Hosea nomukulukadhi kee shi kwiinekelwa
1 Omuwa okwa ti kungame: “Inda natango e to kala ishewe u hole omukiintu e li moluhondelo nomuholi gwe. Kala wu mu hole, ngaashi ngame ndi hole natango oshigwana shaIsrael, nando oya yi kiikalunga noye hole okuyambela iimenka omayambo giiyimati.”
2 Opo ihe nda futu iimaliwa iisiliveli omulongo niitano nooshako ne dhiishokelya, ndi mu kulile. 3 Onde mu lombwele: “Kala ethimbo ele nangame; ino ya moluhondelo naalumentu yalwe. Osho nangame wo ote ningi nangoye.” 4 Osho ngeyi Aaisraeli otaa ka kala ethimbo ele yaa na aakwaniilwa nenge aawiliki, yaa na omayambo nenge oongudhimanya dhiidhila, yaa na iikalunga nenge iihongwamenka. 5 Ihe ethimbo otali ya, uuna oshigwana shaIsrael tashi ka galukila natango kOmuwa Kalunga kawo nokomuna gwaDavid, omukwaniilwa gwawo. Nena otaa ka tila Omuwa notaa ka taamba omagano omawanawa kuye.
Ohombo yomuxunganeki tai faneke okukala kwOvaisraeli meliteeko
1 Ndele Omwene okwa lombwela nge ta ti: “Inda vali u ka hole omwalikadi e holike komulumenhu waye, ndele ou ta teya ohombo, ngaashi Omwene e hole yo ovana vaIsrael, ndele vo otava pungulukile koikalunga imwe, ndele ve hole oikuki yeeviinyu.”
2 Opo ame nde mu lilandela neesekeli omulongo nanhano doshisiliveli neekilograma efele neelita omafele atatu nomilongo nhatu doilya. 3 Ndele ame onde mu lombwela handi ti: “Oove u nokukalela nge efimbo lile. Ino kala ho nangala naavo, ndele ino ya kovalumenhu vamwe. Nosho yo ame handi ku kalele.” 4 Osheshi ovana vaIsrael otava ka kala efimbo lile, vehe nohamba, vehe nomukulunhu, vehe netomenoyambo, vehe nongudi yemanya, vehe noshikutu shelongelokalunga novehe noikalunga yomomaumbo. 5 Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.
