wokwenye nongaashi oshilemo shomume mefimbo lomutenya weteyo. 5 Shaashi fimbo elikolo inali fika, eenhemo eshi da teta nomonhemo mwa dja engongwa lomuviinyu la pya. Oye ota ka teta omashila noshikashulifo, ndele ta hanauna po, ta tete po oitai. 6 Onduba yayo aishe otai fiilwa eedila doilyani dokeemhunda noifitukuti yopedu; eedila doilyani oko tadi ka kala efimbo alishe lokulombo noifitukuti aishe yedu oko tai ka panga ko efimbo lokufu.”
7 Pefimbo tuu olo Omwene womatanga ovakwaita ota ka twaalelwa oshali kovanhu vale, va twima, oshiwana hashi tilika popepi nokokule, oshiwana oshinaenghono noshifindani, edu lasho tali taululwa komilonga, okonhele oko ku na edina lOmwene womatanga ovakwaita, okomhunda yaSion.
