Kalunga oye Tate
1 Ano sho tu na oshiholelwa shongundu onene yi thike mpoka yoonzapo dheitaalo ye tu kunkidha, nena natse wo tu etheni kehe shoka sha hala oku tu kata, nuulunde ihaau lwedha oku tu idhingila. Natu matukeni twa mana mo methigathano ndyoka li li komeho getu. 2 Tu taleni kuJesus hoka kwi ikwatelela eitaalo lyetu okuza petameko sigo opehulilo. Oye ina hulila ondjilakati, ihe omolwenyanyu ndyoka lya li lye mu tegelela okwi idhidhimikile esheko nokwa si eso lyokomushigakano. Ngashingeyi okwa kuutumba kolulyo lwoshipangelapundi shaKalunga.
3 Dhiladhileni, aantu aalunde nkee ya kondjitha Jesus. Inamu etha, mu kanithe omukumo nenge mu hulile ondjilakati. 4 Oshoka mokukondjitha uulunde natango inamu kondja sigo eso. 5 Aana yaKalunga, omwa dhimbwa oohapu dhaKalunga ndhoka tadhi mu tsu omukumo?
“Mumwandje, ino dhina egeelo lyOmuwa,
ino kanitha omukumo, uuna te ku nyenyetele.
6 Oshoka Omuwa oha geele kehe ngoka e holike kuye,
noha dhenge omuntu kehe ngoka te mu taamba, a ninge omwana.”
7 Idhidhimikileni omageelo agehe ngaashi gaho, oshoka Kalunga ota kala nane ngaashi e li noyana. Oku na tuu omunona ngoka ihaa dhengwa kuhe? 8 Ngele itamu putudhilwa mumwe noyana, nena otashi ti kamu shi oyanalela, ihe aana yuulunde. 9 Ootate yokombanda yevi sho ye tu geele, otwe ya simaneke. Unene ano otu na okuvulika kuTate gwomegulu, opo tu kale tu na omwenyo. 10 Ootate yokombanda yevi oye tu geele okathimbo okafupi kowala, ngaashi ye shi tala sho opala. Ihe Kalunga ote shi ningi omoluuwanawa wetu yene, opo tu kale tu na sha shuuyapuki we. 11 Pethimbo ndyoka tatu geelwa, kombinga yetu kashi shi enyanyu, aawe, oluhodhi, ihe konima yethimbo mboka ya putudhwa kegeelo ndyoka, otaa ka mona ombili omolwokukalamwenyo kwawo kwo opalela Kalunga.
Omalombwelo nomakumagidho
12 Yelutheni ano omaako geni ga vulwa ne mu koleke oongolo dheni dha loloka. 13 Tsikileni okweenda moondjila dhu ukilila, opo ompadhi ndjoka ya lemana yaa dhomoke, ihe yi vule okwaaludhwa.
14 Kambadhaleni okukala nombili naantu ayehe, ne mu lalakanene okukala aayapuki, oshoka kaku na nando ogumwe ta ka mona Omuwa, ngele ke li ngaaka. 15 Kotokeni, kwaa kale nando ogumwe ta pilamene esilohenda lyaKalunga. Kotokeni, kwaa kale nando ogumwe ta kala a fa oshimeno oshilulu tashi koko e tashi yono po oyendji nuuzigo washo. 16 Kotokeni, kwaa kale ngoka ta ningi omuholume nomulunde ngaashi Esau, ngoka a landitha po uuthemba we okukala omukuluntu kumukwawo omolwokulya kumwe akuke. 17 Ne omwa tseya, nkene a ka kala a hala eyambeko lyahe ye ina ziminwa, oshoka ina mona we ompito yokulundulula shoka a ningi, nonando okwe shi pula nomahodhi.
18 Oshoka ne inamu ya pondundu ya fa ndjoka mpoka pwa li Aaisraeli, ondundu yaSinai ndjoka to vulu oku yi guma, ondundu ya hwama omulilo, yi na omilema etsitsiya nombepo yoshikungulu, 19 ku na ehiko lyenkuma neigidho enene. Aaisraeli sho yu uvu eigidho ndyoka, oyi indile, ya thitike omakutsi gawo, 20 oshoka inaa vula okupulakena elombwelo ndyoka tali ti: “osho wo oshinamwenyo tashi gumu ondundu ndjika, oshi na okudhipagwa nomamanya.” 21 Emoniko ndyoka olya li etilithi, onkee Moses okwa ti: “Onda tila e te kakama.”
22 Ihe ne omwe ya kondundu yaSion nokuJerusalem shomegulu, oshilando shaKalunga omunamwenyo, shi na aayengeli yomayuvi ogendji. 23 Omwe ya kegongalo lyaanyanyukwi, lyaana aatango yaKalunga, oomboka omadhina gawo ga nyolelwa membo lyomegulu. Omwe ya kuKalunga, omupanguli gwaantu ayehe, nokoombepo dhaayuuki mboka ya thika kegwano. 24 Omwe ya kuJesus, omuyakuli mehangano epe, nokombinzi ya shashamenwa tayi popi ehokololo li vule ndyoka lyombinzi yaAbel.
25 Kotokeni, mwaa tinde okupulakena ngoka ta popi, oshoka mbeyaka sho ya tindi okupulakena oohapu dhaanguka gwomuuyuni, inaa vula okuya ontuku. Ano unene tse otatu vulu ngiini okuya ontuku, ngele tatu pilamene oohapu dhaKalunga, ngoka ta popi e li megulu? 26 Pethimbo ndiyaka oohapu dhe odha kakamithile evi, ihe ngashingeyi oku uvaneke ta ti: “Itandi ka kakamitha owala evi lumwe ishewe, ihe negulu wo.” 27 Iitya mbika “lumwe ishewe” otayi holola nawa kutya iishitwa ayihe otayi ka kakamithwa e tayi shitululwa, naambyoka itaayi ka kakamithwa, otayi ka kala yi li ngaashi yi li.
28 Tu hambeleleni, sho tu na oshilongo ihaashi kakama. Tu panduleni, tse tu longeleni Kalunga pamukalo ngoka gwe mu opalela, tu na esimaneko netilo; 29 oshoka Kalunga ketu oye omulilo hagu lungunitha.
Tu lotokeni nokutaalela Kristus, omuhoveli weitavelo
1 Onghee hano, eshi tu noshilemo shi fike apa sheendobwedi she tu dingilila, nafye yo tu liduleni keshe eshi tashi tu findile poshi, noulunde uhe kwete oku tu dingatela, fye tu lotoke nokudiinina mefiyafan o li li komesho yetu, 2 omesho a taalela Jesus, omuhoveli nomuwanifi weitavelo, ou kwa li a hepekelwa momushiyakano omolwehafo e li tulikilwa, nokwa li ehe na ko nasha nomasheko, Oye a kala omutumba kolulyo lolukalwapangelo laKalunga. 3 Dimbulukweni ou e lididimikila ondubo i fike apa yovalunde, muha loloke neemwenyo deni diha fye ounye.
Lididimikileni etekulo laKalunga
4 Natango inamu lwa fiyo ohonde mokukondja kweni noulunde. 5 Ndele nye omwa dimbwa naanaa filu ekumaido tali popi kunye ngaashi ounona tali ti:
“Omumwange, ino dina ehandutekulo lOmwene,
ndele ino loloka ngee to hanyenwa kuye;
6 osheshi ou e holike kOmwene, ota handukilwa kuye
ndele ta denge noshokoto omona keshe te mu tambula.”
7 Lididimikileni ehandutekulo, Kalunga ta kala nanye ongaashi e li novana, osheshi okaana olyelye ihaka dengwa kuxe? 8 Ndelenee ngeenge tamu kala muhe nomadengo, ngaashi aveshe hava dengwa, opo nye kamu fi ovana vomohombo, ndelenee ovana vomoluhaelo. 9 Ndele ngaashi vali twa kala nootate vetu vopalutu, eshi ve tu denga ndele twa dulika kuvo, hano ohatu kala ngahelipi tuha dulike ngeno kuxe yeemhepo neduliko li dule linya, fye tu kale tu nomwenyo? 10 Osheshi venya ove tu tekula nomadengo paendunge davo vene, tu tekulilwe okafimbo kaxupi, ndelenee ou te tu tekulile nomadengo osho tashi tu wapalele, opo tu pewe oshipewa shomouyapuki waye. 11 Heeno, edengo keshe pefimbo lalo katu li wete olo ehafo, ndelenee olo oluhodi, ndele komesho otali imikile ava va tekulwa kulo oshiimati shombili oshomouyuki.
Lalakaneneni ombili nouyuki
12 Pamekeni hano omaoko a wa neengolo da loloka. 13 Ndele yukifeni omalila eemhadi deni, opo omhadi yoshingudu iha fonghoke, ndelenee i veluke.
14 Lalakaneneni ombili naaveshe neyapulo, osheshi ou ehe li kwete ita ka mona Omwene. 15 Litaleni, paha kale nande umwe te likufa mefilonghenda laKalunga, paha tutume nande omudi woululu mokati keni ndele tau eta edundakano ndele vahapu tava nyatekwa kuwo. 16 Ndelenee opo paha kale nande umwe omuhaeli ile omukenouyuki ngaashi Esau, ou a landifa po oushiveli waye okulya kumwe akuke. 17 Osheshi omu shi shii, komesho eshi a hala enangeko noupuna, okwa efiwa, osheshi ina mona vali onhele yokulidilulula, nande okwa li e li konga nomahodi.
Ovaitaveli va ehena koikwaulu
18 Osheshi nye inamu ehena komhunda hai kumwa nomake nokomundilo wa xwama nokomulaulu woshilemo nokomulaulu nokoshikungulu, 19 nokoshihomo shenghuma nokondaka, novaudi vayo va indila vaha lombwelwe vali sha; 20 osheshi inava dula okupwilikina oshipango eshi: “Nande oshinamwenyo tashi kumu komhunda ei, shi nokudipawa nomamanya.” 21 Nemoniko eli ola li oixuna yongaho, la tongifa Moses ta ti: “Ohandi tila unene nohandi kakama.” 22 Ndelenee nye omwa ehena komhunda yaSion nokoshilando shaKalunga omunamwenyo, okuJerusalem shomeulu nokovaengeli vomayovi omilongo, 23 nokongudu yoshivilo nokeongalo loiveli ei ya shangelwa meulu nokuKalunga, omutokoli waaveshe nokeemhepo dovayuki va wana va pwa, 24 nokuJesus, Omupokati wehangano lipe nokohonde yeshamino tai tongo oinima iwa i dule inya yaAbel.
25 Taleni hano, muha kandule po ou ta popi, osheshi ngeenge venya va kandula po ou a holola ehalo laKalunga kombada yedu, va nyengwa okuya onhapo, unene tuu fye, ngeenge hatu pilamene ou te li holola e li meulu. 26 Efiku linya ondaka yaye kwa li ya kakamifa edu, ndele paife a udaneka ta ti: “Lumwe ohandi ka kakamifa edu neulu yo.” 27 Ndelenee odo “lumwe natango” otadi holola nokutya, ei tai kakamifwa shaashi oyo oishitwa otai ka lundululwa, opo ei itai kakamifwa i kale po. 28 Onghee hano eshi hatu pewa ouhamba itau kakama, tu kaleni nokupandula, nosho ngaha tu longeleni Kalunga noutile uyapuki noumbada, noku mu wapalela. 29 Osheshi Kalunga ketu Oye omundilo hau lungwinifa.
